Dani Ceballos

Arsenal fiton derbin e merkatos, “rrëmben” dy objektivat e Totenhemit

Sport Ekspres — Wed, 17 Jul 2019 14:23:46 +0000

Arsenal-Totenhem është një ndër derbet më të zjarrta të Londrës. Tifozeritë urrehen me njëra-tjetrën dhe rivaliteti në fushën e blertë është i madh. Sezoni i ri nuk ka nisur ende, por dueli në merkato midis këtyre dy klubeve është shumë i fortë.

Dy janë objektivat e përbashkët dhe në të dy rastet po triumfon Arsenali. Të paktën për momentin. Dani Sebajos është i preferuari i madh. Arsenali e kërkon në huazim, ndërsa Spurs janë gati t’i blejnë kartonin.

SEVILLE, SPAIN – JANUARY 13: Dani Ceballos of Real Madrid CF in action during the La Liga match between Real Betis Balompie and Real Madrid CF at Estadio Benito Villamarin on January 13, 2019 in Seville, Spain. (Photo by Aitor Alcalde/Getty Images)

Real Madrid preferonte versionin e dytë deri para pak ditësh, por paraqitjet pozitive të mesfushorit ofensiv në Europianin U21 kanë stopuar spanjollët. 22-vjeçari ka potencial dhe mund të shërbejë për të ardhmen.

Sebajos preferon Arsenalin për dy arsye. E para ka të bëjë me faktin që Unai Emeri i premton një vend titullari, ndërsa te Totenhemi do luftojë fort për ta fituar. E dyta ka të bëjë me dëshirën e madhe. Një sezon pozitiv me “topçinjtë” e rikthen në Madrid. Sebajos beson fort se do vijë momenti kur do të rikthehet titullar i Realit.

Sky Sport News raporton se akordi final është drejt konkretizimit. Ka mbetur për t’u dhënë vetëm miratimi i Zinedin Zidan që Sebajos të transferohet tek Arsenali. Aty ku mund të mbërrijë edhe Uilliam Saliba.

I lindur në Francë dhe me origjinë nga Kameruni, vetëm 18 vjeç, aktivizohet si qendërmbrojtës dhe sezonin e kaluar është aktivizuar në 19 ndeshje me St Etienin. Saliba ishte pranë kalimit te Totenhemi, por oferta prej 27 milionë sterlinash e Arsenalit ka bindur lojtarin dhe klubin francez.

Sërish diferencën po e bën dëshira e lojtarit. Si Sebajos dhe Saliba preferojnë kalimin tek ekipi i Unai Emeri përpara transferimit te finalistët e Champions Ligës.

Spastrimet te Reali, një “Galaktik” përfundon në Premier

Sport Ekspres — Tue, 16 Jul 2019 16:26:40 +0000

Real Madridit i duhet të gjejë një skuadër për Sebajos, ku mesfushori ta aktivizohet rregullisht dhe të gjejë formën e tij më të mirë. Për yllin spanjoll interesohet dy londineze, Arsenal dhe Totenhem. Këto të fundit janë të interesuar në blerjen përfundimtare të Sebajos, me Realin që nuk e dëshiron këtë opsion.

Kështu është Arsenali që përfiton nga kjo situatë. Siç raportojnë mediet angleze, “Topçinjtë” janë shumë pranë arritjes së një marrëveshje me Realin për huazimin e 22-vjeçarit. Real pranon këtë mundsi vetëm nëse Arsenal nuk e dëshiron opsionin e blerjes përfundimtare të fantazistit.

Vështirësitë për të nënshkruar me yje të tjerë e bëjnë Emeri të pranojë këtë propozim dhe të sjellë në “Emirates Stadium” Sebajos, edhe pse përkohësisht. Anglezët kanë rënë dakort për të paguar të gjithë pagën e lojtarit prej 3 milionë eurosh. Marrëveshja është shumë pranë mbylljes dhe Sebajos do të vishet bardhekuq.

Poçetino “hakmerret” ndaj Klopit, siguron lojtarin e Spanjës

Sport Ekspres — Fri, 05 Jul 2019 10:35:26 +0000

Totenhemi është gati për goditjen e radhës në merkato. Pasi siguruan shërbimet e Xhek Klark nga Lidsi (u la edhe një vit huazim tek ekipi i Bielsës) dhe Tangui Ndombele nga Lioni, Spurs kanë arritur akordin edhe me Dani Sebajos.

22-vjeçari kërkon largimin nga Real Madrid dhe dëshiron një klub ku të jetë një titullar fiks. Për të interesohet edhe Liverpuli i Klopit, por e ardhmja e spanjollit pritet të jetë Totenhemi.

