Barcelona dhe Juventusi po monitorojnë situatën dhe janë gati për të ndërhyrë në atë që mund të cilësohet operacioni më i madh i kësaj vere në merkato. Ylli portugez ka folur në lidhje me këtë çështje dhe mundësinë e transferimit të Nejmar te Juventusi.

“Nejmar është një futbollist i madh. Unë mendoj se ai do të qëndroje të PSG. Nëse jo, atëherë ai duhet të shkojë aty ku ndihet i lumtur dhe ku mund të luajë futbollin e tij më të mirë, pa dëmtime dhe pa shumë shqetësime. Shqetësohem sepse më pëlqen ta shoh të luajë ashtu siç i pëlqen atij”, përfundon Kristiano Ronaldo.

Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

Dëgjojmë që Sarri do t’iu caktojë një rol me liri të plotë në fushë. Ç’mund të na thoni për këtë?

“Shikoni, kjo s’mund të ndodhë pasi është kundër konceptit të skuadrës. Unë kam detyrat e mia: Mbuloj hapësira, ushtroj presion dhe shumë të tjera. S’mund të qëndroj vetëm në sulm dhe të bëj çfarë të dua. Vetëm duke duke qenë njësh me skuadrën mund të fitojmë gjëra të rëndësishme”.

Keni thënë që do luani deri në moshën 40-vjeçare. Do ta mbani këtë premtim?

“S’jam i shqetësuar për këtë gjë. Gjithçka do të varet nga si do ndihem në vitet në vazhdim. Është çështje motivimi, pasi në aspektin fizik, nuk kam pasur kurrë probleme. E trajtoj veten mirë, prandaj mendoj se do të jetë diçka psikologjike. Shpresoj të mos kem probleme derisa të mbush 40 vjeç, por edhe sikur të ndodhë, s’ka asnjë problem. Jeta e tillë është, çdo fillim e ka një fund”.

Po flitet për shumë për një kalim te Nejmar te Barcelona?

“Nuk e di ç’do të ndodhë. Është një lojtar i madh me të cilin kam raporte shumë të mira. Flitet për shumë për të, sikur e kërkon Reali, Barcelona dhe Juventusi, por unë mendoj se këto janë thjesht fjlë mediatike. Është  e kuptueshme pasi emri i Nejmar shet shumë. Unë mendoj se ai do qëndroj në Paris. S’po kalon një moment të mirë, por nëse nuk dëmtohet më jam i sigurt që do t’i rikthehet gëzimi. Dëshiroj që të luajë sa më shumë, pasi ka kaluar kohë të këqija”.

Cilët mendoni se do të jenë favoritët për Champions-in e vitit të ardhshëm ?

“Shoh të njëjtat skuadra, pavarësisht merkatos që bëjnë. Real, Barcelona, Atletiko, Juve, Bajern dhe Liverpul.  Ka dhe disa të tjerë, por këto shikoj kryesoret. Barcelona dhe Real kanë më shumë para nga të gjithë, Siti gjithashtu mund të jetë pjesë e favoritëve, por në futboll nuk fitojnë gjithmonë favoritët”.

Thuhet se ju keni luajtur një rol shumë të rëndësishëm në transferimin e De Ligt?

“Jo, nuk e besoj. Më vjen mirë që ma bëtë këtë pyetje. Në finalen e “Nations League”, bëmë një bisedë, që është diçka normale që e bëjnë të gjithë futbollistët. Ajo duhet të qëndronte mes nesh në fushë, por ai është 19 vjeç dhe e tha thjesht si një shaka. Gjithsesi, unë kurrë s’kam dhe s’do influencoj trajnerin ose drejtuesit për merkaton. Megjithatë, e vërteta është që jam shumë i gëzuar që ai është pjesë e jona tani”.

A imagjinoni dot jetesën në Madrid në të ardhmen ?

Sigurisht që po. E kam thënë dhe më parë, që është një qytet që na pëlqen të gjithëve, nuk e përjashtoj si mundësi. Tani për tani jam i fokusuar në Itali dhe të Juventusi ndihemi shumë mirë, por nuk i dihet kurrë. Në këtë qytet kemi përjetuar momente shumë të mira dhe sigurisht që mund të vij këtu për të jetuar në të ardhmen. Të shohim. Tani duhet të mendojmë për të shijuar të tashmen”.

Trajnerët bënë shumë ndryshime në pjesën e dytë dhe bardhezinjtë reaguan. Kristiano Ronaldo ishte me fat në goditjen e dënimit të minutës së 68-të.

Ylli portugez goditi fort, përfitoi nga devijimi i murit dhe topi përfundoi në rrjetë, duke rikthyer baraspeshën në rezultat.

