Në ditët e fundit ishte vënë në pikëpyetje e ardhmja e Armend Dallkut me skuadrën e Prishtinës, por sot gjithçka është sqaruar dhe ish-mbrojtësi i Kombëtares Shqiptare do të vijojë dhe për së paku një edicion të jetë pjesë e skuadrës së Prishtinës, ku ka mbajtur dhe shiritin e kapitenit.

Dallku u përfol se mund të kalonte tek Llapi, ku tekniku Bylbyl Sokoli e kishte shprehur hapur se e donte mbrojtësin në skuadër. Gjithsesi, pas takimit me presidentin e Prishtinës, palët kanë gjetur gjuhën e përbashkët për ta zgjatur dhe një vit tjetër bashkëpunimin. 35-vjeçari nuk do të jetë i gatshëm për ndeshjen e parë të edicionit, në Superkupën me skuadrën e Dritës.

Megjithatë, prania e një boshnjaku te Kosova nuk është pranuar qetësisht në Kosovë dhe një nga ata që ka ngritur zërin është edhe Armend Dallku. Mbrojtësi i famshëm, me një postim në Facebook, ka përmbledhur gjithë revoltën e sportdashësve në Kosovë, që në fakt e kanë inatin jo thjesht me portierin, por ecuria e dobët e Kosovës dhe problemet e mëdha të saj kanë bërë që të shfryjnë edhe ndaj Nurkoviqit të varfër: “A s’po ka portierë shqiptarë bre, veç Nurkoviq me mbrojtë bre, marrja e zotit!”.