“Kukësi e kaloi një fazë përgatitore. Futbollistët aktual nuk janë pa përgatitje. Stërvitjet tani s’do të jenë si ato të fazës së parë, por pak më të lehta. Skuadra nuk është akoma e plohtë. Presim 2 ose 3 vetë si Musolli, Cuculi dhe Valdet Rama. Shpresojmë që deri në fund të javës të rikthehen. Me Ramën kam komunikuar vetë. Më kërkoi leje deri më datë dy. Cuculi dhe Musolli po flasin bisedime me presidentin”.

I KËNAQUR ME SKUADRËN  ? “Nëse skuadrat i bashkohen 3 emrat e lartpërmendur atëherë skuadra do të jetë e mbipopulluar s’do të kemi nevojë për shumë merkato. Kemi afruar dhe lojtarë si Gavazaj, Daku dhe Kamara. Ndoshta mund të bëjmë një lëvizja për krahun e majtë, ku pas ikjes së Rrumbullakut kemi vetëm Mustën. Pjesa tjetër është e kompletuar”.

RINOVIMI I SHAMETIT – “Nuk kam dijeni. Di që është i dëmtuar. Do të na duhet të presim, për momentin s’mund të flas për të”.

FRASHËRI – “Me aq sa di unë, kontrata e tij me Kukësin ka mbaruar. Do marr dhe një portier tjetër për të konkurruar me Avdylin”.

OBJEKTIVAT – “Objektiva e Kukësit dihen. Edhe vitin e kaluar ishte skuadër pretendente. Bënë disa gabime në kampionat, por u shpallën fitues të Kupës”.

RIVALËT – “Partizanin patjetër. Është ekipi kampion. Ka krijuar atë fizionominë e saj. Ka fituar autoritetin e skuadrës kampione, ata janë kryesorët. Të shohim si do zhvillohen dhe skuadrat e tjera, Tirana ka bërë shumë lëvizje”.

SHTYRJA E KAMPIONATIT   –  “Jo për mua nuk është problem. Ja mund ta shtyjnë një javë ose ndoshta dy, nuk është problem. Megjithatë, nuk duhet të zgjatet më shumë se kaq”.

Rama, Musolli, Frashëri, Shameti, Cuculi dhe Kitanovski janë lojtarët që nuk kanë preferuar të paraqiten në seancën e parë stërvitore dhe me shumë gjasa, do të jenë të larguar nga blutë. Përveç mungesave, ka pasur dhe një lojtar të ri në stërvitje. Bëhet fjalë për mesfushorin nga Maqedonia, Armend Çajani, i cili ka luajtur më parë me Shkupin dhe Genc Kalemler.

HUMBJA ME FLAMURTARIN – “Normalisht kur luan me ekipe të nivelit të lartë, që janë në tabelën e renditjes lart normalisht që presioni është më i lartë. Shpresonim të bënim mirë, por nuk ja arritëm. Tani e kemi obligimin ndeshjen me Tiranën dhe Kupën.”

KUKËSI PA SHTËPI – “Njeriu mërzitet, por duhet të vazhdojë përpara. Ndoshta është koiçidencë, por është hera e dytë që po humb kampionatin prej fushës. Më ndodhi edhe te Shkëndija, ku nuk kishim shtëpi. Edhe kjo pjesë i ka ndihmuar shumë kundëërshtarët tanë. Pa dashur t’i heq meritat Partizanit që kryeson në tabelë.”

VENDI I DYTË DHE TIRANA – “Tragjedi nuk është, pasi futbolli i tillë është. Do të luftojmë maksimalisht për të qëndruar në vendin e dytë dhe për të parë sa më shumë përpara. Do të jetë një ndeshje e vështirë, pasi Tirana lufton për mbijetesë. Dihet emri i madh që ka Tirana. Do të jetë dhe një sfidë për ne, pas ndeshjes zhgënjyese ndaj Flamurtarit, në aspektin e rezultatit.”

KUPA – “Do të ishte një gjë e mirë, pasi çdo futbollist në fund të sezonit kur ngre një trofe, qoftë kupë qoftë kampionat është gjë e mirë. Kukësi e ka dëshmuar që çdo vit është pretendent dhe ngre nga një kupë. Do të ishte gjë e mirë, si për ne si për klubin për të vazhduar ecurinë e ngritjes së trofeve.”

