Sot, SportEkspres ka mësuar se tekniku Daja i është bashkuar grupit të lojtarëve të skuadrës së Skënderbeut në “WhatsApp”. Tashmë, një rikthim i trajnerit kryeqytetas te “Ujqërit e Dëborës”, duket edhe më i mundshëm.

Me ekipin e Skënderbeut, Daja ka qenë shumë i suksesshëm. Tekniku 52-vjeçar i ka drejtuar bardhekuqtë në 77 ndeshje, si dhe ka fituar kampionatin në sezonin 2017/18. Gjithashtu, Daja fitoi atë sezon dhe Kupën e Shqipërisë me Skënderbeun.

“Te nderuar qytetare te Vlores dhe veçanerisht tifoze te Flamurtarit. Me ane te ketij postimi me duhet tu njoftoj se nga 31 Maj nuk jam me trajner i Flamurtarit. Pavarsisht deshires per te vijuar bashkepunimin kam vleresuar se mungojne kushtet per nje gje te tille.

Ne kete moment nuk me mbetet gje tjeter pervecse te falenderoj te gjithe bashkepunetoret e mi, drejtuesit, ne menyre te vecante te gjithe futbollistet, stafin teknik, tifozet e mrekullueshem dhe ish-futbollistet vlonjat per kete aventure shume speciale qe do te mbetet e paharruar per mua.

Deshiroj gjithashtu te inkurajoj personat pergjegjes, institucionet per te gjetur sa me shpejt nje zgjidhje per statusin, te tashmen dhe te ardhmen e Flamurtarit, sepse Vlora si qytet dhe te gjithe qytetaret e saj meritojne nje klub ne lartesine e vlerave historike te saj ne futbollin Shqipetar.

Ju falenderoj te gjitheve per mbeshtetjen e madhe morale dhe shpresoj te takohemi serish. FALEMINDERIT FLAMURTAR!”, shkroi Daja.

Në intervistën e dhënë për emisionin “Gol pas Goli” në “Supersport”, mesfushori kryeqytetas foli për ecurinë e ekipit, ndërsa në një moment lëshoi dhe një mesazh për trajnerin Mema në lidhje me minutat e pakta që ai ka marrë gjatë muajve të fundit duke thënë: Jam aktivizuar pak këto kohët e fundit, koha do e tregojë nëse ka qenë e drejtë ose e padrejtë .

GOLI – “Është një ndjesi e veçantë kur shënon dhe shkon në finale. Plus që dhe goli ishte shumë i bukur, nuk e prisja të shënoja në atë mënyrë”.

ECURIA – “Ne i kemi parë këto ndeshjet e fundit si ndeshje radhe. Fituam me Korçën këtu, tani arritëm dhe finalen. Tani po shohim derbin, nga sot po mendojmë për Partizanin. Derbi është fryrë shumë, por është vetëm një ndeshje, ku ne do të synojmë tri pikët”.

LOJA – “Edhe unë personalisht, loja nuk më pëlqeu shumë. Shënuam nga shumë lojtarë, loja pati rrjedhshmëri, bëmë mirë në sulm. Por ishim të vrazhdë në mbrojtje dhe jam dakord me pakënaqësitë e trajnerit”.

DEDIKIMI – “Në radhë të parë, doja të tregoja që golin ia dedikoj Ilionit (Likës). Ai më ka qëndruar pranë gjatë gjithë kohës kur nuk kam luajtur, koha do e tregojë me të drejtë a të padrejtë. Edhe sot më tha që do të shënoj, madje me shaka më tha që do shënoj me roveshatë. Prandaj ia dedikova atij golin”.

SEZONI – Gjatë gjithë sezonit, kemi bërë shumë, por ende asgjë. Kemi arritur në finale, por nëse nuk fitojmë, është një asgjë. Edhe në kampionat, duhet të fitojmë këto dy ndeshje dhe të jemi rehat. Kemi qenë në presion, kemi marrë gola në fund gjatë gjithë sezonit dhe kjo gjë vjen nga presioni i tepërt”.

DERBI – “Partizani e meriton të jetë aty ku është, por në derbi nga vetë klasifikimi, ne e kemi më të nevojshme fitoren. Pastaj rezultatin e di Zoti, ne duhet të bëjmë maksimumin. Duhet të rikuperojmë gabimet dhe nuk besoj se Partizani, por asnjë ekip tjetër, të na falë ndeshjen”, përfundoi Daja.

Në intervistën për emisionin “Gol pas Goli”, numri një i pankinës së Flamurtarit analizoi humbjen e skuadrës së tij.

MUNGESAT – “Problemi ynë kryesor ishte temperatura që kaloi Veliu. E kishim përgatitur Mustën në krahun e djathtë të sulmit, Ribaj në të majtë të sulmit. Musta kaloi mbrojtës i majtë, Kotobelli në qendër. Si dhe shumë djem të rinj, këto ishin problematikat tona. Ky ishte kontingjenti dhe besoj se kur filluam të reagonim, pësuam dhe golin e dytë. Skënderbeu e meritoi fitoren, por problematika jonë ishte mungesat e shumta”.

SKËNDERBEU – “E kishim përgatitur ndeshjen edhe nëse kundërshtari luan me dy sulmues. Në pjesën e qendrës së mesfushës, kishim superioritet, pasi Batha dhe dy të brendshmit e mesfushës e krijuan këtë gjë. Nuk është se na shqetësoi shumë Krasniqi, përveçse te goli që shënoi një gol shumë të bukur. Ne kishim ekuilibër të mirë loje”.

GJUAJTJET – “Unë do të thosha që statistikat janë që kemi bërë vetëm një goditje, por kemi bërë shumë goditje që nuk kanë qenë në kuadrat. Natyrshëm që me gjithë këto mungesa, nuk mund të bënim më shumë, pastaj mos të harrojmë që po luajmë kundër kampionëve në fuqi”.

FINANCAT – “Deri më sot, nuk është se kemi parë shenja dorëzimi te lojtarët e mi. U ndodhëm sot përballë Skënderbeut në një moment shumë të mirë, por skuadra ime nuk u dorëzua. Nuk besoj se do të dorëzohen nga mungesa e financave deri në fund të sezonit”, tha Daja.

Në emision nuk mungoi një batutë për ish-kolegun e tij te Dinamo, Ilir Daja, të cilin e lavdëroi për aftësitë si trajner, por i kujtoi me humor se si futbollist nuk ka pasur të njëjtin status.

ILIR DAJA – “Trajneri  i Flamurtarit nuk ka luajtur asnjëherë futboll mirë, por si trajner është shumë më i mirë se sa ka qenë futbollist. E kam me të vërtetë, ka luajtur me mua. Ka qenë futbollist punëtor, por asnjëherë nuk ka qenë talent. Megjithatë, si trajner është talent. Metodika e këtij trajneri është shumë më e lartë se të gjithë trajnerët e tjerë që ka Shqipëria sot”.

TIRANA – “Tirana vuan arrogancën e fillimit të kampionatit. Kur i rikthyen në Superiore kujtuan ishin gati për titullin kampion. Arroganca e trajnerit të parë (Ze Maria) bëri që Tirana të ketë luhatje, më pas erdhi Mema. Në tre-katër javët e para u desh që trajneri të njihte lojtarët e t’i sillte aty ky donte ai. Më pas kishim një rritje të nivelit të Tiranës deri në barazimin pa gola me Partizanin dhe fitoren me Kukësin. Më pas në një momenti filloi nervozizmi dhe mungesa e përqendrimit. Kjo ndodhi nga humbja ndaj Kastriotit dhe barazimi në Laç. Gjithë ky nervozizëm solli që te Tirana të krijohej një amulli e vërtetë. Edhe vetë trajneri s’ishte më i qetë që të kishte skuadrën e qetë. Të gjitha këto pasojnë njëra-tjetrën”.

“Të them të drejtën, jam i kënaqur se ky tre fitore radhazi janë diçka shumë e rëndësishme. Në katër përballje që kemi apsur me Kukësin, kemi tre fitore dhe një humbje, jam i kënaqur. E kemi nisur ndeshjen jo mirë, me probleme. Këto tri pikë janë të Koliçit, pasi na mbajti në lojë kur ne kishim shumë probleme në mbrojtje dhe në mesfushë.

Në statistika, 70% të ndeshjeve i fiton ekipi që shënon gol i pari. Jo se Koliçi nuk pati më punë pas 20 minutave të para, por aty ishte i shkëlqyer. Kemi arritur të jemi efikasë dhe të shnëojmë. E dinim që do të ishte shumë e vështirë, pasi përballë kishim ekipin e vendit të dytë. Me 11 lojtarë kemi përballuar tre ndeshje: Me Tiranën, Teutën dhe me Kukësin. Një bravo për çunat, që kanë përballuar tri sfida të rëndësishme. Shënuam dhe golin e dytë në pjesën e dytë dhe jemi shumë të kënaqur sot.

Në momentin që ndërrova Sukajn, i thashë: “Nuk e di nëse ke bërë katër gola në pesë ndeshje ndonjëherë (qesh)” Kam shumë lojtarë të mirë dhe me eksperiencë në skuadër, çka më kanë ndihmuar shumë. Nuk ishim perfekt për 90 minuta, pasi është normale që ka luhatje në fushën e lojës. Të gjithë së bashku, i kemi marrë ndeshjet një e nga një dhe kemi bërë shumë mirë. Nesër e kanë pushim, pastaj do të vazhdojmë punën dhe të ruajmë këtë ritëm.

Financat? Shpresoj për vetë faktin që presidenti ka qenë shumë afër ekipit në këtë periudhën e fundit dhe besoj se jo nesër, por brenda pak ditëve, do t’i japë zgjidhje problemeve me financat.

Ekipi ishte i zgjatur në minutat e para, kështu kishim vendosur ne. Duhet t’i bënim presing lart, pasi i dimë kualitet e Kukësit. E dinim që këto zgjedhje do të na kërcënonin prapavijën, prandaj ndryshuam në pas 25 minutave të para. Kishim disa të çara në formacionin tonë, Kukësi mund të kishte gjetur disa herë avantazhin. Ata funksionuan mirë nga krahu i djathtë, por Koliçi me meritë na mbajti në lojë dhe ne arritëm të fitonim”, tha Daja.

TEUTA – “E menduam që ta nisnim vrullshëm lojën. Në futboll jo gjithmonë të del ajo që ke menduar, por neve sot na doli. Golat tanë erdhën në momentin e duhur, pasi kundërshtari po na vinte me vështirësi. Mposhtëm një ekip të fortë si Teuta, ku gjëja më e rëndësishme ishte rezultati”.

LICENCIMI PËR EUROPËN – “Ne kemi për detyrë që të fitojmë ndeshjet në fushën e lojës, pjesën tjetër e kanë drejtuesit e klubit. Ne duhet të përqendrohemi te fakti që po i shërbejmë qytetit me këto rezultate pozitive. Dihet që pjesa tjetër e ekipeve, si kundërshtari i sotëm,  kanë bërë merkato në janar, ndërsa ne kemi pasur shumë largime. Ne na mbetet të bëjmë tonën në fushën e lojës”.

EKIPI – “Ky grup ka një frymë skuadre mjaft pozitive, gjë që ja bën shumë të lehtë stafit. Kam mbështetjen e lojtarëve me eksperiencë çka mi bën gjërat më të lehta për ta motivuar këtë ekip e për të bërë këto gjëra që po arrijmë tani. Përderisa jemi në vend të tretë jemi të denjë për këtë, ne flasim me pikët. Kemi vetëm 10 lojtarë që përballojnë këtë intensitet ndeshjes. Lojtarët e stolit nuk kanë eksperiencën e duhur”.

“Objektivi? Duhet të përmirësohemi në vazhdimin e lojës, të kemi minuta të mira më shumë. Të kemi besim për të shkuar përpara. Edhe pragmatizmi nuk është keq. Kjo fazë është e vështirë për të gjitha ekipet. Pikët kanë më shumë vlerë se spektakli. Jemi një grup që ka harmoni, shpirt skuadre. Motivimi vjen prej kësaj”.

“Flamurtari pa rroga lufton për Europën? Do e veçoja këtë problem, shpresoj që gjerat do përmirësohen. Kemi marrë besimin e presidentit. Nëse do kishte qenë një situatë më pozitive, me gjithë grupin gati, do ishim më sipër në tabelë dhe në lojëra. Megjithatë jam i kënaqur me këtë ecuri që ka ekipi. për të qenë i sinqertë, janë ata përpara dhe pastaj vijmë ne si staf. Nëse do kisha grupin që nisi kampionatin, do isha në rregull”.

“Bëmë pjesë të parë të mirë. Pjesën e dytë e kishte iniciativën Tirana. Kemi ndryshuar shumë pozicione, Batha, Rrapaj dhe Musta. Sukaj nuk e ka gjendjen fizike ende”.

NDESHJA – “Sigurisht që ishim përgatitur për ta fituar ndeshjen. Besoj se kemi bërë gjithçka mirë në pjesën e parë, kur e kemi mbajtur kundërshtarin në gjysmëfushën e vet. Mendoj që në pjesën e dytë patëm probleme me kondicionin fizik. Sukaj nuk mund ta mbyllte ndeshjen deri në fund. I vonova zëvendësimet, pasi në stol kemi pasur vetëm lojtarë të ekipit të rinjve. Sukaj, pavarësisht formës fizike, na ndihmon shumë në ajër, si në sulm, ashtu dhe në mbrojtje. Morëm jë gol nga goditja standarde dhe më pas kërkuam të reagojmë me topa të gjatë, gjë që nuk më pëlqeu aspak te lojtarët. Me lojtarët që kemi në dispozicion, bëmë një ndeshje të mirë, por nuk duhet të kënaqeshim me një pikë brenda në Vlorë”.

RENDITJA – Na vjen keq, pasi një fitore e sotme na ngjiste në vendin e katërt. Nëse rrezikon vendi i katërt, janë dhe 5-6 ekipe tjera që janë në valle. Me kontingjentin që kemi, do të bëjmë më të mirë e mundshme që të synojmë pjesën lart të tabelës dhe të mos jemi në sikletin e mbijetesës”.

FINANCAT – “Premtimin nga lart e kemi marrë dhe shpresoj që gjërat të zgjidhen. Besoj te zgjidhja e problemeve dhe këtë gjë na e ka premtuar dhe presidenti. Lojtarët e vjetër që janë pjesë e ekipit, janë në mbështetje të stafit. Jemi një grup që synojmë të ecim përpara, pavarësisht kontingjentit të cunguar”.

