Gjithsesi, goli i Danilos në minutën e 37-të që vuri baraspeshën e përkohshme, u bë i pavlefshëm në pjesën e dytë, pasi në minutën e 74-të, ishte Xhon që i dha fitoren miqve të Kaisar.

Pas 11 javësh të luajtura ekipi i Okzhetpes renditet në vendin e tetë me 14 pikë, ndërsa Danilo Alvesh numëron dy gola në aventurën e tij aktuale në Kazakistanin e largët.

“Kam kaluar një periudhë të mirë në Shqipëri. Luajta për tre vite te Flamurtari, por gjithmonë kemi pasur probleme me pagesat. Nga tre sezonet e shkuara, ky i sivjetshmi ka qenë më i keqi. Gjysmë sezoni pa u paguar dhe mendoj se kisha të drejtë të largohesha. U përpoqa ta bëja me marrëveshje, ku unë të merrja pagat e pesë muajve për punën e bërë. Klubi më tha se nuk do më lejonte largohesha. Do kisha dashur të rikthehesha, por kam një familje dhe nuk mund të punoj pa para për muaj të tërë. Ndaj iu drejtova FIFA-s për kontratën”, tregon Alvesh në intervistën e tij.

Eksperienca e tij në Shqipëri konsiderohet pozitive dhe braziliani e thotë vetë diçka të tillë: “Isha i lidhur me Shqipërinë, njerëzit atje më kanë trajtuar mirë mua dhe familjen time. Futbolli atje është shumë konkurrues dhe i fortë. Ishte eksperienca ime e parë larg Brazilit. Më ka pëlqyer atje, ishte një përvojë e mrekullueshme. Mësova shumë. Atje jetojnë me futbollin, flasin vetëm për futboll dhe ka shumë konkurrencë. Gjithashtu ka edhe shumë gjëra që duhen përmirësuar”.

Alvesh ka folur edhe për eksperiencën në Turqi, teksa ka përsëritur se nuk ishte një përvojë e mirë. Klubi nuk po i jepte një shtëpi për të jetuar me familjen dhe për të nuk ishte komode të jetonte në hotel, e për më tepër ia ndryshonin shpesh. Probleme edhe me ushqimin, deri në atë pikë sa edhe Enzo, djali i tij, pati probleme shëndetësore.

“Shtëpia ku jetonim ishte shumë e vogël për të përgatitur ushqim vetë. Në fund më kërkuan të largohesha dhe u ktheva në Shqipëri menjëherë. Ishte dita e fundit e merkatos”, shton Danilo Alvesh, që nuk bie dakord kur pyetet nëse Europa është e vështirë.

“Nuk e mendoj kështu. E gjitha varet nga vullneti që ke. Falënderoj Zotin, pasi në Shqipëri u përshtata shpejt, edhe pse klima ndryshon shumë nga ajo në Brazil. Ishte shumë ftohtë. Nëse je i qetë dhe kokën e ke në rregull, problemet zgjidhen lehtë”, shprehet sulmuesi, që do të duhet të përballojë tanimë të ftohtin e Kazakiztanit.

“Këtu është më ftohtë se në Shqipëri? (Qesh). Kjo më frikëson pak. Jam përpjekur të marr informacion në lidhje me këtë dhe e pashë se është shumë ftohtë. Gjithsesi jam i sigurt se kjo nuk do të jetë një problem për. Jam i lumtur dhe i motivuar për të ndihmuar ekipin, trajnerin dhe shokët e skuadrës”, deklaroi Alvesh mes të tjerash.

Një largim i pritshëm, sepse 27-vjeçari nga Baixa Grande ishte i vetmi që nuk toleronte kur bëhej fjalë për pagat e vonuara dhe prej dhjetorit ishte larguar nga Shqipëria, duke refuzuar të kthehej.

Administratori i Flamurtarit, Sinan Idrizi, ka konfirmuar largimin e Danilos, pas zyrtarizimit që i bëri klubi kazak, por duke u munduar të bënte humor, Idrizi deklaroi për mediat se Alvesh do të kthehej sërish në Vlorë, sepse sulmuesi është thjesht përkohësisht në Kazakistan dhe nuk ka ku shkon tjetër.