PRESIONI MË I LARTË TE SHKËNDIJA, PARTIZANI APO KUKËSI – “Ekipet që pretendojnë për titull normalisht që te të tre ekipet presioni është shumë i lart. Te të tre ekipet presioni është zjarr.”

BILANCI I CUCULIT – “Deri para dëmtimit kam pasur bilanc pozitiv, por pas dëmtimit nuk kam qenë i kënaqur. Ndoshta edhe për arsyen se kam nisur të aktivizohem shumë shpejt, kjo edhe nga dëshira për të ndihmuar ekipin, mbase i kam bërë edhe dëm.”

SEZONI – “Besoj se ka kohë akoma, pasi janë edhe tetë ndeshje. Fokusi ynë është që të bëjmë sa më shumë fitore dhe objektivi ynë tani normal që është kupa.”

FUSHA – “Jo rastësisht kemi pasur shumë dëmtime këtë sezon. Është një faktor shumë i rëndësishëm. Pasi stërvitemi në bar artificial gjithë javën dhe ndeshjen e luajmë në bar natyral. Është problematike, nuk e them vetëm unë këtë gjë, e thonë dhe mjekët. Shpresoj që të kemi sa më pak dëmtime.”

Në intervistën në emisionin “Gol pas Goli” në “Supersport”, 31-vjeçari foli mbi kualifikimin në gjysmëfinalet e Kupës së Shqipërisë dhe penalltinë “famëkeqe”.

TEUTA – “Kanë qenë dy ndeshje të luftuara. Në ndeshjen e parë bëmë mirë deri në minutën e 75, më pas u tërhoqëm dhe ata na barazuan. Ishin dy takime të vështira dhe jemi të lumtur që kaluam në gjysmëfinale”.

PENALLTIA NDAJ ASANIT – “Normalisht që për mua nuk ka qenë aspak e lehtë, por ne jemi profesionistë. Është thënë se ka qenë një veprim i qëllimshëm, më kanë cilësuar sikur bëra vrasje të qëllimshme, u ndjeva i gozhduar. I pranoj kritikat e presidentit. Asanit bravo i qoftë që ma vodhi penalltinë. Ka qenë e vështirë nga ana psikologjike, por e rëndësishme është që njeriu të ngrihet”.

“Futbollit shqiptar ju i bëni shumë reklamë për atë që jep. Këtu ne flasim për dhunë. Dhuna ekziston në shoqëri. Çka ndodh në shoqërinë, ndodh në stadiume. Është pjesë e edukatës. Në këtë vend funksionon ligji i të fortit. Një mik më tha: ‘Në Shqipëri nuk është a lejohet apo nuk lejohet, por a mundesh apo nuk mundesh’. Çdo gjë bëhet nëse mundesh. Këtë gjykojeni vetë pastaj. Këtu gjërat bëhen me vetëdije. I bwni reklame futbollit shqiptar, si të jetë Premier Liga angleze”.

“Prisja Kukësi më agresiv, që të luante për gjithçka, fitore ose humbje. I mungonte sulmi i vërtetë. Sulmuesi i tyre (i referohet Shkurtajt) një lojtar i thjeshtë, pa ato vlera që trumbetohet. Qendërmbrojtësit nuk patën shpejtësinë dhe agresivitetin e duhur. Uilliam shikohej se kishte vlera. Në mesfushë ishin disi më mirë. Partizani luan njëlloj, mbrohet mirë. Edhe atyre u mungon një sulmues kryesor, që mund ta çojë më lehtë te goli. Ishte një ndeshje e luftuar deri në atë pikë që mua nuk më kënaqi. Rastet ishin të pakta. Golit i Rexhinaldos ishte një vlerë e asaj ndeshjes, si dhe Asani me lëvizshmërinë e tij. Kukësi kishte një mbrojtje të lodhur. Krasniqi ishte shumë i ngadaltë, Cuculi nuk është më ai që ka qenë te Partizani”.

“Kam qenë tifoz i çmendur i Partizanit. Isha tifoz i Ferit Rragamit. E ndiqja në Shkodër atëherë. Kam qenë i vetmi në tribunë, që kur ai i shënoi gol Vllaznisë, kam festuar”.

