Dani Olmo

E ardhmja e talentit Olmo? Agjenti i tij flet hapur

Sport Ekspres — Fri, 12 Jul 2019 21:03:02 +0000

Dani Olmo është një nga “diamantet” më të çmuar të gjeneratës së re. Talenti i Dinamos së Zagrebit ka treguar cilësitë e një lojtari të madh këtë sezon. Klubet më gjigante të Evropës janë vendosur në radhë për të siguruar shërbimet e 21-vjeçarit.

“Mundo Deportivo” na tregon më shumë rreth të ardhmes së talentit spanjoll. Ata pretendojnë se kanë komunikuar me agjentin e lojtarit. Ky i fundit është shprehur se Olmo do të transferohet në një klub, që luan në Champions League. Gjithashtu, përjashton klubet e La Ligas.

Kështu ëndrra e Milanit për të nënshkruar me yllin e “Furisë se Kuqe” përfundon këtu. Skuadrat më të favorizuara për të nënshkruar më të janë Totenhem, Liverpul dhe Bajern. “Spurs” qëndrojnë në ”pole” për momentin. Dinamo e Zagrebit e nis ankandin me 40 milionë euro.

REGGIO NELL’EMILIA, ITALY – JUNE 27: Dani Olmo of Spain in action during the 2019 UEFA U-21 Semi-Final match between Spain and France at Mapei Stadium – Citta’ del Tricolore on June 27, 2019 in Reggio nell’Emilia, Italy. (Photo by Giuseppe Bellini/Getty Images)

Olmo i shkel syrin Milanit: Momenti për ndryshim

Sport Ekspres — Wed, 03 Jul 2019 17:28:51 +0000

Dani Olmo është një nga talentet më të mëdhenj të gjeneratës së re të Spanjës. 21-vjeçari i rritur në “La Masia” dhe transferuar më pas në Kroaci te Dinamo e Zagrebit ka mrekulluar gjithë klubet e mëdha evropiane. Barcelona, Junajtid, Milan e klube të tjera kanë shfaqur interes për talentin e “Furisë së Kuqe”.
Mediet evropiane raportojnë se Junajtid është gati të japë 40 milionë euro për Olmon. Dinamo e Zagrebit synon ta mbajë edhe një sezon tjetër për të rritur vlerën e tij, megjithatë vetë lojtari nuk e dëshiron këtë gjë. Në një intervistë, Olmo shprehet se është i lumtur për eksperiencën e kaluar në Kroaci. Megjithatë, shpjegon se ka ardhur momenti për të lënë Ballkanin dhe bërë përpara në një klub të madh.

“Vendimi për të lënë Barcelonën për Dinamon ishte i vështirë. Megjithatë, ishte më e mira për mua. Tani po marr frytet e atij vendimi dhe jam i kënaqur që kam luajtur në Kroaci. Mendoj se ka ardhur momenti për të bërë hapa para. Do shohim se ç’do ndodhë. Vera është e gjatë”, përfundoi ylli i Dinamos së Zagrebit.

E do gjithë Evropa, Junajtid hedh hapin e parë për spanjollin

Sport Ekspres — Tue, 02 Jul 2019 18:59:27 +0000

Dani Olmo është një nga talentet që ka ”çmendur” gjithë klubet e mëdha evropiane. E kërkojnë të gjithë duke nisur nga Barcelona deri te Junajtid, Milan apo PSG. Spanjolli është i rritur në “La Masia” për t’u laguar më pas në Kroaci te Dinamo e Zagrebit.

Barcelona duket se ëshë penduar për largimin e talentit dhe kërkon ta rikthejë. Olmo ishte një nga lojtarët, që tërhoqën të rinjtë e Spanjës në triumfin e Kampionatit Evropian. Skuadra e parë që nis ankandin për 21-vjeçarin është Mançester Junajtid.

Anglezët kanë gati ofertën prej 40 milionë eurosh për të bindur kroatët e Dinamos ta lënë të lirë “xhevahirin” e tyre. Edhe Milani ka shfaqur mjaft interes, por akoma nuk e ka marrë guximin për të nisur ofertën e parë drejt Zagrebit. E sigurtë është se Olmo do të zbarkojë në një prej gjigantëve evropianë këtë verë.

VIDEO | Spanja shënon sërish, Gjermania e dorëzuar

Sport Ekspres — Sun, 30 Jun 2019 20:18:28 +0000

Spanja U21 është vetëm pak minuta larg shpalljes kampione e Europës. Iberikët kanë ccuar shifrat në 2 – 0 ndaj Gjermanisë në minutën e 69-të falë golit të Dani Olmos.

Autori i golit të parë Fabian Ruiz luan përsëri rol kyç edhe në këtë gol, teksa një goditje e fortë e tij nuk kontrollohet siç duhet nga portieri Nybel, Olmo përfiton dhe i vetëm me portierin nuk gabon.

Spanjë 2 – 0 Gjermani
Shënues: Fabian Ruiz 7’, Olmo 69’

Tjetër alternativë për Milanin, Leonardo “peshkon” në Kroaci

Sport Ekspres — Tue, 12 Mar 2019 13:10:14 +0000

Milani ka qenë një ndër klubet më aktivë për sa i përket dy merkatove të fundit, pra janarit e këtij viti dhe verën e vitit të kaluar. E njëjta gjë pritet edhe verën e këtij viti, pasi kuqezinjtë renditen mometalisht të tretët në kampionat, çka do të thotë se do të luajnë në Champions sezonin e ardhshëm.