Gjithsesi, i kontaktuar nga “SportEkspres.com”, vetë Danilo Alvesh nuk ka dëshirë të bëjë humor dhe praktikisht në pak fraza thotë gjithçka në lidhje me Flamurtarin, Idrizin dhe largimin nga Vlora.

“Dhashë më të mirën time për Flamurtarin, por këtë vit situata në klub është shumë e vështirë. Fjalët e Idrizit? Nuk dua të komentoj, sepse nuk kam dëshirë që të nisin batutat në distancë. Megjithatë, në internet lexoj shumë gënjeshtra rreth meje. Nuk duhet besuar gjithçka thuhet e shkruhet”, shprehet braziliani.

Danilo Alvesh ka një koment të qartë për situatën te Flamurtari: “Për fat të keq, po e vrasin Flamurtarin, po i japin fund”. Sulmuesi këtë sezon në Superiore arriti të shënonte 4 gola në 10 ndeshje, një mesatare e mirë na krahasim me çka ai ka bërë sezonet e shkuara me vlonjatët. Tani do provojë të tregojë vlerat e tij në Kazakistan.

“Po, kemi gjetur një marrëveshje dhe lojtari do të luajë në Kazakistan. I erdhi një ofertë shumë e mirë financiare dhe dëshironte të luante atje. Kemi biseduar me të dhe kemi gjetur marrëveshjen. Do të jetë lojtari ai që do të paguajë një shifër të caktuar për kartonin e tij”, konfirmon Sinan Idrizi.

Pasi konfirmon marrëveshjen me sulmuesin brazilian, kreu i kuqezinjve lëshon dhe një batutë nga të tijat. “Mos u mërzisni, Danilo do të jetë përsëri në Vlorë në verë. E kemi huazuar në Kazakistan dhe nuk ka ku të shkojë tjetërkund përveçse të kthehet në Vlorë”, përfundon administratori i deleguar i Flamurtarit.

“I kemi dërguar letër FIFA-s dhe lojtarit për vonesën. Alvesh duhej të ishte në Vlorë. Nuk tolerojmë për vonesat”, ka thënë mes të tjerash Sinan Idrizi sot para mediave. Sulmuesi braziliani u largua në verë, por u kthyer sërish në ekip pak para fillimit të kampionatit. Problemet e pagave te Flamurtari vijojnë, çka pranohen edhe nga vetë Idrizi. Pjesa tjetër e futbollistëve janë kthyer në stërvitje, sikurse ka ndodhur me Elton Kale dhe Agustin Torasën.

“Situata te Flamurtari është normale. Mund të kemi çdo lloj problemi, por jo për pagat. Kush ka pretendime të tilla t’i drejtohet me një letër klubit. Për Alvesh për çdo ditë vonesë do të marrë gjobat e përcaktuara. Te Flamurtari nuk ka asnjë lojtar që i është drejtuar klubit për pagat. Me përgjegjësi të plotë. Ka vonesa një apo dy muaj, por ka edhe pagesa 30% parapagim”.

“Është një histori më e gjerë, lidhur me atë çfarë pranohet se ka një apo dy muaj vonesë pagash. Gjithçka lidhet edhe me privatizimin. Nëse klubi do të ishte privat, të jeni të sigurt se këto vonesa nuk do të ishin. Nga ana ligjore dua vetëm një letër që i është drejtuar një lojtar klubit për pagat e prapambetura. Nuk ka asnjë gjë të tillë, gjithçka është normale”.

ÇFARË KA NDODHUR NË TË SHKUARËN – “Duke qenë se nuk paguhesha, u shtira sikur udhëtova për në Brazil, për t’u fshehur në hotelin e skuadrës time të re (Tropical Resort, Durrës), deri në momentin kur kjo çështje të zgjidhej”, shprehej Alvesh për Yahoo Sports para disa kohësh.

