NDESHJA – “Nuk e di çfarë të them, as vetë nuk e kuptoj. Ka momente që skuadra shpërqendrohet pa kuptim. E nisim shumë keq ndeshjen dhe kundërshtarët përfitojnë. Sot, gradualisht filluam ta rrisim lojën, doke e dominuar kundërshtarin. Ata nuk goditën më përveç golit, ndërsa ne kishim 3-4 mundësi të mira. Gjashtë minutat e para, ekipi ishte shumë i frikësuar, nuk e di… Kjo është e gjitha ajo çfarë mund të them për këtë ndeshje”.

MUNGESAT – “Po normal që ndikojnë mungesat. Dëmtimi i Cuculit dhe i Rrumbullakut më kanë bërë që të “arnojmë” mbrojtjen. Loja jonë fillon nga portieri dhe mungesat na penalizojnë. Djemtë nuk kanë asnjë faj, pasi bëjnë gjithmonë maksimumin. Kundër ekipeve të mira, si Skënderbeu, Partizani dhe Teuta, vendosin episodet. Sot ndeshja u vendos nga një episod”.

SKUADRA – “Ekipi duhet të jetë më cinik. Për të pasur një ekip cinik, lojtarët duhet të kenë më shumë grintë. Mungesa e Rrumbullakut, Cuculit dhe Musollit e kanë humbur pak pasqyrimin e lojës së ekipit, pasi ata janë shumë lojtarë luftarak. Rroca mund të punojë në mesfushë, së bashku me Dzarian. U mundova të aktivizoj shumë sulmues në minutat e fundit. Limaj bëri një ndeshje shumë të mirë, por më duhej ta sakrifikoja”.

TITULLI – “E rëndësishme është që ne të provojmë deri në sekondat e fundit, pastaj kampionati e vendos verdiktin. Nuk duhej kjo humbje sot, të paktën të merrnim një pikë. Me atë që dha ekipi në fushë, meritonim shumë më tepër. Tensioni është prezent dhe duke iu kërkuar në çdo ndeshje maksimumin, ka pasur shpërqendrim dhe luhatje. Gjithsesi, ajo që duhet të bëjmë ne është të marrim maksimumin në çdo ndeshje, pastaj llogaritë nuk ka takojnë neve”.

RAMA – “Nuk besoj se ka ndonjë problem kundër Vangjelit. Ai shprehet më mirë në krahun e majtë dhe dueli me Vangjelin ishte i paevitueshëm. Ai dha më të mirën në atë pozicion ku luajti”, tha Cungu.

KUNDËRSHTARI – “Skënderbeu ka kualitet, ka brumë brenda përtej rezultateve që kanë qenë jo sikur janë mësuar t’i kenë. Futbolli i tillë është, nuk mund të jesh gjithmonë në maja. Skënderbeu meriton respekt dhe kujdes. Ata kanë vënë emër dhe ia vështirësojnë kujtdo fitoren. Duhet dhënë maksimumi për të marrë tre pikët”.

ÇËSHTJA E STADIUMIT – “Kukësi luan jashtë shtëpie dhe nuk është pak kjo. Jam i bindur që po të luanim në shtëpi do ishim në krye të renditjes përgjatë gjithë sezonit. Gjithsesi të kthehemi te realiteti dhe ky është. Kemi gabuar, si çdo ekip. Me rëndësi të mësojmë prej tyre. Mendoj se edhe me Teutën, 15 minutat e fundit ishin një gabim i joni. Nuk duhet përsëritur më. Janë dy raste kundër Teutës në Durrës, që jemi në avantazh dhe luajmë më mirë dhe në momente të caktuara humbim përqendrimin dhe i japim mundësinë kundërshtarit për të na dënuar. Nuk duhet të na ndodhë më. Deri tani kemi pasur kohë për rikuperime, tani bëhet më e vështirë”.

PËRJASHTIMI I KAMZËS? –  “Këto janë rregullat dhe duhet t’i respektojmë të gjithë. Të gjithë biem dakord që veprime të tilla nuk janë të pranueshme, pavarësisht kush e ka fajin. Nuk kemi dalë të gjykojmë njerëzit e as për t’i vënë para përgjegjësisë. Në stadium shkohet për të parë një shfaqje dhe duhet të mbetet në kuadrin e një shfaqjeje dhe jo të kalojmë në sporte të tjera. Në aspektin e garës nuk mendoj se ka ndonjë ndikim të madh. Kanë përfituar tre ekipe dhe ne të tjerët nuk e kemi pasur të lehtë. Ka ekipe që kanë lënë pikë, ne për fatin e mirë kemi marrë pikët e plota me shumë mund. Skënderbeu përfitoi edhe në Kupë dhe nuk është pak në këtë moment që ndihet lodhja. Nuk i jepet qëllimisht Skënderbeut, por përfitojnë sikurse Flamurtari e Luftëtari”.

FITORJA DHE RITMI I ULËT NË PJESËN E DYTË – “Pjesa e parë më kënaqi, luajtëm futboll dhe shënuam. Në pushimin e ndeshjes kërkova seriozitet maksimal, sepse rezultati 2-0 nuk është aq i thjeshtë sa mendohet. Eksperienca tregon se ka pasur përmbysje edhe më të mëdha, ndaj duhej kujdes. Duhej qarkullim topi dhe në momente të caktuara duhej goditur kundërshtari, por nuk e bëmë këtë gjë dhe vuajtëm. E kuptoj që kemi djem të rinj në ekip, por nuk ishte vetëm problemi i të rinjve, sepse gabuan të gjithë dhe lëshuan terren së tepërmi, duke humbur sigurinë”.

PARAQITJA E MIRË E DISA LOJTARËVE – “Jam shumë i kënaqur nga Limaj, Ethemi dhe të tjerë, luajtëm shumë mirë, por duhet të dinë të ruajnë të njëjtin ritëm deri në fund. Edhe Valdet Rama ishte shumë mirë, duket qartë që ka eksperiencë dhe shumë cilësi, por i duhet të rritet fizikisht. Nëse do ishte në gjendje të plotë, do luante nga minuta e parë”.

SKEMA ME DY SULMUES – “Duhet kohë, nuk është e lehtë të bësh ndryshime dhe skuadra ka pasur vështirësi në këtë drejtim. Po tentojmë të bëjmë diçka, po përmirësohemi, por nuk pretendoj se ky është maksimumi ynë. Tentova të mbaj sa më të freskët Shkurtajn, sepse na presin ndeshje ‘flakë’ në pak ditë”.

Në mbrojtje, mungonin kapiteni Shameti dhe Cuculi, dy lojtarë me shumë eksperiencë dhe shumë të rëndësishëm për strategun shkodran. Të dy mbrojtësit munguan për shkak kartonësh në sfidën kundër Kamzës. Megjithatë, tashmë i kanë shlyer dënimet dhe do të jenë të gatshëm për Cungun, që do ta ketë prapavijën e plotë për sfidën kundër Luftëtarit.

Reparti i sulmit duket në një moment shumë të mirë, ku përveç dyshës së afirmuar në Superiore, Shkurtaj dhe Rexhinaldo, edhe Valdet Rama po i afrohet formës së tij më të mirë. Ish-sulmuesi i kombëtares realizoi një gol shumë të bukur përballë Ramës dhe ishte një nga lojtarët më të mirë në fushë.

DYSHIME MBI POZITAT E TRAJNERIT ? –  “Absolutisht jo, unë i marr vendimet pa ndikimin e askujt dhe nuk pushohet trajneri nga mediat”.

“Kam biseduar sot me trajnerin dhe lojtarët, sepse edhe ata kanë përgjegjësi. Duhet qetësi e madhe për ndeshjet e ardhshme. Kamza nuk duhet nënvlerësuar, edhe pse e fundit”.

“I kam kërkuar Cungut të jetojë në Tiranë, nuk është normale ta bëjë vajtje-ardhje për në Shkodër. Ka pasur jo pak probleme, që do t’i zgjidhim. Skuadra është cilësore, blerjet janë të shkëlqyera. Në Durrës më zhgënjeu mbrojtja, e papranueshme që humbëm ashtu, me 2 gola ne 3 minuta.

PRESIONI PO NDIKON TE SKUADRA ? – “As që bëhet fjalë, skuadra ka eksperiencë, disa lojtarë janë kampionë. Duhet kohë, për të gjetur ekuilibrat e reja. Jemi 3 ekipe për titull, edhe Teuta, pavarësisht se sillet si nëndetëse dhe Partizani merret vetëm me ne”.

MARRËVESHJA ME LOJTARËT – “Sot kemi bërë marrëveshje me lojtarët, duam 4 fitore rresht. Nuk kam vendosur gjoba, do të ketë premio nëse arrijmë objektivin në ndeshet e radhës”.

MBËSHTETJA PËR CUNGUN  – “Do ketë kohën e duhur, ka pasur shumë ndryshime, por rezultatet e largojnë, nëse nuk do kemi, nuk ka nevojë ta heq unë. Unë kam besim të plotë te trajneri dhe te lojtarët, që janë shumë cilësorë”.

MERKATO E JANARIT –  “Gjithçka është bërë në koordinim me trajnerin, ai nuk është ankuar, thjesht ka thënë diçka që dihet, shumë afrime duan kohë” .

Shkurtaj dhe Rexhinaldo në formacion ? – “Unë do luaja me 4-4-2, me dy sulmues, por për gjithçka vendos trajneri. Ne na ka prishur shumë punë Musolli, dëmtimi i tij. Kur të kthehet ai, skuadra do gjejë ekuilibrat e duhur taktike”.

“Për mendimin Gjici gabon nëse shkarkon tani Cungun. Kukësi ka disa problematika këtë sezon. Luan në fushë asnjanëse, kanë pasur dëmtime, ndërsa në merkaton e verës sollën lojtarë me shumicë”.

“Nëse largohet Cungu atëherë do të thotë të dorëzohesh për titull. Ai është një djalë punëtor që po bën mirë. Te Kukësi kanë gabuar të gjithë jo vetëm ai. Ka pasur gabime në blerje dhe shumë gjëra të tjera”, përfundoi Starova.

Ramadan Ndreu do të jetë trajneri që mund të pasojë Cungun në krye të skuadrës së Kukësit. Presidenti Gjici pati deklaruar disa herë që stafi nuk ka më justifikime pas përforcimeve në janar dhe këto dy humbje kanë sjellë dhe shkarkimin e trajnerit Cungu.

Pritet të ketë edhe dënime financiare për futbollistët dhe në rast se Kukësi nuk arrin te titulli kampion, masa të tjera priten të merren. Presidenti Gjici e kërkon me ngulm këtë titull dhe duket se do të bëjë gjithçka që t’ia arrijë.

NDESHJA “Mendoj që në përgjithësi djemtë bënë një lojë të mirë, ishim në ekuilibër në pjesën e parë dhe cinikë. Si rezultat i kësaj, kaluam në avantazh dhe e mbyllëm pjesën e parë në avantazh. E dinim që do të kishim presion nga kundërshtari në pjesën e parë”.

“Arritëm të dilnim para portë me Rrocën për të siguruar fitoren, por nuk arritëm ta bënim diçka të tillë. Toleruam në mesin e fushë, duke bërë disa faulla në mesfushë shumë të rrezikshme. ekipi i teutës ka shtatlartë më shumë se ne. Lojtarët e qendrës së fushës sakrifikuan: Dzaria me temperaturë dhe Limaj me problem në kavilje”.

