Të gjithë tentojnë të lënë ekipet jashtë kontinentit për të luajtur në Europë, ndërsa 35-vjeçari kreu një zgjedhje zemre. Mikpritja në Buenos Aires ka qenë fantastike. Lojtari i është bashkuar ekipit në stërvitje, aty ku ka takuar dhe Mauro Zaraten.

Sulmuesi ka qenë pjesë e “armiqve” të Lacios për katër sezone dhe duelet e derbit të kryeqytetit italian kanë qenë të zjarrta si gjithmonë. Ish-lojtari bardhekaltër ka postuar në faqen e tij në rrjetet sociale një foto me De Rosin, ndërsa vendos të shkruajë këto rreshta.

“Vite plot rivalitet në kryeqytet, tani do të luftojmë së bashku, mirësevjen Daniele (gjithsesi, Forca Lacio përgjithmonë)”, shkruan Mauro Zarate.

 

View this post on Instagram

 

Anni di rivalità nella capitale !! Adesso lotteremo insieme ?? benvenuto Daniele… #estoesboca #vamosboca (cmq sempre Forza Lazio ?)BIENVENIDO A BOCA DANIELE

A post shared by Mauro Zarate ?? (@oficialmaurozarate) on Jul 27, 2019 at 3:01pm PDT

Pas një jete me ngjyrat verdhekuqe mbi supe dhe me ëndrrën e madhe për ta mbyllur karrierën me Romën, 36-vjeçari (festoi dje ditëlindjen) i befasoi të gjithë me zgjedhjen e bërë. Drejtuesit e Romës nuk i ofruan rinovim dhe Daniele ishte gati të varte këpucët në gozhdë.

Dikush si ai e ka tepër të vështirë ta shohë veten me një ekip tjetër, por De Rosi është një lojtar që nuk i përket futbollit të këtyre kohëve.

Ja dhe zgjidhja romantike, vazhdimi i karrierës aty ku futbolli është akoma pasion, “betejë” dhe emocion, ku stadiumi është një ferr për kundërshtarët dhe një nga tifozeritë më të çmendura në botë të përkrah fuqimisht dhe pambarimisht. De Rosi është pjesë e Bokës që e ka pritur si djalin e saj, gati për të shkruar një histori shumë të bukur dashurie…

“Luftëtari” italian është gati të provojë emocionet e të luajturit në “La Bombonera”, një ndër stadiumet më të zjarrta në botë. Rreth kësaj situate ka folur edhe Diego Armando Maradona.

Legjenda argjentinase ka folur për “Tyc Sports” dhe po pret me padurim ta shohë ish-kapitenin e Romës të mbajë veshur bluzën e Bokës së tij të dashur

“Nuk të njoh personalisht, por të jesh i sigurt që do të ndihesh i qetë te Boka. I qetë me Bokën dhe me mua. Do të shihemi së shpejti. Të veshësh bluzën e Bokës për ne do të thotë shumë, është njësoj si mrekullia e Shën Xhenaros. Të përqafoj dhe të dërgoj urimet më të mira për familjen tënde”, përfundon Diego Maradona.

Për De Rosin nuk do të ketë klub të dytë në Itali, por as në Amerikën e Jugut ose të Veriut. 35-vjeçari ka vendosur të japë dorëheqjen nga futbolli profesionist duke shënjuar fundin e një karriere që filloi 18 vite më parë.

De Rosi do t’i bashkohet lojtarëve si Françesko Toti, Rajan Gigs, Pol Skoulls dhe Paolo Maldini, të cilë  kanë luajtur gjatë të gjithë karrierës së tyre me fanellën e vetëm një klubi.

Ofertat nuk mungojnë, por mesfushori i njohur nuk dëshiron të nxitohet. Përveç Fiorentinës, De Rosi pëlqehet edhe nga Milani e Bolonja.

