CSKA-ja e Moskës për rekord, të rinjtë “nderojnë” gjigantin rus

Sport Ekspres — Tue, 26 Mar 2019 20:49:36 +0000

CSKA-ja e Moskës e ka fituar për herë të fundit Premier Ligën ruse në sezonin 2016/2017 dhe që nga ajo kohë është përqëndruar më së shumti te të rinjtë, të cilët janë boshti i ekipit aktual. Për momentin, moskovitët janë në vendin e dytë, me pesë pikë distancë nga Zeniti i vendit të parë dhe po bëjnë një sezon të kënaqshëm.

Gjithashtu, në Champions League pavarësisht se nuk kaluan më tej, lanë shenjën e tyre, duke mposhtur Realin e Madridit. Gjithsesi, suksesi më i madh i gjigantit rus, duket të jetë rekordi që po vendos. Nga 35 gola që CSKA-ja ka shënuar këtë sezon, vetëm tre prej tyre kanë ardhur nga moshë më e madhe se 21 vjeç.

Pra, 32 golat e tjerë, thënë ndryshe 91.5% e golave janë shënuar nga lojtarë që janë në moshën 21-vjeçare, ose më të rinj. Fedor Çalov është njeriu kyç i moskovitëve, pasi numëron plot 12 gola dhe katër asiste, teksa nuk mbetet shumë pas edhe Vlasiç, i cili ka kontribuar në 11 raste për ekipin e tij me gola dhe asiste.

CSKA Moscow have scored 35 goals in the RPL and Europe this season.

All but three of them have involved a player aged 21 or less.

Chalov (16 contributions)
Vlasic (11)
Sigurdsson (5)
Oblyakov (4)
Zhamaletdinov (4)
Akhmetov (3)
Bistrovic (3)
Gordyushenko (1)
Bijol (1)

— David Sansun (@RFN_David) March 25, 2019

VIDEO | Reali pa turp, CSKA shëtit në Madrid

Sport Ekspres — Wed, 12 Dec 2018 19:49:10 +0000

Dy ndeshjet e para të UEFA Champions League, për natën e fundit të fazës së grupeve, ishin përballjet Real-CSKA dhe Plzen-Roma. Sfidat nuk kishin ndonjë rëndësi të veçantë, përveç zbulimit të vendit të tretë, vend që të çon në Europa Ligë dhe vendit të parë, që diskutohej midis Realit dhe Romës.

Gjithsesi, ndeshjet dhuruan surpriza të mëdha, teksa Reali u turpërua brenda në “Bernabeu” nga CSKA-ja e Moskës me rezultatin 0-3. Një humbje e turpshme për madrilenët, të cilët u shtangën nga rusët, dy herë në pjesën e parë, ku Fedor Çalov në minutën e 37-të dhe Shenikov gjashtë minuta më vonë dërguan me avantazhin e dyfishtë në pushim ekipin e tyre.

Në fraksionin e dytë, trajneri Solari aktivizoi Bejl, Kros apo dhe Karvahal, por ishin dhe njëherë tjetër miqtë, të cilët thelluan më tej rezultatin. Në minutën e 73-të ishte islandezi Sigurdson, i cili pasi mori një pasim nga kroati Vlasiç shkundi rrjetën e “Los Blancos për herë të tretë. Një humbje, që padyshim nuk do të kalojë thejshtë në kampin madrilen.

Nga ana tjetër, Viktoria Plzen bëri të pavlefshëm triumfin historik të CSKA-së, pasi mposhti Romën 2-1 në shtëpi dhe fitoi të drejtën të luajë në fazën tjetër të Europa Ligë, pasi renditet e treta në grup. Gjithçka ndodhi në pjesën e dytë, ku Kovarik shënoi fillimisht në minutën e 62-të. Ynder barazoi brenda pak minutave, por vetëm katër minuta më vonë ishte Çori që shënoi golin e fitores për Plzen.