Dalipi

Gjashtë vite i “kuq”, largimi i radhës nga Partizani

Sport Ekspres — Wed, 26 Jun 2019 17:38:39 +0000

Klevis Dalipi nuk do të jetë më pjesë e klubit të Partizanit. Ish-trajneri i “demave” ka bërë të ditur me anë të një postimi në rrjetet sociale se bashkëpunimi midis tij dhe kryeqytetasve është ndërprerë.

Elbasanasi iu bashkua Partizanit në janar të 2013-ës, ku iu besua roli i zëvendës-trajnerit në kohën kur trajneri i Partizanit ishte Shpëtim Duro. Ish-sulmuesi mbajti këtë rol te kryeqytetasit për pesë vite, derisa iu dha mundësia për tu graduar në rolin e trajnerit pas shkarkimit të Sulejman Starovës në mars të 2018-ës.

Gjatë sezonit të shkuar Dalipi punoi në strukturat e akademisë së Partizanit, ku trajnoi për një vit ekipin U19.

Dalipi: Partizani nuk toleroi, Tirana nuk ka besim dhe harmoni

Sport Ekspres — Tue, 21 May 2019 18:29:41 +0000

Paraqitjet e fundit të Tiranës nuk e bëjnë aspak optimist ish-trajnerin e Partizanit, Klevis Dalipin. Ish-futbollisti i disa skuadrave të Superiores komentoi situatën që po përjetojnë bardheblutë në emisionin “Kampionët” në “Vizion Plus”.

TIRANA KUNDËR LAÇIT – “Është një fushë shumë e vështirë ajo e Laçit. Tirana do ta ketë shumë të vështirë. Nuk kanë entuziazëm, nuk kanë besim, nuk kanë harmoninë. Në Laç duhet të shkohet për të fituar jo për barazim, por për momentin Tirana nuk i ka lojtarët në nivelin e duhur të luftës për t’u vënë përballë një Laçi, as më tepër në fushën e këtyre të fundit. Uroj që të jetë një ndeshje e drejtë e të fitojë më i miri. Me mënyrën që e pashë të luante ndaj Kastriotit do ta kenë shumë të vështirë”.

PARTIZANI – “Duhet ta pranojnë se lojtarët që u aktivizuan ndaj Teutës nuk kanë pasur minutazhin e duhur. Mendoj se trajneri Gega ka menduar t’u japë mundësi lojtarëve për të treguar veten. Disa prej tyre janë akoma nën kontratë dhe nëse nuk bindin mund të huazohen. Tolerim? Nuk mendoj se jam në gjendje ta dalloj këtë. Di të them se Partizani pati një rast të shkëlqyer me Mensah. Hidi kreu një pritje shumë të vështirë në atë rast. Nuk është se Mensah e humbi qëllimisht”.

Trajner shqiptar në kombëtare? Tahiri dhe Shehu pro, Dalipi kundër

Sport Ekspres — Tue, 26 Mar 2019 12:56:06 +0000

Po përflitet gjithmonë e më shumë mundësia që në kombëtaren shqiptare të rikthehet një trajner shqiptar. Paneli i të ftuarve në emisionit “Kampionët” në “Vizion Plus” diskutoi mbi këtë temë. Gazetari Lirim Zalla dhe ish-futbollistët Ermal Tahiri e Ylli Shehu ishin pro emërimit të një trajneri shqiptar, ndërsa Klevis Dalipi ishte kundër.

ZALLA: “Unë them që ka ardhur dita dhe momenti për të pasur trajner shqiptar. Kam qenë me veprimet e presidentit deri përpara Panuçit, pas De Biazit duhet që kombëtarja ta kishte trajnerin shqiptar Kam qenë dakord për trajnerët e huaj pasi në Shqipëri të rrethojnë. Të rrethon komshiu, të afërmi njerëzit për të bërë seleksionimin jo normal. Mirëpo tani kanë ndryshuar kohërat dhe ka ardhur momenti për të provuar një trajner shqiptar”.