KAMPIONATI – “Futbolli i tillë është, por Kukësi ka forca dhe ka fuqi për të vazhduar përpara dhe të bëjë kampionatin e vet. Kampionati nuk ka mbaruar, janë dhe 14 javë. Çdo gjë mund të ndodhi në futboll. Kukësi i ka mundësitë për të luajtur futboll dhe për të marrë pikët e saj. Në fund bëhet bilanci. Për mendimin tim. Kukësi po bën një sezon shumë të mirë deri më tani dhe kaq mund të them”.

RREZIKSHMËRIA – “Sapo e thashë që shkaqet e mesfushorëve që nuk ishin në gjendjne e tyre më të mirë. Nuk kishim alternativa për të bërë lojën më të mirë. Isha i gathsëm për të rrezikuar në 20 minutat e fundit. Pësuam golin e barazimi dhe nuk kisha çfarë të humbja më. Kërkuam të gjenin sërish golin, por i druhesha mesfushës së Teutës. Me situatat dhe mundësitë që kishim, nuk ishim me fat.

PETKU I KAMPIONIT – “Kukësi ka potenciale. Kukësi ka treguar që di të luajë futboll dhe ka bërë një kampionat të shkëlqyeshëm në dy fazat e para. Nuk e kemi filluar mirë këtë gjysmë të dytë, për shkak të ardhjeve të reja. Ekipi ishte i kujdesshëm në fazën mbrojtëse. E theksova dhe më përpara që i druhesha mesfushës së Durrësit, pasi fizikisht janë shumë të fortë, si në tokë, ashtu dhe në ajër. Ne kemi një lojtar prej tri ditëve me temperaturë, si dhe Limaj që u dëmtua në kavilje. Natyrshëm nuk mund të mendonim për të bërë presing lart dhe menduam ta kapim me kundërsulm. Kemi dalë të paktë 3-4 herë me kundërsulme të shpejta. Gjuajtëm shtyllë, humbëm dhe penallti dhe nuk e di se çfarë duhet të bëjmë më shumë”.

“Unë nuk e kam thënë asnjëherë që nuk kam cilësi në skuadër. Kjo cilësi ka bërë që të gjitha ndeshjet të luajmë jashtë shtëpie dhe të luajmë më mirë se kundërshtarët dhe të marrim rezultate të shkëlqyeshme. Nuk e kemi nisur mirë për arsyet që thashë më lart”.

SULMI – “Rexhinaldo e hodha në formacion se isha i bindur se ka gjendje të mirë fizike dhe do të na ndihmonte shumë. Po të luaja me dy sulmues, kemi vështirësi, pasi nuk kemi lojtarë për ta nxjerrë topin në sulm. Luajmë me dy sulmues në momentin kur rezultati nuk është në favorin tonë. E nisa vetëm me Rexhinaldon dhe kjo gjë më dha të drejtë.

SKEMA – “Në fakt, ekipi kishte krijuar një fizionomi loje në fazën e dytë, ku për 6-7 javë nuk pësuam asnjë gol. Arritëm të ngushtonim diferencat me kundërshtarët. Me ardhjet e reja, menduam të bënim një zgjidhje tjetër, për t’iu dhënë mundësinë ardhjeve të ingranohen në fushën e lojës. Të them të drejtën, ndeshja e sotme më pëlqeu. Gjithsesi, ne pretendojmë më tepër dhe e kam thënë dhe herë të tjera që të gjithë lojtarët duan kohën e tyre. Nuk duhet t’i vëmë në presion lojtarët e ardhur dhe kush e njeh futbollin sado pak, e kupton sa kohë i duhet një sportisti.”

PENALLTITË – “Nuk kam asnjë lloj pengu. As kur Rexhinaldo ka humbur penalltinë kundër Tiranës, as për Kordeiron. Ai ka qetësinë e duhur dhe aftësi teknike shumë të mira. Humbja e penalltisë mund t’i ndodhi gjithkujt, por fatkeqësisht na ndodhi neve dy herë rresht. Ekipi ka krijuar mundësitë për t’i fituar dy ndeshjet e fundit, por nuk kemi marrë asnjë pikë. Futbolli i tillë është. Mundësi dhe potenciale reale kemi”,- përfundoi Cungu.

DIFERENCA NË KRYE – “Kemi qenë dhe 12 pikë para dhe të gjithë mendonin se u mbyll kampionati, po u afruam me tri pikë. Edhe diferenca e tanishme nuk tregon asgjë. Ne thjesht duhet të bëjmë maksimumin dhe të marrim sa më shumë pikë”.

REXHINALDO – “Do e shohim nesër para ndeshjes, nuk dua të flas para kohe. Kemi dhe një ditë stërvitje dhe do të shohim. Nuk e kam vendosur ende kush do të luajë, por ndoshta Rexhinaldo do të luajë me Shkurtajn në sulm.

KUNDËRSHTARËT – “Llogaritë janë të thjeshta për ne, duhet të luftojmë shumë për të arritur atë që synojmë. Nuk na interesojnë kundërshtarët, por shohim vetëm kampionatin tonë. Duhet të bëjmë gjithmonë vetëm maksimumin”,- u shpreh Cungu.

Bëhet fjalë për mbrojtësin Olsi Teqja, që nga Kukësi është aktivizuar në krahun e djathtë të mbrojtjes. Që pas transferimit nga Kamza, Teqja ka qenë një lojtar i rëndësishëm për Kukësin, duke u aktivizuar në çdo sfidë.

Kundër Tiranës, mbrojtësi mori kartonin e katërt të verdhë dhe do të mungojë përballë Teutës. Cungu duhet t’i bëjë planet pa të, por ka një lajm të mirë, pasi Edis Maliki është rikthyer nga dëmtimi dhe me shumë gjasa, 23-vjeçarit do t’i besohet krahu i djathtë i mbrojtjes.

Dje e bëri Armando Cungu dhe meriton komplimente, sepse nuk u mor fare me arbitrin, me fushën, me erën, kundërshtarin apo cdo gjë tjetër që mund të shërbejë si justifikim.

Trajneri shkodran e tha troç: ” Ekipi nuk po paraqitet në të njëjtin nivel. Pjesa e parë ishte e dobët, në të dytën diçka më ndryshe, patëm raste dhe shpërdoruam.

“Më shumë kemi folur në media, se në fushë, ndërsa ekipet  e tjera nuk i kam dëgjuar të dalin me flamur që të thonë ‘dalim kampionë’. Partizani, edhe pse i pari, nuk flet. Ka disa afrime që nuk kanë ritmin e duhur. Afrimet nuk janë ambientuar me ekipin, që e ndërtuam me mund e me djersë. Janë shumë prurje: Teqja, Rrumbullaku, Shkurtaj, por edhe Rrumbullaku, që është bashkuar më vonë me ne. Prishëm fizionominë e lojës për momentin. Në futboll nuk fitohet me çdo kusht”.

Këto ishin fjalët e Cungut menjëherë pas ndeshjes, por duket se drejtuesit e klubit e shohin ndryshe dhe publikimi i tre rasteve për moviolë duket si një alibi për të justifikuar disfatën dhe faktin që titulli duket më larg se kurrë këtë sezon.

Edhe sikur tre rastet të kenë bazë dhe të shërbejnë si akuzë ndaj gjykimit, janë nga ato raste që hanë debat dhe nuk hapësirë për paragjykim ndaj arbitrit, aq më shumë që njëri rast, ai ku pretendohet se Ngoo është pozicion jashtë loje, është futur kot, pasi anglezi është në pozicion mëse të rregullt kur Tirana shënon.

Këtë sezon është ankuar më shumë nga të gjithë Flamurtari, si zakonisht, por vlonjatëve nuk ua vë kush veshin, janë të njerkës. Ndoshta ankesat e Kukësit do japin rezultate, të shohim ndeshjet e ardhshme, sepse përveç justifikimit, mund të jenë edhe një mënyrë presioni ndaj arbitrave, që bien shpejt pre e akuzave, sidomos kur këto vijnë nga klubet “big”.

Autor i golit ishte Shkurtaj, i cili shkëputet mirë nga mbrojtja e Apolonisë, driblon në hyrje të zonës dhe shënon me të djathtën. Gjatë këtij aksioni, Rexhinaldo kishte mundësinë disa herë të merrte topin dhe të godiste vetë, por krijoi hapësira për shokun e tij të sulmit.

Gjatë gjithë takimit, dyshja e sulmit kombinoi mirë dhe me mbështetjen nga krahët të Çyrbjas, Et’hemit dhe Valdet Ramës në pjesën e dytë, krijuan disa raste të rrezikshme. Megjithatë, pas ndeshjes Cungu tha se nuk e mendon aspak të luajë me dy sulmues si titullarë, por vetëm kur të jetë e domosdoshme.

NDESHJA – “Nuk ishte e thjeshtë, për shkak edhe të rezultatit të ndeshjes së parë. Edhe në këtë ndeshje kundërshtari kishte menduar më shumë për mbrojtjen dhe rreshtohej me shumë forca mbrapa. Ishin 11 futbollistë afër zonës së tyre dhe ishte e vështirë t’i çaje. E njëjta gjë na ndodhi edhe në Fier.

MUNGESAT – “Ky nuk është justifikim për të mos qenë më i bukur në zhvillimin e lojës. Kishim momente jo të mira, kishim pasiguri, si rezultat edhe i mungesave të rëndësishme si Uilliam, Dzaria që na jep ekuilibër. Në këto kushte, çaluam disi. Shto këtu edhe presionin. Futbollit nuk i dihet kurrë, me djem të ri dhe kur nuk ke çfarë humb, mund të ketë edhe surpriza.

SULMI ME DY – “Nuk është çështje hipoteze sulmi me dy, e kam provuar dhe në Turqi. E provova dhe në ndeshjen e parë kundër Fierit, por kjo nuk do të thotë se nuk do të provojmë dhe në kampionat. Por për të filluar takimin me dy, nuk mendoj se është zgjedhja e duhur. Janë lojtarë të ndryshëm dhe duan kohën e tyre për tu përshtatur. Koha jonë nuk pret dhe zgjedhjet e mia dihen.”

RAMA – “Është një lojtar që nuk ka nevojë për reklamë. Është një futbollist me kualitet, e shihni dhe ju në mënyrën se si ai luan dhe pason për shokët. Unë thjesht shoh gjendjen e tij fizike. Me aq sa kemi biseduar, na ka thënë se është i stërvitur, por gjithçka do t’ia lëmë kohës”,- tha Cungu pas ndeshjes.

Ndërsa zëvendëstrajneri i Apolonisë, Stefan Çareviç tha se ishte shumë i lumtur për ndeshjen që skuadra fierake bëri, përballë një rivali shumë të fortë. Pasi iu thuri elozhe të tijve, Çareviç foli edhe për futbollin shqiptar, si dhe për afrimet që Apolonia ka bërë.

NDESHJA – “Jemi shumë të zhgënjyer për eliminimin, pasi patëm shumë raste të pastra për të shënuar. Bëmë një ndeshje shumë të mirë përballë një skuadre me buxhet të madh dhe që synon të shpallet kampion. Dua t’iu uroj fat atyre.”

