Dalbert

Konte kërkon një lojtar të majtë, por ka një problem

Sport Ekspres — Wed, 31 Jul 2019 19:28:23 +0000

Interi është në kërkim të një mbrojtësi krahu. Alternativat në kampin zilaltër nuk mungojnë. Emrat që qarkullojnë janë Filip Kostiç i Ajntrahtit, Mateo Darmian i Junajtid apo Kurzaua i PSG. Të gjithë këto janë të arritshëm, por në kampin zikaltër së pari duhet të shesin.

Në atë pozicion janë dy alternativa dhe një mes Asamoah dhe Dalbert duhet të kargohet. Ky i fundit është emri më i lakuar për të ikur. Megjithatë kjo nuk po ndodh dhe blerësit nuk po duken. Borusia Dortmund është klubi i vetëm i interesuar për të, por nuk po vjen me asnjë ofertë zyrtare.

Largon dy senatorë të tjerë, Interi ka gati 6 emra

Sport Ekspres — Mon, 22 Jul 2019 15:59:52 +0000

Naingolan dhe Ikardi nuk do të jenë të vetmit të vetmit të larguar nga Interi këtë verë. Dalbert dhe Perisiç janë me valixhet gati dhe mund të ikin nga momenti në moment. Mbrojtësi nuk ka gjetur veten dhe Interi dhe largimi është gati një fakt.
Perisiç nuk ndihet mirë dhe prej kohësh ka shfaqur sinjale për një “arratisje”. Ajo që e shton më shumë mundësinë e ndarjes së tij me Interin është Konte. Trajneri duket se e ka nxjerrë nga planet dhe ka hartuar një skemë, pa kroatin pjesë të saj.

Për të zëvendësuar këto dy lojtarë Marota ka shkruar një listë me emra. Mateo Darmian është emri i parë dhe më i mundshëm. Junajtid e ka si ”barrë” dhe është gati ta lërë të lirë për vetëm 4 milionë euro. Kristiano Biragi është lojtari tjetër. Fiorentina nuk e lë të lirë për më pak se 18 milionë euro.

Markos Alonso dhe Emerson Palmieri mund të themi se janë një ëndërr për Interin. Çelsi nuk bën dot merkato dhe nuk i lë të lirë për asnjë çmim. Aleksandër Kolarov prej kohësh është i lidhur me klubin zikaltër dhe shihet si një mundësi reale. Filip Kostiç është emri i fundit. Ai është një plan rezervë në rast dështimi të emrave të mësipërm.

Interi “all-in” në merkato, projektohet lëvizja e bujshme

Sport Ekspres — Mon, 28 Jan 2019 16:43:18 +0000

Ivan Perishiç e ka ndarë mendjen dhe i ka kërkuar Interit që ta shtesë. Kroati ëndërron të luajë në Premier Ligë dhe për të interesohet Arsenali. Marota e zbuloi diçka të tillë përpara ndeshjes me Torinon, ku u ndal te situata e Perishiç. “Duhet të bashkëjetojmë me një situatë që ekziston dhe në skuadra të tjera, ku shumë lojtarë kërkojnë të transferohen. Ivan e ka shprehur këtë dëshirë dhe ne duhet ta kënaqim atë.”

Nëse Arsenali po insiston ta ofrojë në ekip, Interi është gati të sigurojë shërbimet e Mesut Ozil. Sipas raportimeve të “Daily Star”, zikaltrit kërkojnë të marrin në huazim fantazistin gjerman. Paga e 30-vjeçarit mbetet problem, pasi ai përfiton 350 mijë sterlina në javë, por Interi ka një propozim dhe i ka kërkuar “topçinjve” të paguajë gjysmën e rrogës së lojtarit.

Perishiç mund të mos jetë largimi i vetëm i Interit, pasi Olimpiku i Marsejës po kërkon shërbimet e Dalbert. “La Provence” raporton interesimin e ekipit francez, por Interi dëshiron vetëm shitjen e tij dhe nuk pranon opsionin e huazimit të 25-vjeçarit.

Mbrojtësi i majtë nuk po gjen hapësira në formacionin e Spaletit, u përjashtua nga lista e Champions Ligës në fillim të sezonit dhe është aktivizuar në vetëm 7 ndeshje midis kampionatit dhe kupës së Italisë (ka shënuar dhe një gol kundër Beneventos).

Inter bën gati spastrimin e parë, “fshesa” nis nga mbrojtja

Sport Ekspres — Wed, 19 Dec 2018 19:01:21 +0000

Merkato e janarit po afron dhe tek Interi po bëhen gati për të larguar lojtarët që nuk bëjnë më pjesë në planet e skuadrës. Sipas medies franceze “Nice-Matin”, klubi i Monakos është vënë në ndjekje të mbrojtësit brazilian dhe palët janë shumë pranë akordit.

Dalbert u ble në verën e 2017-ës nga klubi i Nisës për 20 milionë euro. Për fatin e keq të Interit, mëngjarashi nuk arriti të përshtatej në kampionatin italian dhe qëndroi më së shumti në stol, pasi humbi vendin e titullarit ndaj mbrojtësit italian D’ambrozios.

Në krahun tjetër te klubi i Principatës kanë nevojë për shumë përforcime. Monako ndodhet për momentin në vendin e parafundit në kampionat dhe skuadrës së drejtuar nga Tierri Henri i duhen përforcime në disa reparte për të shmangur katastrofën.

Standings provided by Sofascore LiveScore

Inter i “gjymtuar” ndaj Frozinones, e pëson një tjetër lojtar

Sport Ekspres — Thu, 22 Nov 2018 15:15:54 +0000

Interi do të presë të shtunën në “San Siro” Frozinonen e vendit të parafundit. Fitorja është detyrim për zikaltrit, por kjo ndeshje vjen me disa problematika për trajnerin Spaleti, i cili s’do të ketë të gatshëm të paktën tre lojtarë për takimin e fundjavës.

Dy mbrojtësit e krahut Vërsajlko dhe Dalbert kanë pësuar dëmtime në muskuj dhe s’do të jenë në dispozicion të trajnerit toskan. Mungesa e tretë për zikaltrit do të jetë mesfushori kroat Marcelo Brozoviç, i cili plotësoi numrin e kartonëve të verdhë gjatë takimit të fundit ndaj Atalantës.

Mbas ndeshjes së të shtunës, Interi do të bëhet gati për transfertën e “ferrit” në Londër ndaj Totenhemit, takim që do të zhvillohet ditën e mërkurë. Një barazim në “Wembley” do t’a bënte kualifikimin në fazën tjetër të Champions-it një mision thuajse të kryer.