Dalic

Polemikat me Ramosin, Daliç: Do flas me Lovrenin, na kënaq dhe barazimi me Anglinë

Sport Ekspres — Sat, 17 Nov 2018 18:03:03 +0000

Në ditë e fundit kemi parë shumë ngacmime në distancë të Lovren dhe Ramos, çka kanë sjellë shumë polemika. Kroacia ka një ndeshje delikate dhe trajneri Zllatko Daliç do që ta ketë skuadrën e përqendruar dhe jo që të merret me polemika jashtë fushe. Në konferencën për shtyp para takimit me anglezët, edhe Daliç ka çuar se do të ketë një bisedë me Lovren por nuk dëshiron që ta bëjë publike atë që do të diskutohet: “Do të flas me Lovren, së bashku me skuadrën, por nuk mund ta zbuloj se çfarë do të bisedohet, pasi çdo gjë që do flasim do të mbetet mes nesh”. Mbetet për t’u parë nëse do të ketë ndonjë masë për lojtarin e Liverpulit.

Ndeshja me Anglinë ka një rëndësi të madhe për ekipin ballkanas, pasi një fitore mund ta çojë në vendin e parë në grup, por me një humbje do të zbriste në Ligën B. Në anën tjetër një barazim pa gola do i çonte kroatët në vendin e fundit, ndërsa një barazim me gola do bënte që Anglia të zbresë poshtë tyre në renditje. Trajneri kroat e pranon se skuadra e tij është e lodhur, pasi është e vështirë që të luash ndaj Spanjës, ndaj do e kënaqte dhe një barazim në ndeshjen me skuadrën e Southgejt.

“Është hera e tretë që ndeshemi me Anglinë në pak kohë dhe skuadrat e njohin njëra-tjetrën. Do të jetë një ndeshje e fortë, por duhet ta pranoj se jemi paksa të lodhur, kjo për faktin se kemi vetëm pak kohë në dispozicion pas ndeshjes me Spanjën. Do më kënaqte dhe një barazim. Anglia ka lojtarë të rinj dhe të shpejtë”.

Daliç zbulon listën, kampionati kroat në harresë

Sport Ekspres — Fri, 02 Nov 2018 20:54:08 +0000

Trajneri i kombëtares kroate, Zllatko Daliçç, ka shpallur listën me 25 lojtarët e grumbulluar për ndeshjet ndaj Spanjës dhe Anglisë në kuadër të “Nations League”. Në listë mbizotërojnë futbollistët nga kampionati italian, Serie A, me 8 lojtarë që vijnë nga gadishulli apenin.

Ndërkohë i vetmi përfaqësues i kampionatit kroat në listën e Daliçç është portieri i Dinamos së Zagrebit, Dominik Livakoviç. Në repartin e sulmit bie në sy mungesa e një sulmuesi pykë. Dorëheqja e Mario Mandzukiçç dhe përjashtimi i Nikola Kaliniçç kanë sjellë jo pak probleme në atë repart.

Portierë: Lovre Kaliniç, Dominik Livakoviç, Karlo Letica;

Mbrojtës: Domagoj Vida, Dejan Lovren, Sime Vrsaljko, Josip Pivariç, Tin Jedvaj, Matej Mitroviç, Duje Kaleta-Çar, Antonio Miliç;

Mesfushorë: Luka Modriç, Ivan Rakitiç, Mateo Kovaçiç, Milan Badelj, Marcelo Brozoviç, Marko Rog, Mario Pasaliç, Filip Bradariç;

Sulmues: Ivan Perisiç, Andrej Kramariç, Ante Rebiç, Marko Pjaca, Nikola Vlasiç, Josip Brekalo

??#Croatia squad for #NationsLeague encounters with ??@SeFutbol (15/11, Zagreb) and ???????@England (18/11, London)! ?#BeProud #Vatreni pic.twitter.com/OzilYD7lwL

— HNS (@HNS_CFF) November 2, 2018

Daliç sulmon Ronaldon: Egoist, s’do e merrja kurrë në skuadër

Sport Ekspres — Sat, 01 Sep 2018 19:46:08 +0000

Kristiano Ronaldo nuk mori pjesë në ceremoninë gala të shpërndarjes së çmimeve të UEFA-s për sezonin që lamë pas. Portugezi u shpall sulmuesi më i mirë i edicionit të kaluar të Champions-it, por çmimi më prestigjioz, ai i lojtarit më të mirë iu dha ish-kolegut të tij Luka Modriç dhe dyshohet se ka qenë kjo arsyeja që solli mungesën e papritur të 33-vjeçarit.

Sjellja e Ronaldos ka bërë që trajneri i kombëtares kroate, Zlatko Daliç, të reagojë me disa deklarata tepër të ashpra ndaj yllit portugez: “Ronaldo është një lojtar egoist, unë kurrë nuk do ta merrja atë në skuadrën time. “Ai është një ndër ata lojtarë që nëse shënon, nuk i intereson më pas nëse ekipi i tij humb”, tha Daliç në një intervistë për medien kroate “Sportske Novosti”.

Kualifikim spektakolar, Kroacia i beson përfundimisht trajnerit Zllatko Daliç

Sport Ekspres — Tue, 14 Nov 2017 15:07:04 +0000

Zllatko Daliç do të vazhdojë të drejtojë Kroacinë, të paktën deri në verë 2018, pas kualifikimit të shkëlqyer për në Kupën e Botës. Trajneri 51-vjeçar e mori drejtimin e Kroacisë në një moment krize, pas pushimit nga puna të Ante Çaçiç në fillim të tetorit, kur Kroacia barazoi ndaj Finlandës në shtëpi dhe ishte shumë pranë eliminimit.

Drejtimin e mori Daliç dhe ish-trajneri i Dinamos sonë tregoi një guxim të rrallë, sepse e mori Kroacinë pak ditë para superndeshjes në Ukrainë, ku i duhej fitorja. Ia doli mbanë, një fitore 2-0 e çoi në play-off, ku Kroacia hoqi qafe me lehtësi Greqinë.

Tani Federata Kroate është bindur se ka gjetur njeriun e duhur, sepse Daliç ishte punësuar përkohësisht, sa për të mbyllur kualifikueset. Presidenti i Federatës, legjendari Davor Shuker, shkruan në faqen zyrtare të Federatës: “Në kualifikueset kundër Ukrainës Zllatko Daliç ka justifikuar absolutisht besimin që kishim tek ai, duke konfirmuar se ishte zgjedhja e duhur. Ramë shumë shpejt dakord në tetor, e njëtja gjë edhe tani, pasi kemi objektiv të përbashkët suksesin e kombëtares kroate. Përgëzoj trajnerin, i cili ka treguar se e meriton të konfirmohet dhe do të bëjmë gjithçka që Kroacia të përgatitet në mënyrë perfekte për Kupën e Botës”.

?HNS president Davor Šuker and head coach Zlatko Dali? agree on the future partnership, as Dali? takes #Croatia to the @FIFAWorldCup:
??https://t.co/centY8IwDx #BeProud #Vatreni pic.twitter.com/KnmfVs1bkN

— HNS | CFF (@HNS_CFF) November 14, 2017