GREZDA –  “Grezda dje nuk ishte as në 18-she. Ka bërë një lëvizje të madhe, në një futboll tepër të vështirë. Vjen nga futbolli kroat, që luhet në një klime tjetër. Nga një shtet me 300 ditë me diell, kalon në një vend që ka 300 ditë me shi. Është e vështirë. Nuk është përshtatur si duhet. Tani atje pozitat nuk janë të mira as për Stiven Xherard. Kanë bërë shumë blerje dhe janë eliminuar edhe nga Kupa”.

Mbrojtësi ka luajtur më parë për kryeqytetasit dhe para mikrofonit të “Supersport” e pranon se ky takimi është i veçantë për të.

“Është një ndeshje speciale për mua, pasi përveç faktit që kam luajtur me ata kam pasur dhe raporte të shkëlqyera dhe kemi qenë si një familje e madhe atë. Tani normalisht do të bëj maksimumin që të ndihmoj ekipin tim dhe shpresoj se do të arrijmë ta ulim diferencën e pikëve. Mbetet një ndeshje e vështirë ndërmjet dy rivalëve që besoj se janë skuadrat që kanë treguar më shumë deri tani”.

DËMTIMI – “Të them të drejtën ka qenë një dëmtim jo i lehtë në një vend delikat, që kërkon përkushtim maksimal. Falënderoj stafin mjekësor që bëri të pamundur që të më rikthejë në fushë. Shpresoj që deri ditën e ndeshjes të jem ne 100% tim”.

“Jam i mendimit që kampionati është shumë i gjatë dhe deri në momentin e fundit gjërat mund të ndryshojnë. Janë shumë pikë në lojë. Një fitore do të na shijonte dhe do të hapte kampionatin”.

Ndreu do të debutojë kundër Partizanit në kampionat, një sfidë që mund të vendosë dhe titullin kampion. Një debutim aspak i lehtë për Ndreun, por për teknikun ka lajme të mira. Siç mëson “SportEkspres.com”, te Kukësi ka rikthime të rëndësishme. Cuculi, Rrumbullaku dhe Uilliam Kordeiro do të jenë të gatshëm në ndeshjen kundër “Demave”.

Megjithatë, kapiteni Shameti është ai që shqetëson, me mbrojtësin gjirokastrit që pritet të mungojë për 3 javët e ardhshme. Titulli kampion është një objektiv ende i arritshëm për verilindorët, por nuk duhet të bëjnë më hapa fals, duke filluar që nga ndeshja kundër Partizanit.

I fundit do të rikthehet për ndeshjen e kampionatit me Skënderbeun dhe problemi kryesor për sfidën e radhës është krahu i majtë i mbrojtjes.  Në stërvitje është provuar Olsi Teqja në atë pozicion dhe sikurse kuptohet Cungu nuk mund t’ia besojë formacionin të riut Xhemaili.

Fatmirësisht janë rikuperuar kapiteni Shameti dhe Valdet Rama, të cilët patën probleme gjatë javës dhe shtyrja e kampionatit ju erdhi në ndihmë. Në sfidën me Partizanin Kukësi do të jetë më i plotë, pasi edhe periudha e pushimit për shkak të ndeshjeve të kombëtares i vjen në ndihmë të dëmtuarve.

Në mbrojtje, mungonin kapiteni Shameti dhe Cuculi, dy lojtarë me shumë eksperiencë dhe shumë të rëndësishëm për strategun shkodran. Të dy mbrojtësit munguan për shkak kartonësh në sfidën kundër Kamzës. Megjithatë, tashmë i kanë shlyer dënimet dhe do të jenë të gatshëm për Cungun, që do ta ketë prapavijën e plotë për sfidën kundër Luftëtarit.

Reparti i sulmit duket në një moment shumë të mirë, ku përveç dyshës së afirmuar në Superiore, Shkurtaj dhe Rexhinaldo, edhe Valdet Rama po i afrohet formës së tij më të mirë. Ish-sulmuesi i kombëtares realizoi një gol shumë të bukur përballë Ramës dhe ishte një nga lojtarët më të mirë në fushë.

