Çyrbja, i ardhur këtë merkato nga skuadra e Kukësit, arriti të gjejë golin e parë me fanellën e Teutës. Mesfushorit anësor iu deshën vetëm 15 minuta për të gjetur rrjetën e parë. Në minutën e 64’, është Beqja ai që shënon golin e dytë për Teutën, ndërsa 3 minuta më vonë, shënon dhe sulmuesi Nikaç.

Goli i fundit për “Djemtë e Detit” do të mbante firmën e sulmuesit të talentuar, Lorenco Vila, i cili do të gjente rrjetën në minutën e 77-të të takimit.

Miqësore, “Niko Dovana”

Teuta – Tërbuni  4-2
Çyrbja 15’, Beqja 64’, Nikaç 67’, Vila 77’

Çyrbja ka firmosur një kontratë 2-vjeçare me Teutën. 25-vjeçari është lojtari i tretë që bëhet pjesë e Teutës gjatë ditëve të fundit. Më parë klubi durrsak zyrtarizoi firmat me Orjan Xhemalajn dhe Uendi Vecajn.

Mesfushorit anësor nuk iu rinovua kontrata dhe menjëherë pas ndeshjes me Debreçenin, kaloi si lojtar i lirë. Interesimi për të është i madh, sidomos nga Kosova, me dy skuadra të IPKO Superligës që duan firmën e tij.

Drita dhe Gjilani ishin garueset e vetme për të siguruar firmën e Çyrbjes, por një ofertë e tretë surprizë ka ardhur orët e fundit. Siç raporton “Ora News”, Partizani synon ta transferojë mesfushorin anësor në “Selman Stermasi”. Drita dhe Gjilani i kanë ofruar një pagë 50 mijë euro në sezon, por një ofertë më e mirë e “Demave të Kuq”, mund ta shohin 25-vjeçarin të qëndrojë në Superiore.

Çyrbja u ble një vit më parë nga skuadra e Teutës, por investimi nuk rezultoi i frytshëm me lojtarin që nuk arriti të siguronte një vend fiks në formacionin e skuadrës verilindore. Në 49 ndeshje me Kukësin, Çyrbja nuk arriti të vinte emrin në listën e golashënuesve.

NJOFTIMI I KLUBIT

Futboll Klub Kukësi zyrtarizon mbylljen e bashkëpunimit me Arbër Çyrbja.

Mesfushori ka ndërprerë me mirëkuptim marrëveshjen me Kukësin.

25-vjeçari, i cili i’u bashka skuadrës sonë sezonin e kaluar, është aktivizuar në 49 ndeshje në gjitha kompeticionet.

FK Kukësi falenderon Arbër Çyrbjen për kontributin e dhënë me skuadrën tonë dhe i uron suksese në karrierë!

Shkurtaj dhe Rroca – “Po është e vërtetë që kanë bërë, pasi asnjë nuk e di se çfarë do të ndodhi me lojtarë që vijnë të rinj. Megjithatë, ata janë djem shumë të mirë dhe këto transferime dolën mirë. I gjithë ekipi ka bërë maksimumin në këtë fazë përgatitore dhe jam shumë i kënaqur.

Titulli – “Është e vërtetë sepse ekipet janë pak a shumë njësoj, si Partizani, Teuta dhe Korça. Po si çdo ekip që synon kampionatin, domosdo ka pak presion, kështu që është thjesht presion normal”,- u shpreh Çyrbja.

Djemtë e drejtuar nga Armando Cungu e panë veten shumë shpejt në disavantazh, pasi në minutën e 17’ të takimit, Gulevski do të kalonte në epërsi Rostovin.

Gjithsesi, lojtarët e Kukësit nuk u dorëzuan dhe arritën të barazonin gjithçka brenda pjesës së parë. Arbër Çrybja konfirmoi dhe njëherë tjetër momentin e tij të mirë, duke shënuar për të dytën ndeshje radhazi.