FUTBOLLI SHQIPTAR – “Ka shumë vend për përmirësim në futbollin shqiptar. Ne po bëjmë një punë shumë të shpejtë, pasi nuk kemi shumë kohë. Po flas për klubin tonë. Do të shikojmë në të ardhmen se çfarë do të ndodhë me futbollin shqiptar.”

AFRIMET – “E gjithë skuadra jonë bëri një ndeshje shumë të mirë, të gjithë lojtarët ishin në një ritëm të lartë. Ata që kanë ardhur janë ambientuar shumë mirë dhe kanë gjetur hapësirat e tyre. Bënë një performancë shumë të mirë dhe të vazhdojnë me këto ritme.”

SULMI – “Mihana ka treguar një nivel shumë të lartë, ka qenë në provë në një skuadër Kroacie. Aty u provua në një skuadër dhe mungoi në disa seanca stërvitore te ne. Është diçka normale që nuk bëri një ndeshje perfekte, por bëri një ndeshje të mirë. Shpresoj të jetë në 100% për ndeshjet e ardhshme”,- u shpreh zv. trajneri Çareviç.

Klubi verilindor ka bërë me dije listën e lojtarëve të grumbulluar dhe bie në sy emri i Valdet Ramës. Sulmuesi anësor nuk ka shumë kohë që është bashkuar me Kukësin dhe me shumë mundësi do të debutojë kundër Apolonisë.

Maliki, Dzaria dhe Uilliam Kordeiro nuk figurojnë në listën e të grumbulluarve për takimin e Kupës së Shqipërisë me fierakët.  Ndeshja luhet në Pezë Helmës prej orës 13:30.

Lista e skuadrës: Frashëri, Shameti (kapiten), Krasniqi, Rrumbullaku, Teqja, Rroca, Çyrbja, Ethemi, Reginaldo, Shkurtaj, Limaj, Basha, Sekja, Dzemailji, Rama, Joti dhe Selimi.

NDESHJA – Futbolli i tillë është, nuk mund të parashikosh kurrë se si do të shkojë një ndeshje në këtë kampionat. Duhet djersitur shumë që të marrësh fitore dhe ne e dinim që kundër Vlorës do të ishte jashtëzakonisht e vështirë. Objektivat që ka Flamurtari bëri që ata të luftonin deri në fund, por jam i lumtur që ia dolëm. Djemtë luajtën me shpirt dhe jam i kënaqur që morëm tri pikët”.

FORMACIONI – “Nuk jam aspak në vështirësi për formacionin. Te Kukësi zbret në fushë ai që është në formë optimale, prandaj nuk ka arsye pse të kemi vështirësi. Ardhjet e reja duan pak kohë që të kapin ritmin. Kukësi është ekip që lufton dhe në fushë futen vetëm lojtarët që vrapojnë shumë dhe luftojnë për Kukësin”.

SKEMA – “Unë në fakt nuk vendosa për të ndryshuar skemën, por isha i kushtëzuar nga gjendja shëndetsore e Cuculit. Ai ka qenë me temperaturë dhe ka vuajtur nga pagjumësia mbrëmë. Vendosa të mos e aktivizoj në fillim të takimit. Kundërshtari shtyu shumë në minutat e fundit dhe u detyrova të aktivizoj Cuculin dhe t’i rikthehem skemës time, duke dalë në origjinë. Cuculi është një lojtar me eksperiencë dhe duhet të mbronim me çdo kusht rezultatin. Rrezikuam me kundërsulme, një shtyllë e Kordeiros dhe një rast i Shkurtajt”.

GJICI – “Të gjithë e njohin presidentin Gjici, për ambicien që ka, për dëshirën që ka për të bërë maksimumin. Kështu jam dhe unë, dua gjithmonë maksimumin dhe besoj se ia kemi dalë. Pas një starti të ngadaltë për shkak të dëmtimeve, tani jemi në luftë për titull. Dëmtimet dhe mungesa e ndeshjeve në shtëpi nuk janë justifikime, por fakte që kanë ndikuar në rezultatet tona. Tani kam besim që lojtarët kanë potencial dhe do të arrijmë te objektivat. Ne konkurrojmë gjithmonë për titullin kampion dhe të gjithë lojtarët duhet të bëjnë maksimumin për këtë skuadër. Mua nuk më shqetëson asgjë, bëj punën time mirë dhe me korrektësi, pastaj gjërat tjera i takojnë presidencës”.

MERKATO – “Kanë ardhur lojtarë cilësorë dhe grupi natyrshëm që është më i fortë. Por thashë më përpara që ardhjet e shumta prishin ekuilibrat, pasi thashë dhe më parë që janë 3 në formacion. Ndoshta do të jenë dhe katër në fushën e lojës dhe duhet të kuptoni se kjo gjë kërkon kohë që të ambientohet skuadra”,- u shpreh Cungu.

Et’hemi konkretizon me gol një kundërsulm të nisur nga qendërmbrojtësi Shameti, i cili jep një pasim të përkryer për sulmuesin anësor. Dalja e Koliçit favorizoi Et’hemin, që me një parabol të bukur, ndëshkon Flamurtarin.

Gjithsesi, vendasit do të reagonin, pasi Pollozhani në minutën e 33’ do të barazonte gjithçka. Një goditje këndi shfrytëzohet mjaft mirë nga qendërmbrojtësi, që kërcen më lart se të gjithë dhe shënon me kokë. Por festa e vlonjateve do të zgjaste vetëm dy minuta, pasi Kukësi do të rikthehej në avantazh.

Rroca harkon nga një goditje dënimi dhe topi i tij përfundon në rrjetë. Koliçi u gjet i papërgatitur nga ai harkim i rrezikshëm dhe ishte në pritje të një devijimi, i cili nuk erdhi dhe topi përshëndeti rrjetën. Ky gol i minutës së 35’ nga mesfushori i ardhur në merkaton e janarit mjaftoi që Kukësi të merrte tri pikët, një triumf shumë i vuajtur për skuadrën verilindore.

Minuta pati edhe për Cuculin, që vetëm pak momente para ndeshjes shihej si i pamundur për t’u aktivizuar, për shkak të një alergjie. Rexhinaldo sërish nuk u preferua. Flamurtari kishte shumë mundësi të mos dilte pa pikë, madje Pollozhani shënoi dhe një supergol në fillimin e pjesës së dytë, gol që u anulua dhe shkaktoi shumë polemika.

 KATEGORIA SUPERIORE – JAVA 20

E shtunë, më 2 shkurt, ora 17:00
Stadiumi “Flamurtari”, Vlorë

FLAMURTARI-KUKËSI  1-2
Shënues: Pollozani 33′ / Et’hemi 11′, Rroca 35′

Flamurtari: Koliçi, Deliaj, Pollozhani, Alla, Kotobelli, Useini, Mustafa, Batha, Beqaj (Rrapaj 69′), Musta, Ribaj. Trajner: Ilir Daja
Kukësi: Frashëri, Teqja (Xhemaili 86′), Shameti, Krasniqi, Rrumbullaku, Dzaria, Limaj, Rroca (Cuculi 71′), Et’hemi (Çyrbja 78′), Kordeiro, Shkurtaj. Trajner: Armando Cungu

Gjyqtarë: Olsi Sokoli, Denis Agaraj, Rejdi Zajimi, Orlando Kuka

Kartonë të verdhë: Batha 24′, Useini 26′, Ribaj 49′ / Teqja 28′

Delegat: Astrit Maçi; Vëzhgues: Ilirjan Kristo

EPISODET

90+5’ Mbyllet takimi në Vlorë, Kukësi ia dal të triumfojë

90+4’ Goditet me shishe anësori, ndërpritet ndeshja për pak çaste

90’ Edhe pesë shtesë, luhen minutat e fundit

86′ Debuton Xhemaili, mbrojtësi zë vendin e Teqjas

82’ Pranë golit Kukësi. Kordeiro shumë i rrezikshëm nga krahu i majtë, por gjuajtja e tij trondit shtyllën e Koliçit

78’ Minuta edhe për Çyrbjan, largohet Et’hemi

71’ Zëvendësim edhe te Kukësi. Mbyllet ndeshja për Rrocaj, në fushë Cuculi

70’ Rast ideal për të barazuar. I sapo futuri Rrapaj godet me portën gjysmë të boshatisur, por bllokohet në limite nga mbrojtja e Kukësit

69’ Vjen zëvendësimi i parë, Beqaj i bën vend Rrapaj

61’ Traversë e Flamurtarit, vlonjatët sërish shumë pranë barazimit

49’ Pollozhani realizon një supergol me roveshatë, por gjyqtari Sokoli anulon gjithçka. Ky gol i anuluar bën që lojtarët e Flamurtarit të tensionohen dhe të rrethojnë arbitrin kryesor. Ribaj ndëshkohet me të verdhë për protesta.

46’ Fillon pjesa e dytë, start i vrullshëm i Flamurtarit

45’ Mbyllet pjesa e parë me tre gola dhe Kukësin në avantazh

43’ Pranë barazimit Flamurtari, por Frashëri pret goditjen e Mustës

35’ Kukësi rigjen avantazhin! Supergol i Rrocës. Harkimi i mesfushorit përfundon në rrjetën e Koliçit dhe verilindorët i përgjigjen shumë shpejt golit të Flamurtarit

33’ Goditje nga këndi për Flamurtarin, harkimi në zonë gjen kokën e Pollozhanit, që ndëshkon Frashërin

24’ Karton i verdhë për Bathën, mesfushori i Flamurtarit shumë i acaruar

16’ Çfarë humbet Shkurtaj. Kordeiro shkëputet mirë nga e majta dhe pason në qendër, por sulmuesi tregohet i pasaktë para porte

11’ Shënon Et’hemi, verilindorët në avantazh
Një kundërsulm shumë i bukur i Kukësit. Shameti nis gjithçka, pason bukur drejt Et’hemit, i cili shkëputet dhe realizon golin e parë. Dalja e Koliçit nuk ishte e studiuar mirë dhe sulmuesi i Kukësit realizon me një parabol.

4’ Që në minutën e katërt, Rexhinaldo del në nxehje

1’ Fillon takimi, Kukësi e nis në sulm

NDESHJA – “Futbolli jo gjithmonë ecën me histori, ecën me moment për mendimin tim. Kam thënë që nuk është e rëndësishme se çfarë ka bërë më parë Flamurtari me Kukësin dhe e kundërta. Është një ndeshje që duhet respektuar dhe vlerësuar maksimalisht nga ekipi jonë. Pavarësisht problematikave që ka kundërshtari, është një ekip që ka brumë dhe cilësi. Nuk është e lehtë të për të fituar ndaj Flamurtarit, sidomos kur ata luajnë fushën e tyre. Megjithatë, do të përgatitemi për të bërë më të mirën dhe natyrshëm për të kërkuar fitoren”.

MERKATO – “Ardhjet janë cilësore. Kjo është evidente. Klubi ka bërë mirë me këto afrime. Kërkojnë kohën e vet të përshtatjes dhe shpresoj që të jetë sa më shpejt, pasi është në të mirë të individit e klubit. Objektivat nuk ka nevojë tua bëjmë me dije pasi kuptohen vetë. Një profesionist duhet të dijë ta mbajë presionin, duhet të dijë të reagojë si profesionist”.