SHEHU: “Ishte një periudhë që u fol se duhet të vinte një huaj, pasi flitej se te shqiptarët kishte shumë ndërhyrje. Nëse trajnerët shqiptar i kanë pasur ndërhyrjet nga brenda, këta të huajt i kanë nga jashtë, nga menaxherët etj.

TAHIRI: “Mendimi im është që ka ardhur koha për një trajner shqiptar. Duhet t’u japim besimin. Këtu më pas është roli i presidentit që ka në dorë vendimin”.

DALIPI: “Unë jam i mendimit për një trajner të huaj. Është e vërtetë që mund të ketë ndërhyrje nga jashtë e brenda, por një trajneri i huaj kur vjen në Shqipëri vjen me shumë pak njohje nga faktori brendshëm. Çdo trajner ka ato rregulluat e veta që mund ta çojnë drejt suksesit. Një trajner shqiptar është paksa më i thyeshëm në këtë aspekt. Mendoj se akoma nuk e kemi mentalitetin për të mbajtur një trajner shqiptar në kombëtare”.

Dalipi i zhgënjyer nga Aliji: Duhej Trashi, vetëm ai bën diferencën

Sport Ekspres — Tue, 26 Mar 2019 11:12:21 +0000

Ish-trajneri i Partizanit, Klevis Dalipi, ishte ftuar në emisionin “Kampionët” në “Vizion Plus”. Tekniku 43-vjeçar diskutoi mbi fitoren që kombëtarja shqiptare kreu kundër Androrrës.

Sipas Dalipit, kjo ishte ndeshje perfekte për t’i dhënë një shans në kombëtare Trashit, pasi sipas tij mëngjarashi i Partizanit është i vetmi lojtar mbrojtës që e kryen mirë fazën sulmuese. Në ndryshim nga Aliji dhe Hysaj.

“As Hysaj as Aliji nuk i kanë karakteristikat e një lojtari mbrojtës që kalon mirë në sulm dhe është superior ndaj kundërshtarit në situata një kundër një. Jam i mendimit që i vetmi lojtar që mund ta bënte mirë këtë rol është lojtari i Partizanit, Lorenc Trashi. Gjithsesi duhej besim, por atje vinim pas një ndeshje negative dhe duhej patjetër të merrnim rezultat kundër Andorrës. Kjo ishte ndeshja perfekte, pasi Trashi mund të bënte diferencën në metrat e fundit dhe të dërgonte harkime te sakta te sulmuesit tanë” , tha Dalipi.

