Daniel Sturridge

“Çmendet” Bolonja, tenton fituesin e Champions Ligës

Sport Ekspres — Sun, 14 Jul 2019 15:07:13 +0000

Bolonja është shokuar nga largimi i Sinisa Mihajloviç. Trajneri serb vuan nga leuçemia dhe bëri gjithçka publike në daljen e tij në konferencë për shtyp. Tani është gati të nisë kurat e riaftësimit me shpresën dhe besimin që do ia dalë ta mposhtë sëmundjen.

Pavarësisht situatës së vështirë, drejtuesit e klubit bolonjez vazhdojnë punën për gjetjen e trajnerit të ri dhe përforcimit të skuadrës. Emri i fundit që ka dalë në skenë i intrigon tifozët.

Objektivi i madh i sulmit quhet Daniel Starrixh. 29-vjeçarit i ka përfunduar kontrata me Liverpulin, rinovimi nuk erdhi dhe është një futbollist i lirë.

Sipas mediave angleze, klubi italian i ka propozuar një kontratë interesante sulmuesit, edhe pse detajet si rroga dhe kohëzgjatja nuk bëhen të ditura.

Tani Bolonja pret përgjigjen e Starrixh, i cili numëron edhe 26 ndeshje të zhvilluara dhe tetë gola të shënuar me kombëtaren e Anglisë.

“Paguaj çdo shumë, vetëm ma ktheni”, grabitësit rrëmbejnë qenin e Starrixh

Sport Ekspres — Tue, 09 Jul 2019 11:30:15 +0000

Daniel Starrixh kishte zgjedhur që t’i kalonte pushimet në Kaliforni. Mirëpo, shtëpia ku po qëndronte futbollisti anglez është grabitur dhe për ta bërë situatën akoma më të keqe, grabitësit kanë marrë qenin e futbollistit anglez.

Starrixh ka postuar një video në Instagram, ku premton se do të plotësojë çdo kërkesë financiare personave qe do i rikthejnë qenin e tij.

https://www.instagram.com/p/BzsIQLHg6jW/?utm_source=ig_web_copy_link

“Dikush ka grabitur shtëpinë time dhe ka marrë me vete qenin tim. Kushdo që di se cili është personi që është futur në shtëpinë time do ju paguaj sa të doni. Ju lutem dikush të gjejë qenin time, do paguaj çfarë të doni, e kam seriozisht. Si mund të grabisësh një shtëpi në Los Angeles dhe të marrësh me vete qenin, sa i çmendur duhet të jesh”, tha Starrixh.

Gjashtë vite i “kuq”, Liverpuli ndahet me sulmuesin anglez

Sport Ekspres — Fri, 03 May 2019 19:09:36 +0000

Daniel Starrixh e ka ndihmuar Liverpulin në ditë “të vështira”, por ka ardhur momenti që sulmuesit nuk ja kanë më nevojën. Luan, shënon gola jetikë, të duartrokasin e më pas kur nuk arrin dot të jesh i njëjti të përcjellin, ky është ligji i pashkruar dhe i pabesë i futbollit. Gjithmonë në fund skuadra është më e rëndësishmja. Kështu po ndodh me Daniel Starrixh.

Sipas “The Times”, Starrixh do të largohet në fund të sezonit drejt një skuadre, ku i ofrohen minuta në këmbë. 29-vjeçari nuk është një alternativë e pëlqyer nga Klop, i cili nuk e zgjodhi as në ndeshjen me Barcelonën, ku nuk ishte i gatshëm Firminjo. Trajneri gjerman pëlqeu më shumë në sulm holandezin Vinjaldum, një mesfushor, sesa sulmuesin anglez. Starrixh ka startuar vetëm tre ndeshje si titullar këtë sezon.

Objektivi i madh i Leisterit, synohet sulmuesi i Liverpulit

Sport Ekspres — Tue, 16 Apr 2019 08:19:01 +0000

Leister Siti po mendon për përforcimin e skuadrës. Ardhja e Brendan Roxhers në krye të stolit ka rikthyer “dhelprat” te rezultatet pozitive, ndërsa ambiciet për sezonin e ardhshëm janë shtuar.

Objektivi i madh mbetet Daniel Starrixh. 29-vjeçari është aktivizuar në 15 ndeshje nga Jyrgen Klop gjatë këtij sezoni, në të cilat ka gjetur dy herë golin. Sulmuesit i përfundon kontrata me Liverpulin në fund të këtij sezoni. Ai ka disa oferta të ndryshme, por Leisteri ka një armë të fortë, pikërisht trajnerin Roxhers.

Të dy kanë punuar bashkë gjatë kohës që trajneri nga Irlanda e Veriut drejtonte Liverpulin (2012-2015). Një afrim i tillë do të ishte cilësor, ndërsa Leisteri do të formonte një dyshe shumë të fortë në sulm: Vardi-Starrixh.