CILËSIA – “Besoj që kemi pasur shanse për të shkuar drejt fitores, të paktën në një goditje standarde, ku goditëm 3-4 herë. Portieri kundërshtar ka merita të mëdha. Vendosëm të gjithë së bashku që të luanim edhe në pjesën e dytë si në pjesën e parë, por na ndodhi një moment shpërqendrimi, dhe për meritë të kundërshtarit. Duhet të qarkullonim topin deri sa të gjenim hapësira, por nuk ndodhi. Kundërshtari shënoi nga një goditje standarde dhe ne vazhduam me ngulm ta fitojmë ndeshjen. Sukajn e mbajta në lojë me shpresë që me eksperiencën që ka, ishte një forcë e shtuar për ne. Kërkonim me ngulm ta fitonim ndeshjen, deri në sekondat e fundit”.

LOJTARËT E RINJ – “Sigurisht që një ekip që është i konsoliduar, e ka më të lehtë që të mbështesë prezantimin e lojtarëve të rinj. Në këto momente që jemi, kanë bërë që Rrapaj, i cili nuk ka mbushur ende 18-vjeç, t’i besohet një vend titullari. Pikët apo diferenca e rezultateve me dy gola, mundet t’i japim terrenin e duhur dhe mundësinë lojtarëve të akademisë. Por duhet të presin momentin e duhur, që të mos goditen nga ana psikologjike”.

OBJEKTIVAT – “Për gjatë këtyre kohëve, pengu i vetëm që kam ka qenë që nuk patëm mundësi të kishim kontingjentin në nivelin e duhur. Qoftë për dëmtimet, qoftë për ardhjet në ditët e fundit. Pastaj dhe situata e Kale, dihet. Megjithatë, pozitiv është fakti që ne vazhdojmë të prodhojmë lojë dhe bëjmë futboll të bukur. Në fund të fundit, kemi luajtur dhe luftuar deri në fund me të gjitha skuadrat, edhe pse me sakrificë”,- u shpreh Daja.

Pas avantazhit, pritej që Partizani të kontrollonte lojën, por Flamurtari u zgjua dhe mori frenat e lojës. Skuadra vlonjate arriti edhe të barazojë, me anë të sulmuesit Ribaj. 29-vjeçari ndëshkoi Hoxhën në minutën e 40’ të takimit dhe gjatë festës së kuqezinjve, pati dhe shumë tension në fushë.

Tifozët e “Demave të kuq” zbritën nga shkallët e stadiumit dhe u konfrontuan me fotografin e skuadrës së Flamurtarit. Në këto momente kaosi, u përfshi dhe sulmuesi Ribaj, i cili u ndëshkua me karton të kuq nga gjyqtari kryesor në minutën e 41’.

Pjesa e dytë nisi me Partizanin shumë kërkues. Gega nuk u pajtua kurrsesi me rezultatin dhe hodhi dy sulmues në fushën e lojës, fillimisht Mensah dhe pastaj Hebajn. Ishte pikërish shkodrani ai që i dha fitoren kryesuesve. Brenda pesë minutash, numri 9 i të kuqve shënon dy herë, duke “likuiduar” Flamurtarin dhe duke i dhënë tri pikët skuadrës së tij, që vazhdon të kryesojë kampionatin me diferencë pikësh.

KATEGORIA SUPERIORE – JAVA 23
E shtunë, më 23 shkurt, ora 17:00
Stadiumi “Selman Stërmasi”, Tiranë

PARTIZANI-FLAMURTARI  3-1
Shënues: Bardhi 11′, Hebaj 67′ 72′ / Ribaj 40′

Partizani: Hoxha, Ibrahimi, Belica, Rexhepi (Mensah 54′), Trashi, Atanda, Telushi, Asani, Duka (Hebaj 65′), Mala (Kote 77′), Bardhi. Trajner: Skënder Gega

Flamurtari: Koliçi, Liçaj (Ymeraj 76′), Pollozhani, Veliu, Kotobelli, Batha, Mustafa (Sukaj 85′), Rrapaj (Beqaj 62′), Musta, Kale, Ribaj. Trajner: Ilir Daja

Gjyqtarë: Indrit Myrtja, Melis Dervishi, Fisnik Thorja, Kridens Meta
Kartonë të verdhë: Trashi 14′, Rexhepi 61′ / Liçaj 33′
Karton i kuq: Ribaj 41′
Delegat: Lysien Nurishmi; Vëzhgues: Albano Janku

EPISODET

90’ Mbyllet sfida në “Selman Stermasi”, Partizani mposht Flamurtarin dhe merr tri pikët

72’ Gooool Partizani!! Hebaj shënon sërish. Sulmuesi mposht portierin Koliçi me një goditje me kokë, duke i dhënë avantazhin e dyfishtë Partizanit dhe duke afruar “Demat” me fitoren

67’ Goooool Partizani!! Hebaj ndëshkon Flamurtarin me topin e parë që prek. Sulmuesi i ardhur nga stoli mposht Koliçin nga një top i kthyer dhe me portën e boshatisur, rikthen Partizanin në avantazh

63’ Rast ideal për Partizanin, Asani shpërdoron shansin e artë për të kaluar në avantazh

46′ Nis pjesa e dytë, Partizani hidhet në sulm

45+5′ Mbyllet pjesa e parë mes kaosit dhe tensionit

42′ Ndërpritet ndeshja, kaos total në “Selman Stermasi”. Ribaj me të kuq!

40’ Gooooool Flamurtari!! Miqtë morën kontrollin e lojës pas disavantazhit dhe arritën të barazonin. Sulmuesi Ribaj, në një formë shumë të mirë, realizon golin e dytë radhazi në kampionat.

14′ Karton i verdhë për Trashin, titullari i Partizanit humbet derbin

11′ – Goooool Partizani !! Bardhi zhbllokon sfidën. Sulmuesi i Partizanit u shmanget mbrojtësve të Flamurtarit dhe shtyn drejt rrjetës një top të shkëlqyer të shërbyer nga Asani.

1′ Starton sfida

Edhe Flamurtari përballë Skënderbeut është një sfidë shumë interesante dhe delikate për të dyja skuadrat. Të besuarit e Shehit u rikthyen te fitorja përballë Laçit dhe synojnë të ruajnë ecurinë, por përballë do të kenë Flamurtarin, skuadër që kërkon medoemos të lërë pas problematikat e javëve të fundit.

Trajnerët kanë zgjedhur formacionet e tyre për këto sfida, ky në sy bie formacioni i Ardian Memës, i cili nuk ka aspak ndryshime. Doka mungon për shkak kartonësh dhe i besohet Kërçikut. Ahmataj luan me Dungan në majë të sulmit, me mbështetjen e Demos dhe Filit nga krahët.

Daja nuk preferon të bëjë ndryshime, me Bathën sërish në majë të sulmit. Nga krahët do të luajnë Musta dhe Kale, me Torasën që pritet të ketë një rol të lirë pas sulmuesit.

Shehi i beson sërish në mbrojtje të riut Pëllumbi, i cili do të ketë partner në prapavijë të rikthyerin Radash. Në majë të sulmit Krasniqi, ndërsa nga krahët do të ketë shumë cilësi, me dy lojtari si Muzaka dhe Pervan.

Kategoria Superiore – Java 22
E diel, më 17 shkurt, ora 17:00

TIRANA – LUFTËTARI

Tirana: Abibi, Kërçiku, Turtulli, Imami, Hoxhallari, Karabeci, Daja, Hasani, Halili, Greca, Ngo. Trajner: Ardian Mema

Luftëtari: Ruçi, Rapa, Hoxha, Koconis, Xhekson, Ramadani, Aleksi, Rapo, Demo, Fili, Dunga. Trajner: Julian Ahmataj

Gjyqtarë: Kridens Meta, Egin Doda, Astrit Mahmuti, Laver Alla

Delegat: Lysien Nurishmi; Vëzhgues: Ilirjan Kristo

FLAMURTARI – SKËNDERBEU

Flamurtari: Koliçi, Ribaj, Pollozhani, Veliu, Kotobelli, Mustafa, Rrapaj, Kale, Torasa, Musta, Batha. Trajner: Ilir Daja

Skënderbeu: Dajsinani, Vangjeli, Radas, Pëllumbi, Abazi, Dita, Taipi, Sibo, Muzaka, Pervan, Krasniqi. Trajner: Orges Shehi

Gjyqtarë: Eldorjan Hamiti, Ridiger Cokaj, Ani Kociaj, Klodian Shahini

Delegat: Petrit Brahja; Vëzhgues: Plarent Kotherja

NDESHJA – “Do të thosha se për atë që u prodhua në lojë barazimi ishte rezultati më i drejtë. Komplimente kolegut, kishte vendosur mirë skuadrën në fushë. Ata ishin shumë kërkues. Jemi të kënaqur, pasi loja prodhoi rezultatin e merituar.”

SUKAJ – “Xhevahiri ka një bagazh individual, por nuk është mirë fizikisht. Duhen katër javë për të marrë vlera të reja. I vonova ndërrimet, pasi flisja me stafin. Kishim disa pika të dyshimta për shkak të energjive që kishin. Në stol kishim shumë të rinj, janë nën 20 vjeç. Mendoja që e kisha të vështirë të ndërhyrja. Në fund ekipi kishte njëfarë ekuilibri në lojë.”

FRIKA PËR TË MOS HUMBUR – “Pothuajse është një kontogjent i limituar. Mungesa e Allës na e vështirësoi një vendosje tjetër. Kohët e fundit kemi luajtur shumë ndeshje, nuk kemi pasur mundësi të bënim rotacion. Ndikoi në gjendjen fizike dhe nuk patëm ritëm si ndaj Kukësit, ashtu edhe ndaj Tiranës.”

OBJEKTIVAT – “Kemi shpresë për Europën, me gjithë problemet që dihen. Nuk jemi shumë larg për ta arritur këtë qëllim. Nuk luftonim me Luftëtarin për t’i shpëtuar zonës së ftohtë, por donim tre pikët për t’iu afruar ekipeve lart.”

ZGJEDHJA – “Asnjëherë nuk kthehesh dot mbrapsht. Nuk jam nga ata që tërhiqem. Do vazhdoj deri në fund, por sigurisht duhet mbështetja e të gjithëve.”

Et’hemi konkretizon me gol një kundërsulm të nisur nga qendërmbrojtësi Shameti, i cili jep një pasim të përkryer për sulmuesin anësor. Dalja e Koliçit favorizoi Et’hemin, që me një parabol të bukur, ndëshkon Flamurtarin.

Gjithsesi, vendasit do të reagonin, pasi Pollozhani në minutën e 33’ do të barazonte gjithçka. Një goditje këndi shfrytëzohet mjaft mirë nga qendërmbrojtësi, që kërcen më lart se të gjithë dhe shënon me kokë. Por festa e vlonjateve do të zgjaste vetëm dy minuta, pasi Kukësi do të rikthehej në avantazh.

Rroca harkon nga një goditje dënimi dhe topi i tij përfundon në rrjetë. Koliçi u gjet i papërgatitur nga ai harkim i rrezikshëm dhe ishte në pritje të një devijimi, i cili nuk erdhi dhe topi përshëndeti rrjetën. Ky gol i minutës së 35’ nga mesfushori i ardhur në merkaton e janarit mjaftoi që Kukësi të merrte tri pikët, një triumf shumë i vuajtur për skuadrën verilindore.

Minuta pati edhe për Cuculin, që vetëm pak momente para ndeshjes shihej si i pamundur për t’u aktivizuar, për shkak të një alergjie. Rexhinaldo sërish nuk u preferua. Flamurtari kishte shumë mundësi të mos dilte pa pikë, madje Pollozhani shënoi dhe një supergol në fillimin e pjesës së dytë, gol që u anulua dhe shkaktoi shumë polemika.

 KATEGORIA SUPERIORE – JAVA 20

E shtunë, më 2 shkurt, ora 17:00
Stadiumi “Flamurtari”, Vlorë

FLAMURTARI-KUKËSI  1-2
Shënues: Pollozani 33′ / Et’hemi 11′, Rroca 35′

Flamurtari: Koliçi, Deliaj, Pollozhani, Alla, Kotobelli, Useini, Mustafa, Batha, Beqaj (Rrapaj 69′), Musta, Ribaj. Trajner: Ilir Daja
Kukësi: Frashëri, Teqja (Xhemaili 86′), Shameti, Krasniqi, Rrumbullaku, Dzaria, Limaj, Rroca (Cuculi 71′), Et’hemi (Çyrbja 78′), Kordeiro, Shkurtaj. Trajner: Armando Cungu

Gjyqtarë: Olsi Sokoli, Denis Agaraj, Rejdi Zajimi, Orlando Kuka

Kartonë të verdhë: Batha 24′, Useini 26′, Ribaj 49′ / Teqja 28′

Delegat: Astrit Maçi; Vëzhgues: Ilirjan Kristo

EPISODET

90+5’ Mbyllet takimi në Vlorë, Kukësi ia dal të triumfojë

90+4’ Goditet me shishe anësori, ndërpritet ndeshja për pak çaste

90’ Edhe pesë shtesë, luhen minutat e fundit

86′ Debuton Xhemaili, mbrojtësi zë vendin e Teqjas

82’ Pranë golit Kukësi. Kordeiro shumë i rrezikshëm nga krahu i majtë, por gjuajtja e tij trondit shtyllën e Koliçit

78’ Minuta edhe për Çyrbjan, largohet Et’hemi

71’ Zëvendësim edhe te Kukësi. Mbyllet ndeshja për Rrocaj, në fushë Cuculi

70’ Rast ideal për të barazuar. I sapo futuri Rrapaj godet me portën gjysmë të boshatisur, por bllokohet në limite nga mbrojtja e Kukësit

69’ Vjen zëvendësimi i parë, Beqaj i bën vend Rrapaj

61’ Traversë e Flamurtarit, vlonjatët sërish shumë pranë barazimit

49’ Pollozhani realizon një supergol me roveshatë, por gjyqtari Sokoli anulon gjithçka. Ky gol i anuluar bën që lojtarët e Flamurtarit të tensionohen dhe të rrethojnë arbitrin kryesor. Ribaj ndëshkohet me të verdhë për protesta.

46’ Fillon pjesa e dytë, start i vrullshëm i Flamurtarit

45’ Mbyllet pjesa e parë me tre gola dhe Kukësin në avantazh

43’ Pranë barazimit Flamurtari, por Frashëri pret goditjen e Mustës

35’ Kukësi rigjen avantazhin! Supergol i Rrocës. Harkimi i mesfushorit përfundon në rrjetën e Koliçit dhe verilindorët i përgjigjen shumë shpejt golit të Flamurtarit

33’ Goditje nga këndi për Flamurtarin, harkimi në zonë gjen kokën e Pollozhanit, që ndëshkon Frashërin

24’ Karton i verdhë për Bathën, mesfushori i Flamurtarit shumë i acaruar

16’ Çfarë humbet Shkurtaj. Kordeiro shkëputet mirë nga e majta dhe pason në qendër, por sulmuesi tregohet i pasaktë para porte

11’ Shënon Et’hemi, verilindorët në avantazh
Një kundërsulm shumë i bukur i Kukësit. Shameti nis gjithçka, pason bukur drejt Et’hemit, i cili shkëputet dhe realizon golin e parë. Dalja e Koliçit nuk ishte e studiuar mirë dhe sulmuesi i Kukësit realizon me një parabol.