Kristiano Ronaldo u transferua nga Sportingu i Lisbonës te Mançester Junajtid në vitin 2003, atëherë kur ishte vetëm 18 vjeç. Nëse Deportivo La Korunja do të kishte një buxhet më të madh, portugezi do të përfundonte në Galici.

Ekipi spanjoll kishte zbuluar talentin, por kërkesa e Sportingut ishte tepër e lartë. Detajin interesant e zbulon Augusto Sezar Lendoiro. Në një prononcim për “Idolos”, ish-presidenti i Deportivos tregon historinë, që mund të kishte ndryshuar totalisht karrierën e Ronaldos.

“Drejtori jonë teknik na sinjalizoi për Ronaldon, pasi e kishte parë nga afër. Unë, kur pashë videot e tij, u informova menjëherë për çmimin. Sportingu i Lisbonës më kërkoi 12 milionë euro. Ishte një çmim i shtrenjtë për klubin tonë. Rekordi ynë kishte shkuar deri në 6 milionë, që i investuam kur blemë Rivaldon. Kristiano ishte talent, por në atë moment nuk e dinim se deri ku mund të mbërrinte… ”, përfundon ish-presidenti i Deportivo La Korunjës.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

Trajneri i ri kërkon ta vendosë Ronaldon në majën e sulmit dhe ta përdorë si një pykë me liri lëvizje dhe pa shumë detyra mbrojtëse. Sarri kërkon të shpallë 34-vjeçarin golashënues dhe beson se më këtë vendosje ai do të arrijë shifrën e 40 golave.

Ronaldos i pëlqen kjo ide dhe ka pranuar parimisht. Skema që do të përdoret nga Sarri është ajo 4-3-3 dhe detyrën më të madhe do e kenë Bernardeski, Dagllas Kosta dhe Dibala, të cilët do të furnizojnë lojtarin luzitan me topa dhe asiste.

Të dy janë sportistë të mëdhenj dhe dy legjenda të gjalla. “Ne kemi shkruar historinë”, janë fjalët e zgjedhura nga “ylli” i Juventusit në komentin sipër fotos.

Ronaldo vazhdon pushimet e tij me familjen, ndërsa amerikani i famshëm, i cili është pronar i Charlotte Hornets, ndodhet në Paris për një event promocional.

 

View this post on Instagram

 

We made history ????

A post shared by Cristiano Ronaldo (@cristiano) on Jun 23, 2019 at 3:34pm PDT

“Kristiano Ronaldo mban pothuajse të gjitha rekordet botërore, unë dua t’i shtoj ndonjë tjetër. Kam patur një futbollist, i cili shënoi më shumë se të gjithë në një sezon në Serie A. Dua të kem një tjetër të tillë”, u shpreh Sarri gjatë prezantimit të tij, duke bërë të qartë që portugezin do e vendosë në majë të sulmit.

Dagllas Kosta pritet të ketë edhe një shans, ndërsa e ardhmja e Kuadrados me Juven është në dyshim. Dibala mund të përshtatet në krah ose mund të kthehet në një “nëntësh fallco” si rasti Mertens.

Objektivi i madh quhet Federiko Kieza, por mos të harrojmë Mauro Ikardin. Nëse argjentinasi vishet bardhezi, atëherë skema e Sarrit mund të jetë ajo 4-3-3 me Ronaldon në krah dhe isjh-kapitenin e Interit në majën e sulmit.

Legjenda juventine në një intervistë të gjatë për “Corriere dello Sport”, është shprehur se atë që arriti Alegri me Juven në pesë vinte nuk do e bënte askush. Gjithashtu, Bufon preku edhe temën Ronaldo, ku tregoi takimin që pati me portugezin në Torino.

Mënyra se si i dha lamtumirën Juves ishte e jashtëzakonshme, si gjithnjë me klas. Besoj se ishte momenti i duhur, edhe Juventusi kishte nevojë për diçka të re. Askush nuk do të kishte bërë më mirë se sa Alegri në këto pesë vite. Askush!

Nuk mendoj se Ronaldo zgjodhi Italinë, aq shumë sa zgjodhi Juven. Nëse më lejohet ta them, ai është një realitet tjetër nga të tjerët. U takuam në Torino dhe nuk mendoj që Ronaldo po mundohet të jetë kampioni perfekt. Ai është dikush që mundohet të jetë profesionist dhe të arrijë objektivat që i vendos vetes. Është një shembull!

Pas finales së Ligës së Kombeve ftoi De Ligt që të pranojë ofertën e Juventusit, ndërsa tani i është rikthyer një dëshire të vjetër të Juventusit. Flasim për Marselon, brazilianin e Realit.

