Ylli i Totenhemit, për Supersport Kosova pas ndeshjes deklaroi: “Përpara ndeshjes kemi besuar te fitorja, por kur pamë që ishim në disavantazh, mund të themi që barazimi është një rezultat i mirë”.

“Ne e kemi ditur që është një kundërshtar i fortë. Kosova ishte vërtetë e organizuar dhe na vështirësoi punën”, shtoi mesfushori, i cili ndeshjen e djeshme me Dardanët e nisi nga stoli.

I pyetur nëse e shikon Kosovën si një ekip që mund të befasojë në kualifikueset e EURO 2020, Eriksen tha: “Po. Unë do të paralajmëroj Anglinë për forcën e kësaj skuadre. I ka të gjitha mundësitë të befasojë”. 

Në përfundim të 90-minutëshit që u mbyll me rezultatin 2 – 2, Hareide u shpreh mjaft i mërzitur me atë çka tregoi skuadra e tij, madje duke dalë në kontradiktë me fjalët e thëna para takimit, duke kritikuar lojtarët e tij për faktin se e morën më lehtshëm se ç’duhet ndeshjen për shkak se ishe një miqësore.

“Ndeshja ndaj Kosovës mund të na shërbejë për t’u zgjuar. Skuadra nuk duhet të jetë e përgjumur, pavarësisht se Kosova është një komb i ri, ata dinë të luajnë futboll. Këtë lojtarët e dinin përpara se të futeshin në fushën e lojës. Nuk duhet të humbim kaq shumë duele për topin ose të bëjmë gabime si ato të sotmet në markimin e kundërshtarëve”.

“E vetmja gjë pozitive është se nuk humbëm. U kthyem dy herë nga disavantazhi dhe kjo gjë s’do të ndodhë në ndeshjen e së martës. Lojtarët e morën shumë lehtë ndeshjen për shkak se ishte një takim miqësor, patëm mungesë motivi dhe impenjimi”, tha Hareide.

Në të dytën, miqtë barazuan me anë të yllit të skuadrës, Kristian Eriksen. Mesfushori i Totenhemit tregohet i saktë nga pika e bardhë e penalltisë dhe rikthen baraspeshën në minutën e 63’. Por vetëm 3 minuta më vonë, Celina shënon një supergol, pas kombinimeve të shkqlyera me Zenelin. Megjithatë, “Dardanët” nuk arritën të fitonin, pasi lojtari i Sauthempton, Hojbjerg barazoi gjithçka në minutat e fundit.

Kosovë – Danimarkë  2-2
Rrahmani 43’, Celina 66’ / Eriksen 63’, Hojbjerg 90+2’

Kosova: Muriç, Vojvoda, Rrahmani, Aliti, Paqarada, Halimi, Shala, Rashica, Celina, Zeneli, Muriqi. Trajner: Bernard Shaland

Danimarka: Shmajkëll, Dalsgard, Kristensen, Jorgensen, Ankersen, Brethuait, Lerager, Delanei, Hojbjerg, Jorgensen, Larsen. Trajner: Age Hareide

EPISODET

90+’ Mbyllet 2-2 takimi ne “Fadil Vokrri”

90′ Gol Danimarka. Hojbjerg shenon ne minutat e fundit. 2-2

66′ GOOOOOOOOOOOOOL ! Arbër Zeneli dhe Bersant Celina dhurojnë spektakël, me këtë të fundit që finalizon në mënyrë perfekte, duke çmendur në festë stadiumin. 2-1 në favor të Kosovës.

?? #Kosovo‘s second goal against Denmark. Great link up play between Zeneli and Celina.#KOSDEN pic.twitter.com/kHeLVYl3zt

— Kosovan Football ?? (@kosovanfooty) March 21, 2019

63′ Penallti në favor të Danimarkës. Herolind Shala shkakton një faull në zonë dhe për gjyqtarin nuk ka dyshime, 11-metërsh për miqtë danez. Kristian Eriksen tregohet i saktë dhe baraspeshon gjithçka. 1-1

43 Gooooool Kosova!! Rrahmani kërcen më lart se të gjithë dhe ndëshkon portierin Shmajkëll me një goditje me kokë. “Dardanët” na avantazh dhe çfarë feste në stadiumin “Fadil Vokrri”.