Raportet fantastike të ish-kapitenit me Vinçenco Montelën dhe Daniele Praden, trajnerin dhe drejtorin sportiv të Fiorentinës e bëjnë favoritë klubin e Komisos për të nënshkruar me De Rosin.

Edhe vetë lojtari tundohet nga një eksperiencë në Firence, kështu që palët mund të arrijnë shumë shpejt një marrëveshjes mes tyre.

Lojtari i njohur ishte në dilema për të ardhmen, madje mendoi edhe tërheqjen. Gjithsesi, De Rosi do të vazhdojë të luajë futboll dhe do të qëndrojë në Serie A.

Sipas raportimeve të mediave italiane, romanisti ka refuzuar të gjithë ofertat që vinin nga jashtë Italisë, përfshirë edhe atë të Boka Zhuniors. Tre klube të Serie A janë gati t’i ofrojnë një kontratë dhe De Rosi do të zgjedhë një prej tyre, për të vazhduar të luajë në shtëpi, por jo më me bluzën e Romës së dashur mbi supe.

Preferenca e parë e 35-vjeçarit është transferimi në kampionatin amerikan të futbollit, por ideja për të luajtur në Bombonera dhe provimi i emocioneve të futbollit latin e tundon shumë.

De Rosi dhe gruaja e tij kanë nisur të interesohen për shkollat e fëmijëve në Buenos Aires, kryeqytetin e Argjentinës, ashtu siç raporton Messaggero. Mesfushori ka në mendje diçka që do t’i kënaqte të gjithë.

Ai po mendon të luajë 6 muaj me Bokën, për t’u transferuar në janar pastaj tek ekipi i Zllatan Ibrahimoviç.

Atmosfera në ekip nuk është aspak e mirë, kreu i verdhekuqve ka përfunduar në shënjestrën e tifozëve, por Palota zbulon versionin e tij për ngjarjet e ndodhura së fundmi. Fakti që nuk iu afrua rinovim Daniele De Rosit i trishtoi të gjithë dhe italo-amerikani ka një përgjigje për këtë çështje delikate.

ÇËSHTJA DE ROSI –  “Është thënë që detyra jonë është t’i trajtojmë njerëzit me respektin që meritojnë. A ka shkuar gjithçka në drejtimin e duhur me De Rosin? Jo. Vizioni ynë ishte se për të ishte sezoni i fundit. Më lejoni t’ju jap një shembull se sa vendim të vështirë morëm. Le të themi që kemi Danielen dhe një lojtar tjetër. Ne kemi 24 lojtarë dhe dy mesfushorë mbrojtës. Çfarë ndodh nëse ai tjetri thyen këmbën në ndeshjen e tretë të sezonit? Çfarë ndodh me ekipin?

Daniele tha se do të donte të luante 10-15 ndeshje në sezon. Çfarë ndodh me ekipin pa pasur mundësinë të blejë një lojtar para hapjes së merkatos? Nuk mund të aktivizosh një 17-vjeçar në një nga rolet më delikate në Serinë A. Nëse luajmë në Champions ose Europa League, janë tre ndeshje në javë. Fizikisht Daniele është i limituar, e ka pranuar edhe vetë. Do të doja ta kisha De Rosin në ekip, por arsyetimi është i thjeshtë, na duhen dy lojtarë për çdo rol. Nuk mund të përshtatim një mesfushor ofensiv në rolin e De Rosit. Ai është një pozicion shumë specifik.

Kjo është logjika jonë, është thjesht një prekje e realitetit. Vendimi është për skuadrën.  Nuk është një çështje individi, pavarësisht se sa i madh është De Rosi. Është një lojtar i madh dhe një njeri spektakolar. Ai ishte besnik ndaj Romës dhe Roma ndaj tij. Njerëzit nuk mund ta vënë në dyshim besnikërinë tonë, sepse e kemi thënë: ‘Daniele, ne do të donim të ishit pjesë e Romës për gjithë pjesën tjetër të jetës suaj’.

