Dibala: Mbaj kontakte me Pogbanë, ndoshta do luajmë sërish bashkë

Sport Ekspres — Sat, 10 Nov 2018 22:37:28 +0000

Paolo Dibala dhe Pol Pogba kanë luajtur për një sezon së bashku te Juventusi. Por, aq ka mjaftuar që dy lojtarët të krijojnë një miqësi të veçantë. Argjentinasi ka pranuar në një intervistë se ishte i kënaqur që u takua me francezin në Ligën e Kampionëve.

“Ishte diçka e bukur të shikoja Pogban përsëri, pasi jemi miq të mirë”, tha 24-vjeçari para gazetarëve: “Në ndeshjen e parë në Mançester unë pata një paraqitje shumë të mirë, ndërsa në të dytën ai luajti shkëlqyeshëm”.

“Ishte shumë bukur të luaja kundër tij. Kemi mbetur në kontakt të vazhdueshëm qëkur ai u largua dy vite më parë. Ku i dihet, ndoshta në të ardhmen mund të luajmë sërish bashkë në të njëjtën skuadër”, përfundoi argjentinasi.

Një tjetër legjendë i jep lamtumirën kombëtares spanjolle

Sport Ekspres — Mon, 13 Aug 2018 16:56:41 +0000

Vazhdon revolucioni në kombëtaren spanjolle. Pas dorëheqjeve të Andres Iniestës dhe Zherard Pikesë, një tjetër lojtar që ka shkruar historinë e futbollit iberik ka deklaruar dorëheqjen nga përfaqësuesja “Roja La”. Bëhet fjalë për futbollistin e Mançester Sitit, David Silva.

Mesfushori 32-vjeçar ka deklaruar me anë të një letre të hapur se ka dhënë dorëheqjen nga kombëtarja e vendit të tij. Silva theksoi se ishte një ndër vendimet më të vështira të jetës së tij dhe se do ishte përherë mirënjohës kombëtares për trofetë që ka fituar me të.

Fantazisti nga ishulli i Las Palmasit luante prej 12 vitesh me ekipin, ku kishte grumbulluar 125 dhe ka shënuar 35 gola. Vetëm Vija, Raul dhe Fernando Torres kanë shënuar më shumë se ai. Një ndër faktorët që mund të ketë ndikuar në vendimin e Silvës është dhe lindja problematike e djalit të tij që luftoi për muaj të tërë me jetën, pas një lindje të parakohshme.

?OFICIAL | David Silva pone fin a su etapa en la @SeFutbol #GraciasSilva? pic.twitter.com/qMNx4Z4ig6

— Selección Española de Fútbol (@SeFutbol) August 13, 2018