29’ Shumë pranë golit Kosova. Zeneli bën mirë nga krahu i majtë dhe topi del në qendër të zonës për Muriqin, i cili godet me të majtën, por pak centimetra larg portës. Shpëton Danimarka

7′ Kërcënimi i parë vjen nga Kosova. Zeneli është shumë i rrezikshëm me gjuajtjen e tij, por ndal portieri Shmajkëll

1′ Fillon takimi

Ju shqetëson prania e politikanëve në disa nga seancat stërvitore ?

“Unë nuk flas për politikën ose paratë. Mund të them se Kosova është një shtet i ri. Jam shumë i lumtur me mbështetjen e të gjithë popullit dhe politikanëve. Nuk mendoj se ka ndonjë gjë të keqe nëse u japim pak kohë politikanëve ose kompanive sponsorizuesëve. Jemi një familje duhet te qëndrojmë të bashkuar”.

Më pas Shaland u pyet në lidhje me deklaratën e trajnerit të Danimarkës, që e cilësoi miqësoren e nesërme si thjesht një ndeshje stërvitore për skuadrën e tij. “Nuk mendoj se ka pasur dashakeqësi në deklaratën e trajnerit të Danimarkës. Në futboll nuk ka ndeshje të lehta, qoftë edhe sikur të luash me skuadra të nivelit të Gjibraltarit. Danimarka e di se nuk do ta ketë të lehtë të luajë me Kosovën, por në të njëjtën kohë nuk jemi as Franca”.

GJENDJA E KRYEZIUT – “Kreyziu nuk është gati për nesër, nuk dua të rrezikojmë. Është një mundësi e mirë për të provuar lojtarë të tjerë në mesfushë. Të shpresojmë që të Kryeziu të rikthehet për ndeshjen ndaj Bullgarisë”.

SHIRITI I KAPITENIT – “Në këtë skuadër unë kam disa kapitenë. Ka qenë më parë Valon Berisha, Ujkani ose Kryeziu, pas stërvitjes së sotme do të vendos secili do të jetë kapiteni, ose kapitenët, pasi lojtari mund të zëvendësohet”

FLORENT HASANI – “Hasani ka qenë një lojtari i dalluar te përfaqësuesja U21 dhe tani po luan shumë mirë në Hungari, ai është një lojtar i vlefshëm për Kosovën, por jo për pozicionin ku luan Hekuran Kryeziu, pasi është një lojtar tjetër”.

DANIMARKA – “Ka qenë insistimi im që ta zhvillojmë në Kosovë dhe jo jashtë, pasi kishim mundësi të luanim ndeshje jashtë ndaj Gjermanisë. Tjetër gjë e rëndësishme është se luajmë ndeshjen të enjten dhe jo të premten, diçka që ndihmon të dyja ekipet. Është një test i mirë, sigurisht do të kemi probleme ndaj këtij kundërshtari të fortë. Nëse fitojmë, është diçka e shkëlqyer, nëse barazojmë prapë mbetet diçka e shkëlqyer dhe nëse humbim, atëherë mund të mësojmë diçka nga kjo ndeshje”, përfundoi Shaland.

Kapiteni i Kosovës, Berisha, ende nuk e ka marrë veten nga një dëmtim muskulor dhe klubi i Lacios ka kërkuar që ai që të qëndrojë për dy javët e ardhshme duke qenë se mesfushori ende nuk mund të bëjë stërvitje me pjesën tjetër të skuadrës.

Më e lehtë situata për Kryeziun. Zëvendës-kapiteni i dardanëve pësoi një dëmtim në shpinë me Zyrihun, gjithsesi mesfushori është paraqitur në grumbullum. Te Kosova shpresojnë që lojtari të riaftësohet në ditët në vazhdim  e të jetë gati për ndeshjen ndaj Bullgarisë, të hënën më datë 25 mars.

Danezi përjetoi një Botëror shumë të mirë me Danimarkën e tij, duke u ndalur nga finalistët e Kroacisë pas goditjeve të penalltisë. Ndryshon situata në klubin e dhelprave. Vdekja e Vichai Srivaddhanaprabha, presidentit të Leisterit, me datë 27 tetor të këtij viti trishtoi gjithë botën e futbollit, sidomos portierin.

Shmajkëll ishte shumë i lidhur me kreun tajlandez të klubit, madje ishte ndër të parët që u ballafaqua me tragjedinë e ndodhur, si pasojë e rrëzimit të helikopterit, vetëm pak metra larg stadiumit “King Power”. Danezi u turr për t’i dhënë një ndihmë të aksidentuarve, duke ndihmuar dhe ekipet e shpëtimit.

