dardanet

VIDEO: Kosovë e bukur por e pafat, goli i Rashicës nuk mjafton

Sport Ekspres — Fri, 07 Jun 2019 20:38:30 +0000

Kosova luajti në transfertë përballë Malit të Zi, ndeshje e vlefshme për kaulifikueset e Euro 2021. “Dardanët” e nisën sfidën në mënyrë të shkëlqyer, duke rrezikuar disa herë portën kundështare dhe duke iu afruar shumë golit. Edhe pse rastet nuk munguan, goli mungonte, por deri në minutën e 25’, minutë ku Rashica do të shënonte. Pas një kombinimi të bukur nga e majta, topi shkon në këmbët e numrit 7, që përballë portierit, nuk gaboi dhe i dha avantazhin Kosovës.

Kosova do të vijonte të krijonte raste të bukura për të shënuar, por hapësirat që “Dardanët” gjetën në mbrojtjen kundërshtare, nuk u shfrytëzuan. Ndikoi dhe dëmtimi i yllit të skuadrës, Arbër Zeneli, që la fushën e lojës me barelë.

Mali i Zi arriti të barazojë në minutën e 69’, me anë të Mugosës. Ky gol do të vendoste dhe rezultatin final të sfidës, me skuadrat që ndanë nga një pikë. Në dy ndeshje këto kualifikuese, Kosova numëron 2 pikë. Në takimin tjetër në Grupin A, Çekia mposhti 2-1 Bullgarinë, duke marrë tri pikë të rëndësishme.

Kualifikuese, Euro 2021

Mali i Zi – Kosovë 1-1
Mugosa 69′ / Rashica 25’

17 vite pritje, Kosova rikthen Anglinë në stadiumin e “shenjtorëve”

Sport Ekspres — Fri, 05 Apr 2019 13:55:43 +0000

Përfaqësuesja e Kosovës do të vihet përballë formacionit të “Tri Luanëve” më datë 10 shtator. Takimi i parë në kuadër të fazës së grupeve do të zhvillohet në Angli.

Sipas medies së njohur angleze “Sky Sports”, stadiumi ku do të zhvillohet kjo sfidë do të jetë ai i qytetit dhe skuadrës së Sauthemptonit, “St. Mary Stadium”.

Stadiumi ku do të luhet ndeshja Angli-Kosovë

Impianti i ndërtuar në vitin 2001 ka një kapacitet prej 32 mijë vendesh dhe ka ndeshja e fundit zyrtare në këtë stadium daton 17 vite më parë, më 16 tetor të 2002-shit, ku “Tri Luanët” u ndalën në një barazim 2-2 nga Maqedonia.

Interesi për këtë ndeshje është shumë i lartë, sidomos po të merret parasysh fakti se në Angli jeton një komunitet i konsiderueshëm shqiptarësh.

Pesë skuadrat për t’u ndjekur në kualifikueset e “Euro2020”, Kosova e para

Sport Ekspres — Wed, 20 Mar 2019 19:12:09 +0000

Me ndeshjet kualifikuese të “Euro2020” shumë pranë, mediat europiane kanë nisur të shkruajnë për kombëtare të ndryshme, situatën e lojtarëve në kampet respektive, skuadrat për t’u ndjekur dhe talentet që pritet të shpërthejnë. Portali i njohur i të dhënave, “WhoScored”, ka bërë një listë me 5 kombëtaret jo shumë të njohura që duhen ndjekur me patjetër në këto kualifikuese.

Bosnje-Hercegovina, Maqedonia, Gjergjia, Ukraina dhe Kosova janë 5 kombëtaret e vogla që duhen ndjekur sipas portalit. Përfaqësuesja e “Dardanëve” bëri një UEFA Nations League thuajse perfekte, me shumë lojtarë që shkëlqyen dhe morën vëmendje të madhe në mediat sportive. Edhe në këto ndeshje kualifikuese, nga Kosova pritet shumë. “WhoScored” nuk ngurron t’iu thurë elozhe yjeve si Milot Rashica dhe Arbër Zeneli, për të cilët shkruan:

“Nuk ka dyshime që në grupin A, Anglia është favorite, por Kosova është ekipi për t’u ndjekur. Emra si Rashica dhe Zeneli mund t’i shkaktojnë shumë probleme skuadrave inferiore të këtij grupi. Lojtarë cilësorë dhe me të ardhme”. Kosova është në Grupin A, së bashku me: Anglinë, Bullgarinë, Republikën Çeke dhe Malin e Zi.