Ky gol në minutën e 42’ i mesfushorit vendosi edhe rezultatin final, me skuadrat që e mbyllën këtë miqësore në paqe 1-1. Kjo ndeshje ishte shumë pozitive për Kukësin, që arriti të krijojë raste dhe kishte mundësi edhe të triumfonte, por në fund u ndanë në barazim përballë një skuadre shumë të fortë.

Miqësore – E premte, më 11 janar, ora 15:00

Kukësi-Rostov 1-1

Shënues: Çyrbja 42’ / Gulevski 17’

Kukësi: Frashëri, Maliki, Shameti, Cuculi, Rrumbullaku, Limaj, Dzaria, Rroca, Çyrbja, Uilliam, Shkurtaj. Trajner: Armando Cungu

Rostov: Abaev, Logashov, Pliev, Sigurdsson, Skopintsev, Gulevsky, Gatskan, Zuev, Kjartansson, Ionov

“Kam pasur një rritje, por nuk jam ende aty ku mendoj, e rëndësishme është që skuadra po fiton. Jemi mirë për momentin.

“A ka Kukësi diferenca me kryesuesit? Ekipet janë aty-aty. Jemi mundur nga rivalët direkt, por kemi bërë ndeshje shumë të mira”.

“Nga disa dëmtime të vogla ende nuk jam aty ku unë dua të jem”

Në merkaton e verës Kukësi, Partizani dhe Tirana vendosën që të shpenzonin pak për të siguruar shërbimet e disa lojtarëve, por kur janë luajtur 13 javë rezultatet nuk janë ato që priteshin. Arbër Çyrbja la Teutën për të shkuar te Kukësi për shifrën e 50 mijë eurove, por dhe 50 të tjera do të shkojnë në arkën e durrsakëve në fund të sezonit nëse anësori do të transferohet jashtë. Këto janë shifrat që drejtuesit kanë dhënë, ama Çyrbjes nuk i është besuar në ndeshjet e fundit, aq sa ka nisur që të jetë një alternativë gati çdo ndeshje.

Në kryeqytet ishte Partziani që mendoi të paguante 40 mijë euro te klubi i Vllaznisë për Erald Çinarin, por si në rastin e Çyrbjes edhe shkodrani nuk po gjen dot hapësirat e mjaftueshme për të treguar vlerat e tij. “Demat” ndodhen në vendin e parë dhe askush nuk mund të thotë në kanë vepruar gabim që nuk po i japin mundësi blerjes së verës.

Edhe Tirana ishte një nga skuadrat që në verë harxhoi 28 mijë euro për të marrë kartonin e Uinful Kobinës. Bardheblutë paguan në Ganë, skuadrën e Hearts of Oak për ta lënë të lirë mesfushorin, i cili edhe pse ka luajtur 13 ndeshje deri tani nuk është se ka bërë ndonjë diferencë të madhe nga pjesa tjetër e skuadrës.

Tre investime që deri më tani po rezultojnë jo të suksesshme. Çyrbja dhe Çinari nuk po luajnë, ndërsa Kobina nuk mund të bëjë revolucion i vetëm.Gjithsesi, duhet të presim se çdo të ndodhë deri në fund të sezonit. Mos të harrojmë që Guri edicionin e shkuar shpërtheu si një ”vullkan” pas janarit. Ku i dihet dhe tre blerjet e verës që lamë pas do të “zgjohen” pas pushimeve dimërore.

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

Një prej lojtarëve që mund të ulet në stol për këtë sfidë me shumë gjasa do të jetë Arbër Çyrbja. Mesfushori anësor ka bërë një postim në “Instagram” mëngjesin e sotme teksa shprehet se duhet besim për të bërë gjëra të mëdha: “Kur njerëzit besojnë tek ju, ju mund të bëni gjëra të mëdha, që askush nuk mund t’i bëjë, thjeshtë besim”!

Duket si një mesazh nga ana e anësorit Arbër Çyrbja, por nuk mund të vëmë dot gishtin se në drejtim të kujt është. Kujtojmë që 25-vjeçari u transferua nga Teuta tek Kukësi këtë verë dhe konsiderohet si një prej afrimeve më të bujshme.