Në një prononcim për “The Mirror”, 32-vjeçari tregon se po pret me padurim fundin e këtij viti. Nuk është gjithçka për t’u hedhur në kosh, por Shmajkëll kërkon ta harrojë këtë vit. Gjë që nuk mund të bëjë me ëndrrën e ish-presidentit të ndjerë dhe për të cilën ai dhe shokët e tij do të bëjnë të pamundurën për ta kthyer në realitet.

“Ka qenë një vit i çuditshëm, i shkëlqyer nga disa pikëpamje dhe i tmerrshëm në disa të tjera. Në një farë mënyre, mezi po pres që 2018 të mbarojë dhe të vazhdoj përpara. Do ta shikoj gjithmonë këtë vit me ndjenja shumë të përziera. Një nga ëndrrat e presidentit tonë ishte fitimi i një kupe kombëtare dhe ne do e tentojmë diçka të tillë. Do të më pëlqente të avanconim në kupë dhe të shohim se deri ku mund të arrijmë. Motivimi për të përfaqësuar Leisterin dhe familjen e Kun Viçait është shumë i fortë.”

Ditën e shtunë dy kombëtaret u përballën sërish, kësaj herë në kuadër të turneut “Nations League”, ndeshja përfundoi në barazim pa gola me danezët, që kontrollin e topit, por nuk arritën të krijonin shumë raste, ndikim në këtë gjë mund të ketë pasur dhe mungesa për shkak të dëmtimi e yllit të ekipit Kristian Eriksen.

SECOND HALF: Rep Ireland 0-0 Denmark

We're back underway in Dublin and the two sides are level, but will Jeff Hendrick live to rue this missed chance?

Watch the UEFA Nations League live on Sky Sports: https://t.co/M74feONrkM pic.twitter.com/UlPCrAH5gJ

— Sky Sports Football (@SkyFootball) October 13, 2018

Por, një episod mjaft interesant i këtij takimi ishte ai i minutës së pestë, ku lojtarët e Danimarkës ngadalësuar lojën pas thirrjeve të lojtarëve të Irlandës për të çuar topi jashtë pas dëmtimit të mesfushorit Herri Arter. Nga kjo situatë përfiton Xhef Hendrik, i cili i rrëmben topit Dilenejt dhe vrapon i vetëm drejt portës së Shmajkëll, fatmirësisht Hendrik gaboi në mënyrë të pabesueshme  duke e çuar topin jashtë. Por, nervat e danezëve në atë moment kishin kapur kulmin dhe të gjithë lojtarët iu vërsulën lojtarit “anti fair-play”, i cili u justifikua me faktin që nuk e kishte parë kolegun e tij të dëmtuar, por pamjet filmike e vërtetojnë qartë që gjithçka ka qenë një dredhi e turpshme.

Trajneri i portierëve, Lars Hogh, është diagnostikuar me kancer dhe ka lënë menjëherë grumbullimin. Ky lajm ka ndikuar jo pak në gjendjen emocionale të skuadrës, pasi Hogh është trajneri i portierëve të kombëtares prej 11 vitesh dhe ka krijuar një lidhje shumë të fortë me të gjithë lojtarët e kombëtares.

Në mungesë të Hogh, Danimarkës i ka ardhur në ndihmë klubi i Lester Sitit, që i ka dhënë leje trajnerit të portierëvë, Majk Stouëll, t’i bashkohet përfaqësueses skandinave për përgatitjet ndaj uellsianëve.

Kjo bëri që në ndeshjen e Sllovakisë të zbriste në fushë një skuadër me amatorë dhe Danimarka u mposht 3-0. Një rezultat i mirë kur mendon se me çfarë ekipi janë përfaqësuar danezët. Gjithsesi tashmë ka paqe të përkohshme mes lojtarëve dhe Federatës.

Është arritur një marrëveshje deri më 30 shtator dhe në ndeshjen kundër Uellsit të dielën ekipi i parë do të zbresë në fushë. Federata është dorëzuar dhe lojtarët mund të mbajnë për momentin sponsorët personalë.

Duket se DBU (Federata Daneze e Futbollit) i është trembur një humbjeje me goleadë në shtëpi me Uellsin, çka nuk do të pritej aspak mirë nga tifozët. Për momentin situata është zgjidhur, por duhet që e gjithë kjo të marrë një zgjidhje përfundimtare.

