Dagllas Kosta

PSG interesohet për sulmuesin e Juves, takim mes Leonardos dhe agjentit

Sport Ekspres — Wed, 19 Jun 2019 10:25:33 +0000

Juventus ka një sulm të mbipopulluar në krahë dhe i duhet patjetër të shesë për të rregulluar bilancin financiar dhe të ulë numrin e njerëzve në ofensivë. Duglas Kosta është ai, që përflitet më shumë për një largim. Braziliani ka aftësi të padiskutueshme, por dëmtimet e shumta ndikojnë në vendimin e Paratiçit për ta larguar.

PSG është favorit për të siguruar shërbimet e tij. Ardhja e Leonardos shton mundesinë e materializimit të kësaj lëvizje. Mediet italiane raportojnë se drejtori i sapo emëruar në Paris ka organizuar një takim me përfaqësuesit e lojtarit. Marrëdhënia shumë e mirë mes Leonardos dhe Kostës e bën marrëveshjen më brazilianin lehtësisht të arritshme.

Bisedimet mes klubeve nuk kanë filluar ende dhe priten negociata të gjata. Vlera e 28-vjeçarit është rreth 45 milionë euro dhe Juventusi nuk bën ulje. PSG ka probleme me ndershmërinë financiare. Atyre do u duhet të shesin me patjetër për të shmangur një dënim nga qeveria e futbollit evropian.

Di Françesko: Asnjë veprim racist ndaj Dugllas Kostës

Sport Ekspres — Tue, 18 Sep 2018 13:41:23 +0000

Në ndeshjen mes Sasuolos dhe Juventusit mori shumë vëmendje sherri mes Dugllas Kostës dhe Di Françeskos. Braziliani u konfrontua me lojtarin e Sasuolos, por jo vetëm kaq, pasi e pështyu në fytyrë, duke bërë një gjest shumë të shëmtuar.

Klubi i Sasuolos ka publikuar regjimin e lojtarit të tyre për të sqaruar situatën. Vetë sulmuesi ka theksuar se nuk ka bërë asnjë veprim racist ndaj lojtarit të Juventusit. 24-vjeçari kërkon respekt dhe përmend se janë thjeshtë iluzione të të tjerëve aludimet se ai e ka fyer Kostën gjatë ndeshjes.

“Jam shumë i shqetësuar për iluzionet dhe shpikjet që janë shfaqur në media. Kjo është ofenduese dhe nënçmuese për mua. Nuk ia lejoj vetes që të bëj një sjellje raciste apo të përdor fraza që nuk u përkasin vlerave të etikës time, por që janë rezultat i imagjinatës së të tjerëve, ndaj kërkoj respekt”.

“Raketa” e Brazilit”, Dagllas Kosta arrin shpejtësinë 35km/h!

Sport Ekspres — Sat, 08 Sep 2018 13:59:41 +0000

Brazili fitoi miqësoren përballë SHBA me rezultatin 2-0 me golat e Firminjos dhe Nejmarit. Në golin e sulmuesit të Liverpulit, asistin e dha Dagllas Kosta, i cili shpërtheu bukur në krahun e djathtë duke shërbyer për Firminjon. Lojtari i Juventusit arriti një shpejtësi të frikshme prej 34.8 km/h gjatë aksionit, sipas të dhënave nga sistemi GPS.

Mediat braziliane përfituan duke e krahasuar Dagllas Kostën me xhamajkanin Usain Bolt, ndërsa anësori ofensiv u ndal te episodi në fjalë mbas përfundimit të ndeshjes.

“Jam mësuar të bëj lëvizjet e mia me këtë lloj shpejtësie. Por, gjëja më e rëndësishme është që aksioni përfundoi me gol”, tregon 27-vjeçari brazilian.