Alvesh njihet për karakterin e tij ekscentrik, gjë që e tregon shpesh me veprimet e çuditshme në fushë, por edhe jashtë saj në rrjetet sociale ku është shumë aktiv.

Në një postim të bërë në llogarinë e tij në Instragram, futbollisti pyet miq dhe fansa për t’i siguruar një vend pune, duke shkruar: “Kërkoj punë, ku mund t’ia dërgoj “CV” time? Dikush të më lajmëroi nëse ka kohë ta lexojë këtë”.

https://www.instagram.com/p/B0ZVCi_nMDD/?utm_source=ig_web_copy_link

36-vjeçari vazhdimisht na tregon se mosha nuk ndikon fare te ai, duke “kërcyer” samba në fushë e kënaqur tifozët, që nuk reshtin së pari harmoninë e lëvizjeve të tij. Megjithatë, Alvesh njihet edhe për personalitetin e veçantë që ka.

Diçka që e tregon herë pas here edhe në rrjetet sociale, ku bën shaka të ndryshme. Këtë herë ka qenë radha e përdorimit të Instagramit për të gjetur punë, që ta vendosur në CV-në e tij.

“Po kërkoj punë, ku mund ta shtoj në CV-në time. Dikush që ka kohë ta lexojë, le të më përgjigjet”, shkruan ylli latin në postim, ku i dërgon një mesazh të qartë klubeve të mëdhenj të Evropës.

 

View this post on Instagram

 

Busco emprego, onde coloco meu currículo? Alguém me avisa aí se tem tempo de ler!! ??? #GoodCrazyMood

A post shared by DanialvesD2 My Twitter (@danialves) on Jul 26, 2019 at 2:53pm PDT

Kështu kjo ide bie poshte. Mediet spanjolle e lidhin brazilianin me një tjetër rikthim. Sevija është klubi ku ai debutoi në arenën evropiane. Tani afër fundit të karrierës mund të bashkohen sërish rrugët e tyre.

Dani Alvesh e dëshiron akoma qëndrimin në Evropë dhe klubi andaluzian do të ishte vend mjaft i përshtatshëm. Ai e sheh akoma veten të aftë për të përballuar një nivel kaq të lartë.

Ai që del në mbrojtje të yllit argjentinas është Dani Alvesh. Braziliani shprehet se Leo Mesi është lojtari i fundit që duhet kritikuar për atë që jep në fushë, por edhe jasht saj. Ai e vë theksin se futbolli është një lojë kolektive dhe bën një krahasim me sporte individuale si tenisi apo golfi. Më pas Alvesh kujton një polemikë të vjetër me Krisiano Ronaldon dhe thotë edhe disa fjalë për Nejmar. Këtij të fundit i bën një krahasim me Leon.

Leo Mesi- “Pas ndeshjes së parë të gjithë qenë shprehur se Leo është stratosferik apo jashtëtokësor dhe tani ndryshoi situata në të kundërt. Nëse është dikush për të cilin nuk flitet keq është Leo. Për atë që jep brenda fushës dhe për mënyrën sesi jeton jashtë saj. Ka qenë në maksimumin e futbollit për shumë vite. Niveli i tij është më i larti. Gjithsesi ky është një sport ekipor, ku të gjithë duhet të japin 100%, që të funksionojë gjithçka. Vetëm në fushën e golfit ose të tenisit fiton i vetëm.”

Kristiano Ronaldo- “Ai u zemërua me mua se thashë që lojtarët si Kristiano, Leo dhe Nejmar janë gjithmonë në dukje kur çdo gjë shkon mirë, por ato ‘zhduken’ kur ekipi eliminohet. Lojtarë të këtij niveli mbajnë shumë peshë mbi supe.”

Nejmar- “Ai dhe Mesi janë të ndryshëm, por gjithmonë bëjnë dallimin. Gjithsesi ata nuk mund ta bëjnë të gjithë punën të vetëm. Duhet të jetë një mjedis i tërë për të bërë diferencën”, përfundoi Dani Alvesh.

