Kolumbiani shprehet i hidhëruar rreth këtij fakti. Ai thotë se humbja në Champions ishte e dhimbshme, por nuk është i mendimit se ky sezon është një dështim. Fitimi i Serie A për herë të tetë radhazi, sipas tij është diçka mjaft e vështirë.

“Kur shikoja ndeshjet dhe shihja që nuk mund t’i ndihmoja shokët të fitonin, trishtohesha shumë. Punova shumë gjatë periudhës së rikuperimit dhe tani gjërat janë ndryshe. Serie A është e jashtëzakonshme, nuk është e lehtë ta fitosh, por ne kemi punuar shumë për këtë. Disa thonë se kemi dështuar, por e kanë gabim. Skualifikimi nga Champions ishte i dhimbshëm, por ne kemi bërë historinë duke fituar kampionatin e tetë radhazi”, tha kolumbiani për “Sky Sport”.

Huan Kuadrado dhe Zhoao Kanselo kanë pësuar dëmtime një natë më parë, ku si shkak kryesor shihet të jetë fusha me bar sintetik i zviceranëve të Jang Bojs. Kuadrado mund të ketë diçka më serioze se sa portugezi, pasi duket se ka një dëmtim në gju, por pritet të vlerësohet në ditët në vijim.

Ndërkohë, të paktën një lajm i mirë vjen nga Medhi Benatia. Marokeni i mbrojtjes nuk udhëtoi me ekipin drejt transfertës së Champions si pasojë e një dëmtimi, por duket se çdo gjë është lënë pas krahëve dhe ditën e sotme Benatia u stërvit në mënyrë të rregullt, duke mos shfaqur shqetësime.