“As” raporton se tratativa është zhbllokuar nga Mauricio Poçetino. Trajneri ka telefonuar Sebajos, duke i konfirmuar dëshirën e madhe për ta patur në ekip dhe rolin e protagonistit që do të ketë ai.

Mesfushori ofensiv është bindur dhe i ka dhënë fjalën trajnerit argjentinas. Tani duhet arritur akordi me “Los Blancos”, të cilët kërkojnë 50 milionë euro për kartonin e lojtarit të kombëtares iberike.

Milani me një yll më shumë, madrilenin rrugët e çojnë vetëm në “San Siro”

Sport Ekspres — Mon, 24 Jun 2019 18:13:34 +0000

Milani është i dëshpëruar për të sjellë një lojtar të madh në “San Siro” këtë merkato. Problemet me UEFA-n e kushtëzojnë këtë dëshirë dhe Gazidis duhet të bëjë një menaxhim rigoroz pa dalë nga kufijtë e vendosur nga qeveria e futbollit evropian. Lojtari ku janë përqëbdruar të gjitha forcat e klubit kuqezi është Dani Sebajos.

Ylli i Realit nuk ka shumë hapësira në Madrid dhe largimi shihet si e vetmja zgjidhje. 22-vjeçari e ka shprehur edhe publikisht pakënaqësinë e tij për mosaktivizimin nga trajneri Zidan. 22-vjeçari në Milano gjen një situatë krejt ndryshe, ku do të jetë një udhëheqësit e ekipit.

Perez nuk dëshiron të heqë dorë plotësisht nga shërbimet e tij. Pavarësisht mosaktivizimit, në Madrid janë të bindur se mesfushori ka një të ardhme të ndritur. Presidenti madrilen, bashkë me Boban dhe Maldinin do të takohen për të biseduar rreth kësaj marrëveshje. Pretendohet një huazim në këmbim të një shifre të caktuar.

Sebajos flet për merkaton, mesazh i koduar drejt Milanit?

Sport Ekspres — Sun, 23 Jun 2019 12:20:51 +0000

Dani Sebajos është një ndër emrat më të përfolur për merkaton e Milanit, me spanjollin që është kthyer në objektivin kryesor të kuqezinjve.

Aktualisht, mesfushori është i angazhuar në Europianin e U-21, ku edhe mban shiritin e kapitenit me Spanjën e tij. Pas fitores 5-0 një natë më parë ndaj Polonisë dhe kualifikimit në gjysmëfinale, Sebajos foli për mediat, ku normalisht u pyet edhe për të ardhmen e tij.

Fillimisht, spanjolli deklaroi se ka edhe katër vite kontratë me Realin, por në fund e mbylli me një mesazh të koduar, që mendohet se ishte shenjë e qartë për Milanin, ekipi kryesor që interesohet për të.

“Në radhë të parë më duhet të luaj gjysmëfinalen e Europianit dhe të mendoj për të shkuar deri në fund të turneut. Më pas për të ardhmen jam i qetë, pasi kam edhe katër vite kontratë me Realin e Madridit. Kohët e fundit po e shijoj futbollin që po bëj si një fëmijë i vogël dhe nuk dua të mendoj ku do të shkoj vitin e ardhshëm. Thjesht dua që sezonin e ardhshëm ta shijoj futbollin…”

Zidan “urdhër” për blerjen e organizatorit, Reali përgatit ofertën tunduese

Sport Ekspres — Thu, 20 Jun 2019 13:09:59 +0000

Real Madrid nuk ka ndërmend të ndalet në merkato. Perez dëshiron t’i plotësojë dëshirën trajnerit Zidan, i cili insiston për afrimin e Kristian Eriksen. Danezi është preferenca e madhe e mesfushës dhe Reali ka gati një ofertë tunduese për Totenhemin: 45 milionë euro dhe kartonin e Dani Sebajos.

Kontrata e Eriksen me Spurs përfundon në verën e ardhshme dhe rinovimi vështirë që të vijë. Diçka e tillë i detyron nënkampionët e Europës ta shesin vikingun drejt Realit, i cili është gati për të “sakrifikuar” një lojtar me potencial të madh si 22-vjeçari Sebajos.

Ky i fundit ka mbetur i pakënaqur nga minutat e përfituara dhe kërkon të provojë një aventurë të re. Për shërbimet e tij interesohet edhe Milani, që ka nisur ofensivën me anë të Paolo Maldinit.