Bëhet fjalë për sulmuesin e Selta Vigos, Pione Sisto. 23-vjeçari në mënyrë të pabesueshme nuk kishte dëgjuar fare për çështjen më të nxehtë të momentit në Danimarkë dhe ishte akoma me axhendën e vjetër dhe situata për të u bë qartë kur ai zbriti në aeroportin e Vienës, që ishte dhe vendtakimi i planifikuar para se të ndodhte konflikti midis shoqatës dhe federatës.

Në një prononcim për medien daneze “TV3”, Sisto shpjegoi se si ishte ngatërruar: Unë jetoj në Spanjë prej dy vitesh dhe nuk shikoj më lajme mbi çfarë ndodh në Danimarkë, gjatë ditëve të fundit kam marrë shumë mesazhe dhe kisha harruar t’i shikoja të gjitha, një prej tyre do të ketë qenë i shoqatës së lojtarëve.

Këtë bëri mbrëmë Danimarka, duke luajtur një miqësore në Sllovaki, ku natyrisht vëmendja ishte e madhe thjesht për faktin se në fushë zbrisnin disa që fanellën e kombëtares e shumta e kanë veshur për qejf, duke luajtur me shokët.

Gjithsesi, në Tërnava nuk përfundoi me turp, sepse Danimarka u mund vetëm 3-0. Nemec e Rusnak në pjesën e parë dhe një autogol nga Fogt në fund të ndeshjes shënuan golat e miqësores komike.

Një farsë, siç tha legjenda e Danimarkës Morten Olsen, sepse Danimarka dhe lojtarët mund të gjenin një zgjidhje për paratë e shfrytëzimit të imazhit të skuadrës.

Ndërkaq, në Sllovaki biletat e ndeshjes u shitën me 1 euro, pasi natyrisht askush nuk e kishte me qejf të shihte futboll komik, ndërsa Danimarka ka premtuar se do ta dëmshpërblejë Sllovakinë.

Të gjithë futbollistët profesionistë ( kategoria e parë dhe e dytë) danezë treguan solidaritet me shokët e ekipit, pasi ata nuk bien dakord mbi trajtimin që po u bëhet kolegëve të tyre nga ana e drejtuesve të federatës.

Të gjendur para kësaj situate, për të evituar një dënim nga FIFA, presidenti i federatës vendosi të bërë diçka të padëgjuar më parë, duke mbledhur lojtarë krejtësisht amatorë nga kategoria e tretë dhe e katër daneze, si dhe lojtarë të kombëtares së futsallës edhe ata të gjithë amatorë.

Profesionet me të cilat lojtarët e grumbulluar sigurojnë mbijetesën janë nga më të ndryshmet. Dy prej tyre punojnë në ndërtim, një tjetër si kamerier, ndërsa një prej sulmuesve punon si mekanik anijesh në portin e Kopenhagenit, por më speciali nga të gjithë është mesfushori Rasmus Johanson, i cili fatkeqësisht është prej disa muajsh i papunë. Të dielën me datë 8 shtator, këta lojtarë do të kenë kundër një lojtari që paguhen 20 milionë euro në sezon si Gareth Bejl, një ndeshje për t’u mos u humbur.

Siç citon “Ekstrabladet”, drejtuesit e Federatës kanë vendosur të zbresin në fushë lojtarët e kombëtares së futsallës (futbollit të salave) në dy ndeshjet e ardhshme.

Federata i ka kërkuar futbollistëve të futsallës të përgatiten për të mbrojtur ngjyrat e kombëtares në këtë periudhë të vështirë dhe në të ardhmen do të rrisë investimet për këtë kategori futbolli. Trajneri i ekipit të futsallës, Nikolas Klein, nuk ka pranuar të prononcohet për situatën në fjalë. Ai tregon se Federata ka kontaktuar me lojtarët dhe janë ata, të cilët do të marrin vendimin final.

Kim Halberg, shefi ekzekutiv i DBU, iu dërgoi një letër ditën e diel të gjithë lojtarëve të ekipit të futbollit të sallës, duke iu kërkuar të nënshkruajnë për të marrë pjesë në ndeshjet kundër Sllovakisë dhe Uellsit, por diçka e tillë nuk do të jetë aq e thjeshtë.

Klube të Superligës dhe kategorisë së parë nuk janë vënë në dispozicion të Federatës për këto dy ndeshje, ndërsa disa klube të kategorisë së dytë kanë deklaruar se solidariteti është më i rëndësishëm se shansi i marrjes së famës nëpërmjet një, ose dy ndeshjeve ndërkombëtare. Kështu që ka patur ndershmëri dhe harmoni midis lojtarëve më të mirë në Danimarkë në mbështetje të lojtarëve të kombëtares.