Kontrata e 35-vjeçarit skadon në fund të këtij sezoni dhe duket se drejtuesit e PSG-së janë të bindur për ta mbajtur mbrojtësin në ekip, të paktën edhe për një vit tjetër. Siç është raportuar së fundmi nga mediat në Francë, Dani Alvesh ka marrë një ofertë për rinovimin e kontratës.

Gjithçka pritet të zyrtarizohet në ditët e ardhshme, me brazilianin që do të hedhë të zezën mbi të bardhë, edhe pse ka ende diskutime, sepse Alvesh kërkon rinovim për 2 sezone. 35-vjeçari vijon të konfirmohet që mund të luajë në nivele të larta, pavarësisht moshës së madhe që ka.

Në takimin e djeshëm dyshja e mesfushës përbëhej nga dy mbrojtës, të dy brazilian. Bëhet fjalë për Dani Alvesh dhe Markuinjos. 35-vjeçari Alvesh luante për herë të parë në këtë pozicion, që dashur pa dashur e fut në historinë e PSG-së.

Braziliani bëhet i pari futbollist i parisienëve që ka luajtur në çdo repart të fushës: Portë, Mbrojtje dhe Sulm.

Nëse po vrisni mendjen se kur ka luajtur Alvesh si portier, duhet të kthehemi në 6 shkurt të 2018-ës, në ndeshjen e Kupës së Francës ndaj Soshos, ku pas daljes me të kuqe të portierit Kevin Trap, Alvesh u fut të mbronte kuadratin e skuadrës për shkak të ishin kryer tre zëvendësimet.

“Nuk e kuptoj me çfarë logjike e kanë marrë vendimin për të luajtur finalen në Madrid. Çfarë dreqin duhet të bëjë një tifoz nëse fëmijët e tij kërkojnë ta shikojnë këtë ndeshje. Kosto e biletave të avionit është e papërballueshme, të mos flasim më për gjërat e tjera. Për atë zot, të merren disa masa sigurie dhe le të luhet ndeshja në Velez në një nga qytetet e shumta të Argjentinës”, tha legjenda e argjentinase.

Futbollisti brazilian Dani Alvesh ka qenë një ndër figurat e shumta të sportit që kanë kundërshtuar vendimin e “CONMEBOL” për të luajtur takimin e finales në Madrid. Me anë të një  postimi në rrjetet sociale, Alvesh shprehu qartazi pikëpamjet e tij mbi këtë çështje.

“Për mua, zhvillimi i Boka – River jashtë Amerikës së Jugut, është turpi më i madh që kam parë dhe do të shoh ndonjëherë si një futbollist. Për të mirën e futbollit shpresoj që kjo ndeshje të mos luhet në Madrid, në respekt të të gjithë atyre tifozëve që nuk kanë të bëjnë fare me atë incident që i ndodhi autobusit të Bokës”, shkroi Alvesh.

Braziliani i PSG ka folur për “Telegraph”, duke theksuar dëshirën e tij për të mos e mbyllur karrierën pa luajtur në vendin ishullor. “Ideja e mbylljes së karrierës pa luajtur në Premier Ligë nuk është e mundur. Në Angli luhet futbolli më i pabesueshëm në botë. Mbi të gjitha për respektin që tifozët kanë për ne futbollistët dhe pastaj për pasionin dhe intensitetin në fushë. Do të ishte perfekte të kisha mundësinë për të luajtur në kampionatin anglez. Do të ndodhë në një mënyrë, ose në një tjetër“, insiston Dani Alvesh.

Braziliani i skadon kontrata me PSG në qershorin e ardhshëm dhe një gjë e tillë mund të shtyje lojtarin të largohet drejt Premier Ligës, që në merkaton e janarit.