Klima në skuadër duket e mirë, të paktën kjo kuptohet nga fotot që sportistët postojnë në rrjetet sociale. Dino Shpehar ka postuar një foto sot me Arlind Kalanë, Ardian Cuculin dhe Donjet Shkodrën. Mbi foto shkruhet “Kupa e Pezës-Helmës, 4+1”. Siç kuptohet, sot kuksianët kanë zhvilluar një mini-turne dhe kroati e i ka vënë dhe emër, përderisa ai dhe skuadra e tij kanë fituar.

Ndeshja e radhës për Kukësin është ajo me Kamzën, që është programuar për t’u luajtur këtë të diel në transfertë. Pozitiv fakti se skuadra mund të jetë përshtatur me terrenin e këtij stadiumi, pasi aty ka zhvilluar dy ndeshjet e fundit si pritës.

Si mbrojtësi ashtu dhe mesfushori do të jenë pjesë e Kukësit për vetëm për edicionin e ardhshëm. Në këtë mënyrë Kukësi e çon në 15 numrin e lojtarëve të afruar këtë verë, por me shumë gjasa, pas aventurës europiane disa  nga futbollistët e afruar do të marrin valixhet dhe do të largohet.

Merkato e Kukësit nuk ka përfunduar, diçka që është konsideruar dhe nga drejtuesit, që janë shprehur se në ditët e ardhshme do të ketë të tjera përforcime. Toure kujtojmë që vjen në huazim nga skuadra e  Juventusi, ndërsa Cuculi është aktivizuar tek ekipi i Shkëndijës në ediiconin e fundit.

POSTIMI I KUKËSIT

Dy goditje të FK Kukësit në merkato!

Presidenti i FK Kukësit, Safet Gjici, ka prezantuar dy afrimet e fundit nga merkato, Ardian Cuculi dhe Oumar Toure.

Ardian Cuculi, 31 vjeç, ka firmosur një kontratë 1-vjeçare me FK Kukësin. Qendërmbrojtësi shqiptar vjen nga kampionati maqedonas, teksa së fundmi është aktivizuar me Shkëndijën e Tetovës.

Cuculi më parë ka luajtur edhe me Partizanin në Kategorinë Superiore dhe e njeh mirë kampionatin shqiptar.

Oumar Toure, 19 vjeç, vjen në formë huazimi nga Juventus i Torinos për një sezon. Toure ka luajtur me moshat e Juventus dhe së fundmi ka qenë i huazuar tek austriakët e ËSG Ëattens.

Toure është nga Guinea, luan në pozicionin e mesfushorit shkatërrues, por mund të luajë edhe më përpara në mesfushë.

FK Kukësi u uron mirëseardhjen dhe suksese së bashku!

POSTIMI I CUCULIT

Cuculi nuk ka nguruar që të falënderojë dhe klubin e Shkëndijës, përmes një postimi në profilin e tij në “Instagram”, ku shfaqet mjaft entuziast për nisjen e aventurës së re me Kukësin.

“I entuziazmuar për një aventurë të re me KF Kukësin. Faleminderit për gjithçka deri te KF Shkëndija dhe tifozët “Ballistët” me të cilët festuam bashkë sukseset më të mëdha në historinë e klubit”.

Momentalisht në kontratë është vetëm Qaqi dhe Zguro, të afruar gjatë merkatos së verës. I pari me siguri nuk ikën, kurse pogradecari është në dyshim. “SportEkspres.com” ka njoftuar se Kamza po e pret lojtarin e linjës së majtë.

Ardhja e Cuculit (luan edhe si mbrojtës i majtë) mund t’i hapë rrugë largimit të tij, por më parë duhet gjetur marrëveshja me Simo Rrumbullakun për rinovimin e kontratës. Gjirokastriti del lojtar i lirë pas ndeshjeve të kupave të Europës. Kukësi nuk e ka luksin t’i ikin të dy.

Albi Alla gjithashtu del lojtar i lirë, ashtu si Rustem Hoxha e Ylli Shameti. Këta dy të fundit me shumë mundësi do të rinovojnë dhe së bashku me Qaqin e Cuculin do formojnë katërshen e qendrës së prapavijës. Pas ndeshjes së dytë me Torpedon pritet të saktësohet gjithçka.