Më tej ai tregonte: “Më zbuluan, një fotograf më fotografoi në Durrës dhe kjo më krijoi shumë probleme. Në fund, Flamurtari i shleu detyrimet dhe u ktheva. Edhe vitin pasardhës, qëndrova katër muaj pa u paguar. Bleva një biletë dhe u ktheva në Brazil. Kur drejtuesit më telefonuan, u thashë se arsyeja e largimit lidhej me mungesën e pagave”.

“Ata më thanë: ‘A je çmendur, ktheu menjëherë’, ndërsa përgjigjja ime ishte ‘Është e thjeshtë, më paguani detyrimet edhe do të vij’. Më paguanin dhe unë kthehesha. Duke qenë se kur unë luaja, ekipi fitonte dhe kur nuk isha në fushë, pësonim humbje, klubi u tregua gjithnjë më i duruar me mua dhe nuk më përzinte”.

“Jam një ndër kapitenët e ekipit dhe kam debatuar shpesh me presidentin Idrizi, edhe nëpërmjet gazetave. Pavarësisht kësaj, kemi shumë respekt për njëri-tjetrin dhe jemi miq të mirë. Ndoshta sepse në Shqipëri është e rrallë që një lojtar të dalë kundër presidentit. Aq e pazakontë, sa kur i thashë presidentit që doja të largohesha nga klubi, më organizoi një festë surprizë, me tortë dhe gjithçka tjetër. Lojtarët e tjerë u çuditën dhe më pyesnin: ‘Si ka mundësi, ti u largove, debatove dhe ai sërish bën këto gjëra për ty?’. Çështja është që pavarësisht debateve me presidentin, ne kemi një marrëdhënie të mirë”.

Fillimisht ishte argjentinasi ai i cili mori fjalën, duke vënë në dukje forcën e skuadrës bardheblu. Për anësorin, kundërshti meriton të jetë në pozita më të mirë, duke treguar në këtë mënyrë se duhet pasi shumë kujdes, për të evituar çdo lloj surprize të pakëndshme.

“Tirana duhet të ishte më lart, pasi luan bukur. Do jetë ndeshje e fortë dhe duam ta mbyllim vitin me fitore”.

Njëriu i momentit në Vlorë është Danilo Alvesh, pasi golat e tij i kanë sjellë pikë në të gjitha ndeshjet kuqezinjve. Sulmuesi i skuadrës vlonjate u shpreh se ekipi ka vetëm një objektiv, ta mbyllë këtë vit me një sukses. Po ashtu Alvesh veçon se do të bëjë më të mirën e tij për ta ndihmuar sërish ekipin duke shënuar gola me peshë.

 “Nuk është e thjeshtë, por mendojmë pozitivisht. Do bëj maksimumin të shënoj dhe dua ta bëj diçka të tillë. Por me rëndësi është që të fitojë skuadra”.

Gjithsesi, sulmuesi mund të jetë gati për takimin e radhës me Laçin, pasi nga një video e postuar në profilin e tij në “Instagram”, shihet në dhomat e zhveshjes duke kërcyer së bashku me bashkëkombësin e tij Elton Kalen.

Mbi video shkruhet: “Uilliam Kordeiro, shiko si kërcen vogëlushi atje Elton Kale”. Duke parë videon Alvesh duket në humor dhe ku i dihet mund t;i rikthejë buzëqeshjen edhe Dajës nëse do të jetë në fushë më datën 9 dhjetor.

Rrëfimin e tij e keni mundësi ta ndiqni në duke klikuar në linkun 1 dhe në linkun 2, ku do të shikoni të plotë intervistën e sulmuesit. Siç duket, Alvesh nuk e kishte menduar që intervista do të përkthehej dhe në shqip.

Në postimin e tij Alvesh bën një “gafë” pasi përgënjeshtron duke folur për mungesën e mjekut, që ka qenë një problematikë e sezonit aktual. Gjithashtu ai flet për largimin nga Turqia, që është një ngjarje e ndodhur së fundmi.

