Legjenda angleze i jep fund, boksi humbet një emër të madh

Sport Ekspres — Fri, 23 Nov 2018 19:05:27 +0000

Toni Bellju, një ndër legjendat e boksit anglez ka njoftuar sot dorëheqjen nga sporti në moshën 35-vjeçare. Boksieri nga Liverpuli e mbyll “kapitullin” e tij në boksin profesionist me një rekord prej 30 fitoresh (20 me nokaut), tre humbjesh dhe një barazimi.

“Bomberi” ashtu siç ishte nofka e tij në ring, arriti kulmin më të madh në karrierë në vitin 2016, teksa fitoi titullin kampion WBC në divizionin e peshave “cruiserweight” (deri në 90.7 kilogramë). Dueli i fundit i Bellju ishte ai ndaj boksierit Ukrainas Aleksandr Usyk, ku anglezi u mposht me nokaut.

It is time for me to finally leave the ring, the bell has rung for the final time and I want to thank you all for the support you have given me over the years, it is not the end of my story though so keep an eye on https://t.co/hsCbVmBcMc #bomberbellew #retirement pic.twitter.com/jDUdFZWiB5

— Tony Bellew (@TonyBellew) November 22, 2018

“Usyk vs Bellew”, në ring luhet për pesë tituj kampion

Sport Ekspres — Sat, 10 Nov 2018 18:06:50 +0000

Mançesteri është sot kryeqendra e botës së boksit. Oleksandr Usyk mbajtësi i pesë titujve kampion në peshën “cruizerweight” (deri në 90.7 kg) do të vihet përballë anglezit Toni Bellew në një duel ku luhet për pesë tituj kampion. (WBA (Super), WBC, IBF, WBO, The Ring)

Ukrainasi Usyk është dukshëm më favorit se se Belleë. 31-vjeçari nuk njeh akoma humbje në 15 duelet e tij të mëparshme dhe nëse ia del me sukses në këtë duel ai ka premtuar se do të kalojë në divizionin e peshave të rënda, ku do të tentojë të zbresë nga froni Anthony Joshua-n.

Në krahun tjetër, Bellew, do të kërkojë ta mbyllë me nder karrierën e tij në këtë sport. 35-vjeçari ka deklaruar se ky do të jetë dueli i tij fundit. Është e sigurt se Belleë do të ketë përkrah tij publikun e pranishëm në “Manchester Arena”.

Dueli pritet të fillojë rreth orës 22:00, ndërsa duelet plotësuese do të jenë: Anthony Crolla vs Daud Yordan, Ricky Burns vs Scotty Cardle, Josh Kelly vs Walter Fabian Castillo, Dave Allen vs Ariel Esteban Bracamonte.