Mbrojtësi i majtë është një ndër miqtë më të ngushtë të Ronaldos dhe ky i fundit ka nisur sërish “sulmet” për ta bindur që të transferohet në Torino. 31-vjeçari është lëkundur sipas raportimeve të mediave italiane dhe po mendohet.

Shkak është bërë interesimi i “Los Blancos” për Ferland Mendi. Akordi me 24-vjeçarin e Lionit, i cili luan në të njëjtin rol me brazilianin, është arritur dhe pritet vetëm zyrtarizimi.

Diçka e tillë do shtonte konkurrencën dhe Marselo po tundohet nga ideja për t’u bashkuar me shokun e tij të ngushtë te kampionët e Italisë.

Festë për të gjithë, sidomos për Kristiano Ronaldon. Ky ishte trofeu i 30-të në karrierë për yllin e Juventusit. Ronaldo ndihet i lumtur dhe nuk dëshiron të ndalet. 34-vjeçari ka hedhur kandidaturën për fitimin e “Topit të Artë” për vitin 2019.

“Çfarë mund të bëj më shumë për fitimin e ‘Topit të Artë’? Mendoj se asgjë dhe jam i sinqertë në këtë që po them. Nuk jam i fiksuar pas trofeve, gjërat ndodhin natyralisht. Gjithsesi, e pranoj se do të më pëlqente të fitoja ‘Topin e Artë’ sërish”, thekson Kristiano Ronaldo.

Portugezi është ndalur në kuotën e 5 “Topave të Artë”, po aq sa ka edhe Leo Mesi. Të fundit e fitoi në vitin 2017.

Nesër zhvillohet finalja kundër Holandës dhe Ronaldo me shokë duan fitoren. Ndeshja luhet në shtëpi dhe kjo është një avantazh. 34-vjeçari flet për objektivat dhe sekretet e tij. Pavarësisht se vitet kalojnë, ai përmirësohet dhe shënon gjithnjë e më shumë.

“Është gjithmonë një nder për mua të rikthehem në Portugali. Të jesh pjesë e këtij kompeticioni është speciale dhe të shënosh është qershia mbi tortë. Shpresoj të fitojmë Ligën e Kombeve. Luajmë në shtëpi dhe do të japim gjithçka. Ndihem mirë fizikisht në moshën 34-vjeçare. Koka është gjëja më e rëndësishme. Duhet të jesh i fortë psikologjikisht dhe i lumtur. Mendoj se kam akoma shumë për të dhënë”, përfundon Kristiano Ronaldo.

Sipas medieve vendase, një përfaqësues i Majorgës ka tërhequr denoncimin. Në deklaratë shkruhet edhe se nuk ka asnjë marrëveshje mes Ronaldos dhe Majorgës, megjithatë ngrihen dyshime.

Kështu 34-vjeçari shpëton nga një barrë e madhe veten dhe Juventusin. Në Itali konsiderohej edhe anullimi i turit veror që kampionët e Italisë kanë të planifikuar për të zhvilluar në Amerikë. Kjo do të ndodhte në mënyrë që portugezi të mos arrestohej nga autoritetet përtej Atlantikut.

Bëhej fjalë për një natë në Las Vegas në vitin 2009. Madje u tha se Ronaldo e kishte paguar Majorgan plot 325 mijë euro, që ajo të qëndronte në heshtje dhe të mos tregonte asgjë për atë natë.

? La denunciante decide retirar la demanda
? Se desconoce si ha habido acuerdohttps://t.co/hpWQCJBzQe

— AS (@diarioas) June 5, 2019

Gjithsesi, kur kanë kaluar disa kohë, Katerin Majorga ka vendosur të tërheqë denoncimin, duke e mbyllur çështjen. Diçka të tillë e kanë rapotuar mediat në Spanjë, me arsyet që ende nuk janë bërë të qarta. Sidoqoftë, Ronaldo duhet të jetë i qetë tani, pasi çështja “Majorga” është mbyllur një herë e përgjithmonë.

Gjithsesi, CR7 nuk është ndarë pa çmim. UEFA ka zgjedhur 10 golat më të bukur të shënuar gjatë këtij sezoni në kompeticionin më të rëndësishëm për klube.

33-vjeçari është renditur i pari me golin e shënuar kundër Mançester Junajtid në Torino. Ishte 7 nëntori i vitit të kaluar. Djemtë e Murinjos triumfonin në fund, ndërsa Ronaldo kalonte bardhezinjtë në avantazh me anë të një perle që i mahniti të gjithë, madje edhe portierin De Gea.

Pas tij renditet Leo Mesi me golin e shënuar në gjysmëfinalen e parë kundër Liverpulit. Argjentinasi u tregua i saktë nga goditja e dënimit dhe lëshoi një predhë të pakapshme nga braziliani Alison.

