Cruzeiro https://sportekspres.com Gazeta Sport Ekspres, gjithçka online Fri, 05 Oct 2018 08:19:40 +0000 en-US hourly 1 https://wordpress.org/?v=6.9 https://sportekspres.com/wp-content/uploads/2019/08/cropped-logo-32x32.png Cruzeiro https://sportekspres.com 32 32 VIDEO | Kualifikohet Boka Zhuniors, çfarë sfidash në gjysmëfinale! https://sportekspres.com/video-kualifikohet-boka-zhuniors-cfare-sfidash-ne-gjysmefinale/ https://sportekspres.com/video-kualifikohet-boka-zhuniors-cfare-sfidash-ne-gjysmefinale/#respond Fri, 05 Oct 2018 08:12:15 +0000 http://sportekspres.com/?p=200443 Boka Zhuniors është kualifikuar në gjysmëfinalet e Kupës Libertadores, duke kompletuar në këtë mënyrë dy çiftet që do të vijojnë garimin në këtë kompeticion të rëndësishëm për klube në Amerikën Latine.

Argjentinasit kanë barazuar 1-1 në sfidën e dytë kundër Kruzeiros në transfertë, por falë fitores së parë 2-0 arritën të kualifikoheshin me rezultatin e përgjithshëm 3-1. Në gjysmëfinale Boka Zhuniors do të përballet me brazilianët e Palmeiras, që drejtohen nga kampioni i botës Luis Felipe Skolari.

Një derbi duhet thënë, duke pasur parasysh rivalitetin mes argjentinasve dhe brazilianëve. Por nuk është vetëm derbi Boka Zhuniors-Palmeiras, pasi çifti tjetër gjysmëfinalist është River Plate-Gremio.

Sikurse shihet, ekziston mundësi që për herë të parë në histori të përballen në finalen e Kupës Libertadores River Plate dhe Boka Zhuniors, një klasike e njohur si një nga derbet më të mëdha në botë.

NDESHJA – Kruzeiro duhet të përmbyste humbjen e parë 2-0 kundër Boka Zhuniors dhe sigurisht nuk ishte aspak e lehtë. Gjithsesi u tentua diçka e tillë dhe brazilianët arritën të shënonin në pjesën e dytë me anë të Sasa (58’) vetëm një minutë pasi ai zbriti në fushën e blertë.

Duhej edhe një gol për ta çuar në shtesë, por që nuk erdhi. Gjërat u bënë edhe më të vështirë pas minutës së 81-të, kur Dede mori kartonin e dytë të verdhë dhe e la ekipin e tij me një lojtar më pak.

Më pas në shtesë ishte Pavon ai që në shtesë shënoi golin e barazimit për Boka Zhuniors dhe më pas nuk kishte kohë për asgjë. Gjithçka u mbyll 1-1 dhe ishin argjentinasit ata që festuan kualifikimin në gjysmëfinalet e Kupës Libertadores.

]]> https://sportekspres.com/video-kualifikohet-boka-zhuniors-cfare-sfidash-ne-gjysmefinale/feed/ 0 Copa Libertadores: River mahnit, Kolo Kolo befason në Brazil https://sportekspres.com/copa-libertadores-river-mahnit-kolo-kolo-befason-ne-brazil/ https://sportekspres.com/copa-libertadores-river-mahnit-kolo-kolo-befason-ne-brazil/#respond Thu, 30 Aug 2018 05:38:14 +0000 http://sportekspres.com/?p=188888 River Plejti ka siguruar kualifikimin për në çerekfinalet e Copa Libertadores, me një fitore impresionuese kundër Rasingut, në një derbi argjentinas që përfundoi 3-0 dhe pati 3 kartonë të kuq, prej të cilëve dy për miqtë.

Pas barazimit pa gola në vajtje, Lukas Prato shënoi golin e parë në fillim të ndeshjes, ndërsa pa mbushur gjysmë ore lojë Ezekiel Palasios dyfishoi. Në fund shënoi edhe Rafael Santos Borre, para se të shpërthente kaosi në fushë, me 3 kartonë të kuq.

Sfida ishte e nxehtë që pa nisur, sepse Rasingu akuzon Konfederatën e Amerikës së Jugut për favorizim të Riverit, që nuk u dënua edhe pse luajti me një lojtar të pezulluar në vajtje. Conmebol u justifikua se ishte një harresë e saj për të njoftuar Riverin për lojtarin e pezulluar.

Surprizë e madhe ishte kualifikimi i Kolo Kolos (21 vite pritje) , që u mund 2-1 në Brazil nga Korinthians, por kishte fituar 1-0 në vajtje. Vendimtar goli i sulmuesit të njohur Lukas Barrios në minutën e 32-të, ndërsa Korinthians mori avantazhin e ri në minutën e 64-t, por nuk e shënoi dot golin e kualifikimit. Ditë historike për Kolo Kolon, sepse për herë të parë në histori eliminoi një ekip brazilian në përballje direkte, pas 9 eliminimesh.

Ndërkaq, në derbin brazilian Kruzeiro u mund 1-0 në shtëpi nga Flamengo, por kaloi në çerekfinale, sepse kishte fituar 2-0 në vajtje.

]]> https://sportekspres.com/copa-libertadores-river-mahnit-kolo-kolo-befason-ne-brazil/feed/ 0