REXHINALDO – “Personi që drejton klubin është presidenti dhe natyrshëm kërkon maksimumin nga çdo individ. Nëse një individ, kushdo qoftë ai nuk i përgjigjet klubit me korrektësi, natyrshëm që si në çdo klub të Botës do të ketë penalitete. Unë personalisht nuk i dua, por megjithatë futbollistët duhet të jenë serioz dhe të bëjnë më të mirën e mundshme. Në radhë të parë për veten e tyre, pasi i shërben individualisht dhe më pas për klubin”.

PRESIONI – “Është që nga dita që fillon aktiviteti. Presioni është evident. Jo vetëm te Kukësi, por kudo. Aq më tepër tek ekipet e kreut. Sidomos te Kukësi, që prej shtatë vitesh është faktor në futboll shqiptar. Në këtë aspekt natyrshëm që presioni është normal, jo vetëm brenda logjikës së futbollit, por edhe brenda objektivave të klubit.”

“Rexhinaldo është dëmtuar pesë minuta pa filluar ndeshja me Laçin dhe u duk si një dëmtim i rëndë. Natyrshëm, ne e morëm në hotel me ekipin, siç është rituali jonë para çdo ndeshje. Futbollisti u ankua dhe doktori i ekipit i bëri grafi. Kishte një dëmtim dhe iu bë rezonanca. Po presim një përgjigje nga stafi mjekësor për rikthimin e tij.

Nuk mendoj se Rexhinaldo është dramë! Gjithsesi, besoj se nuk është koha e duhur për të folur për këtë gjë. Kukësi e ka në llogaritë e veta Rexhinaldon. Është një lojtar që ka vlera dhe jam i bindur se do e ndihmojë ekipin në pjesën e mbetur të sezonit. Rexhinaldo do të ketë ndeshjet e veta, minutat e veta, dhe mundësinë për të ndihmuar ekipin”,- përfundoi trajneri i Kukësit.

Objektivat – “Presidenti ynë është ambicioz. Unë besoj se është mëse normale që një president që investon rregullisht në klub, kërkon maksimumin nga ne. Unë e kam pranuar ofertën e Kukësit pikërisht për këtë gjë, pasi më pëlqejnë sfidat dhe rregullsitë. Kemi bërë një gjysmë të parë shumë të mirë dhe shpresoj të bëjmë edhe më mirë në të dytën.

Rexhinaldo – “Unë kam respektuar dhe respektoj punën e Rexhinaldos. Ka ndihmuar shumë skuadrën dhe synon të jetë zgjedhje e parë. Ai është pjesë e kombëtares dhe kërkon të luajë. Gjithsesi, unë do të bëj zgjidhjet më të mira në favor të klubit. Një profesionist duhet të respektojë zgjedhjet e trajnerit.

Sulmi me dy – “Nuk mund të flas para kohe, por për momentin nuk e shoh një sulm me dy. Kemi shumë ndeshje në kampionat dhe në Kupë, prandaj të gjithë do të luajnë.

Teuta si rivale – “Teuta është kundërshtar i denjë për titull dhe nuk e heq aspak nga gara, është pretendente serioze. Paralelisht, ne do të bëjmë më të mirën edhe në Kupë, pavarësisht se fokusi ynë është kampionati.

Kupa – “Nuk është e lehtë që të luftojmë në dy fronte, jo vetëm ne, po çdo ekip. Gjithsesi, do të menaxhojmë në mënyrën më të mirë të mundshme skuadrën, që të luftojmë për të dyja objektivat” – tha Cungu.

Për kuksianet, golat u shënuan nga Shkurtaj dhe Çyrbja, me këtë të fundit që shënoi për herë të tretë radhazi. Pas kësaj ndeshje, Cungu u shpreh shumë i kënaqur me lojën e skuadrës së tij, si dhe me rezultatin.

Për faqen zyrtare të klubit, Cungu tha: “Normalisht, skuadra tregoi rritje nga ndeshja e parë. Natyrshëm që përveçse për të parë gjendjen e ekipit, kërkuam dhe rezultatin në këtë ndeshje, pasi sezoni po afron dhe duhet të jemi cinikë. I gëzohem rezultatit, por edhe lojës së skuadrës”,- u shpreh trajneri i verilindorëve.

Sfida ndaj Rostov – “Po, nuk ka gjëra të reja këtu, me këto kushte që ne stërvitemi këtu, normalisht që do të përballemi me ekipe të forta. Di të them se ky barazim ishte i drejtë, pavarësisht se për mendimin tim ishim më dominues përballë kundërshtarit”.

Faza përgatitore – “Kryesore për ne është fakti që përgatitemi dhe të jemi të gatshëm për kampionatin. Ekipi ka treguar rritje dhe kjo gjë më mban me shpresa. Si vendosje në fushë, unë kam nevojë për të provuar 2-3 sisteme për të na shërbyer në kampionat.

Skemat – “Dua të shoh sesi sillet ekipi dhe si luan, në varësi të kundërshtarit dhe rezultatit. Për këtë arsye ndryshova skemë, por kishim vështirësi të ambientoheshim. Gjithsesi, në pjesën e dytë bëmë më mirë”.

Shkurtaj dhe Rroca – “Lojtarët e ardhur nuk kanë nevojë për reklamë, pasi dihen aftësitë e tyre që të Gjirokastra. Të dy do të jenë në shërbim të ekipit”,- u shpreh Cungu.

“Të them të drejtën, jam i kënaqur me lojën që zhvilluan djemtë, duke pasur parasysh kundërshtarin. Në vend të parë në Turqi dhe me shumë yje në skuadër. Me këto kushte nuk është e lehtë të luash kundër tyre, por ne luajtëm mirë dhe treguam formë fizike shumë të mirë.

Jam i kënaqur me lojën, edhe pse kemi shumë gjëra për tu përmirësuar. Duke parë që kjo ishte një miqësore, iu dhashë mundësinë shumë djemve të kontribuonin për skuadrën. Të gjithë më pëlqyen dhe më kanë bindur se jemi gati për pjesën e dytë të kampionatit”,- u shpreh Cungu.

Për faqen e klubit, u prononcua dhe autori i golit, Arbër Çyrbja, i cili tha: “Është kënaqësi t’i shënosh portierit të kombëtares turke, por jo vetëm portierit. Është diçka shumë pozitive t’i shënoj një skuadre me cilësi të tilla dhe me lojtarë me shumë kualitet.

Kjo ndeshje ishte shumë e vështirë, pasi luajtëm kundër lojtarëve shumë të fortë, lojtarë që ne i kemi parë vetëm në televizor”,- përfundoi Çyrbja.

Edhe pse mbetet ende për t’u përcaktuar se ku do të luhet supersfida e kësaj jave, ekipet vijojnë normalisht përgatitjet. Kukësi mori një fitore të vuajtur në Gjirokastër, por që i shërben nga ana morale para dy ndeshjeve më të rëndësishme për këtë edicion. Në fazën e parë Kukësi ka dështuar që të marrë pikë ndaj ekipeve kryesuese dhe të premten do të kërkojë që ta thyejë këtë “ters”.

Armando Cungu do të ketë plotësisht gati kapitenin Ylli Shameti dhe mbrojtësin tjetër Simo Rrumbullaku. Kapiteni ishte në stol në takimin  fundit, ndërsa gjirokastriti luajti pak minuta në fund. Të dy janë pika të rëndësishme të skuadrës dhe me shumë mundësi do të jenë nga minuta e parë. Edhe gjendja e Shafik Tigruxhës është në përmirësim dhe francezi mund të jetë në dispozicion për stafin teknik. Një skuadër më e kompletuar për kuksianët, të cilët në takimet e fundit kanë pasur pak alternativa, duke kujtuar se në takimin me Kamzën ishin vetëm 4 lojtarë në stol.

Numri një i stolit kuksian analizon situatën para ndeshjes me Luftëtarin, por nuk lë jashtë vëmendjen edhe situata me Rexhinaldon, i cili u bë protagonist në ndeshjen e fundit.

Duke parë që kundërshtari është në nevojë për pikë, prini që kundërshtari të jetë një ‘kockë e fortë’?
-Luftëtari është ‘kockë e fortë’ si çdo ekip tjetër në Superiore. Kundërshtari ka nevojë për pikë, ashtu sikurse edhe ne kemi nevojë për pikë. Nuk shoh asnjë skuadër në kampionat që nuk ka nevojë për pikë. Sa i përket rrezikut, jemi përgatitur për këtë ndeshje, natyrshëm që nuk do të jetë e lehtë për ne. Edhe para një jave ishim në të njëjtën situatë, ku Kamza ishte për mbijetesë, ishte në të njëjtat pozita. Ne bëmë detyrën tonë dhe arritëm atë objektiv që ishte fitorja. Nuk besoj se duhet të ketë ndonjë ndryshim ndeshja nga ndeshja e Kamzës.

Do ju kënaqte një barazim në Gjirokastër?
-Ne futemi në çdo ndeshe për të marrë 3 pikë, në çdo fushë dhe ndaj çdo kundërshtari. Ky është objektivi ynë edhe në këtë përballje. Në futboll nuk mund ta parashikojmë sot se si mund të shkojë ndeshja. Ne jemi përgatitur për të marrë fitoren dhe do e kërkojmë me çdo kusht.

A mos ka ardhur koha që Kukësi të bëjë atë hapin e madh që të gjithë presin?
-Duhet t’i marrim ndeshjet një e nga një dhe duhet të fokusohemi te takimi i radhës dhe të bëjmë të pamundurën për të marrë 3 pikët. Më pas do të kemi të njëjtin objektiv ndeshje pas ndeshje.

Keni ndonjë koment për largimin e Musollit?
-Të jemi sinqertë unë sapo e lash stërvitjen erdha këtu dhe nuk jam në dijeni të kësaj situate. Me aq sa u informova shkurtimisht, mësova se mes dy palëve është arritur një marrëveshja që lojtari të lihet të rehabilitohet në Kosovë dhe më pas do të jetë dera e hapur për të, për të qenë pjesë e Kukësit.

A u konsultuan me ju për këtë situatë para se vendosej për largimin e tij?
-Përderisa bien dakord të dyja palët. Nuk besoj se ka diçka për t’u shqetësuar. Nuk mendoj se klubet shqiptare e kanë luksin për të pasur staf të veçantë për lojtarët që vijnë pas trumave të tilla. Ka nevojë për një trajtim më të specializuar dhe për një trajner personal, që të merret me të, për ta kthyer sa më shpejt në gjendjen e tij më të mirë fizike. Kjo ka qenë ajo që drejtuesit dhe lojtari kanë arritur në këtë marrëveshje.

Mund të ndikojë kjo lëvizje negativisht te ana psikologjike dhe morale e skuadrës, pasi nuk është e para herë që ndodh kjo gjë?
-Nuk marr përsipër që të komentoj ngjarje, kur unë nuk kam qenë pjesë e këtij klubi. Mund të flas për periudhën kur kam qenë këtu. Nuk e di çka ndodhur në të shkuarën, pasi mund të gaboj nëse flas. Në rastin e Musolli, mund të them fjalët më të mira si djalë. E kam pasur fatin që ta kem edhe në sezonin e parë të Kukësit në Superiore. E ka nisur që atëherë me Kukësin dhe ka kontribuar maksimalisht, duke dhënë gjithçka dhe duke fituar çdo gjë. Mund të flas fjalët maksimale si djalë dhe si sportist. Palët e kanë lënë të hapur mundësinë që në të ardhmen mund të ketë sërish bashkëpunim. Kjo më lë shije të mirë.

