Daniele Rugani

Dy alternativa për mbrojtjen e Milanit, vendos… Mauricio Sarri

Sport Ekspres — Tue, 23 Jul 2019 13:54:18 +0000

Shitja e Andre Silvës te Monako (30 milionë euro) i ka siguruar Milanit pjesën më të madhe të parave për blerjen e Angel Korreas. 24-vjeçari argjentinas pritet të zbarkojë shumë shpejt në Milano, ndërsa në arkat e Atletiko Madrid do të përfundojnë 45 milionë euro.

Akordi është arritur dhe kuqezinjtë kanë hedhur sytë drejt objektivit të radhës. Korrea pritet të formojë një repart ofensiv fantastik me Piatek dhe Paketën. Tani synohet përforcimi i mbrojtjes.

Objektivi i Milanit është pjesë e Juventusit. Merih Demiral pëlqehet shumë. Bardhezinjtë sapo e kanë blerë turkun nga Sasuolo, por hapësirat e pakta mund të huazojnë atë drejt Milanit.

“Djalli” preferon 21-vjeçarin në rolin e qendërmbrojtësit. Nëse nuk gjendet akordi, atëherë Milani do të kënaqej edhe me Daniele Ruganin. Njëri prej tyre pritet të largohet nga “Zonja” dhe Maldini është gati ta veshë kuqezi. Fjala e fundit i takon Mauricio Sarrit…

Në Juve është radha e daljeve, Roma përfiton nga situata

Sport Ekspres — Mon, 22 Jul 2019 16:45:40 +0000

Roma është në një situatë aspak të mirë në qendrën e mbrojtjes. Verdhekuqtë shitën Manolas dhe Markano, me ekipin që mbetet me Huan Hezus, Fazio dhe Mançini. Ky fundit sapo ka ardhur dhe do i duhet kohë të ambientohet. Tre mbrojtës janë shumë pak për të mbyllur një sezon të tërë. Palota ka shprehur dëshirën për të sjellë në kryeqytet, Tobi Aleruireld.

Belgu ka një klauzolë largimi prej vetëm 25 milionë eurosh nga Totenhemi. Roma e shikon si një mundësi reale pagimin e asaj shifre, pasi do të sillte dikë që do bënte të mos ndihej mungesa e Manolas. Gjithsesi, 29-vjeçari nuk mendon të lërë nënkampionët e Evropës për Romën. Italianët duhet të gjejnë alternativë të tjera.

Daniele Rugani është një emër shumë më i mundshëm se Alderuireld. Ardhja e Demiral, Romero dhe De Ligt i zeron mundësitë e italianit për zënë vend në formacion. Roma ia siguron këtë. Juve kërkon 30 milion. Verdhekuqtë nuk e mundësojnë këtë. Negociatat kërkojnë kohë dhe Roma duhet të bëjë një sforcim financiar.

Milani me plan të qartë, i rrëmben mbrojtësin Juventusit

Sport Ekspres — Thu, 18 Jul 2019 15:59:36 +0000

Milani është në kërkim të një partneri të denjë për Romanjolin në qendër të mbrojtjes. Duke parë zhvillimet e fundit zgjidhja e dyshes Maldini-Boban kalon nga Juventusi. Bardhezinjtë sapo zyrtarizuan Matijs De Ligt për plot 75 milionë euro.
Me ardhjen e holandezit minimizohet shumë mundësia e Ruganit për të qenë titullar në formacionin e parë të Sarrit. Kështu, mbrojtësi do të shqyrtojë seriozisht një kalim te një klub ku e ka vendin e sigurt në 11-she. Milani është alternativa më e mundshme për momentin.

Kuqezinjtë po krijojnë një skuadër simpatike dhe Ruganit do i pëlqente të ishte pjesë e tyre. Marrëdhëniet e mira mes drejtuesve të klubeve do ndihmonte në një zgjidhje të favorshme financiare për kuqezinjtë, që po vuajnë në këtë aspekt.

Gjithçka zyrtare, 24-vjeçari edhe katër vite të tjera juventin

Sport Ekspres — Thu, 28 Mar 2019 16:10:14 +0000

Drejtuesit e Juventusit po punojnë për të përforcuar ekipin me elementë të tjerë cilësorë, por rëndësi kanë edhe rinovimet në shtëpi. Një gjë e tillë ka ndodhur gjatë ditës së sotme.

Bardhezinjtë kanë arritur akordin me Daniele Ruganin për rinovimin e kontratës. Mbrojtësi 24-vjeçar ka firmosur deri në vitin 2023 dhe lajmi është bërë zyrtar nga klubi torinez në rrjetet sociale.

“Historia e Daniele Ruganit, prej vitesh e ndërthurur me ngjyrat bardhezi, është e destinuar të mbetet e tillë edhe më shumë, sepse mbrojtësi ka rinovuar kontratën e tij, duke u lidhur me kauzën juventine deri në vitin 2023”, shkruan klubi italian në komunikatën zyrtare.

Una storia con la Juve che continua ? ??@DanieleRugani, bianconero fino al 2?0?2?3? ? https://t.co/yUD6zhkQ78 pic.twitter.com/k7UFRGyBZK

— JuventusFC (@juventusfc) March 28, 2019

Mungesë minutash dhe rinovimi, mbrojtësi i Juventusit drejt Anglisë?

Sport Ekspres — Sat, 10 Nov 2018 10:58:38 +0000

Daniele Rugani ishte një nga kërkesat e Çelsit në merkaton e verës, por Juventusi rezistoi dhe refuzoi ofertën e anglezëve. Sarri e njeh mirë që nga koha kur kanë punuar bashkë tek Empoli. 40 milionë euro për Juventusin dhe një rrogë prej 4.5 milionë eurosh në sezon për 24-vjeçarin, me bardhezinjtë që nuk pranuan të hiqnin dorë nga mbrojtësi.

Megjithatë, lojtari nuk po gjen hapësira në formacionin e Alegrit, ndërsa rinovimi i kontratës, që skadon në qershorin e vitit 2021, nuk ka ardhur ende. Në këto kushte, lojtari po mendon largimin nga ekipi torinez. Mançini e ka ftuar në kombëtare, por për të qëndruar dhe luajtur me Italinë, duhet të kesh minuta me klubin tënd.

Zgjidhja? Anglia dhe Premier Liga. E dashura e Ruganit, Mikela Persiko, e cila ka postuar një foto të çiftit në rrjetet sociale me Ruganin, ku në duart e çiftit ndodhet një libër në gjuhën angleze. Mesa duket, Rugani ka filluar të mësojë anglishten, me Mauricio Sarrin që do e mirëpriste qendërmbrojtësin në Londër, për të filluar aventurën me ekipin e Çelsit.

View this post on Instagram

Lezione di #inglese???????? ?? @daniruga

A post shared by ?Michela Persico? (@michelapersico) on Nov 9, 2018 at 11:16am PST