Dalipi: Europa e pakapshme, por nuk dorëzohemi

Sport Ekspres — Wed, 09 May 2018 16:47:53 +0000

Trajneri i Partizanit, Klevis Dalipi ka pranuar se Partizani është pothuajse jashtë Europës, por ai dhe ekipi do të luftojnë deri në fund. Në një intervistë të gjatë pas ndeshjes me “Supersport” trajneri i të kuqve foli pa dorashka se çfarë do të ndodhë në vazhdim me Partizanin.
Rezultati – “Kishim një javë shumë të shkurtër për të punuar, vinim pas një humbje të rëndë. Djemtë punuan, por kaq kohë kishim. Pas pjesës së parë folëm me lojtarët, biseduam se duhet të ishim të kujdesshëm se nuk ka mbaruar asgjë. Nuk dua të bëj fajtorë lojtarët, por oshilacionet e vitit si duket futen ekipin në trysni dhe ndjeu ngarkesën e sezonit. Morëm rezultat pozitiv, e vërtetë, por që na largon nga lufta e vendit të tretë. Nuk që e thënë, por kemi tre ndeshje të tjera, kemi një javë shumë të vështirë me Vllazninë që luan për mbijetesë. Duhet të kemi moralin në rregull. Komplimentoj lojtarët, ky është futbolli dhe të vjen keq që nuk morëm më shumë se një barazim”.
Teuta e Telushi – “Nuk besoj se ka lidhje kjo me humbjen. Në përbërje kam lojtarë shumë të mirë. Këto ndeshje i bën lojtarët të japin më tepër, sesa në ndeshjen me Lushnjën. Lojtarët duhet të ndiejnë ndeshje të kësaj rëndësie për të dhënë gjithçka. Tre pikët janë të njëjtat si me Luftëtarin si me skuadrën simpatike të Lushnjës. Do të luftojmë deri në fund për të arritur Europën.
Larg Europës – “Janë dhe 9 pikë në garë, do të luftojmë për të dhënë gjithçka. Ndaj Vllaznisë do të jetë një takim i vështirë. Duhet të bëjmë gjithçka. Nuk e di se çfarë duhet të ndodhi, kemi nevojë edhe për tifozët”.
Zërat për trajnerë – “Unë duhet të luftojë fort së bashku me lojtarët, për të gjitha takimet. Takimet janë të gjitha të rëndësishme. Duhet të jemi me këmbë në tokë. Të njëjtë lojtarë ishim që morën super merita. Lojtarët duhet të japin në çdo ndeshje gjithçka. Përbërjen e skuadrës e kemi, por oshilacionet e fillimit të vitit, ndikuan. Nuk do ti demoralizonte ata kaq shume. Rrjetet sociale kanë ndikuar, me lajmet e ardhjes së trajnerit. Nëse nuk merr rezultatin, ajo është pasqyra e vërtet. Nuk e kam humbur besimin, do të bëjmë diçka për të shkuar në Europë, më pas të shohim çdo të ndodhë”.
Kulum-Malaj – “Ka qenë një zgjedhje taktike. Ndihmonte edhe në fazën mbrojtëse edhe në sulm. Mala është shtatshkurtër. Prezantimi i Kulumit na jepte më shumë shtatlartësi. Në golin e dytë, funksionoi ajo që bëmë në stërvitje. Ndeshjet nuk i ngjajnë njëra-tjetrës, ndaj edhe zgjedhjet janë të tilla”.
Gjendja e ekipit – “Në përbërje kam lojtarë të mirë, ndeshje të këtij karakteri na duhen, të luftuar kaq fort. Ato bëjnë që lojtarët të luajnë më tepër. Skuadra nuk kishte lidhje me prezantimin e sotëm në krahasim me sfidën me Lushnjën. Lojtarët duhet të ndjejnë ndeshje të kësaj rëndësie për të dhënë gjithçka, duhet punuar që 3 pikët janë të njëjta si me Luftëtarin, ashtu edhe me skuadrat e tjera. Do të luftojmë deri në fund për Europën, se është i vetmi objektiv që shpëton sezonin me shumë probleme”.
Vllaznia – “Dihet që Vllaznia është e vështirë, por kemi objektiv madhor. Shpresojmë të bëjmë diçka për tifozët për ndeshjen e kthimit. Kemi nevojë për ta në ndeshjen me Vllazninë”.
Ndikimi – “Ajo pse isha i mërzitur pas Kukësit, ishte fakti që e di që nuk është ekipi ky. Këto lojtarë janë ata që kanë qenë super të motivuar, ndërsa ndodhin ndeshje të tilla. Po si duket ndikojnë oshilacionet e vitit, do të ishte në vazhdimësi më e mirë skuadra nëse do të kishte që në fillim qëndrueshmëri. Rrjetet sociale kanë ndikuar pak, se punojmë gjatë gjithë javës bashkë, rezultat i shikon gjithkush. Pastaj gjithçka komentohet është rezultati. Nuk kam humbur besimin, edhe këto 3 javë do të luftojmë që të arrijmë të çojmë skuadrën në Europë, pastaj të shohim se çfarë do të ndodhë”.

