“KF Vllaznia ashtu siç kishte premtuar, ka nisur punen për ndërtimin e skuadrës për sezonin e ardhshëm.  Për këtë arsye, pasditen e sotme janë konkretizuar edhe dy kontratat e para me futbollistët që janë përzgjedhur nga drejtuesit.

Futbollistët që  kanë firmosur janë Herald Marku që luan në pozicionin e mesfushorit dhe Dajan Shehi qendërmbrojtës. Këta dy futbollistë sezonin e kaluar kanë qenë pjesë e Kastriotit të Krujës ku kanë spikatur me paraqitjet e tyre.

Kontratat e firmosura me këto dy futbolliste janë njëvjeçare me të drejtë rinovimi edhe për një sezon tjetër.  KF Vllaznia i uron mirëseardhjen Heraldit dhe Dajani, duke shpresuar që së bashku të bëjmë paraqitjen e duhur në sezonin e ri”, njofton klubi shkodran.

Oferta zyrtare sot duket se ia ka “trullosur” mendjen qendërmbrojtësit shtatlartë, i cili ka folur për SportEkspres.com dhe ka saruar se si është situata në lidhje me të ardhmen e tij.  Shehi duket i dyzuar, pasi edhe pista “Tirana” mbetet e hapur për të.

“Sapo kam biseduar me drejtues të Vllaznisë, të cilët më bënë ofertë të jem pjesë e tyre për sezonin e ri. E mendoj një ofertë serioze dhe nuk e kam refuzuar, por as nuk e kam pranuar ende. Sepse duke qenë në kontakte me Tiranën, më mbetet që me këtë skuadër të madhe ta mbyll pozitivisht. Gjithsesi, asgjë nuk është mbyllur dhe do jem në kontakt me shkodranët”, deklaroi Dajan Shehi.

AGRON KAJA

Forma e mirë që ai tregoi me Kastriotin në sezonin e kaluar, edhe pse kaloi një dëmtim gjatë muajit prill, ka tërhequr vëmendjen e klubit të Tiranës, që kërkon të përforcojë repartin e prapavijës. “Gjatë javës që po mbyllim, drejtuesit e klubit tonë i kanë bërë një ofertë mbrojtësit Shehi, por deri tani nuk ka asnjë akord mes palëve”, u shpreh një burim pranë klubit bardheblu, çka e bën edhe më sigurt lajmin e kalimi të mbrojtësit elbasanlli te skuadra e Tiranës. Gjithsesi duhet që trajneri Mema të thotë fjalën e fundit.

Në karrierën e tij Dajan Shehi ka luajtur me edhe me Elbasanin e Teutën. Këta të fundit, edhe pse mbrojtësi kishte edhe një vit kontratë, e ka lënë të lirë. Mbrojtësi ka provuar një eksperiencë me Hajdukun e Splitit në Kroaci, teksa durrsakët e huazuan për gjashtë muaj dhe verën e shkuar u kthye në Shqipëri.

AGRON KAJA

“Dajan Shehi largohet nga Teuta. Klubi njofton se nga sot Shehi ka përfunduar aventurën e tij me ekipin e Teutës. Mbrojtësi ishte edhe një vit nën kontratë me Teutën, por palët prishën marrëveshjen me konsensus. Shehi sezonin e fundit ishte huazuar te Kastrioti. Klubi i uron suksese të mëtejshme në karrierën e tij si futbollist”, shkruan klubi durrsak përmes një njoftimi në rrjetet sociale.

Shehi u aktivizua rregullisht te Kastrioti, klub të cilit ai i ka uruar suksese dhe rikthim në Superiore. Gjithashtu mbrojtësi nga Elbasani ka falënderuar edhe Teutën dhe tashmë pret ofertën e duhur për të vijuar karrierën. Ai është lojtar i lirë dhe mund të vendosë vetë se ku do të aktivizohet.

Tashmë është radha e një tjetër largimi, e pikërisht mbrojtësi Dajan Shehi. Ai ka mbyllur periudhën një vjeçare të huazimit te Kastrioti dhe mbetet për t;u parë se ku do të luajë sezonin e ardhshëm, edhe pse është nën kontratë me Teutën që e kishte huazuar te krutanët.

