Përveç lojtarëve që pritet të afrohen këtë merkato, Konte dëshiron të mbajë në skuadër disa lojtarë që bënë një sezon të mirë me fanellën e Interit. Një ndër ta, është mbrojtësi Danilo Dambrozio. Ky i fundit luajti 38 ndeshje sezonin e shkuar, duke shënuar 2 gola dhe duke dhuruar 6 asiste.

Kontrata aktuale e Dambrozios skadon në vitin 2021, por tratativat për rinovimin e saj me një vit më shumë, kanë nisur mes drejtuesve zikaltër dhe mbrojtësit italian. Shumë shpejt do pritet të ketë dhe një zyrtarizim të këtij rinovimi.