Një dhuratë për ditëlindje, Dalipi: Me mua do shihni Partizan sulmues

Sport Ekspres — Tue, 13 Mar 2018 13:25:30 +0000

Trajneri i ri i Partizanit, Klevis Dalipi, ka dalë sot në konferencë për shtyp në prag të sfidës kundër Vllaznisë, ndërsa ka qenë një konferencë e veçantë, pasi Dalipi sot feston 42-vjetorin e lindjes dhe është ditëlindja e parë si trajner i parë. Për Dalipin ulja në stolin e kuq është një dhuratë e bukur, ndërkohë që ka besim të plotë se nesër do të vijë fitorja e dytë për të në stolin e Partizanit.

“Nuk e kisha parashikuar kurrë që pak ditë para ditëlindjes do të emërohesha në drejtimin e skuadrës. Sigurisht që do të ishte kënaqësi për mua, por ajo që dëshiroj më tepër në këtë moment është të bëjë më të mirën dhe skuadra të ecë përpara dhe të arrijë objektivat. Vllaznia është një skuadër që lufton për mbijetesë dhe pikët janë jetike për të, por ne kemi objektivin tonë dhe shkojmë në Shkodër për fitore. Jemi të vetëdijshëm se Vllaznia ka treguar rritje në lojë dhe rezultate në ndeshjet e fundit, për më tepër që ka afruar një nga sulmuesit më të mirë të kampionatit, Xhevahir Sukajn. Ne jemi përgatitur më së miri, e dimë shkallën e vështirësisë që paraqet kjo ndeshje, që brenda 90 minutave do të rezervojë shumë episode. Shpresojmë që këto episode të jenë në krahun tonë dhe të dalim në lojën që kërkojmë ne, duke ditur që edhe terreni i stadiumit “Loro Boriçi” ta lejon diçka të tillë.

Formacioni – “Sskuadra nuk do të ketë ndryshime, do të zbresë në fushë ai formacion që triumfoi ndaj Luftëtarit. Ne kemi në përbërje një grup shumë të mirë lojtarësh dhe për këtë fakt kam vështirësi edhe për të përzgjedhur 18 lojtarët që do të grumbulloj ndaj Vllaznisë. Skuadra nuk do të pësojë ndryshime, por e rëndësishme është të funksionojë dyshja e mesfushës Batha-Mala, që bëri një ndeshje të mrekullueshme me Luftëtarin.

Europa – “E pranova ftesën e Presidentit Demi, pasi e di se skuadra ka shumë për të dhënë dhe jemi shumë afër objektivit të Europës. Tashmë çdo gjë mbetet në dorën tonë, ndeshjet janë të vështira, por duhet t’i marrim ato një nga një, pasi tri pikët janë njësoj me të gjithë ekipet. Duhet të japim maksimumin deri në fund të arrijmë këtë objektiv, sepse kjo në një farë mënyre shpëton sezonin tonë.

Starova – “Gjatë kohës që kemi punuar së bashku, kemi pasur mendime të njëjta. Sigurisht, kam mendimet e mia, por diçka e tillë nuk mund të realizohet sot për nesër, sigurisht duhet pak kohë. Në javët në vazhdim do të shikoni një skuadër që do të reagojë ndryshe, do të jetë më shumë sulmuese. Për trajnerin Starova do të pohoja se është kënaqësi për të që në krye të skuadrës ka lënë një person, me të cilin ka punuar për disa vite dhe ndryshimi është bërë brenda familjes. Sigurisht, edhe idetë e Starovës që kam marrë, do t’i vë në praktikë, sepse suksesi nëse është i imi, patjetër do të jetë edhe i Starovës.

Dëmtimet – “Fejzullahi vijon të jetë në fazën e riaftësimit dhe ende nuk është 100% i gatshëm për të përballuar një ndeshje të vërtetë. Mendojmë që në vazhdimësi të aktivizohet te Partizani B, në mënyrë që të marrë minuta për të qenë më pas gati për ekipin e parë”.