“Lidhur me intervistën e publikuar në portalet sot, dua të qartësoj opinionin publik dhe më gjerë se kjo intervistë nuk është dhënë për periudhën aktuale, por për sezonin e parë në Shqipëri, probleme që tashmë dihen, pasi kanë qenë objekt i shtypit të shkuar dhe atij online. Për këtë problem unë dhe Flamurtari Futboll Klub i kemi zgjidhur janë të shkuarën. Tifozët, qyteti, drejtuesit, trajnerët dhe flamurtari F.C., tanimë janë një pjesë e rëndësishme e jetës time, prandaj gëzojnë respektin tim maksimal”.

PAGESAT – “Gjithçka kam në Brazil është në sajë të asaj që kam fituar në Shqipëri. Në Brazil ishte e vështirë. Kam luajtur në shumë skuadra dhe nuk jam paguar. Te skuadra e Avait, presidenti u sëmur dhe vdiq, ndërsa unë nuk u pagova për 9 muaj”.

Më pas Alvesh tregon dhe arsyet se pse ai vendosi që të kthehej te Flamurtari, pas aventurës në Turqi, që nuk zgjati më shumë se një muaj. Kujtojmë që Danilo Alvesh kaloi gjatë verës te ekipi i Afyonsporit.

“Kam tre vite që jetoj në Shqipëri dhe u ngacmova nga ideja për të provuar një eksperiencë të re, kështu që shkova në Turqi. Gjërat nuk shkuan siç i mendoja, pasi ika në një vend të mbyllur, klubi kishte shumë probleme, pasi mua më duhej një shtëpi ku të jetoja, ndërsa familja ishte e detyruar që të jetonte në një hotel, madje edhe djali im u sëmur, kështu që mendova se ishte më mirë për mua që të kthehem në shtëpi”.

KOMUNIKIMI – Për të anashkaluar problemet me gjuhën, Alvesh iu desh të mësonte pak nga gjuha italiane që në Vlorë flitet nga një pjesë e madhe e personave, por me brezin e vjetër, braziliani thotë se komunikimi është i pamundur, pasi ata nuk zotërojnë gjuhë të huaj. Ndërkohë, sulmuesi i thotë gazetarit që i ka ndodhur të takojë edhe folës të gjuhës portugeze. “Këtu në Shqipëri transmetohen shumë telenovela braziliane dhe prandaj nuk është e çuditshme të takosh ndonjë njeri që di të flasë portugalisht”.

PROBLEMETIKAT E STAFIT MJEKËSOR – Pavarësisht fjalëve të mira për rritjen që ka pësuar futbolli shqiptar gjatë viteve të fundit, Danilo flet edhe mbi aspektet ku futbolli ka shumë për të përmirësuar, sidomos në aspektin e mjekëve dhe fizioterapistëve. “Disa trajnerë këtu bëjnë sikur dinë gjithçka. Për shembull, nëse një lojtar ndjen dhimbje në gju, ata vijnë e shikojnë dhe të thonë menjëherë se cili është problemi. Është diçka e çuditshme. Në fillim më frikësoi kjo gjë.  Në këtë aspekt, strukturat e klubeve duhet të përmirësohen, ka skuadra në kategorinë e tretë braziliane që kanë departament mjekësore më të mirë se sa këtu”.

E ARDHMJA E FLAMURTARIT DHE PRESIDENTI IDRIZI – “Klubi po rritet, kemi një fushë stërvitje me bar, që këtu është diçka e rrallë, pasi zakonisht këtu klubet stërviten në fusha me bar sintetik”, thotë Danilo, i cili më pas flet edhe mbi bizneset e presidentit Sinan Idrizi: “Presidenti ka një kompani ajrore dhe do të ndërtojë një aeroport në Vlorë dhe një pjesë e të ardhurave nga ky aeroport do të shkojnë për klubin. Ndoshta, aeroporti do të fillojë punimet gjatë vitit të ardhshëm”.