4’ Që në minutën e katërt, Rexhinaldo del në nxehje

1’ Fillon takimi, Kukësi e nis në sulm

Elton Kale u ndëshkua me karton të verdhë përballë Teutës vetëm pak minuta para se të zëvendësohej nga Daja, duke plotësuar numrin e kartonëve të verdhë. Kale bëri një ndeshje shumë pozitive përballë Teutës dhe do të jetë mungesa më e rëndësishme për kuqezinjtë në takimin përballë Kukësit.

Mbrojtësi dhe kapiteni i skuadrës, Franc Veliu u ndëshkua me karton të kuq në minutat e para të pjesës së dytë dhe do të mungojë edhe ai në sfidën e fundjavës përballë ekipit verilindor. Por problemet nuk mbarojnë këtu për teknikun Daja. Me Kalen me kartona dhe me Bushiç të larguar, do t’i duhet të bëjë edhe pa shërbimet e Torasës, i cili po ashtu ka mbushur numrin e kartonëve.

Ndeshjen përballë Teutës pa mesfushorin Batha të bëjë “pykën” në majë të sulmit dhe me shumë gjasa, do të luajë në të njëjtin pozicion edhe përballë Kukësit. Ndoshta mund t’i besohet dhe Ribajt, por për momentin, trajneri Daja duket se nuk ka asnjë sulmues për të shqetësuar mbrojtësit e Kukësit.

Natyrisht më të shqetësuarit janë trajnerët, sepse nga njëra anë anë frikën mos u prishen ekipet dhe nga ana tjetër duan përforcime serioze, jo sa për të kaluar radhën.

Ilir Daja është ndër trajnerët më të zënë në këtë moment dhe ndonëse ka marrë pak ditë pushime, këtë të mërkurë ishte në Vlorë për një takim kokë më kokë me presidentin e klubit Sinan Idrizi.

Natyrisht, temë e rëndësishme e bisedës ka qenë situata financiare dhe vonesat e famshme të pagave, sepse disa titullarë po mendojmë largimin. Idrizi gjithnjë ka garantuar se Flamurtari nuk ka probleme dhe do i shlyejë të gjithë, ndërsa i ka premtuar Dajës edhe dy afrime shumë cilësorë në merkato.

Në janar Flamurtari do të shkojë në Turqi për minifazë dhe aty do kuptohet sa do përforcohet as po do varfërohet skuadra kuqezi.

“E nisëm me një 17-vjeçar që e përgëzoj për lojën që bëri. Kemi Kalen edhe Alveshin jo në kondicionin e duhur. Alvesh vinte pas dëmtimit. Kale dihet që nuk e shtyn dot një ndeshje të plotë. Kishim shumë mungesa. Ndryshimet ishin të sforcuara, pasi nuk ishin në rolet natyrale. Do shfrytëzojmë ato energji që kemi këto dy javë. Me një fazë përgatitore duke ditur pikat e forta dhe jo të forta, them se do të kemi më shumë mundësi për të mos e përsëritur këtë 10-minutëshin e fundit. Kishim mundësi për të shënuar dhe golin e dytë”.

“Ne nuk kemi luajtur asnjëherë me një kontingjent të plotë. Në çdo ndeshje kemi ndryshuar formacionin, për arsyet që thash më sipër.”.

“Bëmë dy ndryshime të detyruara dhe më pas vuajtëm. Ne nuk bëmë ndryshime në rolet natyrale, pasi ishin lëvizje të detyruara”.

“Sulm super? – I referoheni lojtarëve me cilësi individuale si Kale, Alvesh dhe Torasa. Kanë pasur minutazh të reduktuar dhe jo në gjendjen e tyre më të mirë. kanë pasur shumë dëmtime nëse nuk do kishim pasur këto probleme do të thosha se kemi një sulm të frikshëm. Torasa sakrifikoi ndaj Kastriotit dhe bëri që të mos ishte sot”.

MERKATO E JANARIT – “Përderisa thonë ekipet sipër nesh që kanë nevojë për përforcime edhe ne kemi përforcime. Na duhet cilësi jo sa për numër. Në merkaton e janarit flitet shumë, por pak janë ato lojtarë që mund të quhen goditje”.

“Do doja që ta kisha kontingjentin e plotë, pasi do të rriste rivalitetin dhe do prodhonin një tjetër performancë në fushë. Nuk mund të them për pozicionet ku do ndërhymë pasi do të më mërzitën lojtarët këto dy javë dhe nuk mund të flas për pozicionet ku duhet të ndërhymë”.

FINANCAT ? – Nuk kam qenë i informuar , pasi trajneri duhet të rrijë larg anës financiare. Nëse pagesat do të jepen në kohën e duhur edhe lojtarët do motivoheshin më shumë. Asnjëherë Flamurtari nuk ka ngelur pa shlyer pagesa”.

FITORJA – “Kishim nevojë për fitoren dhe ky ishte qëllimi ynë, të ishim pragmatist. Kemi prodhuar lojë dhe nuk kemi marrë pikët. Luanim me vendin e parë dhe e kishim vlerësuar këtë takim . Në pjesën e parë ishim më mirë se kundërshtari, ishim agresiv. Në pjesën e dytë nuk e orientova që skuadra të kthehej pas. Useini dhe Mustafa duhet të ndalnin vrullin e kundërshtarit. Treguam karakter në mbajtjen e rezultatet, edhe pse unë dua mënyrë tjetër, pasi nuk mund të rrish aq shumë minuta në gjysmëfushën tënde. Duhet që të dilnim para dhe të shfrytëzonim hapësirat që lë kundërshtari”.

RIKTHIMI I KALES – “Do doja të kisha dhimbje koke nëse do kisha alternativa të shumta. Kemi pasur shumë mungesa”.

DËMTIMI I ALVESH – “Të dielën do të testohet dhe nëse e kalon këtë provë do të bashkohet me ekipin, në të kundërt do të stërvitet i diferencuar”.

ZËVENDËSIMET – I shtyva ndërrimet për t’i marrë maksimumin Kales dhe Bathës, pasi kanë eksperiencë të madhe. Batha kishte shumë përgjegjësi sot, ndërsa Kale ka minutazh loje dhe nuk mund të luante 90 minuta. Ndërrimet i bëmë për të marrë maksimumin e këtyre lojtarëve, Them se bëmë mirë, pasi nuk pësuam gol, por nëse do ketë Kale një gjendje më të mirë, krahët do i kemi dy pika të forta, për të kontrolluar lojën dhe për të shfrytëzuar hapësirat para”.

KJO NDESHJA MË E MIRË? – “Nuk do thosha se është ndeshja jonë më e mirë. Kemi bërë ndeshje të mira me skuadrat që janë në pjesën e sipërme të klasifikimit. Me plotësimin e kontingjentit, edhe kur kemi ndonjë lojtar që ka shenja lodhjeje, mund të bëjmë dhe ndonjë rrotacion, për të krijuar muskuj në fushë, kemi eksperiencë me këto lojtarë që janë kthyer”.

TIFOZËT DHE DEKLARTA E LALËS – “Ndjehem i vlerësuar, pasi na kishin munguar mua dhe lojtarëve. Ata kanë një motiv më shumë kur stadiumi mbushet. Uroj të bëjmë sa më pak hapa fals. E falënderoj Lalën për konsideratën që ka”.

“Kane qene dy javë të mjaftueshme, por natyrshëm dimë edhe faktin se nesër kemi një përballje me Partizanin që kryeson deri në këtë javë të 4-të. Është një skuadër që ka treguar stabilitet si në rezultate ashtu dhe në lojë. Do të jetë një takim i vështirë, por siç kërkon Partizani të arrijë objektivat e tij dhe ne kemi objektivat tona. Duhet që nesër të kemi një qëndrueshmëri sa më të madhe taktike, por dhe psikologjike, që të shkojmë drejt marrjes së një fitoreje, pasi luajmë para tifozerisë tonë”.

“Për të qenë i sinqertë na mungon Alvesh dhe Siljanovski. Ky i fundit ka qenë një lojtar shumë i rëndësishëm pasi ka luajtur në 13 ndeshje. Jemi mësuar me mungesat. Kemi përdorur të gjithë kontingjentin për të plotësuar mungesat. Nuk kemi akoma një lojtar për ta dubluar Siljanovskin, por ekipi ka treguar se dhe me mungesat e tjera jemi paraqitur mirë. Në javën e fundit, ndaj Skënderbeut treguam se nuk ishim inferior në fushën e lojës, që na rrit nga ana psikologjike. Duhet të vazhdojmë edhe me Partizanin që të bëjmë të njëjtën performancë, por duke pasur prioritet rezultatin”.

“Luhet java e 14-të dhe Kalen do e quaja si një blerje të janarit, pasi edhe 4 ndeshje do të luajë për të mbyllur pjesën e parë. Na vjen  mirë që na bashkohet një lojtar që ka eksperiencë në kampionatin shqiptar, përveç vlerave individuale. Ka shumë muaj që nuk luan dhe mbetet për t’u parë nesër më se do të luajë apo jo”.

“Jemi të bindur se tifozët janë një vlerë e shtuar për motivimin e lojtarëve, si kur luajmë në transfertë jo më në shtëpi. Duhet ta menaxhojmë në një formë më të mirë. Pasi kur kemi pasur mbështetje të madhe ekipi ka qenë në trysni psikologjike, për t’i përcjellë atë lloj pritshmërie që kanë. Ardhja e tyre është një motiv i madh për ne, pasi ndeshja luhet për tifozët”.

“Ishte një lojë e ndarë në dy pjesë. Në pjesën e parë bëmë mirë, ndërsa në pjesën e dytë sa për meritë të kundërshtarit dhe për gabimet tona kundërshtari ishte më mirë. Atë që bëmë në pjesën e parë nuk e bëmë në pjesën e dytë, duke dhuruar dhe shumë topa për Skënderbeun, i cili po ashtu kishte meritë, pasi e rriti lojën në pjesën e dytë”.

“Nuk përbën më lajm pjesa e mungesave, pasi nga fillimi dhe deri tani, kur janë luajtur 13 javë nuk kemi pasur ekip të plotë. Beqja është i ri dhe ka një gjendje fizike të mirë. Ishte një zgjidhje duke parë dhe lojtarin që Skënderbeu ka në të majtë. Ishte një lëvizje pozitive, por në pjesën e dytë kishte harxhuar shumë energji dhe e zëvendësuam, edhe për shkak të kontingjentit që kemi në dispozicion”.

“Nuk jam ankuar as te Skënderbeu dhe as te Flamurtari për gjyqtarët edhe pse javës që shkoi e patë vetë se çfarë ndodhi në minutën e 9-të. Ajo që dua unë është loja efektive. Nuk e ndihmojmë futbollin duke i rënë bilbilit 90 apo 100 herë në një takim. Ka dhe dyluftime kur mund të lejohet vijimi i lojës brenda rregullores së lojës. Sulmuesi ynë, Bushiç, në çdo lloj kontakti nuk ka faull, jo për ndeshjen e sotme, ndërsa për kundërshtarin e shtynë. U thash dhe lojtarëve në dhomat e zhveshjes, para se ta kërkojmë te të tjerët duhet ta kërkojmë te vetja jonë”.

“Kishte raste kur i kemi dhuruar topin kundërshtarit edhe kur nuk ishim në presion, që do të thotë harxhim energjie, por dhe ana psikologjike i jep shtysë kundërshtarit dhe e çon skuadrën në një presion të pavend. Nëse gabon që kur merr topin do të vijë një moment kur gabon afër zonës, nga ku erdhi dhe goli”.

RIKTHIMI NË KORÇË – “Nuk do të jetë një transfertë si të gjitha fushat e tjera, pasi është hera e parë që unë rikthehem në Korçë si kundërshtar pas largimit. Shkoj si kundërshtar, si trajner i Flamurtarit, por i kemi idetë e qarta që nëse duam të marrim rezultat pozitiv atje, duhet të djersimë shumë dhe të jemi të fortë nga ana psikologjike, për të menaxhuar ato vlera që ne kemi”.

TAKIMI ME TIFOZËT – “Të flas për veten nuk është nga ato pjesë që më kënaq. Hera e fundit që kam qenë në Korçë ka qenë 27 maj dhe tifozët më kanë pritur jashtëzakonisht mirë. Ka qenë dhe 30 maj, por këtë herë ishim në Elbasan dhe kam pasur mbështetjen e tyre, ndërsa këtë herë shkoj si trajner i Flamurtarit. Me korrektësinë më të madhe më përfundoi kontrata atje dhe më pëlqente një sfidë e re dhe jam i kënaqur me zgjedhjen që kam bërë”.

NDESHJA ME SKËNDERBEUN –“Skënderbeu jo vetëm në këtë kampionat, por ka dekadën e fundit që kryeson kampionatin shqiptar, pasi ka fituar 7 tituj. Është një fushë shumë e vështirë sa i përket anës sportive. Është një ekip që deri më tani ka treguar se ka një formë të mirë sportive, edhe pse vjen pas humbjes me Laçin. Besoj se ata do bëjnë maksimumin për të mos pësuar dy humbje rresht, por që dhe ne kemi objektivat tona. Duke e vlerësuar maksimalisht Skënderbeun, do të gjejmë ato pika jo të forta që ata kanë, me të cilët kemi punuar këto dy ditë, për të arritur qëllimin që kemi për të marrë pikët tona në Korçë”.

MUNGESAT – “Tani nuk përbëjnë më lajm mungesat, sepse gjatë gjithë kohës nuk e kemi pasur asnjëherë kontingjentin e plotë. Ata që do hidhen në fushë nuk kanë nevojë për motivim, pasi në një fushë si e Skënderbeut, ku luhet futboll, të gjithë kanë dëshirë që të japin më të mirën e tyre. Ajo që na takon ne si staf duhet t’i përqendrojmë lojtarët te detyrat taktike, në mënyrë që loja të mos udhëhiqet nga doza emocionale, por me një logjikë sportive”.

KALE – “Sipas informacioneve që kam edhe në ndeshjen e nesërme Kale nuk do të jetë pjesë e skuadrës. Do të shohim pas ndërprerjes së kampionatit, do ta shohim. Di vetëm që në ndeshjen me Skënderbeun nuk do të jetë”.