Kjo është shumë e drejtë. Nuk i kemi thënë kurrë “mirë u pafshim, të urojmë jetë të lumtur”. Ne duam që Daniele të jetë pjesë e klubit përgjithmonë dhe shpresojmë të ndodhë kjo gjë. Do flas me të privatisht. Kemi shkëmbyer mesazhe dje në mëngjes dhe e ftova të takohej me mua në fund të pushimeve. Nëse mendoni se ka pakënaqësi mes nesh dhe se nuk do të flasim, e keni gabim. E njëjta gjë vlen edhe për Totin. E kam ftuar atë dhe familjen e tij të vijnë dhe shpresoj të ndodhë”, thekson presidenti i Romës.

Daniele De Rosi do të zhvillojë ndeshjen e fundit me Romën e tij në ndeshjen kundër Parmës. Stadiumi Olimpico pritet të mbushet plot për t’i bërë nderimet e fundit “luftëtarit” De Rosi.

Rreth kësaj situate ka folur edhe Françesko Toti. Vëllai i madh ndjen emocione për largimin e të voglit. Të dy kanë patur vetëm një ideal dhe dashuri: Romën e tyre. Asaj i kanë kushtuar gjithçka, por fatkeqësisht çdo gjë e bukur e ka një fund.

“Arritëm ta dërgonim Romën në majën e botës me Italinë. Kemi përjetuar së bashku shumë momente të bukura dhe aspak të tilla, por mendoj se kjo është gjëja më e bukur: fakti që kemi rritur fëmijët së bashku, t’i shohësh të dalin nga shkolla, të udhëtojnë me minibus. Shpresoj që të ndjekin rrugëtimin tonë të miqësisë”, përfundon Françesko Toti.

Francesco Totti racconta Daniele De Rossi attraverso 10 foto ??#DDR16 #ASRoma pic.twitter.com/ZF6yMh2E4S

— AS Roma (@OfficialASRoma) May 26, 2019

Për fat të keq, drejtuesit nuk i ofruan rinovimin dhe diçka e tillë trishtoi shumë tifozë të futbollit. De Rosi është ndër romantikët e fundit, ka ëndërruar gjithmonë ta mbyllë karrierën te Roma dhe të largohesh pas një jetë me ngjyrat verdhekuqe mbi supe nuk është aspak e lehtë.

Antonio Kasano ka luajtur bashkë me te, te Roma dhe kombëtarja italiane. Barezit të famshëm nuk i ka pëlqyer trajtimi që klubi kryeqytetas i ka bërë mikut të tij, ndërsa e mbyll me një mesazh për mesfushorin.

“Baldini dhe Palota e përsëritën gabimin. Pas Totit ndodhi edhe me Danielen. Duhet të mos harrojnë faktin që Roma është Toti dhe më pas De Rosi. Roma nuk është Baldini me Palotën. Shpresoj që verdhekuqtë të ndryshojnë pronësi, sepse e meriton që të luftojë për objektiva të rëndësishëm.

De Rosi? I lutem Danieles që të mos tërhiqet nga futbolli, por të vazhdojë të luajë. Me dështakët që ka në qarkullim, Daniele mund të luajë pa problem deri në moshën 45-vjeçare”, përfundon Antonio Kasano.

Kapiteni do të largohet në fund të sezonit pas një jete në kryeqytetin italian. E turpshme mungesa e rinovimit dhe mënyra e largimit të një prej simboleve të Romës. Ferrero shpjegon ndjesitë e provuara dhe ka një ftesë për 35-vjeçarin, i cili nuk ka ndërmend ta mbyllë me futbollin e luajtur.