Mbrojtësi i djathtë, një nga më të mirët e dekadës së fundit në rolin e tij, flet për “Sky Sport” për dy trajnerë: Zhoze Murinjon, me të cilin nuk punoi kurrë dhe Pep Guardiolën, me të cilin dominoi botën, trajnerin më të mirë që ka patur në karrierën e tij.

MURINJO – “Më pëlqen të punoj më njerëz konkurues, të cilëve iu pëlqen të fitojnë. Dëshiroja të punoja me Murinjon dhe mund të kisha shkuar te Çelsi, përpara se të kaloja te Barcelona. Nuk shkova në Londër për një zgjedhje të klubit dhe jo timen. Mendova se transferimi im ishte kryer dhe isha i bindur të punoja me Murinjon. Nuk e di nëse ai ka patur informacione të ndryshme, që nuk doja të kaloja në Premier, ose të stërvitesha nga ai, por fakti është se pas kësaj historie marrëdhëniet tona nuk ishin kurrë të mira. Por, nuk është faji im, isha i bindur që do të punoja me të dhe që do të isha pjesë e skuadrës së tij.

GUARDIOLA – “Pep është trajneri më i mirë me të cilin kam punuar. Të punosh me të është diçka më e mirë se të bësh seks. Në momentet e rëndësishme ai është absolutisht një gjeni. Di t’i bëjë lojtarët të kuptojnë saktësisht atë që duhet të bëjnë. Në disa raste na ka bërë të fitojmë thjeshtë, duke ndjekur udhëzimet e tij të shkruara në letër. Pse nuk u bashkova me të te Mançester Siti? Ishte gjithçka e përfunduar për të kaluar te Siti, por gjithçka u prish për një shkak familjar. Fola me Pepin dhe ai e dinte se qëllimi im ishte të rikthehesha të punoja me të. E di mirë se sa e vlerësoj atë dhe stafin e tij. Ky ishte shkaku që doja të punoja përsëri me të, por gjërat morën një tjetër drejtim.

24-vjeçari i krahut të djathtë të mbrojtjes u ble nga Interi dhe është një nga më të dalluarit e ekipit të Alegrit në këtë fillim sezoni. Kanselo është i fortë në mbrojtje dhe shumë aktiv në fazën ofensive. Ndonjëherë del në sulm më shumë sesa shoku i repartit të avancuar dhe kjo gjë e ka bërë të krahasohet me Dani Alvesh.

Braziliani u zbulua nga ekipi i Seviljes, pushtoi botën me Barcelonën, luajti një vit me Juven dhe tani është pjesë e PSG. Ai ka qenë dhe mbetet një nga më të mirët në rolin e vet në këto vite. 35-vjeçarit nuk i kanë mbetur dhe shumë vite karrierë, por ai mendon se është akoma më i miri në rolin e tij. “Jo! Askush nuk është si unë!”, shprehet Dani Alvesh në rrjetet sociale, në një postim qyq e krahasonin Kanselon me të.

No! Like me don’t have! ? https://t.co/kiglBQF3r6

— Daniel Alves (@DaniAlvesD2) October 25, 2018

Bufon ka fituar Botërorin e Gjermanisë në vitin 2006, ndërsa Champions-i është i vetmi trofe që i mungon. Ndryshon situata për ish-lojtarin e Barcelonës. Dani Alvesh ka fituar 3 herë Champions-in, por fiksimi i tij është Kupa e Botës.

“Isha në dush dhe aty ndodhej dhe Dani Alvesh. Po më shikonte dhe në një moment më tha se më kishte zili për Kupën e Botës që kisha fituar me Italinë ne vitin 2006. Më tregoi se ishte gati të falte 5 Champions-a për Kupën e Botës. Sipas Danit, një Botëror i fituar do të thotë të bësh të lumtur një komb të terë dhe njerëzit që jetojnë atje. Kjo është një gjë e veçantë, sepse unë luftoj për të fituar Champions-in, ndërsa ai për të fituar Kupën e Botës”, përfundon gardiani i PSG.