KOSTO E JETESËS – “Këtu jetesa është shumë e lirë. Me 200 euro mund të marrësh me qira një apartament buzë detit. Vlora është një qytet turistik që ka ndryshuar shumë gjatë viteve të fundit. Kur unë erdha në fillim, bregdeti ishte i mbushur me shkurre, ishte një pamje e zymtë. Tani kanë ndërtuar trotuare dhe parqe dhe këtë vit të kishte shumë vizitorë në qytet për të shijuar detin kristal të pastër”, përfundoi braziliani.

“Yahoo Sports” i kushtoi një reportazh problemeve të lojtarëve nga Brazili, me problemet që kanë hasur, të cilat e kthyen ëndrrën në makth…

I tillë është rasti i Danilo Alvesh, i rikthyer në këtë sezon të Flamurtari, pas aventurës së shkurtër në Turqi me Afjet Afionsport, ndërsa në Brazil ka luajtur për Avaí, Criciúma, Portuguesa e Audax. Sulmuesi rrëfen për gazetarin brazilian Rodrigo Herrero se në Shqipëri është diçka e zakonshme për klubet që të mos i paguajnë futbollistët në kohë. Sipas 27-vjeçarit, gjithçka varet nga ecuria: nëse skuadra fiton, rrogat paguhen, por nëse ekipi kalon një moment negativ, atëherë situata bëhet e vështirë.

Ai shpjegon se kur iu bashkua Flamurtarit në vitin 2016, përfitoi një bonus të barazvlefshëm me tre paga: diçka që e ndihmoi për të jetuar në Vlorë, sepse pas atij momenti qëndroi pesë muaj pa rrogë. “Gjatë kësaj periudhe, Skënderbeu donte të më afronte, por ata u dënuan nga UEFA (për shkak të akuzave për trukim ndeshjesh). Duke qenë se nuk paguhesha, u shtira sikur udhëtova për në Brazil, për t’u fshehur në hotelin e skuadrës time të re (Tropical Resort, Durrës), deri në momentin kur kjo çështje të zgjidhej”.

Alvesh shtoi: “Më zbuluan, një fotograf më fotografoi në Durrës dhe kjo më krijoi shumë probleme. Në fund, Flamurtari i shleu detyrimet dhe u ktheva. Edhe vitin pasardhës, qëndrova katër muaj pa u paguar. Bleva një biletë dhe u ktheva në Brazil. Kur drejtuesit më telefonuan, u thashë se arsyeja e largimit lidhej me mungesën e pagave”.

“Ata më thanë: ‘A je çmendur, ktheu menjëherë’, ndërsa përgjigjja ime ishte ‘Është e thjeshtë, më paguani detyrimet edhe do të vij’. Më paguanin dhe unë kthehesha. Duke qenë se kur unë luaja, ekipi fitonte dhe kur nuk isha në fushë, pësonim humbje, klubi u tregua gjithnjë më i duruar me mua dhe nuk më përzinte”.

Danilo tregon se në Shqipëri rrallë ndodh që lojtarët të ankohen ose të protestojnë për problemet financiare, nga frika e hakmarrjes nga ana e klubeve.

“Jam një ndër kapitenët e ekipit dhe kam debatuar shpesh me presidentin Idrizi, edhe nëpërmjet gazetave. Pavarësisht kësaj, kemi shumë respekt për njëri-tjetrin dhe jemi miq të mirë. Ndoshta sepse në Shqipëri është e rrallë që një lojtar të dalë kundër presidentit. Aq e pazakontë, sa kur i thashë presidentit që doja të largohesha nga klubi, më organizoi një festë surprizë, me tortë dhe gjithçka tjetër. Lojtarët e tjerë u çuditën dhe më pyesnin: ‘Si ka mundësi, ti u largove, debatove dhe ai sërish bën këto gjëra për ty?’. Çështja është që pavarësisht debateve me presidentin, ne kemi një marrëdhënie të mirë”.