I pyetur nga SportEkspres.com mbi të ardhmen, Shehi deklaron: “Kalova një sezon të mirë me Kastriotin, edhe pse nuk përfundoi me suksesin që skuadra të qëndronte në Kategorinë Superiore. Tashmë që më ka përfunduar huazimi me këtë skuadër, më duhet që të vendos për të ardhmen”.

Teuta është një opsion, por ka edhe oferta, teksa Shehi shton: “Për mua është një situatë e paqartë për momentin. Dy ekipe të Kategorisë Superiore më kanë kontaktuar pa u mbyllur kampionati dhe më duket sikur ndodhem në një udhëkryq për të vendosur”.

AGRON KAJA

Ditën e sotme elbasanasi i është nënshtruar një ndërhyrje kirurgjikale, që përfundoi me sukses. Vetë lojtari, me anë të një postimi në Instagram konfirmoi lajmin.

Shehi ka qenë një ndër lojtarët kyç të mbrojtjes së Kastriotit gjatë muajve të fundit me 18 aktivizime, 14 prej tyre si titullar.

https://www.instagram.com/p/BvuKzjPgRB5/?utm_source=ig_share_sheet&igshid=uctcocjb7nvu

“Dajan Shehi pësoi një dëmtim të rëndë në ndeshjen e sotme me Teutën. Pas ekzaminimeve të para në spitalin e Durrësit, rezulton se Shehi ka thyer të dy kockat e krahut të majtë. Ai ka vendosur menjëherë dorën në allçi, ndërsa në vazhdim do të ketë edhe ekzaminime të tjera. Nëse do të jetë e nevojshme, ai mund t’i nënshtrohet edhe një ndërhyrje kirurgjikale në ditët në vazhdim”, njofton klubi krutan.

Shehi do të qëndrojë pushim 4-6 javë dhe praktikisht duhet të nisë të mendojë për kampionatin tjetër. Një humbje e madhe për trajneri Bledar Devolli,  i cili nuk ka shumë alternativa për qendrën e prapavijës. Shehi është nën kontratë me krutanët deri në fund të sezonin. Kastrioti e ka marrë atë në huazim nga Teuta.

Sekreti i kësaj ecurie të mirë lidhet me frymën që është futur në grupin e futbollistëve. Besimi është rikthyer dhe një ndikim të madh te lojërat e skuadrës ka edhe trajneri Stavri Nica. Durrsaku e mori drejtimin e krutanëve në fillim të fazës së dytë.

“Duket qartë dora e trajnerit, po marrim rezultate pozitive. Fryma në grup që ka sjellë trajneri Nica është çelësi. Kemi punuar shumë gjatë javës. Me Flamurtarin ishte një fitore e artë që na mban në garë për mbijetesën”, thotë Shehi për mediat.

Ndeshja e radhës për Kastriotin është me Tiranën, ekip që ka vetëm një pikë më shumë se krutanët. Me të drejtë Shehi e sheh si ekip rival, edhe pse kemi të bëjmë me një klub të madh dhe më të titulluarin në vend.

“Është shumë e rëndësishme dhe mund të cilësohet si finale ndeshja me Tiranën. Do mundohemi të japim më të mirën, është një rival direkt për ne. Me këtë ritëm që kemi treguar këto javë, çdo skuadër duhet të na ketë frikë. Me dy-tre afrime në janar mund të bëhemi një skuadër edhe më e fortë”.

Zyrtarisht pjesë e Kastriotit do të jetë edhe mbrojtësi Dajan Shehi, I kthyer nga Hajduk Spliti te Teuta, që zotëron kartonin e mbrojtësit, elbasanasi sërish do të ndryshojë ambient. Durrsakët kanë menduar ta huazojnë sërish 21-vjeçarin dhe këtë herë në Superiore.

Te Teuta vjet Shehi luajtur vetëm tre ndeshje para se të shkonte në Kroaci, ndërkohë që në Superiore ai ka luajtur në të shkuarën edhe me Elbasanin. Kjo ka ndodhur në moshë të vogël. Mbrojtësi gjithashtu ka provuar të veshë edhe fanellën e Besës në Kategorinë e Parë. Me kavajasit hapësirat për të kanë qenë më të mëdha, teksa ka luajtur në 13 ndeshje si titullar në gjysmë sezoni, si dhe ka realizuar dy gola.

https://www.facebook.com/KSKastrioti/photos/a.1086691581447058.1073741829.1085994611516755/1743235555792654/?type=3&theater