Nga ana tjetër, Eriksen dhe lojtarët e kombëtares së madhe kanë bërë një tjetër apel në drejtim të DBU gjatë ditës së martë, por oferta e tyre ka rënë në vesh të shurdhët, sepse DBU nuk ka ndërmend të ulet në tryezën e negociatave, ose të pranojë shtyrjen me një muaj të marrëveshjes ekzistuese.

“Të vazhdojmë përpara, të gjithë bashkë për ekipin kombëtar. Ofrojmë dhe njëherë mundësinë e zgjatjes së përkohshme të marrëveshjes së vjetër dhe jemi gati për t’u nisur për Sllovaki. Jemi të gjithë dakord me këtë propozim për të ruajtur fytyrën e futbollit danez. Ne jemi këtu dhe duam të luajmë për Danimarkën. Ne duhet ta zgjidhim këtë konflikt tani. Jemi të lumtur të shtrijmë dorën e pajtimit duke i kërkuar DBU të rinovojmë marrëveshjen ekzistues dhe për një muaj. T’i kalojmë këto dy ndeshje dhe pastaj të ulemi përsëri për të gjetur marrëveshjen e re. Nuk ka kuptim që DBU të mos pranojë, sepse kjo marrëveshje ka qenë për shumë vite dhe nuk ndodh asgjë nëse e shtyjmë dhe një muaj”, deklaroi mesfushori i Totenhemit në një njoftim për shtyp nga shoqata e futbollistëve.

Për situatën në fjalë ka reaguar dhe Tomas Dilenji, i cili u transferua nga Verder Bremen te Borusia e Dortmundit.

“Ftoj DBU të takohemi. Ne duam të luajmë për Danimarkën, por nuk e kuptojmë se pse DBU nuk kërkon të negociojë dhe harxhon kohën e vet duke kërkuar për lojtarë alternativë. Nuk kemi kohë për të humbur, por DBU po na poshtëron duke kërkuar lojtarë alternativë për të luajtur me kombëtaren”, përfundon mesfushori 26-vjeçar.

Lojtarët janë në konflikt me Federatën Daneze në lidhje me shpërblimet dhe të drejtat e imazhit, ndërsa trajnerit, Age Hareide, i është komunikuar që nuk do të jetë në drejtim për dy ndeshjet e radhës. Drejtuesit e Federatës do të mblidhen për të zgjedhur trajnerin e ri dhe koha nuk premton, sepse ndeshjet janë në prag.

Por, trajneri nuk është problemi i vetëm, sepse lojtarët, më në krye Eriksenin e Totenhemit, janë rebeluar kundër Federatës së Futbollit dhe nuk dihet akoma se me çfarë ekipi do të zbresë në fushë Danimarka. Ata vendosën ditën e shtunë të presin dhe një muaj për të marrë shpërblimet e parashikuara, por Federata refuzoi.

Kristian Eriksen foli për “EkstraBladet” ku theksoi: “Kemi marrë vesh që DBU po përpiqet të na nxjerrë ne lojtarëve si të pangopur dhe që nuk mendojmë për asgjë tjetër, përveçse xhepit tonë, por jemi ne që çdo vit e nxjerrim me suficit DBU. Është diçka e pakëndshme të dëgjojmë këto akuza kundrejt nesh.”

Mesfushori i Totenhemit beson se futbollistët duhet të kenë lirinë të arrijnë marrëveshje personale sa i përket të drejtave të imazhit gjatë periudhës kur nuk janë me ekipin kombëtar si dhe duhen krijuar marrëveshje të organizuara për atë që bëjnë kur janë nën kujdesin e kombëtares.

Presidenti i Federatës Daneze, Jepser Mëler, e cilësoi gjendjen e krijuar si kritike dhe shumë serioze, ndërsa theksoi se është kërcënuar modeli ekzistues i kombëtares daneze.

Probleme kishte dhe me kombëtaren e femrave, të cilat ishin në konflikt të hapur me Federatën përpara pak kohësh. Ekipi i vajzave kërcënoi me bojkot përpara ndeshjeve kualifikuese për Kupën e Botës dhe problemi mes palëve ishte i njëjtë: shpërblimet e parashikuara për futbollistet femra.