Te futbollistët mund të ndikojë kjo gjë?
-Nuk mendoj se do të ndikojë, pasi kur bëhet një marrëveshje mes zotërinjsh, lihet çdo gjë hapur për të bashkëpunuar. Nuk mendoj se mund të ndikojë. Sapo kam ardhur dhe më është njoftuar marrëveshja, ndaj nuk mund të jap më tepër konkluzione apo mendime.

A ka një bllokim të manovrës sulmuese, pasi Rexhinaldo ka shënuar vetëm një gol kohët e fundit. Si do zgjidhet?
-Është një problem i vjetër te ne. Por më gëzon fakti që kanë kontribuar edhe lojtarët e tjerë, jo vetëm Rexhinaldo. Kanë kontribuar edhe mbrojtësit, por edhe brazilian Uilliam. Me tre golat e tij na ka dhënë shtatë pikë. Presim kontributin e çdo lojtari, mundësitë janë. Ekipi po vjen në rritje nga dita në ditë, lojtarët po gjejnë formën. Shpresoj që në vazhdim të bëhen protagonistë edhe ata.

Si është situata me Rexhinaldon?
-Më vjen që çdo gjë që ndodh me Cungun hapen gazetat. Ishte një keqkuptim, ai nuk kishte asgjë me mua. E kishte me një kolegun e vet, ishte keqkuptim që u sqarua pas ndeshjes. Nuk ka pasur asgjë për t’u komentuar. Meqë m’u dha rasti, dua të uroj Rexhinaldon që është bërë baba, pasi është shtuar me djalë.

Si komentohet në ekip situatat e tij. Më shumë dua të qëndroj te situata e përsëritura…
-Ato na shqetësojnë ne. Nuk më pëlqen të shohim duke u marrë me ne për gjëra që ndodhin në çdo ekip futbolli, madje edhe më të rënda dhe kamuflohen. Janë gjëra normale dhe të kalueshme. Edhe në familje kemi grindje. Nuk është diçka tragjike. Po të ishte e tillë nuk do të kishte vend për asnjë sportist në klub.

Si është gjendja e skuadrës?
-Kemi rikthime, por duhet të shohim të menaxhojmë situatën dhe të mundohemi të ruajmë lojtarët për të mos agravuar gjendjen e tyre, por edhe për të marrë më të mirën e futbollistëve.

Skema 3-4-3 qëlloi efikase me Kamzën. Do e ndryshoni?
-Kemi provuar lëvizje dhe përfundimisht do e vendosim nesër se si do të rreshtohet skuadra në fushë.

Lajmi i mirë për Kukësin është fakti se ky moment pushimi u ka dhënë mundësinë disa lojtarëve që të fitonin gjendjen e tyre fizike. Me skuadrën sot është bashkuar dhe sulmuesi Rexhinaldo, i cili ka qenë i grumbulluar me skuadrën e tij përfaqësuese. Autori i gjashtë golave këtë edicion arriti që ta ndihmonte Mozambikun, duke shënuar ndaj Zambias golin e vetëm të ndeshjes.

28-vjeçari e gjeti rrugën e rrjetës dhe në takimin e fundit me Teutën dhe te Kukësi shpresat më të mëdha për shënim janë te ai. Skuadra e Cungut do të ndeshet me Kamzën këtë të diel në orën 14:00 dhe fakti që sulmuesi është bashkuar 4 ditë para ndeshjes me ekipin i krijon komoditetin që të rikuperojë energjitë dhe të jetë ti gatshëm për sfidën e radhës.

Rrumbullaku është bashkuar me skuadrën në vrapimet e lehta, por dhe në ushtrimet e thjeshta, ccka paralajmëron se është në fazën e fundit të rikuperimit dhe mund të jetë pjesë e skuadrës që në takimin e radhës me Kamzën. Gjithsesi, fjala e fundit i takon stafit mjekësor që duhet të thotë nëse mund të zbresë në fushë.

Kukësi po kalon nj moment jo të mirë, pasi ndodhet mjaft larg Partizanit dhe duket e vështirë që të pretendohet titulli. Rikthimi i Rrumbullakut e qetëson disi Cungun, i cili e kishte veçuar disa herë s mungesa e mëngjarashit ka qenë një hall më vete për skuadrën.

Te Kukësi, Donjet Shkodra ka shfaqur probleme fizike, si pasojë e goditjeve të marra në ndeshjen me Flamurtarin. Mesfushori është në diskutim për ndeshjen e nesërme, por duket shumë e vështirë që të jetë në fushë. Do të ishte një hall shumë i madh për Cungun, nëse nuk do e kishte të gatshëm për këtë sfidë. Arsyeja është e thjeshtë, në stol nuk është askush i gatshëm për ta zëvendësuar 29-vjeçarin.
Edhe pse rikthehet Irakli Dzaria, problem mbete numri i të huajve në fushë dhe aktualisht nuk është asnjë mesfushor qendre me pasaportë shqiptare i gatshëm për teknikun Shkodra. Në të tilla kushte mundësitë janë vetëm dy.

Kukësi ose do të ndryshojë modul loje, duke aplikuar një skemë tjetër ku Cungu të ketë mundësinë që të aktivizojë vetëm 4 lojtarë të huaj, ose do të improvizohet një futbollit krahu që të luajë si mesfushor qendre. Mundësia e tretë është që të aktivizohet ndonjë futbollist nga të rinjtë, por kjo duket një mundësi gati e pamundur, duke ditur rëndësinë e kësja sfide.

Situata te verilindorët është jo e mirë, pasi Musolli, Rrumbullaku dhe tani Shkodra janë të dëmtuar. Po ashtu edhe Çyrbja është dërguar te ekipi B. Cungu duhet të gjejë një zgjidhje, por nuk e ka aspak të lehtë, pasi duhet rikujtuar që Limaj, ndonëse është shqiptar, posedon vetëm pasaportë gjermane, çka e privon nga mundësia për t’u pajisur me pasaportë tjetër.

“Nuk ka vend për keqardhje, mund të gabosh një herë e dy, por më pas janë gabime amatoreske. Ne më shumë i dhurojmë golat. Edhe pse kemi punuar gjatë, sërish gabuam te goli i parë. Te goli i dytë ishte rast për të shënuar ne dhe më pas skuadra e humbi ekuilibrin. Habiten nga dëshira për të bërë golin dhe u shpërqendruan e humbën ekuilibrin. Kundërshtari i kishte marrë masat në çdo aspekt, jo vetëm në fushën e lojës”.

“Që kur pësuam në golin e parë ndryshuam vendosje. Duhej të ishim më të kujdesshëm, pasi jemi të ndërgjegjshëm për situatën që kemi me dëmtimet. Ja bëmë të lehtë kundërshtarit dhe na duhej të sakrifikonim e të kalonim në aventurë. Shkodra i dëmtuar luajti, pasi u dëmtua disa herë dhe nuk pati as faulle dhe as kartonë. Shafik nuk ka shumë tipare mbrojtëse. E filluam mirë pjesën e dytë, shënuam shpejt, por nuk i shfrytëzuam raste që kishim. I tillë është futbolli”.

“E zëvendësova unë Zguron, pasi Torasa po fitonte çdo luftim dhe ishte superior. Duhet të ishim më të kujdesshëm deri në gjysmën e fushës, por Cuculi shkoi deri në fundore dhe duhet komplimetnuar. Te goli i dytë dy stoperat tonë dolën para. Lojtarët tanë u hapën pas, edhe pse ulërita. Ishte vonë shumë.

“Duket se ka një ngërç momental për Rexhinaldon, që i kalon çdokujt në botë. Është një periudhë që nuk dalin dot në lojën e tyre. Skuadra krijoi, por nuk arriti. Nuk duhet të dhurojmë gola. Të pësosh gola kështu është e dhimbshme”.

“Maliqi ka sakrifikuar, pasi ka luajtur i dëmtuar dhe ka bërë shumë mirë. Në mbrojtje kemi probleme, ashtu dhe në mesfushë. U lumtë kundërshtarëve që janë të zotë që ndryshojnë gjyqtarët e të marrin ata që duan. Nuk kemi pasur asnjë favorizim. Kam qenë i kënaqur deri në ndeshjen e Skënderbeut, kemi pasur gjykim korrekt, por pas Skënderbeut kemi pasur probleme. Që pas Partizanit dhe në vazhdimësi kemi pasur probleme serioze. Kemi një skuadër të re, me lojtarë që duan kohën e tyre”.

NDESHJA – “Ka ndryshuar para dhomave të zhveshjes jo në dhomat e zhveshje skuadra. Kundërshtari ishte agresiv në 30 minuta e para, fitoi dhe disa dyluftime dhe na mbajti në gjysmëfushën tonë. Duke parë këtë situatë ndryshova vendosje dhe në 15 minuta e fundit të pjesë së parë dolëm në lojën tonë. Në pjesën e dytë ishte vazhdimësia e atij 15 minutëshi. Është diçka që na ndodh gati në çdo ndeshje. Ekipi ishte dominues në pjesën e dytë. Me pak qetësi mund të kishim dyfishuar, pasi me 1-0 nuk është asgjë e sigurt”.

RXHINALDO – “Ai po punon mirë, edhe pse nuk po shënon. Nuk është e thënë të shënosh çdo ndeshje pavarësisht dëshirës. Po i ndihmon lojtarët e krahëve, sidomos Uilliamit, që po shënon. Po i krijon hapësira lojtarëve të tjerë dhe për mua është shumë mirë dhe jemi të kënaqur me atë çfarë po jep në fushën e lojës”.

DHURATË NGA PARTIZANI – SKËNDERBEU? “Nuk preferoj të marr dhurata, dhuratë për mua ishte fitorja sot. Ja dedikoj djemve pasi bënë një ndeshje të mirë. Është një tjetër tregues se kemi forcë karakteri dhe kjo duhet të përshëndetet. Na kënaq për atë që skuadra jep në fushën e lojës”.

NDESHJA ME LAÇIN “Është e vërtetë që është si një ndeshje derbi. Nuk ka ndeshje të lehtë në letër. Ne kemi të njëjtin seriozitet dhe të njëjtin seriozitet duhet të tregojmë siç kemi treguar dhe ndaj ekipeve si me Partizanin e Skënderbeun. Edhe në sfidën e nesërme do të ketë seriozitet maksimal nëse duam të përmbushim objektivin për të marrë 3 pikët në këtë sfidë. Normalisht, Laçi është një skuadër që duhet të respektohet, pasi po bën shumë mirë deri më tani, ka shpirt gare dhe është një skuadër mjaft luftarake. Kjo besoj është dhe ‘arma’ determinonte e një ekipi futbolli. Dëshira është primare dhe më pas vijnë pjesët e tjera. Nëse ke kualitet, por nuk e dëshirë, atëherë çdo gjë është më e vështirë”.

NDESHJA ME KASTRIOTIN – “Me kundërshtarë që nuk kanë çfarë humbin, apo nuk kanë objektiva, nuk pretendohet për të luajtur futboll të bukur, por për të luftuar dhe për të marrë 3 pikët. Edhe pse vuajtëm ekipi diti të merrte maksimumin. Ndaj Laçit është ndeshje tjetër, në një tjetër terren dhe duhet të shprehi,m vlerat tona, siç kemi bërë deri më tani”.