Një arritje e tillë gëzon gjithë popullin tënd, të cilët nuk të harrojnë kurrë. Të dy lojtarët janë respektivisht 40 dhe 35 vjeç dhe nuk kanë shumë kohë për të arritur diçka të tillë, por kurrë mos thuaj kurrë.

Që nga objektivi i PSG, trajneri i ri, Tomas Tuhel, te largimi i Kristiano Ronaldos nga Reali i Madridit. Alvesh mendon ndryshe nga opinioni i gjerë për Realin e Madridit dhe shpjegon se pse nuk është habitur nga vendimi i portugezit për t’u larguar drejt Juventusit.

Objektivi Champions – “Realizimi i objektivit të klubit nuk është aq i komplikuar sa mendohet, por është e nevojshme për të bërë ndryshime, të kesh një shpirt skuadre ndryshe dhe një mentalitet tjetër. Ketë vit kam ndjenja pozitive. Gjërat po përmirësohen nga brenda ekipit. Disa gjëra po ndryshojnë për mirë dhe njerëzit po e kuptojnë se për çfarë ka të bëjë kjo lojë futbolli.”

Rikuperimi – “Ndihem mirë, ishte momenti më i vështirë në karrierën time, por dhe shumë impenjativ. Luaj prej 20 vitesh, por diçka e tillë nuk më kishte ndodhur kurrë. Ishte e dhimbshme, sepse humba gjëra të rëndësishme. Ndoshta jeta po më vë në provë, por do të tentoj të përgjigjem ashtu siç kam bërë gjithmonë.”

Tuhel – “Trajneri më pëlqen, ka një shpirt të pabesueshëm. Ai ka ndryshuar shumë gjëra, sa i përket shpirtit të skuadrës dhe mentalitetit. Kemi një sfidë të madhe përpara dhe ndodhemi në një grup të fortë me rivalë të mëdhenj, por që na jep mundësinë të matim forcat që në fillim.”

Reali pa Ronaldon – “Unë mendoj ndryshe nga shumica. Pa Kristianon, Reali është një skuadër më e vështirë për t’u përballuar. Më parë ata bazoheshin te Ronaldo, por tashmë janë më të rrezikshëm, të paktën nga syri se si e shoh unë futbollin dhe mendoj që kuptoj diçka nga kjo lojë. Ronaldo është një humbje e tmerrshme, por Reali mbetet Reali dhe ata janë më shumë skuadër se sa ishin.”

Sfidat e reja – “Njerëzit duan sfida, vazhdojnë të ndihen të gjallë dhe kanë nevojë për sfida të reja. Për ketë fakt unë nuk surprizohet nga largimi i Kristianos. Ai qëndroi gjatë të Reali, arriti gjëra të mëdha me klubin dhe vendosi të ndryshonte ambient. Të njëjtën gjë bëra dhe unë kur isha pjesë e Barcelonës. Luftëtarët e vërtetë kanë nevojë për sfida të reja dhe nuk kanë nevojë për rehati.”

Alvesh bën dhe një krahasim të goditur mbi fitoren e Hamiltonit në Itali, në shtëpinë e Ferrarit. “Suksesi i Hamilton këtu është sikur të kishte fituar Barcelona në ‘Santiago Bernabeu’.

Sot për sot, Hamilton është Airton Sena i ri, gjithmonë me një distancë të drejtë, sepse Airton është gjithmonë Airton”, u shpreh futbollisti 35-vjeçar për “Movistar +”, ndërsa në profilin e tij në “Instagram”, ai postoi një foto me pilotin britanik me mbishkrimin sipër: “Numri 1”.

“The number 1”

A post shared by DanialvesD2 My Twitter (@danialves) on Sep 2, 2018 at 9:49am PDT