Koliçi: Nuk kënaqemi me barazim, uroj të dalim me kokën lart

Së bashku me trajnerin Daja në konferencë për shtyp ishte dhe portieri Enea Koliçi. Gardiani theksoi se ai dhe ekipi i ti jod të kërkojnë maksimumin, duke treguar se as barazimi nuk i kënaq. “Gardiani” vlonjat tregoi se e dinë shkallën e vështirësisë në këtë takim.

“Skënderbeu mbetet një nga skuadrat më të forta të Superiores. Edhe kur kam qenë pjesë e Kukësit kemi pasur shumë vështirësi në Korçë. Ne jemi përgatitur këto dy ditë që kemi pasur në dispozicion. Uroj që të dalim me pikë nga kjo transfertë. Ne nuk kënaqemi asnjëherë me një pikë, futemi gjithnjë për fitore. E dimë se do të jetë një ndeshje shumë e vështirë dhe urojmë që të dalim me kokën lart nga kjo ndeshje, me pikë të plota”.

NDESHJA ME TEUTËN – “Nesër kemi një ndeshje mes të barabartëve, qoftë nga klasifikimi, por dhe duke u nisur nga ndeshja e fazës së parë që përfundoi në barazim. Nga kjo mendojmë që duhet të futemi me një motiv maksimal nëse duam që të shkojmë drejt fitores, për të vijuar në këtë fazë të dytë ashtu siç mbyllëm fazën e parë me marrjen e 3 pikëve. Natyrshëm që kemi obligim përmirësimin e performancës së lojës, pasi performancë e lojës do na japë garanci për vazhdimësinë”.

MUNGESAT – “Po e përsëris sërish, që nuk do të flasim për mungesat, pasi na është bërë rutinë në 9 javët e para. kemi menaxhuar me kontingjentin që kemi pasur në dispozicion kështu do të bëjmë dhe nesër. Nuk besoj se ka rikthime, por shpresoj që të lojtarët që kemi pasur të dëmtuar së fundmi të jenë në një kondicion më të mirë”.

BICAJ E SIDIBE – “Do të thosha se njohin mentalitetin, por jo skuadrën, pasi skuadra është e rinovuar plotësisht, si në manovër ashtu dhe në afrimet që kemi bërë. Si Bicaj dhe Sidibe janë lojtarë shtatlartë që në goditje standarde kemi marrë masa. Shpresojmë që t’u lëmë sa më pak mundësi duke përdoru edhe ne atë manovër që kemi përgatitur gjatë kësaj jave për ndeshjen e nesërme”.

Hyseni: Ndeshje e fortë, Teuta vjen nga dy fitore
Edhe Alsio Hyseni është në të njëjtën linjë me trajnerin, duke vënë në dukje faktin se do të jetë një ndeshje shumë e vështirë, por beson se me tifozët do të arrijnë që të marrin fitoren: “Kundër Teutës do të jetë një ndeshje shumë e vështirë. Dihet që si ne ashtu dhe kundërshtari ka 14 pikë, plus Teuta vjen nga dy fitore. Do të jetë një ndeshje shumë e fortë. Mesazh për tifozët? Uroj që të jenë sa më të shumtë për të na mbështetu dhe uroj që t’i kënaqim me një fitore”.

Alvesh: rëndësi ka suksesi, jo kush shënon
Së bashku në konferencën për shtyp ishte dhe sulmuesi Danilo Alvesh, i cili vendosi fatin e ndeshjes me Tiranën. Braziliani e thekson se pak rëndësi ka se kush e gjen rrugën e rrjetës, mbi të gjitha rëndësi ka që skuadra të ketë sukses: “Presim që të zhvillojmë një ndeshje të mirë. Pak rëndësi ka nëse shënoj unë apo dikush tjetër, e rëndësishme është të arrijmë te suksesi”.

Trajneri Daja ishte mjaft i menduar pas ndeshjes me Kamzën, teksa për disa minuta nuk shkoi në dhomat e zhveshjes, por tani vëmendja është vetëm tek takimi me ish-skuadrën e tij. Edhe bardheblutë nuk janë në një moment aspak të mirë, pasi kanë vetëm 8 pikë në 8 javë. Daja e di se një tjetër hap i gabuar do të ishte vërtetë i tepërt për vlonjatët.

Për ndeshjen e javës së nëntë Daja duhet t’i bëjë llogaritë pa Emijano Mustën. 26-vjeçari ishte autori i golit të dytë në Kamzë, por takimin  radhës duhet ta ndjekë nga tribuna, pasi kartoni i verdhë i marrë në takimin me skuadrën nga periferia e kryeqytetit ishte i katërti për mbrojtësin. Musta ka qenë një titullar fiks këtë edicion, pasi ka luajtur në 8 takime, 7 prej të cilave nga minuta e parë.

Në Kamzë, vlonjatët ju afruan fitores, por në minuta e fundit u “dorëzuan”, pasi skuadra nga periferia e kryeqytetit jo vetëm që barazoi por në sekondat e fundit mund dhe të kishte marrë fitoren. Në fund nuk ishte e vështirë që të shihej dëshpërimi i trajnerit Ilir Daja.

Timonier kryeqytetas zgjodhi që të qëndronte tek pankian e tij dhe pas ndeshjes, deri në momentin që mbaroi dhe prononcimet për shtyp. Pushimi duket se ka ardhur në momentin e duhur për vlonjatët të cilët duhet të mendojnë me qetësi, ashtu si Daja pas ndeshjes, se çfarë nuk po shkon, që ekipi nuk po arrin të marrë dot rezultatet që pretendon.

Mendoj se kemi vepruar gabim në dy ekstremet e ndeshjes. E përmbysëm shpejt ndeshjen dhe e administruam mirë, por në fund skuadra u vendos nën presion, ndaj u zgjodh një mënyrë loje që mua nuk më pëlqen personalisht. Nuk doja tërheqje me mbrojtje, por gjendja sot kjo ishte. Siljanovski ishte i sëmurë, ashtu si unë, Hyseni mungonte dhe në stol kishim vetëm disa djem të rinj. Na vjen keq, mund të fitonim.

Arbitrimi dhe faullet? Unë nuk dua ta prek këtë temë, ka kush i analizon ato që ndodhën në fushë.

Skema me shumë sulmues? Duhet pak kohë, sepse nuk kemi luajtur me 4 sulmues më parë. Duhet bërë diçka ndryshe, sepse duhej të prishnin ekuilibrin, por mbetet për t’u parë në vijim.

Gabimet personale? E pranoj, por duhej të mos ia linim iniciativën kundërshtarit dhe natyrisht bëhen edhe gabime. Nuk veçoj askënd, gabon gjithë grupi dhe duhej ta mbanim kundërshtarin sa më larg zonës sonë.

Mënyra e lojës me qarkullim të dendur? Nuk ka kthim pas, mënyra e kërkuar nga unë ishte një që jepte më shumë garanci në lojë, sepse nuk dua lojë me topat e gjatë, edhe për faktin se nuk kemi sulmues të shpejtë, përveç Ribajt. Kur të jemi më të potë, do shprehemi më mirë.

Trajneri Ilir Daja është i vetëdijshëm për vështirësinë e kësaj sfide, por thekson se skuadra, me pak kujdes mund të marrë pikë të plota nga kjo ndeshje. Sa i përket gjendjes së skuadrës, timonieri i Flamurtarit nuk nguron të tregojë dhe mungesat që do të ketë për këtë takim.

NDESHJA – “Kemi një transfertë të vështirë në Kamzë, për vetë faktin se ekipi kundërshtar në ndeshjet e fundit nuk ka pasur një gjendje të mirë dhe kërkon që të rikuperojë gjendjen që ka në tabelën e klasifikimit. Kamza ka një grup lojtarësh me shumë eksperiencë në kampionatin shqiptar, por edhe ne jemi të detyruar që të rikuperojmë pas asaj ndeshjeje në Laç. Në takimin e fundit kemi bërë më mirë se në takimet e tjera sa i përket performancës, por në fund janë pikët ato që vlejnë. Ndaj në Kamzë me shumë kujdes do shkojmë për t’u afruar fitoreve dhe që të vijojmë më pas më të sigurt për pjesën tjetër”.

OBJEKTIVAT – “Përveç Partizanit, që ka bërë maksimumin dhe ka marrë 16 pikë, skuadrat e tjera janë 3 pikë larg. Flas për ata që janë rivalët tanë dhe nuk është diçka për t’u alarmuar. Kemi pasur një kontingjent jo të kompletuar, pasi kemi pasur shumë dëmtime. Nga natyra dua t’i shoh gjërat me optimizëm sepse edhe me këto mangësi, me kontingjentin që kishim, duke mos harruar kontributin me eksperiencë, do të veçoja dhe afrimin e disa lojatareve që tani mund të bëhen pjesë e Flamurtarit si për të luajtur titullar dhe për të rritur konkurrencën në skuadrës”.

MUNGESAT – “Sa i përket mungesave, Alla nisi stërvitjen me grupin dhe përveç Mustafës dhe Sirgit, pjesa tjetër është në dispozicion. Pa llogaritur Kalenë, i cili ende nuk është pjesë e jona”.

NDYSHIMET – “Nuk do të ketë shumë ndryshime, por me rritjen e gjendjes fizike të Torasës dhe Alveshit, ky i fundit mund ta nisë nga fillimi”.

“Kishim një situatë jo të mirë psikologjike pas dy humbjeve dhe pse kemi luajtur në transfertë shumë ndeshje. Afrimet nuk kanë qenë aty ku duhet, duke nisur që nga Alla na është dëmtuar, Torasa ka qenë i dëmtuar, Alvesh ka qenë  me grip dhe Sirgi u dëmtua po ashtu, pa përmendur Kalenë. Kemi probleme me performacën dhe është normale, pasi kemi luajtur ndaj skuadrave që kanë nisur përgatitjet shumë herët pasi kanë qenë në Kupat e Europës. Kemi pasur lojtarë të rinj në fushë, si Deliaj, Beqaj, që sot kishte ditëlindjen e 20-të. Të gjithë këto faktorë kanë ndikuar tek performanca. Nuk jemi keq me pikët edhe pse nuk kemi bërë më të mirën e duhur”.

“I kemi dhënë mundësi të gjithë grupit. Alvesh është stërvitur vetëm një ditë pasi ka qenë me grip. Përveç modulit duhet të gjejmë dhe lojtarët e përshtatshëm. Nuk i kemi konsoliduar titullarët dhe është problem më vete. Me rikthimet them se do të stabilizohemi. Kemi ndeshje jashtë fushe dhe në fazën e dytë nëse do të kemi më shumë potencial individual them se do të bëjmë më mirë. Nuk na mungojnë pikët por performancë”.

“Torasa i shërben ekipit. Na vjen mirë që shënoi sot dhe uroj të jetë nga pikat tona kryesore si për të shënuar dhe për të shërbyer”.

“Hyseni është vetëm 21 vjeç. Vjet nuk ka pasur minuta dhe tani po aktivizohet si titullar. Ka bërë mirë, por ka akoma dhe më shumë për të dhënë. Useini ka eksperiencë, por në javët e para kemi preferuar një tjetër lloj vendosje me një manovër tjetër. Sot e bëri mirë detyrën që kishte dhe uroj t’i shërbejë ekipet me eksperiencën që ka”.

Ndoshta këtë vit gjithçka ka ndryshuar, sepse në stol është ulur Ilir Daja, kampioni absolut i sezonit të shkuar, një që la Korcën për Vlorën dhe natyrisht disa garanci i ka marrë nga Sinan Idrizi. Në Vlorë janë mosbesues, janë djegur disa herë, por gjithçka i mbetet së ardhmes.

E tashmja është e bukur, për shumë arsye, nga fakti që Flamurtari nuk pëson gol e deri tek e veçanta e tre titullarëve vlonjatë në Gjirokastër. Është edhe ky një lajm i madh për vlonjatët, që kanë vite që çirren: “Ku janë lojtarët vlonjatë, Flamurtari duhet të mbështetet te djemtë e vet”.

Thirrje pa vlerë, futbolli profesionist nuk njeh pasaportë, por natyrisht në një qytet të madh si Vlora, që historikisht ka prodhuar talente për veten, për të tjerët dhe për kombëtaren, është e dhimbshme të shohësh që vetëm Franc Veliu mbijeton stoik prej vitesh, ndërsa të rinjtë zhduken pa lënë gjurmë.

Në fund të sezonit të shkuar Ardi Behari guxoi, luajti disa ndeshje me të rinjtë vlonjatë, por ishte më shumë një zgjedhje e diktuar nga kriza vlonjate dhe nga mungesa totale e objektivave, sepse mbijetesa ishte siguruar, Europa ishte “mollë e ndaluar” dhe më mirë t’u jepej një shans të rinjve, në një moment krize totale.

Është ndryshe tani, sepse Daja e ka nisur kampionatin duke ndërtuar një ekip të fortë, me shumë përforcime cilësore, por ndërkohë pa zhurmë Alessio Hyseni, Fjoralb Deliaj dhe Arbër Beqaj janë bërë të rëndësishëm. Të tre ishin titullarë në fitoren në Gjirokastër dhe bënë figurë të mirë, si për të thënë se mjafton vetëm pak besim dhe mund të bëhen edhe ata titullarë në një ekip që ul në stol emra si Veliu e Sirgi, apo që pret emra si Elton Kale e Danilo Alvesh.

Është herët për të thënë që talentet e Flamurtarit, të gjithë 19-21 vjeç, do të vijojnë të luajnë rregullisht, por në Vlorë nuk duhet të ankohen më. Ekipi është i fortë, mjafton të shihet renditja, trajneri është fitues, klubi po mundohet të tregohet serioz në maksimum brenda e jashtë fushe dhe të rinjtë vlonjatë po vlerësohen. A do të konfirmohen përfundimisht? E ka në dorë Daja, por në Vlorë mund të qëndrojnë të qetë, ai nuk sheh askënd nga emri, paga apo prejardhja. Revolucioni i heshtur i tij sapo ka nisur, tashmë u takon lojtarëve ta mbajnë vendin në ekip.

“Në tre javët e para jemi ndeshur me dy nga skuadrat që kanë luajtur në kupat e Europës dhe kanë qenë më përpara në aspektin fizik. Jemi paksa me vonesë për shkak se kemi nisur më vonë me përgatitjet, por skuadra është në rritje, po kompletohet dhe po shtohet rivaliteti për një vend në formacion.

Fjala titull? – Nuk është besëtytni që nuk e përmendim, thjesht i marrim ndeshjet me radhë, duke parë javë pas jave. Më pëlqen dëshira dhe mentaliteti fitues i skuadrës, lojtarët po punojnë si grup, duke mësuar të vuajnë për të arritur fitoren.