Leonardo e ka nisur punën e tij prej kohësh, madje objektivi kryesor është bërë i ditur dhe ai është sulmuesi anësor i Nicës, Alan Sant-Maksimin, për të cilin ekipi francez kërkon së paku 30 milionë euro. Gjithsesi, nga raportimet e fundit, duket se drejtuesit e “djallit” e kanë alternativën në rast të një dështimi për kalimin e 21-vjeçarit.

Është pikërisht, Dani Olmo, ylli i Dinamos së Zagrebit. Për spanjollin, thuhet se Leonardo ka shfaqur interes dhe ekipi kroat e vlerëson rreth 20 milionë euro. Kujtojmë, Dani Olmo ka dalë nga akademia e Barcelonës dhe shihet si një talent i madh.

Bajerni kërkon shokun e Rrahmanit, skautët nisen drejt Kroacisë

Sport Ekspres — Tue, 26 Feb 2019 21:17:44 +0000

Dinamo e Zagrebit pritet të përfitojë një shumë rekord parash nga shitja e talentit spanjoll Dani Olmo. Fantazisti katalanas është pjesë e gjigantit kroat prej tre vitesh e gjysmë, pasi drejtuesit e Dinamos e bindën të linte akademinë e Barcelonës.

Pas tri vitesh të mbushura me punë e sakrificë, kalimi i Olmos në Kroaci ka sjellë rezultate të pabesueshme. 20-vjeçari është lojtari më i dalluar i Dinamos dhe pak muaj më parë u shpall lojtari më i mirë në Kroaci.

Ecuria e spanjollit ka sjellë interesin e shumë klubeve elitarë në Europë, ndër to dhe ish-klubi i Barcelonës. Megjithatë, së fundmi në garë për Olmon është futur Bajerni i Mynihut.

via GIPHY / Driblimi fantastik i Olmos kundër 6 lojtarëve të Rijekës

Mediet kroate raportojnë se “gjiganti” gjerman kishte dërguar skautë në takimin midis Dinamos dhe Pëlzenit si dhe në ndeshjen në kampionat kundër Osijekut. Me shumë gjasa Olmo do të shitet në merkaton e verës dhe nga shitja e tij prite të vendoset një rekord i ri për transferimin më të madh në kampionatin kroat, që momentalisht mbahet nga transferimi i Marko Pjacës, i cili u ble tri vite më parë për 25 milionë nga Juventusi.

Reali në sulm për talentin e rritur nga Barça, gati 26 milionë euro

Sport Ekspres — Tue, 29 Jan 2019 17:56:02 +0000

Reali i Madridit ka bërë vetëm një goditje në merkaton aktuale, teksa bleu Brahim Diaz nga Mançester Siti. Madrilenët kanë qëndruar në heshtje për pjesën më të madhe të dritares së transferimeve, por duket se në ditët e fundit mund të bëjnë një goditje të bujshme.

Siç raportohet nga Spanja, drejtuesit e Realit, kanë gati 26 milionë euro për talentin e Dinamos së Zagrebit, Dani Olmo. Lojtari, i cili është rritur në akademinë e Barcelonës, u shpall lojtari i vitit në Kroaci, teksa fitoi dhe titullin me ekipin e tij.

20-vjeçari kërkohet nga shumë ekipe, por një ofertë e galaktikëve do të tundonte çdo lojtar. Gjithashtu 26 milionë euro për Dianamon do të ishte një shifër që do ta kënaqtë kryesinë e klubit kroat. Mbetet për t’u parë në ditët në vijim reagimi i ekipit nga Zagrebi.

Rrugëtimi i çuditshëm i Dani Olmos, talenti spanjoll që po shkëlqen në Kroaci

Sport Ekspres — Thu, 06 Dec 2018 16:16:37 +0000

Çdo vit me dhjetëra futbollistë ballkanas largohen drejt kampionateve elitare të Europës për një të ardhme më të mirë. Por, për talentin spanjoll Dani Olmo, ka ndodhur krejt e kundërta. Në moshën 16-vjeçare ai pranoi ofertën e Dinamos së Zagrebit dhe firmosi kontratën e tij të parë profesioniste.

Asokohe ishte një ndër talentet më premtues të akademisë së Barcelonës dhe nuk ishin të pakët personat që e cilësuan si një çmenduri vendimin e sulmuesit anësor. Katër vite më vonë, situata për futbollistin tashmë 20-vjeç, nuk mund të kishte shkuar më mirë.

via GIPHY / Driblimi fantastik i Olmos kundër 6 lojtarëve të Rijekës

Për Olmon janë të interesuara shumë klube nëpër Europë, dhe sipas medieve kroati, shitja e talentit spanjoll mund të vendosë një rekord të ri për futbollin kroat, duke kaluar shumën që Juventusi pagoi për Marko Pjacën dy vite më parë. Një ndër klubet e interesuara për të është pikërisht, Barcelona, klubi me të cilin u nda katër vite më parë.