“Kam biseduar me Danielen disa javë më parë gjatë një udhëtimi me tren. Nëse dëshiron të vijë te Sampdoria, unë jam gati për ta bërë realitet një gjë të tillë. Lamtumira e tij nga Roma është një nga momentet më të trishta të futbollit italian. Një simbol si Toti u largua në një mënyrë të paimagjinueshme, ndërsa De Rosi u largua në një mënyrë të papritur.

E kam mik Danielen, vjen shpesh në kinemanë Adriano. Si president e ofendova pak javë më parë, sepse më bëri të humbas ndeshjen prej një faulli të paqenë. Atë ndeshje e fitoi De Rosi dhe jo Roma. U bëra keq edhe kur la futbollin Toti. E ftova të vinte te Sampdoria, por m’u përgjigj se nuk mundej. Tani do e provoj me Danielen. Do gjej direkt numrin e tij. Nëse dëshiron të shkojë në kinema falas, le të vijë të Sampdoria. Bëj shaka. Seriozisht dua që të vijë këtu, ai e di shumë mirë”, përfundon Masimo Ferrero.

Veç atyre në Itali, ka rritim edhe nga jashtë. Madje deri në Nju Jork ku janë hapur dy mesazhe ndaj presidentit Xhejms Palota. Në njërin shkruhej: “Roma nuk është një lojë: dashuria mbetet, durimi mbaron”.

Mesazhi tjetër ishte ofendues ndaj presidentit të Romës: “Palota dordolec shkërdhatë, na u ça trapi me ty!”. Me siguri në vazhdim do të ketë të tjera aksione të tifozëve të klubit italian, që nuk mund të pranojë largimin e një lojtari flamur si De Rosi, sidomos kur ky i fundit ka bërë edhe një propozim për të qëndruar dhe me kushte financiare modeste.

Pikërisht ky i fundit ka folur ditën e sotme përpara mediave, ku ka diskutuar gjatë mbi çështjen “De Rosi”. Sipas numrit një të stolit të Romës, vendimi nuk u mor nga ai, me Ranierin që shtoi se nëse do ishte në dorën e tij, do ta mbante ende mesfushorin në ekip.
“Kur tifozët më kërkuan shpjegime për vendimin e marrë, i sigurova që nuk ishte vendim i imi. Nuk kam folur ende me të dhe nuk e di nëse do të luajë ndaj Sasuolos. E shoh mirë dhe të motivuar, edhe pse me siguri do të jetë i thyer nga brenda. Ndoshta edhe gjumë nuk ka fjetur këto netë.
Është normale për dikë si ai, që është një flamur këtu. Drejtuesit dhe klubi mund të ndryshojë, njësoj si lojtarët. Është ligj i futbollit. Ndoshta Daniele bëri më të mirën për Romën, duke mos thënë asgjë tjetër. Të jesh kapiten dhe të dashurohesh nga tifozët, të bën të kesh një sjellje tjetër. Nëse unë do kisha qëndruar? Si një teknik futbolli do të thoja që më bënte punë si lojtar dhe do ta doja në ekip.
E njoh një lojtar, një burrë dhe një kapiten. Ka shumë mënyra për të qenë lider në futboll, De Rosi është lideri ideal për një trajner. Gjithmonë mendon për ekipin dhe jo për egon personale, gjë që çdo trajner e kërkon te lojtarët e tij. Shpresoj që të jetë një festë e madhe ndeshja ndaj Parmës që t’i jepet lamtumira më e bukur e mundshme.”

Gjithsesi, tashmë De Rosi numëron plot 35 vite mbi supe dhe duket se rrugëtimi i tij me Romën ka shkuar drejt fundit. Ka qenë vetë klubi verdhekuq që ka publikuar vendimin zyrtar, për sa i përket De Rosit, i cili në fund të këtij sezoni e mbyll aventurën e tij në Itali.

Quasi 18 anni fa un giovanissimo Daniele De Rossi faceva il suo debutto con l’#ASRoma contro l’Anderlecht. Con il Parma, all’Olimpico, giocherà la sua ultima partita con la nostra maglia. Sarà la fine di un’era.