Interpretimi i lojës? – Kemi gjëra për të përmirësuar, në momentin kur jemi në avantazh sidomos. Për shkak të mungesës së disa lojtarëve në linjën e parë të sulmit, si Torasa, Danilo Alvesh e Kale, kemi pasur probleme, por sërish kemi bërë mirë në aspektin e rezultatit deri tani. Nëse përmirësohemi edhe në aspektin sulmues dhe të administrimit të rezultatit, atëherë mund të themi që ky është Flamurtari që duam.

Rënia në pjesën e dytë?  – Nuk ishte problem fizik, por taktik dhe këtu marr unë përgjegjësi, sepse skuadra shpenzoi shumë energji kot dhe bëmë disa gabime që na vendosën në vështirësi. Duhet të përmirësohemi në aspektin e menaxhimit të ndeshjes dhe në këtë aspekt jemi pak të justifikuar, sepse jemi ende në punë e sipër.

Leonard Trebicka

Ilir Daja do të firmosë javën e ardhshme për Skënderbeun. Trajneri kryeqytetas e ka pohuar më parë se kontrata e re është formalitet dhe nuk mendon aspak për këtë çështje. Gazeta mëson se presidenti Ardjan Takaj dhe trajneri Ilir Daja do të jenë së bashku për të zyrtarizuar firmën mesjavën e ardhshme. Gjithçka ka bëjë me vendimin që do të marrë CAS-i në lidhje me pjesëmarrjen ose jo në Champions League. Në rast se përgjigja do të jetë pozitive për bardhekuqtë, trajneri Daja do të hedhë menjëherë të zezën mbi të bardhë. “Pa diskutim që do ta bëj një gjë të tillë, nuk ka asnjë mëdyshje për këtë,” – është shprehur dje trajneri i Skënderbeut. Pas firmës në kontratë, Daja do të bisedojë sërish me presidentin Takaj mbi emrat e merkatos së verës. Në këto kushte, duhen pritur edhe disa ditë për çështjen e kontratës së trajnerit. Firma e tij do të jetë e para te Skënderbeu, ndërsa më pas do të firmosin me radhë lojtarët pa kontratë dhe pastaj do të vendoset për merkaton, për përforcimet e Skënderbeut. Trajneri Daja erdhi në krye të korçarëve në janar të vitit 2017 dhe me të në krye skuadra ka pasur sukses të jashtëzakonshëm në sezonin e fundit, ku fitoi titullin kampion, Kupën e Shqipërisë dhe kaloi 4 ture për të shkuar deri në fazën e grupeve të Europa League. Nuk ka asnjë arsye që trajneri Daja të mos vazhdojë punën te Skënderbeu, por gjithçka varet nga vendimi i CAS-it, që shpresohet të jetë pozitiv.

PUSHIMET – Të gjithë futbollistët e Skënderbeut kanë filluar pushimet, që janë parashikuar të zgjasin deri më 10 qershor, gjithmonë nëse Skënderbeu luan në Champions League. Të njëjtën gjë ka bërë që dje edhe trajneri Ilir Daja, i cili mezi e priste këtë periudhë, pas lodhjes së madhe të sezonit të gjatë. Dje pasdite ai ka mbërritur në Vlorë, ku do të qëndrojë për disa ditë, bashkë me familjen e tij. Pas Vlorës, trajneri Daja pritet të udhëtojë drejt Greqisë, ku do të kalojë disa ditë të tjera pushimi. Por janë pushime të shkurtra për trajnerin e Skënderbeut. Daja-Skënderbeu duket tashmë një binom i pandarë dhe nuk ka si të jetë ndryshe, duke pasur parasysh suksesin e sezonit që sapo përfundoi.  

LOJTARËT – Një pjesë e mirë e titullarëve të Skënderbeut tashmë janë me pushime jashtë vendit. Vetëm kosovarët janë ata që nuk e tradhtojnë vendin e tyre, ndoshta për shkak të faktit që qëndrojnë shumë kohë larg familjes. Të huajt tashmë kanë mbërritur pranë familjeve të tyre, Xhejms në Nigeri, Nimaga në Mali, Soue në Gambia dhe Radas në Kroaci. Kurse Lilaj, Gavazaj dhe Aliti janë ende në aktivitet, sepse janë të angazhuar me Kombëtaren. Edhe ata, pas përfundimit të grumbullimit me ekipin kombëtar, do të fillojnë pushimet. Nëse Skënderbeu rikthehet në fushë më 10 qershor, pushimet do të jenë të shkurtra, por ndoshta Gavazaj, Lilaj dhe Aliti do të marrin disa ditë më shumë leje.

“Jam shumë i kënaqur që e mbyllëm sezonin me tripletë, pasi kalimi i katër tureve eliminatoreve ishte trofeu ynë i parë. Nuk ishte ai objektivi kryesor. Trofeu i dytë ishte dominimi në kampionat. Trofeu i fundit ishte qershia mbi tortë, pasi erdhi për herë të parë. E meritojnë të gjithë, duke nisur që nga kapiteni Orges Shehi, të cilit do i kërkoj që të vazhdojë dhe në Europë, Ja dedikoj Korçës dhe të gjithëve atyre që na kanë përkrahur në Europë. Më vjen mirë që i gjithë përkushtimi ynë u shpërblye me trofe.

“Shpirti i skuadrës ekziston në maksimum dhe favorizon çdo trajner ku uniteti është gjëja kryesore. Kemi fituar të gjithë si ato në stol dhe ato në fushë e tribunë. Sot kurorëzohemi me Kupë, por rrugëtimi është  i gjatë.

“Kur realizohet një objektiv kërkohet një tjetër dhe kështu do të vazhdoj me të njëjtën mendësi derisa të jem në trajning, për të luftuar shumë, jo vetëm për marrjen e trofeve, pasi kolegët e mi nuk punojnë si në kushtet e mia në Korçë. I përshëndes të gjithë kolegët që kanë arritur objektivët. Ata që nuk i kanë arritur duhet të mbledhin forcat që të bëjnë para. E ngacmova në fillim të ndeshjes që Kupën do e merrnim ne. Edhe Laçi ka bërë rrugëtim të mirë dhe ka merita, por trofeun e ngre vetëm 1 skuadër.

“Do të thosha kudo ku ka fusha futbolli. E kam lidhur jetën me këtë profesion dhe them se di ta bëj mirë. Pak rëndësi ka nëse do vazhdoj brenda apo jashtë Shqipërisë.

“Politika e klubit është të promovojë lojtarë, por duke ruajtur ekuilibrin, pasi është e vështirë për të plotësuar skuadrën kur largohen në masë. Largimet do të jenë të studiuara. Është kënaqësi kur lojtarët tanë kërkohen nga skuadra më të forta në Europë. Kemi strategji të menduar mirë edhe për vazhdimësinë.

“Nuk ka qenë një vendim i imi personal. Ka qenë politikë e të gjithëve për t’i dhënë minutash dhe për të parë se kush do jenë lojtarët që mund të jenë afër formacionit. E dinim se do të kishte ndikimin e saj. Me eksperiencën që kanë lojtarët tanë dhe me ditët e pakta që kanë pasur pushim, nëse do ishin në ritmin e garës, do të kishin një marsh më shumë. Ndoshta ishte nevoja për t’u çlodhur dhe lojtarët titullarë.

“Të them të drejtën, ka qenë në Europë rrugëtimi më i bukur, pasi edhe në kampionat rrugën. Te Skënderbeu nuk ke bërë gjë të madhe në se fiton titullin, por nëse fiton Kupën dhe kalon ture atëherë po. Pas ndeshjes me Dinamon e Zagrebit vjen ndeshja kur dolëm kampion.

“Skuadra e katërt që do nxirrja kampion? Uroj të dalim kampion, pastaj flasim për skuadrën. Uroj që me skuadrën që kemi të bëjmë gjëra dhe më të mëdha. Nëse nuk beson në ëndrra, nuk ke se si i bën realitet”.

Leonard Trebicka

Ka më shumë se 16 muaj në krye të Skënderbeut, të cilit i ka dhënë sadopak “fytyrën” e tij. Sapo ka fituar titullin kampion, që një sezon më parë i shpëtoi jo për faj të tij. Pas atij të fituar me Elbasani dhe Dinamon, ky është i treti për Dajën, trajnerin e parë në historinë e futbollit shqiptar, që në krye të Skënderbeut, kaloi 4 ture në Europë. Një sezon për kornizë i të besuarve të trajnerit kryeqytetas, që kanë dhuruar emocione pa fund për tifozët korçarë, edhe pse kanë pasur një ngarkesë të jashtëzakonshme, duke luajtur njëkohësisht në tre kompeticione. Në një intervistë për “Sport Ekspres”, trajneri Daja i bën skanerin gjithë këtij sezoni, që po shkon drejt mbylljes dhe që shpreson të finalizojë me trofeun e kupës.
– Daja, kanë kaluar pak ditë nga zyrtarizimi i titullit. Jeni ende “i dehur” nga ky sukses?
– Do të thosha i gëzuar, jo “i dehur” nga suksesi. Ishim të lodhur dhe donim ta mbyllnim sa më parë këtë trofe. E mbyllëm më në fund.
– Titulli i parë me Skënderbeun, i fituar në një sezon shumë të gjatë?
– Trofeu më i suksesshëm personal. Titulli i parë që fitoj me Skënderbeun, pas kalimit të 4 tureve në Europë dhe përfaqësimit dinjitoz në grupet e Europa League. Titulli i tretë personal.
   – Çfarë të veçantë në krahasim me titujt e tjerë që keni fituar në 2006-ën me Elbasanin dhe 2008-ën me Dinamon?
– Çdo titull ka të veçantën e vet. Me Elbasanin, kur mora detyrën e trajnerit, ishte java e 3-të dhe deri në javën e 36-ë kryesuam. Titulli i dytë, ai me Dinamon, erdhi në një ndeshje finale. Javën e fundit luanim me Partizanin e vendit të dytë dhe për shumë minuta ishim me dy lojtarë më pak. Por më i veçantë është ky me Skënderbeun, sepse shoqërohet me dy arritje të mëdha: përfaqësimin e jashtëzakonshëm në Europë dhe jemi gati të fitojmë edhe Kupën e Shqipërisë.
– Ti marrim me radhë, si e kujtoni titullin me Elbasanin?
– Ishte hera e parë që drejtoja atë skuadër. E thashë se kryesuam bindshëm gjithë kampionatin, që në javën e 3-të. Mbaj mend festën e titullit, ku presidenti Arben Laze vendosi të dilnim me autobus të hapur në qytet, si shumë skuadra me emër në Europë.
– Po titulli me Dinamon?
– Luajtëm 40 minutat e fundit me 9 lojtarë. Na bënte punë edhe barazimi dhe ajo ndeshje u gjykua nga një treshe italiane, madje kryesori gjykon sot në Serinë A, emri nuk më kujtohet. Ai dënoi me kartonë të kuq Pollozhanin dhe Kulin. Ishim barazim dhe në minutën e 91-të shënuam golin e fitores me Ferrajn. Një trofe që mbahet mend gjatë.
– Keni pak më shumë se 16 muaj në stolin e Skënderbeut dhe ja ku fitoni titullin e tretë personal…
– Në fakt, objektivi i klubit ishte titulli edhe sezonin që shkoi, në gjysmën e dytë të të cilit morëm më shumë pikë se çdo skuadër tjetër. Me të njëjtin kontigjent kaluam 4 ture në Europë dhe shkuam deri në fazën me grupe. Ishte një periudhë, ku grupit iu shtua vetëm Muzaka. Soue erdhi në fund, në ndeshjen me Dinamon e Zagrebit. Ja ku jemi tani me titullin të fituar.
– Cili titull është më i bukuri për ju?
– Çdo trofe është i bukur, por ky me Skënderbeun është më i plotësuari. Vetëm Makabi i Telavivit ka arritur suksesin tonë, duke kaluar 4 ture për të shkuar në grupe. Nuk humbëm asnjë ndeshje në shtëpi që nga janari i 2017-ës. Vetëm Kukësi na mundi së fundi. Kemi shënuar me shumë gola se çdo ekip, kemi pësuar më pak. Qëndruam fort edhe pas dënimit nga UEFA, ndaj dhe ky titull është më i bukur. Për 36 javë nuk e lëshuam në asnjë moment kreun. Skënderbeun dua të kujtoj se ka bërë më shumë ndeshje, aq sa klubet e mëdha në Europë.
– Arben Laze, Besnik Sula dhe Ardjan Takaj. Sa ndryshojnë tre presidentë kampionë për ju?
– Secili prej këtyre presidentëve ka profilin e vet. I meritojnë të tre sukseset që kanë arritur. Të gjithë kanë bërë punën e vet, kanë afruar lojtarë cilësorë dhe nuk më kanë ndërhyrë asnjëherë. E kam pasur të vështirë dhe të lehtë të punoj me të gjithë. Atë që u kam kërkuar presidentëve ma kanë plotësuar. E theksova, nuk më kanë ndërhyrë. Ky lloj respekti ka bërë që punët të shkojnë mirë.
– Daja, u patë shumë i shqetësuar të mërkurën, kur Lushnja po kryesonte 2-0. Çfarë menduat realisht?
– Të them të drejtën, pa i hequr asnjë meritë Lushnjës, që na ka vënë në vështirësi gjithmonë, më shqetësonte loja e ekipit, pasi lojtarët e kishin marrë shumë lehtë, prandaj isha aq shumë i nxehur, sa e kanë vënë re të gjithë.
– Si festuat, pasi mësuat rezultatin e Kukësit?
– Titulli po shtyhej nga ndeshja në ndeshje, por dua t’ju them se ishte i mbyllur për ne prej javësh. Më bënte nervoz fakti që nuk po e mbyllnim matematikisht. Gjithmonë kam dhënë maksimumin për këtë skuadër. Nuk doja që lojtarët ta vinin në dyshim, sepse edhe ata kishin sakrifikuar shumë.
– Pasi siguruat titullin kampion, kush ju uroi i pari, e mbani mend. Po urimi më special?
– Nuk kam pasur ndonjë urim special, të flas realisht, sepse pas Lushnjës u shpërndamë të gjithë dhe duhet të prisnim ndeshjen e mbrëmjes. Nuk është se kishte aq shumë adrenalinë që të festonim shumë. Festa e vërtetë do të jetë kur të vijë trofeu në Korçë.
– Jeni takuar me presidentin Takaj, si e ka pritur ai këtë trofe?
– Për koincidencë sot (dje) kam folur në telefon me presidentin Takaj dhe kemi uruar njëri-tjetrin për titullin. Është një meritë e madhe e presidentit ky trofe, që gjithë këto vite ka investuar.
– A ka një sekret ky Skënderbe?
– Puna e jashtëzakonshme, shumë pak ditë pushimi dhe preokupim maksimal në çdo stërvitje. Ka një kohezion të përbashkët, me qëllim arritjen e objektivit.
– Që javën e parë keni kryesuar dhe nuk e keni diskutuar për asnjë moment vendin e parë. Kaq i lehtë ky trofe?
– Me këtë nuk pajtohem, nuk ka trofe të lehtë. E kam dëgjuar shumë herë këtë gjë dhe nuk ka qenë aspak i lehtë. E bëmë ne të dukej trofe i lehtë. Me të gjithë ekipet që kemi luajtur, kemi bërë diferencën. Kemi pasur mentalitet fituesi, që nga presidenti, stafi, lojtarët dhe të gjithë. “Qershia mbi tortë” për mua është tifozëria, që na ka dhënë mbështetje të jashtëzakonshme.