Podi kompletohet nga Sadio Mane me golin e shënuar kundër Bajernit të Mynihut në Gjermani. Senegalezi mposhti Nojer me një gol shumë të bukur, duke i hapur rrugë kualikimit për më tej të The Reds.

Një emër i ri ka dalë në skenë, më saktë është rikthyer si pistë. Flasim për Hames Rodrigez, i cili kërkohet me insistim edhe nga Napoli i Ançelotit. Bajerni nuk e bleu kartonin e kolumbianit dhe ky i fundit do të rikthehet në Madrid.

Për të lëvizur përsëri, pasi Zidan nuk e ka fare në konsideratë. Sipas raportimeve të gjermanes Bild, fantazisti latin është kontaktuar nga Kristiano Ronaldo. Të dy kanë luajtur bashkë te Reali dhe portugezi dëshiron ta ketë përsëri në ekip.

Një ide e tillë e tundon Hamesin, i cili do pranonte pa asnjë mëdyshje opsionin Juventus. Tani topi kalon në anën e drejtuesve të “Zonjës”, të cilët mund të binden nga insistimi i Kristiano Ronaldos, personit që “sponsorizon” ardhjen e Rodrigez në Torino.

31-vjeçari ka fituar gjithçka në rang klubi me Barcelonën dhe në aspektin personal. Një triumf me Argjentinën është pengu i vetëm dhe nuk dëshiron të mbyllë karrierën pa e bërë diçka të tillë.

Në një prononcim për “Fox Sports” nga grumbullimi me kombëtaren, Mesi ka folur për Kupën e Amerikës dhe tërheqjen e tij nga futbolli i luajtur. Nuk mungon as komenti dhe as elozhet për Kristiano Ronaldon, i cili vendosi të linte Realin për t‘u transferuar te Juventusi verën e kaluar.

“Dua të tërhiqem kur të kem fituar diçka me kombëtaren.. Do vazhdoj të luftoj për të dorëzuar këtë ëndërr. Ronaldo? Kur u largua thashë që do të dëmtohej Reali dhe në Madrid u zemëruan. Do i ndodhte çdo skuadre diçka e tillë. Një lojtar si ai, i cili shënon 50 gola në sezon, i mungon La Ligës. Lojtarët e mëdhenj e kthejnë një kampionat në më të mirin. Tentonim çdo vit të triumfonim dhe kjo gja na ka përmirësuar shumë”, përfundon Leo Mesi.

Risia më e fundit e koleksionit të CR7 është një produkt i markës angleze “McLaren”. Me anë të një postimi në “Instagram”, Ronaldo i ka prezantuar të gjithë botës supermakinën e re “McLaren Senna”.

Portugezi është një ndër personat e parë në planet që merr në përdorim këtë automjet emri i të cilit përkujton pilotin brazilian të Formula Uno, Airton Sena.

https://www.instagram.com/p/Bx2IXW2oxtg/?utm_source=ig_web_copy_link

“McLaren Senna” është një automjet i ndërtuar për pistat e garave, por në të njëjtën kohë plotëson dokumentacionin për përdorim të përditshëm. Kompania angleze garanton blerësit se automjeti mund të kapë 100 kilometra në orë në vetëm 2.8 sekonda, ndërsa për të shkuar në 300 kilometra në orë, makinës i duhen 18.8 sekonda. Shpejtësia maksimale e reklamuar është 335 kilometra në orë.

Diçka e tillë ishte mbajtur e fshehtë nga avokatët e sulmuesit, por gjithçka është zbuluar. Sipas raportimeve të anglezes Mirror, avokatët e Majorgës nisën ndjekjen e Ronaldos në tetorin e kaluar, kohë kur policia amerikane vendosi të rihapte hetimin për atë që kishte ndodhur në vitin 2009.

Në drejtim të Ronaldos do të dërgohet fletëthirrja për t’u paraqitur në Gjykatë brenda pak javësh. Futbollisti ka mohuar çdo akuzë, ndërsa tani do i duhet të mbrojë veten përpara trupit gjykues.

Portugalia është një prej finalisteve dhe ditën e sotme, kombëtarja luzitane ka publikuar listën e të grumbulluarve. Surprizat nuk janë të shumta, teksa ajo që vlen për t’u përmendur është rikthimi i Kristiano Ronaldos, i cili më parë nuk ka luajtur asnjë ndeshje në Ligën e Kombeve.
Andre Silva nuk është përfshirë në listë. Më poshtë keni të gjithë emrat e lojtarëve të grumbulluar nga trajneri Fernando Santos.