— AS Roma (@OfficialASRoma) May 14, 2019

Sidoqoftë, kapiteni nuk do ta mbyllë me futbollin e luajtur. Sipas klubit të Romës, De Rosi mund të transferohet në SHBA sipas gjasave, ku do të vijojë karrierën e tij në MLS.

ROMANISTA. CAPITANO. DANIELE DE ROSSI#DDR16 pic.twitter.com/0JqyucZAT6

— AS Roma (@OfficialASRoma) May 14, 2019

De Rosi ka fituar dy Kupa Italie si dhe një Superkupë, teksa ka luajtur 613 ndeshje në total, duke shënuar 63 gola.

?? Daniele De Rossi announces he will leave @OfficialASRoma at the end of the season.

? 18 Seasons

? 615 Games
? 63 Goals
? 54 Assists

?? Coppa Italia
? Supercoppa Italiana

? End of an era. pic.twitter.com/lyfxpOHYfU

— SPORF (@Sporf) May 14, 2019

Goli i Daniele De Rosit i dhuroi fitoren përballë Sampdorias ekipit kryeqytetas. Kapiteni devijoi saktë një top brenda zonës së vendasve dhe dërgoi topin në rrjetë, 15 minuta përpara fundit të ndeshjes.

Takimi ishte i ekuilibruar, edhe pse Sampdoria zotëroi qarkullimin e topit. Roma nuk fitonte në kampionat prej tre ndeshjes dhe ky trepikësh e ngjit në vendin e gjashtë me 51 pikë, një më pak se Milani i vendit të katërt, ndërsa ekipi dorian qëndron në vendin e nëntë me 45 pikë.

Sampdoria-Roma 0-1
(De Rosi 75′)

JNë përfundim të takimit kapiteni i Romës, Daniele De Rosi, u shpreh se skuadra e tij nuk e meritonte të eliminohej në këtë lloj mënyre.

“E tmerrshme të eliminohesh në këtë mënyrë. Nuk arritëm të bënim një ndeshje perfekte, por pashë një grup burrash që u përpoqën shumë dhe nuk e meritonin këktë gjë. Duhet ta fitonim ndeshjen e parë me rezultatin 2 – 0. Mendoj se duhet të kishim marrë më shumë për 120 minuta e lojës që kryem. Jam krenar për këta lojtarë”

VAR – “Nuk e kam parë ende rastin e penalltisë, por dikush më tha që Manolas mund të ishte në faj”.

E ARDHMJA E DI FRANÇESKOS – “Për këtë vendosin drejtuesit e klubit”.

30-vjeçari ndalet dhe te kapiteni i tij, Daniele De Rosi. N’Zonzi ka mbetur i befasuar nga mesfushori italian dhe nuk i kursen elozhet për të, ndërkohë që Roma do të përballet sonte në “Olimpico” me Porton, në ndeshjen e parë të raundit të 1/16 të Champions Ligës.

DE ROSI – “Objektivi im primar është që të mos dëmtohem dhe të luaj në nivele të larta deri në moshën 33-vjeçare. Njeriu mëson në çdo moshë. Ju jap një shembull: Daniele De Rosin. Ai luan në një mënyrë shumë inteligjente. Ka eksperiencë, ka një prekje fantastike të topit dhe më ka ndihmuar shumë duke më shpjeguar detaje taktike në anglisht. Mbi të gjitha është një profesionist dhe ka kaluar gjithë karrierën e tij te Roma. Ka mijëra futbollistë, të cilët në postin e tij dhe pasi kanë dhënë shumë për një klub, do të stërviteshin duke ecur dhe nuk do të shkonin më në palestër. Por De Rosi, jo. Ai nuk vonohet kurrë, shkon në palestër dhe jep maksimumin gjithmonë në stërvitje. Është e pamundur të mos e admirosh.”