– Kë do të vlerësonit më shumë te Skënderbeu nga lojtarët?
– Të gjithë kanë meritën e tyre, që nga porta me eksperiencën e Shehit, senatorët e tjerë si Vangjeli, Lilaj, Radas, Muzaka, Osmani, etj.
– Çfarë note i vë trajneri Daja mbrojtjes?
– Jo vetëm mbrojtjes, por edhe mesfushës e sulmit, pra gjithë ekipit, i vë notën 10.
– Mema, Bozhiqi dhe Liçi, sa ju kanë ndihmuar në punën tuaj?
– Prodhojnë të gjithë shumatoren e asaj që i takon një stafi teknik të shkëlqyer.
– Daja, po diskutohet ekipi që do të shoqërojë Lushnjën në Kategorinë e Parë. Bie Vllaznia, Kamza apo Teuta?
– Më vjen keq për ekipet që nuk janë në gjendjen e tyre më të mirë. Për këdo që të bjerë, do të ndjej hidhërim që do të largohet nga Superliga. Ashtu si një trajner që ka si objektiv titullin dhe kur nuk e arrin ndihet keq, edhe ata trajnerë ndihen po kështu, kur nuk realizojnë objektivin e qëndrimit.
– Në këto 16 muaj nuk e kishit vënë ndonjëherë në dyshim stolin, por pak ditë më parë ishit pranë dorëheqjes. Pse?
– Për shkak të dozës së madhe emocionale që kisha pas ndeshjes, kur ekipi u shthur nga ana taktike. Të vjen keq kur kërkon disiplinë taktike dhe nuk e gjen. Faktorët ishin të shumtë që e mendova një gjë të tillë dhe vazhdoj të jem i bindur se vendimi i Apelit në UEFA la gjurmë te ne.
– Jeni i vetmi trajner që keni rezistuar këtë sezon në ekipet e Superiores. Si ndiheni?
– Nuk është sukses i Dajës, por është sukses i institucionit të trajnerit, sukses i presidentin Ardjan Takaj. Shumë presidentë në Shqipëri nuk i japin kohën e duhur trajnerit, por e largojnë. Takaj është presidenti i duhur në këtë drejtim.
– Cilin do të veçonit nga kolegët tuaj për punën që ka bërë këtë kampionat?
– Çdo trajner është më i miri, nëse kudo ku punon, jep maksimumin dhe beson se një ditë do të jetë pjesë e suksesit të grupit që ai drejton.
– Po lojtarin më të mirë të Superligës, kë do të cilësonit?
– Do të thosha se lojtari më i mirë nuk është ai lojtar që quhet i talentuar, por ai që ka karakter sportiv dhe të tillë ka shumë. Prandaj nuk do të përmend asnjë emër.
– Me cilin president keni marrëdhënie të mira, përveç Takaj?
– Pothuajse me të gjithë presidentët që kam punuar kam marrëdhënie korrekte. Ju them të gjithëve se çdo president duhet respektuar, sepse është ai që investon milionat për ekipin e tij.
– Po ndeshja që jeni ndjerë më në siklet në këto 16 muaj që drejtoni Skënderbeun?
– Ndeshja ku nuk e meritonim humbjen, ajo e fundit të sezonit të kaluar në Kukës, ku dorëzuam titullin kampion.
– Ndeshja më e mirë nën drejtimin e Dajës dhe pse?
– Ndeshja më e mirë me Skënderbeun është ajo me Dinamon e Zagrebit verën e kaluar, kur kaluam ë grupet e Europa League. U bëmë pjesë e historisë dhe nuk ka si të mos jetë më e mira.
– Është përgjegjësi e madhe të jesh trajner i Skënderbeut, apo është luks të drejtosh një skuadër të tillë?
– Është përgjegjësi. Skënderbeu në dekadën e fundit është projektuar vetëm për titullin kampion dhe ja ka dalë.
– Një opinion për drejtuesit e Skënderbeut, mund të jepni?
– Kanë fituar eksperiencën e duhur si duhet menaxhuar një klub. Besoj se ky është edhe çelësi i suksesit dhe asnjëherë nuk kanë marrë vendime emocionale.
– Kupën e Shqipërisë nuk e fituat vjet në finalen me Tiranën. Po tani ndaj Laçit?
– Edhe vjet ishte viti i duhur. Por pas atyre ndeshjeje të shkëlqyera që bëmë, nuk na bëri përshtypje. Besoj se këtë vit do të jemi ne ata që do ta fitojmë dhe nëse e bëjmë, do të jetë “qershia mbi tortë”.
– Lojtari që ju sjell në humor te Skënderbeu dhe që mban “gjallë” skuadrën me batuta?
– Kam gjetur një grup lojtarësh të shkëlqyer dhe ky është elementi kryesor në rrugën e suksesit. Nuk do të veçoja ndonjë lojtar, sepse do të krijoja më pas probleme me menaxhimin.
– Po futbollisti që e përmendni më shpesh?
– Përsëri nuk do të them emra, vetë lojtari e di, sepse e përmend më shpesh në çdo stërvitje.
– Keni diçka për të thënë për Orges Shehin, i cili ka thyer çdo rekord dhe është në prag të lamtumirës?
– Përtej asaj që e dinë të gjithë se kush është Orges Shehi, ai është një shembull për t’u ndjekur. Stërvitet me një specialist të shkëlqyer si Ilir Bozhiqi, por është vërtet një shembull që duhet ta ndjekin ata që duan vërtet të bëhen lojtarë në çdo aspekt.
– Daja kur ka qenë pushimi i fundit buzë detit, ku jeni rehatuar. E mbani mend?
– (Qesh) Kam qenë shumë herë buzë detit, sepse në Durrës zhvillojmë stërvitjen, por s’e kam parë prej vitesh të tëra detin. Kur bisedova sot (dje) me presidentin Takaj, i kërkova të më japë lejë për disa ditë dhe ai më tha me humor: ti je nga ata tipa që e zgjedh vetë lejen.
– Po pushimi i radhës për Dajën, kur dhe ku do të jetë?
– Do të jetë brenda vendit. Kam shumë miq e shokë dhe në çdo moment e ndaj suksesin edhe me ta. Do ta mbyll celularin një javë dhe do ta harroj futbollin. E kam të nevojshme të pushoj pak.
– Daja është njohur si dinamovit, po tani ju vjen mirë t’ju thonë “ujk dëbore”.
– Kam kaluar periudhën më të madhe në një ekip me tradita si Dinamo, si futbollist dhe si drejtues. Sot them me dhimbje se ai ekip nuk e ka vendin aty ku ndodhet. Duke qenë se këtë intervistë po e jap nga Dardha e Korçës, do të më pëlqente të më quanit “ujk dëbore”. Korça është një qytet që e vlerësoj maksimalisht për kontributin në çdo fushë. Ky qytet e ka në gen kulturën dhe edukatën.
– Tifozëria më e mirë në Shqipëria, sipas jush?
– “Ujqërit e dëborës”. Ajo tifozëri që përdor më pak fjalë që nuk janë pjesë e futbollit, është për mua më e mira. Sigurisht, edhe ajo tifozëri që e mbështet ekipin në çdo moment, në të mirë dhe në të keq.
– Po tifozëria më e bezdisshme, që nuk e duron dot Daja?
– Do të bëja gabimin më të madh të thosha kush është tifozëria që më ka bezdisur më shumë. Futbolli, në fund të fundit, luhet për tifozët. Më bezdisin ofendimet e atyre tifozëve që e bëjnë shpesh një gjë të tillë.
– Si e prisni festën e 23 majit, kur do të ngrini lart trofeun?
– E pres me kënaqësi, pas një pune të madhe që kemi bërë të gjithë bashkë. Jo vetëm për Dajën, por për të gjithë aktorët do të jetë një ditë të madhe, ashtu si për qytetin e Korçës.
– Do të deheni natën e festës, çfarë do të pini atë mbrëmje?
– Nuk është pjesë e mirë që një trajner të dehet. Mbrëmjen e 23 majit do ta shijoj në maksimum. Do të preferoja patjetër verë.
– Skënderbeu i Takajt, Skënderbeu i Dajës, apo Skënderbeu i Korçës. Si tingëllon më mirë?
– Skënderbeu është i të gjithëve që kanë punuar dhe ky ekip i përket jo vetëm qytetit të mrekullueshëm të Korçës, por mbarë shqiptarëve. Jemi ndjerë shumë të respektuar nga të gjithë, kudo ku kemi luajtur.
– Sa vite do të qëndrojë Daja te Skënderbeu, e keni menduar?
– Do të qëndroj te Skënderbeu aq vite sa kontributi im t’i shërbejë qytetit. Për një gjë jam i sigurt, do të jap maksimumin.
– Ka lojtarë te Skënderbeu që nuk e preferojnë Dajën në stol? Si mendoni?
– Po përdor shprehjen e një trajnerit elite të futbollit evropian, i cili thoshte: një pjesë dua të më duan, një pjesë të më respektojnë. Nuk mund të të duan të gjithë lojtarët, për këtë të jenë të bindur të gjithë trajnerët. Vetëm 11 do të luajnë në fushë, të tjerët janë konkurrente. Kështu është futbolli.
– Marrëdhëniet me mediet, si i keni?
– Një trajner duhet të ketë marrëdhënie korrekte me mediet. Besoj se secila palë duhet të respektojë tjetrën. Por kur kërkon më shumë klikime, Skënderbeu përbën vetë lajm dhe atëherë raportet nuk do të jenë njësoj.
– Së fundi, gjithë këtë rrugëtim të suksesshëm te Skënderbeu, si do ta përmblidhnit?
– Ishte gjithçka mrekullia vetë.

Lidhja me djalin: Dua që Gleni të ma kalojë!

Lidhja me djalin, Glenin, është shumë e veçantë për trajnerin Ilir Daja. Edhe ai është pjesë e trajnerit dhe natyrisht që e ka të lehtë ta gjejë një model për të ndjekur, babanë e tij. Pore ndërsa babai shpallet kampion, Gleni, me moshat e Akademisë së Dinamos, rrezikon rënien. “Djali më ngushëllonte javë pas jave, kur nuk po e siguronim dot titullin kampion, ndërkohë që edhe unë i thosha këto fjalë: mos u mërzit bir, sepse ti e more ekipin të rrëzuar dhe nuk është se po e rrëzon ti Dinamon. Këto ja thosha për t’ia hequr sado pak mërzitjen. Po më ngjau mua djali, e them troç se nuk do të jem i gëzuar. Dua që Gleni të ma kalojë në të gjitha sukseset që kam arritur”, – është shprehur trajneri Ilir Daja.

Leonard Trebicka

Erdhi momenti për rinisjen e kampionatit dhe Skënderbeu luan sot në fushën e Luftëtarit, njërit prej ekipeve më simpatike për futbollin që luan. Gjirokastritët kanë bërë edhe disa afrime,ndaj dhe vlerësimi në kampin korçar është i madh për të. Trajneri Ilir Daja, me Sahitin, Takun dhe Gripshin jashtë grupit, por edhe Souenë në stol, kërkon fitoren nga të tijtë. Ai flet me vlerësim për Luftëtarin dhe me diplomaci për Bregun e Abazajn, ndërkohë që thekson se Skënderbeu nuk hyn në fushë për barazim.

– Daja, rifillon kampionati me transfertën ndaj Luftëtarit në Gjirokastër. Si vjen Skënderbeu në këtë ndeshje?

– Përveçse është një transfertë delikate, rifillimi është gjithmonë më i vështirë se fillimi nga e para. Duhet ta fillojmë aty ku e kemi mbyllur gjysmën e parë sezonit, me një paraqitje shumë të mirë. Menjëherë vjen një transfertë e vështirë si kjo e Gjirokastrës për faktin se në javët e fundit Luftëtari, përveç lojës së mirë, ka marrë rezultate pozitive. U kam thënë lojtarëve të mi se duhet të kemi shumë kujdes në këtë 90-minutësh.

– Një vlerësim për fazën përgatitore, si është gjendja e ekipit tuaj?

– Do ta quaja të suksesshme, duke ditur që pas pushimeve, ku lojtarët nuk monitorohen për aktivitetin e tyre dhe vijnë me gjendje të ndryshme fizike. Faza bëhet për kapjen e ritmit fizik edhe taktik. Mendoj se ne e kemi arritur. Jemi munduar që këtë javë ta fusim ekipin në një gjendje sa më të mirë në aspektin psiko-fizik. Nuk kemi pasur dëmtime, përveç Sahitit, por kjo është diçka normale. I gjithë grupi, me përjashtime të vogla, është në dispozicion. Do të vendosim se kush do të nisë ndeshjen nga minuta e parë.

– Edhe Soue ka pasur probleme. Si është realisht gjendja e tij?

– Soue do të jetë me ekipin në Gjirokastër, por mbetet për t’u parë, nëse do të jetë nga fillimi në fushë apo jo. Lojtari ka bërë stërvitje individuale, për shkak të ngarkesave, por do të jetë në dispozicionin tonë.

– Abazaj dhe Bregu në qershor do të jenë pjesë e Skënderbeut, kurse sot kundërshtarë…

– Janë dy individë, që kanë cilësi shumë të mira, por janë pjesë e Luftëtarit dhe nuk mund të flas më shumë. Janë kundërshtarët tanë në këtë takim. Karakteristikat e tyre janë shumë pozitive dhe e kanë treguar me aq sa kanë dhënë në futbollin shqiptar.

– Në këtë transfertë të vështirë, a do të kënaqeshit edhe me një barazim?

– Skënderbeu është “i dënuar” që në çdo ndeshje të fitojë. E ka potencialin e duhur për të bërë një gjë të tillë. Por kundërshtari është i rrezikshëm dhe duhet pasur kujdes. Na del për detyrë ta vlerësojmë si duhet në çdo moment. Një ndeshje i ka të tre rezultatet, por nuk hyjmë në fushë për barazim. Duam të fitojmë në çdo ndeshje për të vijuar drejt objektivit, që është titulli kampion.