PORTIERË: Beto, Rui Patrisio, Sa

MBROJTËS: Rafael Guerrero, Mario Rui, Nelson Semedo, Zhoao Kanselo, Ruben Dias, Pepe, Hoze Fonte

MESFUSHORË: Bruno Fernandes, Danilo Pereira, Uilliam Karvajo, Pici, Ruben Nevesh, Zhoao Mutinjo

SULMUES: Bernardo Silva, Kristiano Ronaldo, Diogo Jota, Diego Sousa, Zhoao Feliks, Gonçalo Guedesh, Rafa Silva

Ylli portugez ka reaguar në rrjetet sociale, duke shkruar disa fjalë për fundin e aventurës 5-vjeçare me bardhezinjtë të trajnerit livornez.

“Faleminderit mister! Kemi kaluar së bashku vetëm një vit, por ishte i jashtëzakonshëm. Përveçse një trajner i madh, je edhe një njeri i madh. Ishte kënaqësi të punoja me ty”, shkruan Kristiano Ronaldo në faqen e tij zyrtare.

Nuk kanë munguar as komentet e lojtarëve të tjerë. Dibala ishte i pari që reagoi në rrjetet sociale, ndërsa e ndoqën edhe Barzalji, Kanselo dhe Kuadrado.

Cristiano Ronaldo having an issue with short people since Messi times?…

Here him quarrelling with Florenzi, telling him literally:
“Shut your mouth, you are too short to speak” pic.twitter.com/pq5FDpgW3h

— Tancredi Palmeri (@tancredipalmeri) May 12, 2019

Kristiano Ronaldo dhe Alesandro Florenci patën një debat gjatë ndeshjes, teksa portugezi iu drejtua edhe me gjeste italianit, duke i thënë se je shumë i vogël për të folur. Këtë gjë natyrisht Florenci nuk e priti mirë dhe në fund të takimit e komentoi përplasjen me Ronaldon.
“E lemë jashtë atë që ndodhi në fushë. Ne e nxorrëm topin jashtë, ndërsa ai e mori dhe kërkoi ta luante. Natyrisht, ai është “Topi i Artë” dhe mendon se ka të drejtë të bëjë çdo gjë”, përfundoi me ironi mbrojtësi i Romës.

Holandezi nuk ka arritur të mundë konkurencën e Ter Shtegen dhe ka kërkuar largimin nga “Camp Nou”. Kështu Ronaldo mendon se do të afrohej një portier që nuk kushton shumë, i cili do të shtojë cilësinë e munguar në katërkëndëshin bardhezi.

Dëshira të tjera të portugezit janë Ndombele, Pol Pogba, Adrien Rabiot dhe Matijs De Ligt. Ky i fundit kërkohet edhe nga katalanasit dhe Kristiano do të ishte shumë i lumtur nëse ai do vinte në Torino dhe do i ikte nga duart Barcelonës.

Ekipi nga Mançesteri fitoi 1-3 dhe u kualifikua për në finalen e madhe të Romës. Dy gola të shpejtë të koreano-jugorit Park dhe Kristiano Ronaldos vrisnin shpresat e “Topçinjve”.

Portugezi shënonte një gol fantastik. Një goditje dënimi rreth 40 metra dhe një ekzekutim perfekt. Asnjë shans për spanjollin Almunia, i cili dorëzohej përballë “predhës” së Ronaldos.

Portugezi shënonte edhe një tjetër gol në pjesën e dytë, ndërsa Van Persi ngushtonte rezultatin për vendasit. Në finale Junajtid do të përballej me Barcelonën e Guardiolës. Samuel Eto dhe Leo Mesi shënonin dy golat e triumfit katalanas në tokën italiane.

10 years ago today, Cristiano Ronaldo scored this goal!! ?? ? pic.twitter.com/XpCrEPZ5wC

— Football HQ (@FootbaII_HQ) May 5, 2019

Drejtuesit po punojnë për të përforcuar ekipin. Në këtë aspekt po ndihmon edhe Kristiano Ronaldo. Portugezi ka lënë shumë miq në Madrid dhe një pjesë e tyre do ishin gati ta kishin përsëri shok skuadre.

Kejlor Navas po kalon një sezon të vështirë, ashtu si i gjithë Reali i Madridit. Ardhja e Tibo Kurtua e ka ulur në stol portierin nga Kosta Rika. 32-vjeçari i përfundon kontrata me “Los Blancos” në fundin e sezonit të ardhshëm dhe rinovimi nuk ka ardhur ende.

Sipas raportimeve të “AS”, Ronaldo e ka ftuar gardianin të bashkohet me të te Juventusi. Ylli i bardhezinjve ka një konsideratë të madhe për Navas dhe e sheh si një përforcim me vlera për synimin e fitimit të Champions Ligës.

