ZYRTARE | Man Utd hap merkaton, njihuni me talentin uellsian

Sport Ekspres — Fri, 07 Jun 2019 14:25:51 +0000

Mançester Junajtid ka hapur serinë e blerjeve për këtë merkato vere. Futbollisti i parë që firmos për “djajtë e kuq” është talenti uellsian, Daniel Xhejms. 21-vjeçari u ble për 15 milionë euro nga skuadra e Suonsi Sitit.

We're delighted to have agreed terms, in principle, with Swansea City for the transfer of Daniel James to #MUFC.

Further details will be revealed in due course.

— Manchester United (@ManUtd) June 7, 2019

Xhejms aktivizohet si sulmues krahu i djathtë, por gjatë sezonit të kaluar në Championship ai tregoi se është një lojtar që mund të përshtatet në çdo rol të repartit të sulmit.

21-vjeçari ka treguar se është i aftë të bëjë diferencën në Angli, ku shënoi 4 gola dhe regjistroi 7 asiste përgjatë sezonit të kaluar. Një vit më parë Xhejms ishte shumë pranë huazimit te Jovill Taun në divizionin e katërt, por i riu refuzoi këtë lëvizje për të treguar vlerat e tij në Championship, vendim ky që rezultoi mëse i goditur.

https://www.youtube.com/watch?v=bEO-WUPXk5g

Lëvizje te Junajtid, blerja e re është një i panjohur

Sport Ekspres — Thu, 06 Jun 2019 20:01:38 +0000

Mançester Junajtid ka shumë punë para këtë merkato. Drejtuesve të klubit më të madh në ishull i duhet të ristrukturojnë gati gjithë organikën. Megjithëse mbrojtja është thembra e Akilit, Solskjaer i nis blerjet nga mesfusha. Daniel Xhejms është afrimi i parë i “Djajve të Kuq”.

Ai është lojtar i Suonsit në Championship. Është nga Uellsi dhe mban 21 vite mbi supe. Xhejms ka zhvilluar 33 ndeshje këtë vit në kampionatin e dytë për nga rëndësia në Angli. Gjatë këtij sezoni ai ka shënuar katër gola dhe regjistron shtatë asiste.

Siç raportojnë mediet angleze, 21-vjeçari ka kryer testet mjekësore në klinikën mjekësore të klubit. Në ditët në vijim pritet të kemi një njoftim zyrtar për blerjen e parë të Junajtid. Më pas do të proçedohet me prezantimin e tij në mitikun “Old Trafford”.