Tensioni në kampin zikaltër është rritur. Kundër Empolit nevojiten tre pikët, përndryshe Interi mund të përfundojë në Ligën e Europës. Ndeshje jetike edhe për ekipin e Frederik Veselit, që kërkon pikë për të mos u rrëzuar një kategori më poshtë.

Ultrasit zikaltër, të njohur ndryshe si Curva Nord, kanë vendosur të reagojnë. Situata e turbullt në ekip e klub dhe rrezikimi i objektivit minimal i ka acaruar shumë. Ata premtojnë mbështetje të madhe në sfidën deçizive të së dielës, ndërsa kërcënojnë në të njëjtën kohë.

“Asnjë justifikim, asnjë falje, të dielën tregoni b…. Ne do ju mbështesim gjatë gjithë ndeshjes si të ishim sërish në Madrid (aty ku u fitua finalja e Champions kundër Bajernit), por në fund do të ketë festë ose luftë. Mbështesim zgjedhjen e bërë në dhomat e zhveshjes për përjashtimin e Ikardit, por të gjithë duhet të marrin përgjegjësitë e tyre. Do japim gjithçka për të mbështetur Interin, por nëse dështoni të realizoni objektivin, beteja nuk do jetë më vetëm për heqjen e Ikardit. Do kërkojmë përjashtimin e të gjithë protagonistëve negativë të sezonit, që besojmë akoma se do të mbyllet me realizimin e objektivit të rëndësishëm.”

Disa fansa e pritën krahëhapur, duke shpalosur një banderolë me mbishkrimin “Mirëse u ktheve kapiten”. Megjithatë, polemikat e muajve të fundit kanë ndarë në dy kampe tifozerinë zikaltër dhe kjo u bë e qartë me kalimin  e minutave në takimin ndaj Atalantës.

Gjatë momentit të leximit të emrit të Ikardit nga folësi i stadiumit nuk munguan vërshëllimat nga mijëra tifozë, ndërsa më pas situata e përkeqësua, teksa një pjesë e ultrasve filloi të bërtiste në kor: Mercenar! Ky kor solli reagimin e disa tifozëve të tjerë në tribunën “Curva Nord”, që filluan të vërshëllenin korin ofendues.

Ultrasit e Interit, të njohur si “Curva Nord”, kanë dalë me një komunikatë. Ata konfirmojnë faktin që nuk do të tërhiqen: Ikardi për ta nuk është e ardhmja dhe as e tashmja.

REAGIMI I ULTRASVE ZIKALTËR

“Në pritje të ndeshjes së nesërme, ne përsërisim pozicionin tonë dhe të anëtarëve tanë. Mendimi i grupimit është në sintezë me mendimin e anëtarëve tanë. Pikë. Zhvillimi i tifozllëkut gjatë ndeshjeve nuk është shprehje dhe as pasojë. Nuk jemi ne ata që duhet të thonë se çfarë duhet të bëjnë tifozët e tjerë në stadium. Nuk na interesojnë fare krahasimet se kush është më tifoz, e kush është më interist se tjetri.

Ne nuk bëjmë hapa pas sa i përket Ikardit. Ai nuk mund të jetë e ardhmja e Interit. Ai ia hapi vetë gropën vetes, duke refuzuar disa herë të veshë fanellën tonë me justifikime qesharake.

Për ne ka marrë fund koha e “dua, por nuk mundem”. Ne e shfaqem mendimin tonë në stadium kundër Xhenoas. Ne jemi tifozë. Shkojmë në stadium për të mbështetur Interin dhe për të dërguar ekipin drejt fitores. Jo për t’i dhënë më shumë rëndësi se duhet një figure për të cilin, e kemi shkruar prej kohësh fjalën FUND.“

Ata nisën të këndonin “ne nuk jemi napolitanë” në fillim të ndeshjes dhe në mesazhin e tyre i sulmojnë të gjithë: klubin, vendimin e Gjykatës Sportive dhe vetë lojtarin senegalez.

“San Siro ka fishkëllyer Kulibalinë për shkak të një gjesti të papranueshëm. Më pas mbaroi ndeshja dhe dikush tha që kishte dëgjuar thirrjet ‘buuu’, ose diçka të ngjashme. Sigurisht që është e vërtetë, dikush mund ta ketë bërë, por në stadium nuk ishte aq e qartë dhe e bezdisshme.”

“Aty nisi dhe procesi. Ajo që na befason është sjellja e klubit tonë që pranoi vendimin e Gjykatës Sportive, duke na mohuar mundësinë e marrjes pjesë në një ndeshje për të cilën kishim prerë biletat. Por nuk mbaron gjithçka këtu, kundër Sasuolos mbushën stadiumin me pankartat ‘buuu’ që na la një shije të hidhur dhe ishte një turp i vërtetë. Me pak fjalë, një situatë qesharake.”

“Neve nuk na plas fare për racizmin. Ne shkojmë në stadium për të mbështetur lojtarët tanë, qofshin lojtarë me ngjyrë si Keita, jugorë si D’Ambrozio, sllovenë si Handanoviç, apo dhe argjentinas si Lautaro. Kulibali për ne është vetëm një njeri i vogël, i cili përdor gënjeshtra për të pastruar ndërgjegjen e tij. Nëse do të ishte i bardhë, i verdhë, ose i kaltër, do të silleshim në të njëjtën mënyrë me të.”

Të njohur si “Curva Nord” dhe me bindje përgjithësisht fashiste, tifozët bardhekaltër janë kundër pranisë së femrave në sektorin e tyre, sidomos në rreshtat e parë. Aty “luftohet” për ekipin dhe nuk ka nevojë për romanticizëm.

“Sektori ynë përfaqëson një vend të shenjtë, një hapësirë me kod të pashkruar, por që duhet respektuar. U bëjmë thirrje femrave, grave dhe të dashurave që të pozicionohen sipër rreshtit të 10-të. Ata që zgjedhin stadiumin si alternativë romantike, të zgjedhin sektorë të tjerë të stadiumit”, shkruajnë ultrasit e Lacios.