Futbollisti i Juventusit flet mbi suksesin e tij, presionin e madh që e shoqëron gjatë çdo ndeshje dhe mundësinë e një të ardhme në rolin e trajnerit.

Njerëzit presin shumë nga ju, si e përballoni këtë presion?
“Ka njerëz që presin shumë nga unë dhe të tjerë që dëshirojnë pafundësisht që unë të humbas një penallti ose të mos bëj mirë në një ndeshje vendimtare, gjithsesi kjo është pjesë e jetës dhe mua nuk më mbetet gjë tjetër përveç se të jem i përgatitur. Nuk e mohoj që ndonjëherë më bezdis kjo gjë. Është e vështirë. Presioni vjen dhe nga shokët e familja. Kjo më motivon natyrisht, por ka ndonjë moment që them: Ju lutem lërmëni të qetë”.

Ju pëlqen më futbolli?
E shikoj futbollin si një mision. Futem në fushë që të fitoj dhe të përmirësohem. Dikur futesha në fushë duke menduar vetëm për driblimet që mund të bëja. Kjo nuk ndodh më. Njerëzit janë gjithmonë duke më paragjykuar. Thonë për shembull: Është 33, 34, 35 vjeç, ka mbaruar. Kjo më bën që t’i provoj të kundërtën”.

Disa mendojnë se jeni kthyer një lloj roboti?
“Nuk mendoj se njerëzit më shikojnë ashtu, por ka shumë që mendojnë se unë jam një njeri që kurrë nuk ka probleme. Si një njeri që nuk trishtohet kurrë dhe s’ka asnjë shqetësim. Këta njerëz kujtojnë se po të kesh para nuk ke asnjë problem. E kuptoj që këta njerëz nuk mendoj njësoj si unë. Botëkuptimi i tyre është shumë i vogël. Disa prej tyre mezi presin që unë të bëj keq. Jam mësuar me këtë situatë në moshë shumë të re. Në 10 vitet e fundit gjithmonë kam pasur më shumë presion se çdokush tjetër. Fitova Topin e Artë në moshën 23-vjeçare, ndërsa më pas u bëra lojtari më i shtrenjtë në planet kur më bleu Reali”.

Cila është gjëja e parë që bën kur shkon në një klub të ri ?
Thjesht tregohem vetvetja, asgjë më shumë. Disiplina ime mbetet e njëjtë. Një atlet i zgjuar di çdo detaj që mund ta bëj atë më të mirë. Te Juventusi u përshtata në mënyrë perfekte. Ata e panë që unë nuk jam ndër ata që kam vetëm fjalë. Të folurit është diçka krejt tjetër nga të bërit. S’i kam fituar kot 5 Topa të Artë dhe 5 Champions”.

Raporti me Spanjën?
Populli spanjoll më ka trajtuar mirë. Investoj këtu dhe kam dëshirë të hap vende punë për ta, pavarësisht se jam pasur probleme të shumta me institucionet tatimore. Jam larguar me kokën lartë, e di se njerëzit më duan. Ata e dinë sa shumë unë i kam dhënë Realit, sigurisht edhe unë kam marrë shumë mbrapsht. Kur lëviz rrugëve më thonë: Hej, Kristiano hajde në shtëpi, këtu do të jetë gjithmoën shtëpia jote”, më pëlqen kur e dëgjoj këtë.

Përse keni kaq shumë fansa anembanë botës?
“Çdo gjë që kam e kam fituar falë aftësive të mia. Jam njeriu me numrin më të lartë ndjekësve në Instragram pasi shumë persona identifikohen me mua. Mendoj se motivohen nga unë”.

Keni bërë shumë shokë në futboll?
“Mund të them se po, por shiko ka diçka. Jetojmë në një botë të ndërlikuar. Nëse do pyesje një modele a ke shumë shoqe në modele, mund të hamendësosh se po, por në të vërtetë nuk është se ato darkojnë me njëra-tjetrën në shtëpi me modele të tjera”.

Në asnjë intervistë nuk jeni pyetur mbi mundësinë e një të ardhme si trajner ?
“Nuk e përjashtoj si mundësi”.

A e ke menduar që ta lësh futbollin në Barcelonë? Atje ka edhe plazh…
“ (qesh) Barcelona nuk është për mua. Kam shkuar disa herë atje dhe le të themi që njeziët nuk e përqejnë dhe aq shumë Kristianon. Gjithsesi po të marrësh parasysh rivalitetin është normale”.