DËMTIMET – “Na kanë krijuar jo pak shqetësime dëmtimet e Musollit dhe Rrumbullakut. Nuk e prisnim dëmtimin e tij pas rikthimit, pasi ndoshta ishte parakohshme aktivizimi i tij si në ndeshje ashtu dhe në stërvitje. Nuk kemi krijuar stabilitet. Për të marrë maksimumin duhet kohë, që lojtarët t kuptohen me njëri-tjetrin. Kukësi është një ekip i ri, por sërish ne kemi oscilacione me shumë lëvizje që nuk po na japin stabilitet. Do të bëjmë më të mirën tonë me këtë kontingjent që kemi. Them se mund të ja dalim edhe në ndeshje në nivele siç kemi treguar deri tani”.

HARBA DHE TOURE – “Nuk preferoj që të lexoj mediat.  Lojtarët janë pjesë e ekipit dhe po stërviten me ekipin të gjithë. Nuk ka asnjë problem me këto lojtarë. Kemi pritur që këto lojtarë të japin një kontribut më të madh, por deri më tani nuk e kanë dhënë. Unë si trajner kam si detyrë që të aktivizoj ata që e meritojnë. Kur nuk po tregojnë atë që ata po presin, normalisht që do i shohin të tjerët që të luajnë futboll. Nuk ka asnjë paqartësi për këto lojtarë”.

OBJEKTIVAT – “Objektivi ynë është madhor dhe duhet të kishim një marsh më tepër, sa i përket grumbullimit të pikëve. Kukësi ka bërë ndeshje të mira, sa i përket lojës ende nuk e kam parë se ndonjë ekip që të jetë superior me lojë ndaj Kukësit, diçka që e kam thënë dhe një javë më parë, pavarësisht se është transmetuar ndryshe që Kukësi ka ekipin më të mirë. Një trajner duhet të tregojë modesti dhe duhet të jetë i respektueshëm sa i përket kolegëve dhe ekipeve të tjera. Nuk është normale për të thënë diçka të tillë. Sa i përket lojës jam i kënaqur, edhe pse ka vend për përmirësim. Kemi lënë për të dëshiruar në aspektin e finalizimit, për të cilën më vjen keqardhje, pasi kemi lënë shumë pikë rrugës. Kjo ka qenë problematika kryesore e jona deri në këto momente që flasim”.

“Deri më sot nuk kam pritur dhe nuk kam marrë asnjëherë dhurata, qoftë dhe një stilolaps, veç familjarëve të mi të cilët më bëjnë dhurata me raste festash. Jam natyre që nuk preferoj të marr dhurata. Ne shohim punën tonë, duhet të bëjmë mirë ndeshje pas ndeshje dhe mos të merremi me të tjerët. Do të përmirësohemi  dhe kundërshtarët tonë do të gabojnë”.

REXHINALDO – “Përsëri e them se jam i kënaqur nga kontributi i Rexhinaldos. Përveç golave na ndihmon me presing. Nuk e shoh problemin e golave vetëm te Rexhinaldo. Kemi vështirësi në pasin final kur jemi në zonën 16-ës. Golat i pres nga të gjithë, në futboll gol mund të shënojë edhe portieri. Duhet të kemi një shpërndarje të golave në ekip. Shpresoj që të vijë një tjetër sulmues cilësor në janar, gjithsesi kemi dhe një fazë për të luajtur  e duhet t’i marrim maksimumin me këta lojtarë. ”

FAKTORI FUSHË – “Laçi është një ekip që ka marrë pikë edhe jashtë fushe. Besoj që prej të paktën 5-6 vitesh Laçi është një ekip që luan futboll si brenda dhe jashtë dhe kjo falë menaxhimit të klubit nga presidenti i tyre. Na kanë marrë pikë në Laç disa herë dhe ekipet janë përcjellë miqësisht. Do të fokusohemi vetëm te fusha jeshile”

HUMBJA E LACIT NDAJ TEUTËS – “Dalja me të kuqe lojtarit të Laçit në minutat e para të ndeshjes ia prishi ekuilibrit skuadrës së Laçit. 11 kundër 11 Teuta do ta kishte shumë të vështirë. Laçi është një ekip i fortë që po kalon një moment të mirë”

MERKATO E JANARIT – “Kemi dëshirë të madhe për të përforcuar ekipin në janar. E dimë të gjithë që merkatoja dimërore është shumë e vakët për sa i përket lojtarëve. Por, shpresat nuk duhen humbur në klub punohet seriozisht dhe shpresojmë të rregullojmë ndonjë nga pikat ku kemi problemi”

NDESHJA E PARË – “Në atë ndeshje vinim të lodhur. Dy ditë më parë kishim luajtur në Kupat e Europës dhe isha i bindur që në atë lojë të shfaqnim shenja lodhje. Por, mund ta kishim fituar atë ndeshje patëm raste flagrante për ta çuar rezultatin në 2-0 ose 3-0. Shpresoj që të mos na kapë më kjo epidemi shpërdorimesh”

SHKODRA – “Shkodra po luan në pozicionin e vet normal, ai nuk po luan jashtë pozicionit. Pres shumë më tepër nga Shkodra, pasi e kam parë se çfarë është i aftë të bëjë te Flamurtari. Jam i kënaqur me rendimentin e tij tani, pasi ka pasur një periudhë jo të mirë nga ana sportive. Shpresoj që së shpejti të kontribuojë edhe me gola”,

Kordeiro – “Është një lojtar që në natyrën e tij tenton të shtyjë përpara dhe lë pak hapësira në mbrojtje.  Mu desh më pak se një javë që të vendosja ta kaloja nga mbrojtës i majtë në sulmues krahu E pyeta pasi u ktheva nga Malta nëse do dëshironte të luante si sulmuesi i krahut të majtë dhe më tha se nuk e kishe problem. Ka dhënë shenja shumë pozitive, mund të them se është blerja më cilësore së bashku

VEND PËR KALE – “Gjithmonë nëse Kale do rikthehet, mund të them se ai ka humbur shumë kohë, nuk e dimë gjendjen e tij fizike. Gjithsesi ka vend për Kalenë dhe shumë lojtarë të tjerë që mund të na afrohen”, përfundoi Cungu.

Ndeshja luhet sërish në “Elbasan Arena”, por me ndryshimin se bardhezinjtë konsiderohen si pritës këtë radhë. Dëmtimet kanë qenë problemi më i madh i Kukësit, teksa Musolli ka pësuar një dëmtim që do e mbajë jashtë dhe për disa muaj, ndërsa Rrumbullaku do të rikthehet vetëm në fundin  fazës së dytë. Gjithsesi, infermieria te Kukësi duket se nuk ka pushim, pasi një tjetër lojtar ka shfaqur probleme.

Arlind Kalaja është në dyshim për sfidën e radhës. Shkodrani ka një  problem në gju dhe mbetet për t’u parë nëse do të jetë në dispozicion të trajnerit për sfidën e kësaj jave. Anësori vijon me intensitet terapinë, për të qenë i gatshëm që këtë sfidë. Kalaja ka zhvilluar vetëm 5 ndeshje me Kukësin, megjithatë vetëm njërën nga katro sfida e ka nisur që nga minuta e parë.

GRIMA – “Më ka çuditur arrestimi i Grimës. Nuk e kuptoj pse ai po qëndron në paraburgim. E njoh prej shumë vitesh, është një njeri që i ka dhënë shumë sportit si lojtar, por edhe në nivele drejtuese. Shpresoj që akuzat ndaj tij të bien dhe ai t’i rikthehet jetës normale, familjes, pse jo dhe sportit, pasi futbollit i mungojnë figurat”.

“Kukësi është një ekip i ri. Vetëm Shameti është lojtar me eksperiencë në këtë skuadër. Lojtarët e rinj nuk e njohin mirë Superioren dhe iu duhet kohë të mësohen me presionin që shoqëron klubet me objektiva madhorë si Kukësi”.

Si është gjendja e ekipit sa i përket anës psikologjike pas dy humbjeve me dy rivalë direkt për titull?
-Nuk ka asnjë shqetësim, e kam thënë dhe më parë dhe e them sërish. Na kanë munguar rezultatet edhe pse të gjithë i prisnim, për arsye që i kemi bërë të ditura, por duhet thënë se kemi qenë dominues në këto sfida, veçanërisht në takimin me Partizanin. Duhet të jemi mirë nga ana psikologjike, pasi po luajmë futboll, po krijojmë raste dhe realisht nuk po shoh ekip më të fortë se Kukësi deri më tani. Nuk ka asnjë lloj shqetësimi.

Sa ju ndihmoi kjo pauzë e kampionatit?
-Është pozitive, pasi na ndihmon dhe është e rëndësishme për të punuar me ekipin dhe për të riparuar problematikat, por dhe për të dhënë ngarkesën e duhur stërvitore, për disa lojtarë që kanë pasur probleme fizike, nëse mund të them kështu, apo dhe rikuperimit të disa lojtarëve, si Rrumbullaku. Po ashtu ka ndikuar për mirë dhe tek ato lojtarë që kanë ardhur vonë.

Sa delikate është ndeshja me Kastriotin?
-Në Superiore nuk shoh asnjë ekip të dobët, sikurse nuk shoh asnjë ekip të pamundur për t’u thyer. Është një ndeshje me të njëjtën vlerë si kundër Partizanit apo Skënderbeut. Jam munduar gjatë kësaj kohe që t’ua bëj të qartë djemve rëndësinë e kësaj sfide edhe të mos ketë shenja nënvlerësimi. Besoj dhe jam i bindur se nuk do të ketë aspak nënvlerësim.

Sa e vështirë ka qenë ta përgatisësh këtë sfidë e cila në letër duket e lehtë?
-Nuk e kam të vështirë për ta përgatitur ndeshjen në të gjitha aspektet. Është e vështirë sa i përket karikimit dhe motivimit në ndeshje të tilla. Kundër Skënderbeut dhe Partizanit nuk ka nevojë të flasësh shumë, lojtarët duhet të jenë të qetë dhe të luajnë për stres. Nëse e merr një ndeshje lehtë, apo nuk mendon gjatë gjithë javës do të jetë shumë vonë. Djemtë e kanë kuptuar mirë se çdo të thotë ndeshja e radhës dhe sa të rëndësishme janë pikët.

Do kemi ndryshime në formacion?
-Do të ketë ndryshime në formacion, siç ka pasur në ndeshjet e fundit, pasi ka lojtarë që kanë ulje-ngritje në lojën e tyre dhe natyrshëm mundohemi që të gjejmë zgjedhjen më të mirë.

A ka presion rezultati te Kukësi?
-Janë rezultate zhgënjyese. Kur luan ndaj rivalëve janë në lojë të treja rezultatet. Loja, sipas meje, ka qenë e mira dhe nuk shoh ndonjë zhgënjim. Zhgënjim kam për pikët, pasi mundësitë i kemi pasur gjatë ndeshjes. Jam i qetë sa i përket lojës, ndërsa për presionin, nuk duhet të marrim ndeshjen kështu, edhe pse na duhen pikë dhe do jenë si oksigjen. Lojtarët duhet të luajnë të qetë dhe të japin më të mirën në fushën e lojës dhe nëse ndodh kështu jam i bindur se fitorja do të jetë e jona.