– 9 pikë larg ndjekësit më të afërt, është një diferencë komode?

– Është një diferencë që na jep qetësi psikologjike, por duhet të qëndrojmë në këtë diferencë pikësh. Kampionati ka edhe shumë pikë në vazhdim dhe do të mundohemi jo vetëm ta ruajmë, por edhe ta thellojmë. Me punën që kemi bërë të gjithë bashkë, i kemi të gjitha mundësitë ta ecim përpara.

– Emiljano Vila do të jetë titullar?

– Vila është një lojtar me eksperiencë, ka qenë pjesë e ekipit kombëtar. Ka cilësi të mira individuale. Mbetet për t’u parë si do të ingranohet me manovrën e ekipit, pasi nuk ka shumë kohë që stërvitet me ne. Megjithatë, me eksperiencën që ka besoj se do të ndikojë pozitivisht tek ekipi.

Leonard Trebicka

Pas dy ditëve pushim, Skënderbeu ka filluar dje përgatitjet anti-Luftëtar në qytetin e Durrësit. Bardhekuqtë janë kthyer të premten në mbrëmje në Shqipëri, pas minifazës dimërore të zhvilluar në Antalia. Ekipi pakryer dje në mesditë seancën e parë stërvitore. Lojtarët janë paraqitur në ambientet e resortit Tropikal, ku për disa ditë do të përgatisin transfertën me Luftëtarin në Gjirokastër. Trajneri Daja ka bërë vetëm një seancë në fushën me bar natyral dhe stafi teknik është dukur i kënaqur me formën e grupit pas fazës dimërore. Tani pritet që gjithçka të fillojë atje ku Skënderbeu e la vitin e kaluar, pra me fitore dhe ritëm të lartë.

ANALIZA – E veçanta ishte se trajneri Daja ka pasur dje një takim me lojtarët. Pas mbërritjes në Durrës, trajneri ia ka thirrur të gjithë në një analizë, ku ka diskutuar gjatë me të tijtë. Kjo mbledhje-analizë ka pak më shumë se 30 minuta dhe Sport Ekspres mëson se Daja u ka lojtarëve të vazhdohet me atë ritëm dhe po atë përqendrim në çdo ndeshje: Sot fillojmë përgatitjet për ndeshjen me Luftëtarin dhe gjysmën e dytë të kampionatit. Dua të jemi të përqendruar maksimalisht deri në fund të kampionatit, në të gjitha ndeshjet. Jam i bindur se bashku kemi për tia dalë, duke i marrë ndeshjet një e nga një. Tani duhet të mendojmë vetëm për Luftëtarin, takimin e radhës. Duhet ta vlerësojmë shumë skuadrën që do të kemi përballë. Çdo ndeshje vlen vetëm tri pikë për ne, u është drejtuar trajneri kryeqytetas të tijve. Ai ka dashur ti motivojë në këtë analizë dhe tu bëjë të ditur se nuk duhet të lëshojnë për asnjë moment, pavarësisht diferencës së pikëve me vendin e dytë.

LUFTËTARI Korçarët e rinisin kampionatin me një transfertë shumë të vështirë. Fitoret e Luftëtarit në mbyllje të vitit të kaluar kanë qenë ndaj ekipeve të forta si Partizani dhe Kukësi, kështu që korçarët e vlerësojnë maksimalisht kundërshtarin. Trajneri Daja e di shumë mirë forcën e gjirokastritëve, ndaj dhe dje ka preferuar ta nisë punën me atë takim, që më shumë ka pasur të bëjë me ndërgjegjësimin e lojtarëve për atë çfarë i pret në gjysmën e dytë të kampionatit. Duhet ulur ndërkohë ngarkesa që kishte skuadra gjatë minifazës dimërore dhe trajneri Daja ka menduar që deri të premten ta ketë në formën më të mirë grupin e lojtarëve. Luftëtari kërkon të largohet sa më parë nga vendet e fundit dhe do të luftojë fort para tifozëve të tij, ndaj dhe ndeshja e së premtes paraqet shkallë të lartë vështirësie për Skënderbeun.

Një ditë pas ndeshjes me Beshiktashin, ku të tijtë humbën 3-2, trajneri Ilir Daja ka folur me qetësi për gjendjen e ekipit, për afrimet dhe merkaton në përgjithësi. Trajneri kryeqytetas nuk e ka fshehur entuziazmin për formën që po tregon grupi i lojtarëve, pavarësisht rezultateve në miqësore. Në një intervistë për Sport Ekspres, numri 1 i stolit korçar u shpreh se me ardhjen e Vilës skuadra është e kompletuar dhe nuk është çudi që merkatoja te jetë mbyllur, edhe pse mund të ketë ndonjë lëvizje në ditët e mbetura të saj.

Leonard Trebicka

– Daja, Skënderbeu humbi ndaj Beshiktashit, por ju folët me superlativa për lojën e ekipit tuaj. Përse?
– Përtej humbjes, mund të them se është një fazë përgatitore dhe rezultatet nuk kanë shumë rëndësi. Më shumë rëndësi ka loja dhe forma e ekipit. Për këtë kam qenë i kënaqur. Kam parë në fushë një ekip të vendosur mjaft mirë, por edhe shumë lart nga gjendja fizike. Kemi luajtur ndaj një që vazhdon të luajë në Champions dhe sigurisht ishte e vështirë, por rastet i kemi pasur ne më të mira. Nëse do të kishim më shumë kujdes për rezultatin dhe jo për lojën, do të ishte tjetër histori. Konkluzioni im për atë ndeshje është shumë pozitiv.
– Po për fazën përgatitore në përgjithësi, çfarë vlerësimi keni?
– Jemi duke punuar fort, që në pjesën e dytë të sezonit të kemi të njëjtën ecuri. Po bëjmë një fazë përgatitore të mirë. Ngarkesa apo lodhja është e madhe deri tani, por do të jemi në maksimum kur të rifillojë kampionati. Gjithsesi, deri në fund duhet të vazhdojmë me të njëjtin ritëm.
– Mund të veçoni ndonjë lojtar, që ju la përshtypje të veçanta në ndeshjen e fundit?
– Pa përjashtim të gjithë kanë bërë një paraqitje shumë të mirë, edhe lojtarët që janë aktivizuar si zëvendësues në pjesën e dytë. Këtë sinjal kërkoja dhe e mora.
– Është aktivizuar Krasniqi, çfarë mendimi keni për këtë lojtar?
– Të them të drejtën, është ende herët të gjykosh një lojtar me kaq pak minuta. Megjithatë, ka karakteristika të mira dhe do të na ndihmojë shumë në pjesën e dytë të sezonit. Është një vlerë që i shtohet ekipit dhe mbetet të përshtatet me mënyrën e lojës sonë.
– Edhe Vila është zyrtarisht lojtar i Skënderbeut. Si e shihni këtë afrim?
– Po, është një afrim, që na shton alternativat në lojë dhe do të na ndihmojë edhe ai në vazhdim. Mund ta quaj një afrim të mirë për aq sa edhe unë kam qenë dakord të kemi shërbimet e tij. Ka mbërritur të premten në mëngjes dhe ishte gati për ndeshjen me Beshiktashin, por menduam se ishte më mirë të mos e aktivizonim. Edhe Vila do kohën e vet të përshtatet me skuadrën. Ka vlera dhe këtë nuk e mohoj aspak.
– Sa e ndihmon Skënderbeun një afrimi si ky?
– Vila është një lojtar me potencial, ka luajtur edhe me ekipin kombëtar. Luan në disa pozicione dhe për këtë na bën mirë. Ne presim që Vila të vijë në formën që ka qenë kur ishte pjesë e Kombëtares. Kemi shumë besim tek aftësitë e tij dhe jemi të bindur se do të bëjë mirë së bashku me grupin.
– Mos ndoshta është si rasti i Muzakës?
– E keni fjalën që presim të shpërthejë te ne? Po, kemi shumë besim se Vila do të bëjë një sezon të mirë te Skënderbeu, që ka një ambient, ku gjithkush punon i qetë dhe jep maksimumin. Edhe Vila ka mundësi të shpërthejë, por tia lëmë më mirë fushës.
– Me Vilën dhe Krasniqin, a mbyllet merkatoja në hyrje?
– Dua ta pranoj se jemi të kompletuar dhe nuk është çudi, nëse mund të mbyllet kështu merkatoja. Por të shohim çfarë mundësie do të na ofrojë tregu në këto ditë të mbetura. Do të vazhdojmë të kërkojmë të paktën edhe një sulmues. Se çfarë do të ndodhë, nuk jam në gjendje ta them.
– Po merkatoja në dalje? Si do të veprohet me Jashanicën dhe të tjerët?
– Klubi po sheh mundësitë në merkato për sa u përket largimeve. Po shqyrtohen të gjitha pistat për disa lojtarë. Gjithsesi, këto janë punë të klubit. Nëse do të gjendet gjuha e përbashkët si për largimin e ndonjërit dhe për alternativat e zëvendësimit të tij, do të ndërhyhet.
– Edhe pak ditë ju kanë mbetur në Antalia, a po ia arrini qëllimit?
– Sigurisht që po. Shpresoj ta ruajmë këtë ritëm, si në ndeshjet miqësore, ashtu edhe në seancat me ngarkesë që do të vazhdojnë të jenë me intensitet deri më 19 janar. Grupi po më përgjigjet mirë dhe kjo është e rëndësishme për mua si trajner.

Leonard Trebicka

Kanë kaluar katër ditë që kur Skënderbeu është akomoduar në Antalia, ku deri tani skuadra juglindore ka zhvilluar gjashtë seanca stërvitore dhe një ndeshje miqësore. Pas kësaj, trajneri Ilir Daja deklaron se ka mbetur i kënaqur nga të tijtë. Për numrin 1 të stolit bardhekuq, e rëndësishme është që ekipi po ecën mirë dhe rezultatet në testet miqësore nuk i interesojnë aspak, ndaj dhe nuk është pezmatuar aspak nga humbja me Bursasporin. Pas mbylljes së dy seancave të djeshme, trajneri Ilir Daja ka dhënë këtë intervistë për “Sport Ekspres”:

– Profesor Daja, Skënderbeu humbi 3-0 në testin e parë në Antalia ndaj Bursasporit. Çfarë nuk shkoi në atë miqësore?

– Dua të them se ishte dita e tretë e stërvitjes dhe të kërkosh një performancë të mirë në këtë periudhë është paksa e vështirë, pasi edhe ngarkesa është shumë e madhe. Për ndeshjet miqësore mund të them vetëm se nuk pretendoj të marr rezultate, por të shoh të gjithë lojtarët që kam në ekip për atë çka mund të japin dhe çfarë janë në gjendje të bëjnë. Për këtë arsye, qoftë humbje barazim apo fitore, për mua janë thjesht teste, që kanë të bëjnë me formën e lojtarëve.

– Atëherë, si e keni parë skuadrën deri tani në këtë minifazë, kur ende nuk është mbushur java?

– Ekipin që në seancën e parë të stërvitjes në Antalia e kam parë mirë dhe të them të drejtën, jam i kënaqur, sepse lojtarët e kanë ruajtur formën. Ata kanë ndjekur udhëzimet apo programin që u është dhënë në këtë periudhë pushimi. Muskujt e lojtarëve janë të ngarkuar nga stërvitja dhe për këtë arsye po kërkojmë ta kursejmë sforcimin. Për këtë arsye vendosa që edhe ekipin të mos e mbaja gjatë në fushë në miqësoren e parë dhe përdora të gjithë kontigjentin për të parë formën e lojtarëve të tjerë. Prandaj, për këtë nuk mund të marrim për bazë ndeshjen me Bursasporin për përgatitjen tonë. E përsëris, ekipin e shoh mirë dhe dëmtime nuk kemi, prandaj jam i kënaqur.

– Deri tani është afruar zyrtarisht vetëm Blerim Krasniqi dhe janë larguar dy prej atyre që kishin ardhur në provë…

– Po, për Blerim Krasniqin kemi diskutuar edhe më parë dhe e njihnim si futbollist. Ai vetëm sot (dje) erdhi në skuadër dhe të shohim së pari si është gjendja e tij. Janë vetëm orët e tij të para me ekipin dhe sigurisht që një lojtar do kohën e vet për t’u përshtatur. Sa për dy lojtarët që ishin në provë, ata nuk i përmbushën kërkesat tona dhe nuk duam lojtarë për të plotësuar numrin, por të jenë vërtet cilësorë.   

– Çfarë po ndodh me merkaton, me afrimet që sa shumë po i prisni ju dhe tifozët?

– Jemi në merkaton e janarit dhe hapësirat për të vepruar janë shumë të pakta, pasi nuk ka elementë të lirë që mund të të hyjnë në punë. Duam të afrojmë lojtarë që të rrisim kualitetin e ekipit dhe jo ta mbushim atë me elementë. Skënderbeu i ka elementët e duhur dhe besoj se këtu është e drejtë ajo çka thashë. Kemi nevojë për afrime në sulm dhe në mesfushë. Këtë e kemi thënë që në fillim.

– Po prisni edhe një mesfushor, përveç sulmuesit që tashmë dihet se duhet në ekip?

– Pa diskutim që po. E theksova se presim një sulmues dhe një mesfushor, pasi janë dy repartet, ku duhet të përforcohemi. Nuk di të them emra, apo se kush do të vijë. Por për këtë kam vënë në dijeni edhe presidentin dhe të presim ditët në vazhdim. Kemi diskutuar me presidentin Takaj edhe këtu në Turqi në momentin që ai erdhi pranë skuadrës. Asgjë nuk është e sigurt, pasi, siç thashë në këtë moment merkatoje alternativat janë shumë të pakta. Do të mundohemi që ato dëshira që kemi t’i realizojmë.

– Përveç ndeshjeve miqësore, skuadra çdo ditë kryen dy stërvitje. Mos ndoshta ngarkesa është e madhe?

– E tillë është kjo minifazë. Koha është e shkurtër për t’u përgatitur dhe nëse janë disa ditë që mund t’u japësh ngarkesë lojtarëve, janë pikërisht këto që do të kalojmë në Antalia. Deri më 19 janar kemi kohën e duhur që të vazhdojmë me dy stërvitje dhe më pas do ta ulim edhe ritmin. E rëndësishme është që gjithçka po shkon mirë dhe lojtarët po e përballojnë ngarkesën.

– Të premten luani ndaj Beshiktashit, një ekip mjaft i fortë jo vetëm në kampionatin turk…

– Në fund të fundit, këto janë vetëm teste dhe si ne, por edhe kundërshtarit, na vlejnë shumë. Do të vazhdojmë ngarkesën dhe njëkohësisht do të përshtatemi me të tilla takime. Gjithsesi, nuk jemi këtu në Turqi për të marrë fitore në miqësore. E rëndësishme është që skuadra të shkojë vërtet mirë deri në fund.  