Djali më i madh i futbollistit portugez udhëhoqi drejt trofeut skuadrën e 9-vjeçarëve të Juventusit në një turne të zhvilluar në vendlindjen e babait te tij, në ishullin e Madeirës.

Në finale bardhezinjtë mundën me penallti bashkëmoshatarët e Atletiko Madrid. I biri i Kristiano Ronaldos ishte golashënuesi më i mirë i turneut me 9 gola, një arritje kjo që gëzoi shumë gjyshen e tij Dolores Aveiro që shpërndau në “Instagram” një foto të suksesit të skuadrës së nipit të tij.

https://www.instagram.com/p/BweUQitDJd-/?utm_source=ig_web_copy_link

Kur kanë kaluar disa ditë nga ajo disfatë e rëndë, gjendja në ambientin bardhezi tronditet edhe më shumë. Një video po qarkullon së fundmi në Instagram, ku sipas pamjeve duket se Kristiano Ronaldo bën me shenjë duke thënë: “U shpëtoi nga frika, u fshehën!”

Pamjet flasin vetë, por nuk dihet nëse portugezi e ka pasur për trajnerin Alegri apo për shokët e tij të ekipit.

View this post on Instagram

Triplice fischio di #JuveAjax: @Cristiano guarda verso la panchina e fa segno che qualcuno se l’è fatta addosso. È una scena P A Z Z E S C A! Ma forse avete ragione voi, ha fatto bene la Juve a provare a frenare gli olandesi col catenaccio ? | ? @robertocasanova1973 Tackleduro.com

A post shared by Tackle Duro ???? (@tackleduro_) on Apr 19, 2019 at 2:49am PDT

Një prapaskenë mbi gjendjen emocionale të 34-vjeçarit e ka zbuluar mamaja e tij Dolores Aveiro për mediet portugeze gjatë një interviste: “Ishte i mërzitur, më tha: Mama, unë nuk mund të bëj mrekulli. Ai donte të shkonte sërish në finale, por në Champions i mungoi pak fati, ndërsa në kampionat gjërat po shkojnë mirë. Do ta provojë sërish. Jeta vazhdon”.

Kjo është hera e parë në nëntë vite që Kristiano nuk arrin në fazën e gjysmëfinaleve të Champions-it. Duhet të kthehemi pas në vitin 2010, kur Lioni eliminoi Real Madridin e Pelegrinit për të gjetur një Champions pa Ronaldon në gjysmëfinale.

Sipas ish-kapitenit të kombëtares shqiptare transferimi i Ronaldos te Juventusi nuk mund të quhet dështim, pasi portugezi ka shënuar shumë në Itali dhe ka treguar se di të bëjë diferencën në momente të rëndësishme siç ishte ndeshja ndaj Atletikos.

“Nuk mund ta quajmë dështim transferimin e Ronaldos te Juventusi. Ka shënuar shumë gola në Itali, ndërsa ka qenë vendimtar në ndeshje të rëndësishme si ajo ndaj Atletikos dhe ndeshja e parë me Ajaksin në Amsterdam. Ajo që duhet të merremi është gjendja e Juventusit në këto gjysmëfinale. Ana psikologjike e ekipit nuk ishte e duhura”.

“Mandzhukiç ishte një mungesë shumë e rëndësishme, Kielini gjithashtu. Nuk po them se Kielini do të ndryshonte lojën, por do t’i jepte një zë në mbrojtje që do të dinte si t’i mblidhte lojtarët. Gjithsesi, mendoj se Juventusi në një ditë të mirë do të luante shumë ndryshe nga sot”.

“Unë në Serie A kam mbërritur në vitin 2012. Pak vite më parë Juventusi ishte një klub që mezi kapte Champions-in. Në tetë vite janë kthyer në super klub kjo është merita e presidentit Anjelit dhe sot ai mban përgjegjësitë. Morën Ronaldon për të shkuar në katërshen e klubeve botërore. Në futboll ka dhe hapa fals, por jam i bindur se një ditë do t’ia dalin”.

Mesfushori që luante për Ajaksin deri para dy vitesh, ku një infarkt e la në gjendje kome për një kohë të gjatë, ndërsa tani është në gjendje vegjetative, ku në pak raste reagon. Ronaldo ka bërë një video, ku i uron 22-vjeçarit ditëlindjen dhe një shërim të shpejtë.

Përpara një jave, Nuri festoi ditëlindjen e tij të 22-të dhe ylli portugez e ka uruar me anë të një video-mesazhi.

“Çkemi Nuri, jam Kristiano. Të uroj gëzuar ditëlindjen dhe të rikuperohesh sa më shpejt. Gjithë të mirat për ty, do të jemi në kontakt, të puth”, ishin fjalët e Kristianos.

