“E prisnim këtë start të mirë të sezonit dhe presim edhe më shumë se kaq nga Luftëtari. E kishim përgatitur mirë ndeshjen e sotme dhe erdhëm të merrnim 3 pikët. Ajo që më bën të ndihem mirë është se nga java në javë skuadra po rritet dhe po bën atë që kërkojmë prej saj. Flamurtari ishte paraqitur mjaft mirë në ndeshjen e fundit, por sot luajtëm si të barabartë dhe jam i kënaqur. Kemi luajtur 3 ndeshje jashtë fushe këtë sezon dhe skuadra po tregon që nuk është inferiore ndaj askujt. Sezonin e shkuar në 4 ndeshjet e para Luftëtari kishte pësuar 11 gola, ndërsa këtë sezon nuk kemi pësuar gol në 3 ndeshjet e fundit. Megjithatë, po punojmë edhe për të gjetur golin. Sot patëm 4-5 raste që nuk i shfrytëzuam dhe kjo duhet korrigjuar. Kemi luajtur vetëm 4 ndeshje, është kampionat mjaft i vështirë, ndaj ndeshjet duhen marrë një nga një dhe duhet shumë punë e durim.

“Problemi është se i kemi nisur përgatitjet me pak vonesë, ndaj edhe nuk e kemi pasur kohën për të punuar mbi cilësinë e lojës, por prej ndeshjes së ardhshme do të shihni një Luftëtar më të bukur.

Shkurtaj? Është një temë e mbyllur, nuk e kam llogaritur asnjëherë si pjesë të skuadrës, sepse deri në dhjetor nuk do të jetë në dispozicion. Nuk është problem, kemi lojtarë shumë të mirë përpara, ndërsa kur të kthehet Shkurtaj do të shohim”.

“Loja me kundërsulm më efikase? Çdo ndeshje ndryshon nga të tjerat. Sot luajtëm më mirë sesa në Laç, e vendosëm Vllazninë në vështirësi, por rezultati nuk iu përgjigj asaj që dhamë në fushën e vet.

“Ku është Luftëtari në këtë moment? Është ende herët për t’i ndarë skuadrat në pretendente për titull dhe në skuadra për mbijetesë. Unë mendoj se Luftëtari nuk do të rrezikojë qëndrimin, por është herët për të përcaktuar sa larg mund të shkojmë.

“Nunjez? Nuk bëri një ndeshje të mirë, e pranoj, edhe pse nuk ishte gjithçka për fajin e tij.

Shkurtaj? Ka një problem me transferimin e tij dhe mendoj se deri në dhjetor nuk do jetë në dispozicion, ndaj nuk kam ç’të them për të”.