Napoli e huazoi mesfushorin franko-algjerian te Karpi në Serie B. Aty aventura e tij zgjati vetëm dy muaj, pasi u përfshi në një sherr me dy shokë të ekipit. Pavarësisht këtij incidenti, një tjetër ekip i Serie B mori riskun për ta afruar 23-vjeçarin problematik.

Bëhet fjalë për Krotonen. Klubi kalabrez e huazoi lojtarin gjatë merkatos së janarit, por pas ndeshjes me Breshian Maçaç bëri prapësinë e radhës. Në takimin e së shtunës kundër ai u fut në fushë në minutën e 67-të dhe pas 13 minutash lojë gjyqtari i nxori kartonin e kuq për shkak të duartrokitjeve ironike.

Në përfundim të takimit trajneri i Krotones,  Xhovani Stropta, deklaroi se Maçaç s’do të luajë më asnjë ndeshje për ekipin e tij. Me siguri nëse francezi do të vinte te Flamurtari vështirë se do të zgjaste më shumë se dy muaj, duke marrë parasysh problematikat e vlonjatëve, si brenda klubit, ashtu edhe me trupën e arbitrave.

U desh minuta e 82-të që Interi të gjente golin e avantazhit, me blerjen e rëndësishme verore Shkriniar që theu më në fund Krotonen luftarake, ndërsa në shtesë i zakonshmi Perishiç mbylli llogaritë, me Interin që merr përkohësisht kreun.

Ishte Krotone skuadra më e mirë në fushë për periudha të gjata, duke krijuar disa raste për shënim, sidomos në pjesën e parë, por Handanoviç ishte fantastik sa herë u nevojit.

Megjithatë, skuadrat e mëdha dinë të fitojnë edhe pa bërë ndeshje të mëdha ndonjëherë dhe suksesi i Interit është shumë shpresëdhënës për tifozët.

Qendërmbrojtësi i kombëtares shqiptare transferohet te Krotone, klub tjetër i Serisë A, që mahniti në pranverë, duke arritur një mbijetesë të pabesueshme.

Ajeti ka arritur marrëveshjen dhe po bëhet gati të udhëtojë drejt jugut të Italisë, ndërsa në mbrëmje do të vijë edhe zyrtarizimi nga dy klubet, që kanë biseduar edhe paraditen e sotme dhe kanë gjetur marrëveshjen.

Për 24-vjeçarin është klubi i tretë në Serinë A, pas Frozinones e Torinos, duke shkëlqyer tek e para, por duke mos ia dalë mbanë te Toro.

Dikush tjetër e mban dhe quhet Davide Nikola, është trajneri i Krotones që ka mahnitur Italinë, duke siguruar qëndrimin në Serinë A me një sprint fenomenal në pjesën e dytë të sezonit.

Një histori e denjë për filma: Krotone u ngjit si pa dashje në Serinë A dhe deri në tetor nuk kishte stadiumin në rregull, ndaj luajti në Peskara.

Në janar renditja “qante”: vetëm 9 pikë dhe rënie e sigurt, me gazetarë e analistë që shkruanin se Seria A kishte humbur bukurinë, duke parë se Krotone, Peskara e Palermo ranë pa ardhur pranvera.

E megjithatë, Krotone i dha besim trajnerit Nikola, diçka e rrallë në futbollin modern, ku trajnerët largohen për tre humbje rresht.

Nikola e nisi me një 4-4-2 shumë mbrojtës, pak skuadra i kanë shënuar më shumë se dy gola këtë sezon, ndërsa skuadra u rrit pak nga pak. Shumë debutues, buxhet qesharak, eksperienca zero: Krotone u bë për spital shumë shpejt dhe ironikisht një spital e ka ngjitur me stadiumin, me pacientët që i shohin ndeshjet falas nga dritaret.

Nikola nuk u dorëzua, edhe pse humbi sërish titullarë në janar: pak nga pak, Krotone gjeti lojë, besim e rezultate. Në qytet, entuziazëm si në Champions League, çdo pikë festohej si titull kampion. Empoli kujtoi se mbaroi dhe në pranverë u rrënua, Krotone ishte gati.

Pas fitores ndaj Interit, në prill, Nikola tha: “Do t’ia dalim, ky është grup fantastik, nuk dorëzohet kurrë. Falënderoj klubin, më dha besim sepse më konsideron trajner, jo dikë që rri urtë e pranon shkelma bythës. Nëse shpëtojmë, do të shkoj deri në Torino me biçikletë. Nuk është asgjë, krahasuar me kalendarin e ndeshjeve të ardhshme”.

Nëntë ndeshjet e fundit, 20 pikë, më shumë se Juventusi dhe kaq mjafton për të kuptuar çfarë ka bërë skuadra kalabreze, që u kthye në përrallën e një sezoni që kishte marrë fund që në prill.

Tani Davide Nikola nuk bën bisht: do të mbajë premtimin e bërë, Krotone-Torino, mbi 1200 km, e gjitha me biçikletë!