Hidersha ishte autori i golit të bardhejeshilëve, kurse për Flamurtarin barazoi i riu Diamanti. Një takim ë i vlejti goxha trajneri Ilir Daja dhe kolegut të tij të Apolonisë, Marjol Miho. Kuqezinjtë të premten kanë një ndeshje shumë të rëndësishme në shtëpi me Partizanin dhe i gjithë fokusi është pikërisht tek ajo përballje.

Sa i takon formacionit, i ishte i alternuar mes atyre që kanë luajtur pak dhe të rinjtë. Bie në sy mungesa e Danilo Alvesh, i cili për arsye dëmtimi nuk luajti as në ndeshjen e fundit kundër Skënderbeut.

Miqësore – E shtunë, më 17 nëntor 2018
Apolonia-Flamurtari 1-1
Shënues: Hidersha / Diamanti

Flamurtari: Qirko, Kotobelli, Sirghi, Veliu (C), Deliaj, Hyseni, Ymeraj, Mustafa, Torasa, Ribaj, Kale. (U aktivizuan: Sali, Diamanti, M.Qarri, Beqaj, Haruni , Muccollari, Tiagho, Ziaj

Ai ka postuar videon nga ndeshja, pikërisht atë me protagonist Grecën, ndërkohë që u ka bërë “tagg” disa prej shokëve të skuadrës. Por veç pjesës së lojtarit të Tiranës që gjuan mbrapsht me shkelm, ai ka modifikuar edhe një video ku shfaqet një kalë duke goditur një persona që tenton të hipë mbi të.

Të qeshura dhe komenti “serioz” i brazilianit Alvesh: “Më e keqja, nuk ishte as faull”. Laver Alla nuk pa gjë, as Ardian Beqiri që ishte pak metra më tej. Ose edhe e kanë parë gjithçka, ku i dihet…

“Jam shumë i kënaqur që jam rikthyer në Vlorë. Ndihem mirë dhe gjithçka po shkon në mënyrë të përsosur. Besoj se ekipi është përmirësuar ndjeshëm dhe ekipi është më i mirë se në të shkuarën. Kemi një trajner që po i tregon cilësitë e tij”, është shprehur sulmuesi për mediat.

Goli shënuar ndaj Shkumbinit e motivon dhe tanimë ka një tjetër objektiv: “Fakti që u riktheva me gol është diçka pozitive, sepse shënova që në ndeshjen e parë. Tani ndaj Skënderbeut pres të shënoj sërish”.

Danilo Alvesh kërkon të ngrejë trofe: “Këtë sezon dua të fitoj një trofe me Flamurtarin, por jo vetëm unë. Të gjithë, nga presidenti, tifozët, lojtarët e gjithashtu dhe stafi e duan diçka tillë. Ky është objektivi ynë dhe për këtë punojmë çdo ditë”.

27-vjeçari brazilian u largua gjatë merkatos së verës në kategorinë e dytë turke, ku firmosi me ekipin e Afjet Afionspor, por e mbylli shpejt aventurën turke me vetëm dy ndeshje të zhvilluara. Ai zgjodhi të rikthehet te Flamurtari, ekip me të cilin është aktivizuar në dy sezonet e fundit, duke shënuar 18 gola në 73 ndeshje të zhvilluara.

“Jam shumë i lumtur që kthehem në këtë klub. Gëzohem që kthehem në shtëpinë time të dytë. Shpresoj të bëj më mirë se në vende të tjera dhe shpresoj që së bashku me gjithë pjesën tjetër të ekipit të arrijmë objektivat e klubit”, shkruan Alvesh në llogarinë e tij në “Facebook”.

Me këtë lëvizje me gjasa Flamurtari e ka mbyllur merkaton. Alvesh ka mbyllur marrëveshjen me Afjet Afjonspor në Turqi dhe rikthehet te skuadra vlonjate, ku për dy vite e gjysmë ka luajtur më parë. Pak kohë larg dhe tanimë pritet të mbërrijë në Vlorë.

https://www.facebook.com/FlamurtariFaqjaZyrtare/photos/a.953187208090135/2164379610304216/?type=3&theater