Deklaratat mes jush dhe Rexhinaldos?
-Nuk kam pasur asnjë farë presioni. Jam përgjigj pyetjeve të gazetarëve pas ndeshjes. Më vjen keq që tjetërsohen thëniet e mia dhe kjo nuk është pozitive. Po ashtu edhe për përkthyesin e Rexhinaldos nuk ka qenë i mirë. Nuk e kam fyer Rexhinaldon dhe asnjë futbollist. E kam vlerësuar si Rexhinaldon dhe ekipin. Kur nuk ka prezenca të mira ka dhe ndonjë kritike. Më vjen keq për përkthimin që i është bërë. Kjo është e kaluar dhe nuk ka asnjë lloj problemi. Presim që të kthehet Rexhinaldon i fillimit të sezonit dhe nesër mund të jetë dita më e mirë për ta bërë diçka të tillë.

Ju shqetëson fakti se 5 nga 7 golat i ka shënuar Rexhinaldo dhe pjesa tjetër nuk po e gjen rrugën e rrjetës?
-Kjo ka qenë pjesa ku unë jam ndalur më shumë pas ndeshje dhe jo tek Rexhinaldo. Nuk mund të presim çdo gjë nga një lojtarë i vetëm. Një ekip nuk mund të varet nga një individ. Si trajner dhe si klub presim kontributin edhe të lojtarëve të tjerë, pasi mundësitë janë, diçka që është parë nga rastet e krijuara, pa fund. Të paktën çdo ndeshje kemi shpërdoruar 4 raste flagrante. Uroj të ketë qen ë një ngërç psikologjik dhe ndeshje pas ndeshje edhe lojtarët e tjerë të shënojnë, pasi është shumë e rëndësishme.

Është përfolur për një gjobë në drejtim të Rexhinaldos…
-Nuk më takon mua kjo pjesë, unë si trajner duhet të bëj punën time në stërvitje dhe t’i jap mundësi çdo futbollisti, në veçanti atyre që janë të gatshëm për të dhënë më të mirën në këtë pikë, por dhe për të mbajtur disiplinën dhe seriozitetin. Këto janë parësore për mua, pastaj nëse ka probleme për individë të caktuar janë instanca më të larta që marrin vendimet e tyre.

Mos ndoshta keni diçka më pak se kundërshtarët tuaj?
-Fakti që kemi bërë lojëra të mira, tregon se skuadra ka ndryshuar shumë, është përmirësuar dhe është në rrugën e duhur, por në dy javët e fundit fati na vuri kundër dy rivalëve direkt dhe nuk morëm rezultate që prisnim, por koj nuk do të thotë se kemi diçka më pak se kundërshtarët. Ajo që mund të mos kemi është mungesa e një fushe apo disa tifozë pas vetes. Ky është një minus që të gjithë bimë dakord.

Edhe pse Kukësi është një nga skuadrat që ka një organikë të pasur, tekniku Cungu ka kërkuar që në momentin që ka ardhur afrime të tjera në skuadër. Diçka të tillë e përsëriti dhe pas ndeshjes me Partizanin, ku theksoi qe pret merkaton dimërore për të ndryshuar diçka.

Ç’është e vërteta nëse u hedhim një sy aktivizimeve të lojtarëve shohim që vetëm 3 futbollistë janë me minutazh të plotë. Edis Maliki, Ardian Cuculi dhe Rexhinaldo numërojnë secili nga 720 minuta . Sulmuesi duhet përmendur ka vetëm një zëvendësim në sekondat shtesë të ndeshjes me Tiranën. Këta tre futbollistë janë ata që Cungu beson më shumë pasi nuk kanë humbur asnjë miutë nga koha e rregullt le të themi.

GJENDJA E EKIPIT – “Nuk jemi nën presion. Natyrshëm pikët vlerësojnë ndeshjen, apo kampionatin. Përtej pikëve, nuk e shoh problematike ndeshjen me Skënderbeun. Kemi bërë një ndeshje me dy tablo, pjesë të para të dobët, kurse pjesën e dytë luajtëm mirë. Na mungoi goli, pasi mundësitë i kishim reale. Barazimi ishte rezultati më i drejtë. Duke para pjesën e dytë, mendoj se nuk ka vend për pesimizëm. Na lë të shpresojmë për vazhdimësinë.

PËRMIRËSIMET – “Nuk ka vend dhe kohë për të përmirësuar në kaq pak ditë. Dy ditë janë pak, por ajo që është më e rëndësishme ka të bëjë me aspektin psikologjik. Mora përgjigje nga djemtë nga analiza që bëmë.Shoh optimizëm, që është pozitive. Shpresoj ta shprehim në fushën e lojës”.

BARAZIM APO FITORE – “Normalisht kur je me rival të drejtpërdrejtë, janë të tria rezultatet brenda. Më kënaq tre pikëshi, e kam thënë gjithmonë. preferoj vetëm të fitoj, pavarësisht kundërshtarëve, apo ekipin ku ka qenë. Normalisht ndeshja mund të ketë rezultat tjetër. Në fund duhet të kemi edhe qytetarinë për t’i dhënë dorën kundërshtarit”.

PRESION – “Nuk mendoj se ka presion nga rezultati. Normalisht që është evident në çdo fushë të jetës, por nuk lidhet me rezultatin. E thashë, ka optimizëm”.

NDRYSHIME NË EKIP – “Do të ketë, bëhen në të mirë të ekipit. Ai që bind më shumë në stërvitje dhe ndeshje do të ketë mundësinë të luajë”.

KUNDËRSHTARI – “E njohim Partizanin, i dimë pak a shumë pikat e forta. Por edhe të dobëtat. Për frikë nuk vend, as tek unë as te lojtarët. E kemi treguar se kemi luajtur me ekipe shumë më të mëdha. Respekt maksimal për Partizanin, si për çdo ekip tjetër. Për druajtje nuk ka vend”.

NJË GOL KA PËSUAR PARTIZANI – “Do u vijë radha edhe të pësojnë. Edhe ne ishim në një situatë të mirë, fituam katër ndeshje dhe morëm pikë të plota. Në një moment jo të mirë pësuam dhe humbëm. Edhe për Laçin duhen thënë fjalët më të mira, pasi nuk kanë humbur asnjë ndeshje. Por nuk mund të vazhdojë kështu as Laçi, as Partizani, as Kukësi. Çdo ekip ka momentin e vet, do bëjë gabimet e veta dhe do e shfrytëzojë dikush tjetër. Edhe atyre do u vijë momenti të pësojnë”.

GEGA – “Ai është miku im, kam respekt për të, në radhë të parë si njeri dhe më pas si trajner. Ka eksperiencën e vet, ka qenë në krye të U21, një post shumë i lartë dhe një respekt që i bëhet një trajneri. Jam i bindur se ka bërë më të mirën. Po tregon nivel të mirë edhe me Partizanin dhe meriton mirënjohje nga të gjithë”.

ORARI I NDESHJES – “Problem është orari, por nuk është gabimi as faji i askujt. Problem është se nuk luajmë dot në shtëpinë tonë dhe drejtuesit janë marrë për të gjetur mundësinë më të mirë. Ka pasur disa problematika, nuk kishte mundësi të tjera”.

REXHINALDO NUK SHËNON – “Sapo i dhatë çmimin si lojtar i muaji, si çdo njeri gabon, nuk ka momentin më të mirë. Nuk më shqetëson shumë. Ai është bërë pjesë e Kukësit për të bërë maksimumin. Kjo nuk do të thotë se duhet ta vëmë në presion dhe të shënojë në çdo ndeshje. Nuk ka lojtarë në botë që e bën këtë. Jam i bindur se do shënojë më shumë se me Laçin, pse jo edhe të dalë golashënuesi. Pres më shumë, por kontributi i tij është maksimal dhe për t’u vlerësuar”.

“E nisëm mirë lojë, por në një pakujdesi e një pjese mbrapa, e cila lihet për të mos pësuar në kundërsulm. Skënderbeu na rrezikoi me Muzakën dhe aty kundërshtari mori aspekt psikologjik shumë të madh të mbështetur edhe nga tifozeria. Kemi lojtarë të rinj dhe nuk arritëm ta përballonim në aspektin psikologjik. Patëm edhe mundësi për të barazuar, por nuk ia dolëm. Penalltia? Është evidente”.

“Nuk ishim vendosur keq në momentin e golit, por kam frikë se ndonjëherë në mbrojtje lojtarët qëndruan shumë pranë njëri-tjetrit, ndërsa edhe Çyrbja duhet të bënte një sakrificë, për ti qëndruar më pranë Gripshit. Janë gjëra të vogla, por që bëjnë diferencën në futboll”.

“Synimi drejt titullit? E kam thënë që në fillim, nuk i vendos unë objektivat, por ato i vendos klubi. Natyrshëm që Kukësi i ka dhënë tonin kampionatit në vitet e fundit dhe steka e Kukësit është e lartë, duke kërkuar maksimumin. Është një presion jo i vogël. Nuk është e lehtë të dalësh kampion në Shqipëri, ka ekipe shumë të mira, por edhe Kukësi nuk është mbrapa. Kemi ndryshuar shumë nga sezioni i kaluar me 14 lojtarë të afruar”.

“Si fitohet titullit kur humbet me rivalët direkt? Është një ndeshje edhe mund të rrihemi, por nuk do të thotë se Skënderbeu doli kampion. Përveç ndryshimeve, jemi penalizuar edhe nga dëmtimet e Musollit dhe Rrumbullakut, të cilët janë pika të rëndësishme të ekipit, ku edhe sot i vuajtëm. Nuk është pak që lojtarë të rëndësishëm të mos jenë prezentë për disa ndeshje. Ekuilibrat prishen, mbipopullimi me lojtarë të huaj, ka bërë që të ndikojnë zgjedhjet në formacion apo me zëvendësimet”.

“Fakti që nuk luajmë në fushë tonë nuk është pak, por unë fokusohem te ekipi, ku mundohem të marr më të mirën. Ndeshja me Korçën ishte një paraqitje me dy fytyra, ku ndoshta barazimi mund të ishte rezultati më i drejtë për atë që u pa në fushë. Nuk kishte ndonjë diferencë të madhe ekipi i Skënderbeut”.

A tremb më ky Skënderbeu, çfarë synoni? Ju kënaq një barazim

-Natyrshëm shkojmë për maksimumin në çdo ndeshje, nuk bën përjashtim as Skënderbeu, me gjithë respektin që kam për ta. Nuk janë më të dobët se vitet e tjera, është një ekip kompetitiv, me lojtarë që kanë kontribuar edhe në vitet e tjera, pavarësisht minutazhit. Kanë një grup lojtarësh të talentuar dhe deri tani kanë bërë mirë. Kjo nuk do të thotë se i druhemi, e respektojmë për sa i takon. Por e kam thënë se duhet të respektojmë veten. Nëse tregohemi seriozë, me shpirt të lartë gare, atëherë do të dalim me rezultat të mirë edhe në Korçë.

U shprehët se nuk ishit të kënaqur me lojën kundër Luftëtarit. Keni pasur kohën e mjaftueshme për t’u përmirësuar?

