Croatia

Abazaj luan vetëm 7 minuta me Osijekun, Ejupi gjen golin dhe… të kuqin!

Sport Ekspres — Fri, 29 Mar 2019 17:41:52 +0000

Osijeku luajti sot përballë Goricës në kampionatin kroat të futbollit, sfidë e vlefshme për javën e 26-të. Për skuadrën e Osijekut, aktivizohen dy futbollistë shqiptarë, Kristal Abazaj dhe Myzafer Ejupi. Ish-sulmuesi i Shpresave kuqezi e nisi nga stoli, duke u aktivizuar vetëm në minutën e 83’. Këto 7 minuta nuk i mjaftuan Abazajt që të linte gjurmë në këtë takim.

Ndërsa Ejupi luajti titullar, madje edhe arriti të shënojë një nga golat e Osijekut në atë barazim 2-2. Sulmuesi shënoi në minutën e 69’, duke shpëtuar një pikë për ekipin e tij. Megjithatë, në sekondat e fundit të sfidës, nervat e tradhëtuan dhe Ejupi u ndëshkua me kartonin e kuq, pas dy ndëshkimeve me të verdhë.

Kroaci, HNL java 26

Osijek – Gorica 2-2
Skoriç 56’, Ejupi 69’ / Lovriç 40’ 57’

VIDEO | Belgjika bën detyrën ndaj Rusisë, Kroacia triumfon me përmbysje

Sport Ekspres — Thu, 21 Mar 2019 21:36:45 +0000

Belgjika e ka nisur në mënyrën më të mirë rrugëtimin në kualifikueset e Euro 2020, teksa ka mposhtur kombëtaren e Rusisë me shifrat 3-1. Golat për “djajtë” u firmosën nga Tilemans dhe një dopietë e Hazard, të cilët bënë të pavlefshëm golin e Çerishev.

Ndeshja nisi mjaft mirë për belgët, të cilët kaluan në avantazh në minutën e 14-të me anë të mesfushorin Juri Tilemans.

Reagimi i Rusisë ishte i menjëhershëm, me Denis Çerishev, i cili shfrytëzoi në maksimum një gafë të rëndë të Tibo Kurtua, me këtë të fundit që nuk po kalon një moment të mirë.

Gjithsesi, vendasit arritën të gjenin avantazhin përsëri në fundin e pjesës së parë. Eden Hazard arriti të shndërrojë në gol një 11-metërsh, duke mbyllur pjesën e parë me shifrat 2-1.

Më pas në fundin e takimit, konkretisht në minutën e 88-të, ishte përsëri Hazard, i cili shënoi golin e dytë personal dhe të tretin për ekipin e tij, duke mbyllur takimin me shifrat 3-1.

Ndërkohë, në ndeshjet e tjera Kroacia përmbysi me vështirësi Azerbajxhanin, teksa u gjend fillimisht në disavantazh në minutën e 19-të. Gjithsesi, Barisiç në fundin e pjesës së parë dhe Kramariç në minutën e 79-të përmbysën gjithçka, duke i dhënë fitoren ballkanasve.

Triumf edhe për Sllovakinë ndaj Hungarisë në shtëpi me shifrat 2-0. Ishte Ondrej Duda në minutën e 42-të, i cili zhbllokoi sfidën, ndërsa për të hipotekuar fitoren, mendoi Rusnak pesë minuta përpara fundit, duke mbyllur gjithçka në 2-0.

Irlanda e Veriut nga ana tjetër bëri detyrën në shtëpi ndaj Estonisë, duke fituar pastër me shifrat 2-0. MekGin dhe Dejvis shënuan në pjesën e dytë për të siguruar fitoren e britanikëve.

Belgjikë – Rusi 3-1
Shënues: Tilemans 14’, E.Hazard 45’(pen.), 88′ / Çerishev 16’

Kroaci – Azerbajxhan 2-1
Shënues: Barisiç 44’, Kramariç 79’ / Shejdajev 19’

Sllovaki – Hungari 2-0
Shënues: Duda 42’, Rusnak 85′

Irlandë Veriu – Estoni 2-0
Shënues: MekGin 56’, Dejvis 75’(pen.)

Modriç nuk di të ndalet, tjetër çmim për kroatin

Sport Ekspres — Thu, 27 Dec 2018 14:02:44 +0000

Luka Modriç është kurorëzuar mbrëmjen e kaluar me çmimin lojtari më i mirë kroat i vitit 2018. Kështu, mesfushori rrëmben një tjetër çmim këtë muaj pas “Topit të Artë” dhe titullit të Botërorit të Klubeve të fituar me Realin e Madridit.

Kroati kishte konkurrencë të fortë për sa i përket çmimit, pasi dhe lojtarë të tjerë si Rakitiç apo Manxhukiç e Lovren, kanë bërë mjaft mirë këtë vit, por gjithsesi në fund triumfues u shpall mesfushori i Realit, duke i shtuar koleksionit të tij një tjetër çmim.