“Kampion i dimrit nuk do të thotë që jemi kampion i edicionit, edhe pse kemi pak qetësi nga distanca me ndjekësit. Mesfusha dhe sulmi duhen përforcuar, por nëse nuk do të ketë largime, e përballojnë edhe lojtarët aktualë”, shprehet Daja, i cili në vitin 2017 ka shkruar historinë, me paraqitjen e madhe në Europa League: “Ishte një arritje e madhe personale dhe për ekipin. Këtë vit bëmë historinë edhe në Europë”.

Leonard Trebicka

Skënderbeu i fazës së parë të kampionatit mund të cilësohet pa frikë si skuadra rekordmene e gjithë historisë së klubit juglindor. Presidenti Ardjan Takaj, trajneri Ilir Daja dhe stafi i tij, por edhe gjithë futbollistët, jo vetëm kanë shkruar historinë me kalimin në grupet e Europa League për herë të dytë, por këtë radhë duke kaluar 4 ture, por po bëjnë ligjin edhe në kampionat. Në fazën e parë kanë thyer çdo rekord për sa u përket pikëve të grumbulluara në 9 ndeshjet e para. Me 8 fitore dhe 1 barazim, Skënderbeu ka grumbulluar 25 pikë, shifër e paarritur asnjëherë më parë. Trajneri Ilir Daja ka thyer edhe rekordin e ish-trajnerit të Skënderbeut, Mirel Josës, i cili në sezonin 2015-2016, pati grumbulluar 22 pikë në fazën e parë. Tri pikë më shumë ka marrë Daja dhe ky është një sukses i madh, me një mesatare prej 2.8 pikë për ndeshje. Përveç rekordit të pikëve,  Daja ka thyer edhe rekordin e golave, duke e bërë Skënderbeun  “makineri” golash, me 21 të shënuar në 9 javë. Skuadra korçare nuk kishte regjistruar asnjëherë një mesatare prej më shumë se 2.3 golash për ndeshje. Bilanci i golave është +16 gola, edhe ky një rekord më vete. Skuadra e Dajës është absolute pas 9 javëve të para, ku ka 7 pikë diferencë nga vendi i dytë.

10 MUAJ – Merita më e madhe këtij suksesi i shkon padyshim trajnerit Ilir Daja, i cili po regjistron shifra më të mira se paraardhësit e tij në stolin e Skënderbeut. Prej 4 janarit të këtij viti drejton Skënderbeun dhe në 10 muaj ka vënë disa rekorde. E gjeti skuadrën sezonin e kaluar me shumë pikë prapa Kukësit, por arriti të konkurronte deri në fund për titullin kampion. Më pas, për Dajën do të vinte Europa, ku Skënderbeu vendosi rekordin e kalimit të 4 tureve në Europa League dhe rrjedhimisht edhe kaloi në fazën me grupe. Një sukses i madh për Dajën. Duhet thënë se skuadra juglindore po bën një paraqitje të mirë në grupet e Europa League, duke u shfaqur si një skuadër e denjë europiane. Sukseset e Skënderbeut të Dajës vazhdojnë me paraqitjen e shkëlqyer të fazës së parë së parë të kampionatit. Në 9 javë mbetet skuadra e vetme e pathyeshme, pasi ka 8 fitore dhe 1 barazim. Me këtë paraqitje, Daja është përshtatur si një trajner që ka vite që drejton këtë skuadër, por në fakt ka vetëm 10 muaj në krye të bardhekuqve.

Presidenti Ardjan Takaj i ka vendosur notën 10 ekipit për paraqitjen e deritanishme, por sigurisht që këtu “10”-a e parë i takon Dajës e më pas gjithë grupit të lojtarëve. Drejtuesit dhe tifozët po shijojnë skuadrën më të mirë të futbollit shqiptar. Tashmë të gjithë gjykojnë se Skënderbeu është skuadra për t’u mundur, ndërkohë që me këtë ritëm titulli do të vijë më herët në qytetin e Korçës. Kalendari në vazhdim do të jetë “malore”, por Skënderbeu ka treguar se di të kalojë çdo pengesë dhe të thyejë rekorde.

Statistikat e fazave të para të 8 sezoneve të fundit

Sezoni 2010-2011

19 pikë    6f   1b   2h   (16-7)

Sezoni 2011-2012

17 pikë    4f   5b   0h   (8-3)

Sezoni 2012-2013

21 pikë    6f   3b   0h   (16-3)

Sezoni 2013-2014

19 pikë    6f   1b   2h   (14-8)

Sezoni 2014-2015

18 pikë    5f   3b   1h   (10-2)

Sezoni 2015-2016

22 pikë    7f   1b   1h   (18-6)

Sezoni 2016-2017

20 pikë    6f   2b   1h   (11-3)

Sezoni 2017-2018

25 pikë    8f   1b   0h   (21-5)

Leonard Trebicka

Nga Europa League, në kampionat. Skënderbeu luan sot ndeshjen e  javës së 7-të në transfertë me Teutën dhe i duhet rezultat pozitiv për t’u shkëputur nga Kukësin, që e ka barazuar me pikë. Trajneri Ilir Daja do të ketë jo pak, por 5 mungesa në këtë transfertë delikate. Megjithatë, ai beson se skuadra i ka mundësitë për fitore, duke përballuar edhe presionin që mund të jetë krijuar nga afrimi i ndjekësve. Trajneri i korçarëve pret një ndeshje shumë të vështirë, por me besimin për një fitore të radhës në kampionat.

– Daja, luani në Durrës ndeshjen e radhës në kampionat. Çfarë prisni në këtë 90-minutësh?

– Një tjetër takim i vështirë, pasi në kampionat nuk ka më ekipe të thjeshta për t’u kaluar. Teuta ka treguar se di të zhvillojë ndeshje të mira dhe di të marrë atë që duhet të marrë, pavarësisht rezultateve të fundit. Kam parasysh ndeshjen e Teutës ndaj Partizanit. Pavarësisht se humbi, ka zhvilluar në pjesën më të madhe një takim mjaft të mirë, madje mund ta mbyllte që në pjesën e parë.

– Si shkon Skënderbeu në “Niko Dovana”?

– Mund të them se jemi mirë psikologjikisht, pavarësisht se kemi disa probleme nga mungesat, nga Radas e deri te Nespor. Janë 5 lojtarë, që nuk i kemi të gatshëm për këtë takim. Por e rëndësishme është që pjesa tjetër e ekipit është në formë të mirë.

– Nga sa e keni parë Teutën, cilat janë pikat e saj më të forta dhe ato më të dobëta?

– Natyrisht, siç veprojmë me çdo ekip tjetër, kemi bërë edhe me Teutën. Koha ka qenë e shkurtër, por jemi mundur të marrim informacionin e duhur dhe të bëjmë përgatitjet e duhura. Teuta ka shumë lojtarë me eksperiencë, të cilët mund të bëjnë diferencën në çdo moment të një takimi. Ka edhe anët e dobëta të saj, që preferoj t’i mbaj për vete para ndeshjes.

– Në ndeshjet e fundit u është dashur të bëni shpesh lëvizje apo rotacion. A është ky një problem për ju?

– Nuk do ta quaja një problem, përderisa boshti i ekipit është mirë dhe gëzon një formë të kënaqshme. Do të ishte i tillë, nëse do të fillonin mungesat nga boshti kryesor i ekipit. Për momentin, duke gjykuar nga fakti që kemi çdo rol të dubluar, nuk preferoj ta quaj më rotacion. Kualiteti të detyron të bësh të tilla ndryshime.

– Teuta ka qenë gjithmonë e vështirë për Skënderbeun…

– Pres një ndeshje të luftuar, por ne do të hyjmë në fushë për të marrë tri pikët. Ky është i vetmi objektiv për këtë ndeshje, ku janë në lojë të tre rezultatet.

– Kukësi fitoi dhe është barazuar me pikë me ju. A ka presion rezultati mbi ju?

– Të them të drejtën, kur kundërshtari më i afërt fiton, rritet edhe presioni mbi ekipin tjetër. Ka një farë presioni për fitoren, por do të thosha se kam lojtarë me aq shumë eksperiencë sa do të dinë të përballojnë mirë këtë presion të krijuar dhe ta kthejnë në forcë për fitore.

Skënderbeu sot mbyll përgatitjet, ndërkohë që përveç katër mungesave që konfirmohen për këtë takim, pritet që nesër ndaj Teutës të ketë edhe risi. Pa diskutim që risia e këtij takimi do të jetë rikthimi në formacion i Tefik Osmanit, futbollist që është rikuperuar 100% dhe nesër do ta nisa nga starti këtë ndeshje. Mbrojtësi korçar deri tani ka luajtur vetëm pjesën e parë ndaj Laçit dhe tashmë rikthehet sërish titullar. Një tjetër risi është edhe skema e lojës që nesër do të jetë prezente te Skënderbeut, teksa Daja do të rikthejë pas disa ndeshjesh skemën 4-1-4-1. Kjo tregon qartë që Skënderbeu do të tregojë shumë kujdes nesër në prapavijë në transfertën e “Niko Dovanës”, edhe pse natyrisht do të kërkojë fitoren. Mungesa e detyruar e kroatit Radas ka bërë që Daja të detyrohet për të hedhur në fushë Fidan Alitin, kosovarin që po kalon një formë vërtet të mirë dhe jo më kot deri tani në gjashtë javët e para ka luajtur 365 minuta. Këto janë risitë e pragndeshjes së të hënës të Skënderbeut, por “vulën” e fundit Daja do ta vendosë pikërisht sot pas seancës së fundit stërvitore.

Formacioni – Duke parë këto ndryshime dhe me mungesën e titullarëve si Gavazaj, Nimaga dhe Radas, nesër ndaj Teutës, pritet të kemi këtë formacion të Skënderbeut. Në portë si zakonisht  Shehi, prapavija do të ketë një katërshe të detyruar me Vangjelin djathtas, Micin në krahun tjetër dhe në qendër dyshen Jashanica -Aliti. Përpara tyre rikthehet në pozicion e vet Tefik Osmani, lojtar që ishte gati edhe ndaj Partizanit të Beogradit, por nuk u sakrifikua për shkak se do të luajë nesër nga fillimi. Edhe mesfusha thuajse është e bërë, por ka një dilemë të vogël. Muzaka apo Dita, njëri prej tyre do të jetë në fushë nesër ndaj Teutës nga fillimi, por shanset më të mëdha janë për Muzakë. Nnëse Daja do të vendosë që ta çlodhë Muzakën, gati është Dita, lojtar që e njeh më mirë se kushdo tjetër Teutën, për shkak se ka qenë pjesë e këtij ekipi sezonin e kaluar. Taku dhe Xhejms Adeniji do të jenë dy krahët e mesfushës, ndërkohë që Lilaj edhe njëherë tjetër do të bëjë organizatorin. I vetëm në majë të sulmit do të jetë Ali Soue, futbollisti nga Gambia që nga 540 minuta në total në këto 6 javë ka luajtur plot 528 dhe ndoshta në javët në vazhdim edhe ai duhet të çlodhet.

Optimizmi – Të gjithë te Skënderbeu e dinë fort mirë që asnjëherë në Durrës nuk është e lehtë, por Takaj dhe stafi teknik kanë bindjen që edhe këtë radhë Skënderbeu do ia dalë. Sa për statistikë, Skënderbeu ka qysh nga maji i këtij viti që nuk pëson një humbje në Superiore dhe humbja e fundit ka qenë në atë takim “fantazmë” që u luajt në Kukës në fundin e sezonit të kaluar, atje ku korçarët humbën edhe titullin kampion. Qysh prej atij momenti, Skënderbeu njeh vetëm rezultate pozitive, ndërkohë që këtë sezon është e vetmja skuadër që nuk njeh humbje, ku në 6 ndeshje ka pesë fitore dhe vetëm një barazim. Sot pritet që presidenti Takaj të zhvillojë edhe një takim me të tijtë, sigurisht për t’u thënë fjalët e fundit një ditë përpara ndeshje ssë nesërme. Si presidenti, ashtu edhe stafi teknik, ua kanë bërë të qartë të tijve që vlen vetëm fitorja në këtë transfertë, pasi bardhekuqtë e kanë ndarë mendjen këtë sezon, për të siguruar sa më parë titullin kampion.

“Duhet të jemi më efikasë në situatat para porte, sidomos me skuadra që vijnë në Korçë dhe mbrohen me forca të shumta, megjithatë sot nuk më shqetëson loja e skuadrës, por fakti që me këtë kontingjent lojtarësh, me kaq shumë eksperiencë e cilësi, nuk duhet të marrim goditje emocionale kur pësojmë një gol. Skuadra e çorodit dhe e humbi qetësinë kur pësuam gol dhe bëmë shumë gabime, duke lënë hapësira për kundërsulmin kundërshtar.

“Rastet e shumta të humbura? E rëndësishme është që sulmuesit tanë shfaqen para portës kundërshtare, por duhet të punojmë më shumë për pjesën e finalizimit, sepse çdo gol i shënuar ndaj rivalëve që mbrohen kaq fort vlen shumë dhe çliron skuadrën. Gjatë ndërprerjes akumuluam energji të rëndësishme, të humbura kohët e fundit, por sot pamë që nuk kemi ende ritmin e duhur, që shpresojmë ta gjejmë kundër Lushnjes, për të qenë më në formë për vazhdimin e kampionatit, por edhe Europa Ligës.

“Osmani? Kryem një ndërrim të detyruar për një problem në pulpë, nuk e dimë ende shkallën e dëmtimit.

Motivimi, a ndryshon nga ndeshja në ndeshje? Mund të jetë edhe kjo, edhe pse nuk kam qejf ta pranoj që lojtarët e mi vlerësojnë ndryshe rivalin nga rivali, pasi do të ishte problem. Nuk krahasohet ndeshja sot me atë në Kamzë, aty vinim pas ndeshjes në Europa League, sot kishim më shumë kohë për të rikuperuar energjitë. Ndoshta rivalët e konsideruar jodirektë duhen vlerësuar më shumë.

“Soue po lodhet? Jam dakord që i duhet dhënë pak pushim për të rikuperuar energjitë, por jkam i detyruar ta hedh në fushë gjithmonë, sepse Nespor ka probleme fizike dhe nuk mund të aktivizohet. Gjithashtu, jemi pa Gavazajn e Sahitin, ndaj Xhejms është postuar në anësore, duke bërë që Soue të mbajë ngarkesën e sulmit dhe shpresoj të mos pësojë ndonjë dëmtim, sepse realisht po mban një peshë të madhe mbi vete”.