OBJEKTIVAT – “Objektivi tjetër që kam është të fitoj trofe, sepse nuk kam ngritur shumë në karrierë. Fitimi i trofeve me Seviljen ka ndryshuar perspektivën time. Në Angli luaja për t ndihmuar skuadrën, por kurrë për të fituar trofe. Një herë që shijon fitoren, bëhesh i vetëdijshëm për atë që ajo personifikon. Të fitosh është e vështirë dhe ndoshta nuk do ia dal të fitoj më trofe, por jam gati të përsëris përpjekjet e mëdha dhe orët e shumta përpara videove, siç bëja me Unai Emeri te Sevilja.”

Nëse ekipi nuk reagon, trajneri largohet dhe Roma duhet të gjejë pasardhësin. Paulo Souza mbetet favoriti kryesor, ndërsa shanset e Montelës janë ulur, pasi nuk preferohet nga Monçi, drejtori sportiv i klubit.

Kandidat i fortë mbetet dhe trajneri i kombëtares shqiptare dhe kuotat e tij janë rritur. Siç raportojnë mediat e vendit fqinj, Panuçi ka mbështetjen e dy emrave të mëdhenj të ekipit kryeqytetas. Françesko Toti dhe Daniele De Rosi po insistojnë në afrimin e trajnerit kuqezi në stolin e ekipit italian.

Ish-kapiteni legjendar dhe kapiteni aktual kanë luajtur bashkë me Panuçin te Roma, i cili u aktivizua për 8 sezone në kryeqytet, dhe ata preferojnë 45-vjeçarin në stol, nëse Di Françesko shkarkohet nga drejtuesit e klubit.

FUTBOLLI – “Kur isha i vogël, do të nënshkruaja direkt për të zhvilluar gjysmën e ndeshjeve që kam bërë deri më tani në Serie A. Ndihem i privilegjuar, kam bërë punën që dashuroj, në qytetin që dashuroj, me njerëzit që dashuroj. Fundi im është afër dhe kjo gjë rëndon, sidomos në këtë moment që jam i dëmtuar, ku kam kuptuar se çdo të thotë të jesh larg skuadrës. E di se do të lëndohem kur të tërhiqem përfundimisht, pas 6 muajsh, një viti, apo tre viteve…

DËMTIMI – “Ky është dëmtimi më i rëndë që kam pësuar në karrierë. Kam pësuar një dëmtim të rëndë dhe të rrezikshëm për moshën time (35 vjeç). Kam filluar të vrapoj, por nevojitet kohë për t’u rikuperuar plotësisht dhe jam shumë mbrapa.

JUVENTUS – “Kemi shumë presion kohët e fundit dhe ndodhemi në një moment delikat, sepse e dimë që jemi të gjithë në monitorim, përfshirë dhe trajnerin. E dimë që duhet të bëjmë më mirë, sesa kemi bërë deri më tani. Duam të zhvillojmë një ndeshje të madhe kundër Juventusit, më shumë për veten tonë, sesa për rëndësinë e ndeshjes. Nëse futemi në detaje, e dimë mirë që presion ka dhe për kundërshtarin, që është më i forti që ekziston.”

E ARDHMJA – “Ëndërroj të bëhem trajner. E di që një gjë e tillë të kërkon të mendosh për gjithçka, por ajo që më frikëson më shumë është  fakti që duhet të bëj 100 intervista në javë. Babai im më thotë se është bukur të bëhesh trajner, por nuk mund të quhet punë e mirëfilltë. Ai është një maestro, sepse nuk ka pasur kurrë ambicien për t’u bërë si Guardiola, Saki, apo Murinjo. Mund të mësoj shumë gjëra nga ai, sidomos faktin se si mund të jesh pjesë e një pune të përditshme. Nuk e di nëse do të jem i aftë ta bëj, por do të informohem duke udhëtuar dhe do të studioj për të mësuar.