-Nuk mendoj se bëmë gabime në aspektin e lojës. Në sulm kemi pasur gjatë gjithë kohës, shpërdorojmë shumë. Me pak kujdes do kishim pasur më shumë pikë, si dhe do të kishim bërë tjetër nivel loje. Në fazën mbrojtëse nuk kemi bërë gabime, ekipi ka punuar mirë. Nuk kishim ritmin e duhur atë ditë, lojtarë të veçantë nuk kishin freskinë e duhur. Kalendari është i ngjeshur, mund të ketë edhe lodhje, por jemi munduar t’i minimizojmë gabimet?

A do të ketë ndryshime në formacion, nisur nga fakti që kalendari është i ngjeshur?

-Do të shohim e të bëjmë sa na lejohet të bëjmë rotacion. Nesër do të ketë diçka e tillë.

Si është gjendja e Rrumbullakut?

-Ka gati pesë ditë që del me ekipin, por i diferencuar. Ka pasur një shkëputje të madhe, nuk ka ende ritmin e duhur për të qenë me grupin. Pres të jetë me ekipin dhe të japë kontributin e tij.

A është Kukësi në gjendjen maksimale që do të donte për t’u përballur me Skënderbeun?

–Besoj se kemi treguar se kemi bërë ndeshje të mira, jo më kot kemi marrë rezultate. Edhe ekipet e mëdha kanë ditën jo të mirë, por e rëndësishme është që dinë të fitojnë. Kështu bëmë edhe ne me Luftëtarin. jemi në një nivel të kënaqshëm, po rritemi dhe patjetër kemi nevojë edhe ne për përmirësime.

Si është gjendja e grupit?

Dihet që Musolli mungon gjatë, Rrumbullaku gjithashtu po mungon prej ditësh. Shameti ka pasur probleme fizike prej një dëmtimi, por ai nuk dorëzohet dhe do të jetë në fushë. Këto shqetësime ulin disi ritmin. Gjithsesi kemi 26 lojtarë që mund të marrin mundësinë e vet.

Ju pëlqen ky cinizmi i Kukësit, keni fituar dy ndeshje 1-0?

Kemi bërë tre fitore me këtë rezultat. Ndoshta kemi gabuar pak, kemi luajtur mirë, nuk kemi shfrytëzuar rastet. Jemi treguar pragmatistë dhe kjo gjë më pëlqen. Ekipi di të vuajë dhe nuk pëson. Megjithatë do kisha preferuar të fitonim edhe më thellë. Shoh tension për të mbajtur rezultatin, pasi 1-0 nuk ke asnjë garanci. Javët e para ekipi nuk ishte në maksimum, Cuculi erdhi me vonesë. Kemi ende për të bërë në finalizim.

Sa mendoni se do të ndikojnë në ecurinë e kampionatit dy ndeshje të tilla si kjo me Skënderbeun dhe kundër Partizanit?

Është herët për të folur, megjithatë janë sfida me rivalë direkt. Nëse ke objektiva madhore, këtë duhet ta tregosh me rivalë të tillë. Gjithsesi herët është për të bërë llogari, por janë të rëndësishme edhe për psikologjinë e ekipit.

“Jam shumë i kënaqur për pikët, por dhe lojën. E merituam fitoren dhe dominuam në këtë ndeshje. Pas minutës së 70-të ra disi loja, Shafik, i cili është afruar së fundmi, nuk është në gjendjen e tij më të mirë. Isha i bindur se zëvendësimi i tij do ndikonte në skuadër dhe ashtu ndodhi. Kamza na vuri pak në vështirësi, pasi nisi të sulmonte shumë, sespe nuk kishte çfarë të humbiste. Komplimente djemve për atë çka treguan, për karakterin dhe për pikët e marra”

“Rexhinaldo bën punën e tij shumë mirë dhe ndihmon edhe shokë. Ka shpirt gare dhe duhen shumë komplimente për të. Ekipi ishte në nivelin e duhur dhe me pak qetësi mund të ishte rezultati më i thellë. Në 25 minuta e para kishim 4 raste të pastra shënimi. Edhe në fillimin e pjesës së dytë kishim shanse tona, siç i kishte dhe Kamza. E rëndësishme është marrja e pikëve dhe qëndrimi mes pretendentëve. Skuadra është përmirësuar ndjeshëm”.

“Natyrshëm kur do pikë të plota duhet të kontrollojmë lojë. Të pësosh gol në minutat e fundit mund të bjerë poshtë e gjithë puna. Duhet që të shfrytëzojmë raste dhe këmbëngul. Erdhi një mbrojtës dhe bëri rolin e sulmuesit.  Kishim disa raste, por nuk shënuam dot”.

“E rëndësishme që shkojmë deri tek goli në mënyrë të rrjedhshme. Na mungon qetësia për të shënuar golin. Uilliam është i rëndësishëm dhe është në zonën kundërshtare. Na mungon qetësia ndoshta. Nuk kanë nuhatjen e Rexhinaldos, por nuk mund të varet një ekip nga një lojtar. Duhet të përmirësohemi dhe të rrezikojmë. Çyrbja ka luajtur sistematikisht. Nuk do të ndalem me emra të përveçëm”.

“Derbi? Është herët për të bërë llogari, e rëndësishme është dhe për tifozët që të shohin një ndeshje të bukur dhe një tifozeri shembull dhe korrekte. Pasi kemi pasur problematike. Ne kemi skuadra që kanë tifozeri dhe duhet të tregojnë qytetari edhe ekipin e tyre, pasi i shërben jo vetëm atyre por dhe futbollit shqiptar. Është e vështirë të luash në një stadium të boshatisur si ne. Duket si një rast morti, pasi kemi vetëm fushën dhe pankinat. Duhet të komplimentohen lojtarët, pasi nuk ka puls”.

Po ashtu Cungu ndihet disi më i lehtësuar që kapiteni Ylli Shameti do të jetë i gatshëm për këtë sfidë, duke theksuar se gjirokastrit është si një trajner në fushë.

GJENDJA E SKUADRËS – “Gjendja  e skuadrës është e mirë, normale, por besoj se jeni informuar, për dëmtimin e Musollit, që është një dëmtim jo i lehtë për të. Natyrshëm që keqardhja e parë vjen për lojtarin, por dhe për ekipin e Kukësit, pasi ka qenë një lojtar shumë i rëndësishëm për ne. Pjesa tjetër e skuadrës është në formë mjaft optimale”.

REXHINALDO – “Përderisa luajti në ndeshjen me Teutën, nuk ka arsye pse të mos jetë në 100% në këtë ndeshje”.

ALTERNATIVAT NË MUNGESË TË MUSOLLIT – “Synimi kryesor ky ka qenë, pasi gjatë javës kam pasur dilema për të caktuar lojtarët që do të përbëjnë repartin e mesit të fushës. Megjithatë, me mundësitë që jemi do të mundohemi të bëjmë zgjedhjen më të mirë të mundshme për takimin me Kamzën”.

EUFORIA – “Besoj se kemi të bëjmë me një ekip profesionist, me lojtarë profesionistë, që janë mësuar të fitojnë, dinë të dalin kampion. Nuk ka vend për eufori. Jam i bindur se duhet të këmbëngulim si në çdo ndeshje për të dalë fitimtarë. Në çdo ndeshje jemi vetëm për fitore të bindur”.

PERFORMANCA E MIRË  – “Kukësi është përmirësuar dukshëm dhe normalisht që vend për më mirë ka gjithnjë, si te ne apo dhe te skuadrat e mëdha si Barcelona apo Reali. Kemi shumë punë për të bërë, pasi kemi një kampionat mjaft të vështirë. Të gjitha ekipet dinë të luajnë futboll dhe kanë cilësi në skuadrat e tyre.  Nuk është e lehtë si të përballesh me Kamzën apo Kastriotin dhe çdo ekip tjetër. Duhet të jemi serioz si në fushën e lojës ashtu dhe në stërvitje dhe nëse do të jemi të tillë gjatë gjithë kohës jam i bindur se do të bëjmë mirë”.

OBJEKTIVAT – “Për të arritur objektivat, për të dalë kampion duhet të pretendosh maksimumin në çdo ndeshje dhe nëse nuk arrihet do të jetë në favor të kundërshtarit. Kampionati sapo ka nisur, por nuk ka kohë për të bërë hapa fals. Nëse do të dalësh kampion duhet të jesh në maksimumin tënd që në ndeshjen e parë. Do tentojmë të marrim maksimumin javë pas jave”.

RIKTHIMI I SHAMETIT – “Patjetër që rikthimi i Shametit na qetëson. Ashtu si Musolli, edhe Shameti është një lojtar me shumë eksperiencë, shumë i rëndësishëm për mbrojtjen dhe gjithë skuadrën, pasi  është një lider. Është një trajner në fushë nëse mund të thuhet. Gjysmë buzëqeshje kam pasur këtë javë, pasi dëmtimi i Musollit na ka shqetësuar shumë”.

ORGANIKA – Trajnoj 25 lojtarë dhe duhet të jenë gati për të pritur mundësinë e tyre, që të tregojnë vlerat e tyre dhe të ndihmojnë grupin. Duhet të shfrytëzojnë momentet që i jepen në maksimum. Futbolli i tillë është, pasi do të kujtoj një rast pak vite më parë. Manuka ishte titullar, ndërsa Hoxha rrinte në stol. Manuka u dëmtua në gju që në javën e tretë dhe Hoxha u bë lojtari më i kërkuar për dy vite në Shqipëri., Lojtarët duhet të shfrytëzojnë mundësinë dhe fatin që kanë”.

“Në pjesën e dytë kemi pasur raste për të barazuar, por nuk e arritëm. E filluam keq ndeshjen. Pjesa e parë ose 35 minuta e para ishin të dobëta për ne”.
“Mendoj se ndoshta është dhe përgjegjësia ime që të ndryshoj rreshtim dhe ndonjë lojtar. Ekipi nuk funksionoi siç e mendova unë dhe është përgjegjësia ime. E pash në rreshtimin normal që ekipi u përgjigj më mirë. Kjo ka qenë arsyeja dhe nuk e mohoj përgjegjësinë që kam”.

“Goli i parë i pësuar? Më mërziti mënyra si e nisëm loja. Për golat mërzitesh gjithnjë. E dinim se Rexhinaldo është lojtar shumë i rrezikshëm. Nga mospërqendrimi por dhe fati ndëshkohesh. Kishim shumë raste dhe nuk shënuam. Ndoshta mënyra si e nismë lojën, në 30 minutat e para e merituam të humbnim”.
“Doja ta fitonim këtë ndeshje dhe patjetër e thash që në fillim dhe ju a thashë dhe futbollistëve për mënyrën se si zgjidha të luanim është përgjegjësia ime. Është dhe fat pasi nëse nuk do të pësimin dhe të shënonim do të dilte një rreshtim i duhur”.

“Mendova të luaja me dy sulmues dhe arsyeja më e madhe ishte se Latifi ndihej vetëm në ndeshjet e tjera dhe të kishte një partner. Patëm probleme tek topi i kthyer pas. Punuam pak ditë me rreshtimin që zgjodha sot. Lojtarët u munduan dhe fizikisht janë mirë. Kjo ishte arsyeja kryesore. Duhet ta merrnim veten më mirë dhe lojtarët me eksperiencë duhet të na ndihmonin më shumë si në rastin pas pësimit të golit”.