Amazing support by Cristiano for brother Abdelhak Nouri. We keep praying.. Any place Any time ??? pic.twitter.com/vFtHIK1vgo

— TouzaniTV (@touzani7) April 9, 2019

Ngjashmëria me sulmuesin  e Juventusit është e madhe. Biuar luan futboll në kohën e tij të lirë dhe këtu lindi dashuria për portugezin.

“Të gjithë më thonë që i ngjaj Kristiano Ronaldos. Nuk ka rëndësi nëse jam arab, kurd ose i huaj. Gjëja më e rëndësishme është që do e takoj një ditë Kristianon. Jam shumë i sigurt”, thekson “i famshmi” Abdullah.

Në prag të takimit, bardhezinjtë janë në ankth për sa i përket dëmtimeve të shumta që kanë, ku ai që shqetëson më shumë është Kristiano Ronaldo. Gjithsesi, ditën e sotme portugezi duket se ka dhënë shenja të mira dhe tifozët marrin lajmin e madh.

Sulmuesi do të jetë i gatshëm në përballjen e parë me holandezët, pasi ditën e sotme ka bërë stërvitje. Emre Xhan është në dyshim për këtë takim, ndërsa Dagllas Kosta pritet që të jetë pjesë e grupit, por zor se mund të luajë si titullar.

Shpresa e drejtuesve dhe e gjithë tifozëve është rritur pas postimit të fundit të Ronaldos në rrjetet sociale. 34-vjeçari ka treguar muskujt në një foto bardhezi, ndërsa fjalët e zgjedhura nuk kanë nevojë për koment.

“Nuk nevojitet asnjë fjalë”, shkruan CR7, duke rritur optimizmin për rikthimin e tij. Nëse nuk ia del, Ronaldo do të jetë i gatshëm për ndeshjen e kthimit në Torino, që zhvillohet me datë 16 prill.

 

View this post on Instagram

 

No words needed…….

A post shared by Cristiano Ronaldo (@cristiano) on Apr 3, 2019 at 7:58am PDT

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por  jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

LOJTARI MË I MIRË“Është e vështirë të zgjedhësh një emër të vetëm. Ka shumë lojtarë të mirë si Nejmar, Mbape, Hazard, Suarez, Aguero…Kristianon e diferencoj nga të tjerë ai është në të njëjtin nivel të lartë me mua”.

JUVENTUS — “Juventusi është një ekip shumë i mirë, ndërsa Ronaldo është një plus. Ishte diçka e mirë për të gjithë kampionatin spanjoll për prestigjin që ai jepte këtij kompeticioni”.

Blez Matuidi luajti gjatë gjithë ndeshjes, ndërsa pas saj është ndalur te situata e klubit të tij dhe dëmtimi i Kristiano Ronaldos në ndeshjen kundër Serbisë. Fitorja 3-0 kundër Atletikos, që mundësoi kualifikimin e kampionëve të Italisë në çerekfinale ka rritur besimin e ekipit. Tani është Ajaksi përballë, një kundërshtar që mesfushori 31-vjeçar e vlerëson shumë.

“Ndeshjet kundër Ajaksit do të jenë shumë të rëndësishme. Fitorja me Atletikon e Madridit na ka dhënë një shtysë të madhe për ndeshjet e radhës në Champions. Gjithsesi, do të jenë dy çerekfinale të komplikuara. CR7? E pashë që u dëmtua dhe shpresoj që të mos ketë asgjë. Kristiano është padyshim një futbollist shumë i rëndësishëm për ne. Tani duhet të rifitojmë energjitë për t’u përballur në mënyrën më të mirë të mundshme në ndeshjen e fundjavës në kampionat”, përfundon mesfushori i bardhezinjve.

Sulmuesi ka një influencë të madhe te drejtuesit e klubit, të cilëve ju jep këshilla dhe ide të ndryshme sa i përket merkatos. Siç raporton spanjollja “Sport”, 34-vjeçari i ka bërë një kërkesë bardhezinjve: merrni Rafael Varan.

Ata njihen mirë së bashku, pasi kanë luajtur dhe fituar për shumë sezone me Realin e Madridit. Ronaldo e vlerëson shumë francezin, i cili është ndër mbrojtësit më të fortë në botë.

25-vjeçarit i përfundon kontrata me “Los Blancos” në vitin 2022, ndërsa klauzola e largimit të tij është 500 milionë euro. Megjithatë, gjithmonë sipas medias iberike, nevojiten të paktën 90 milionë euro për të nisur negociatat me Florentino Perez. CR7 i ka kërkuar drejtuesve të “Zonjës së Vjetër” që të sakrifikojnë për një lojtar të tillë, i cili do të përforconte shumë repartin defensiv të Juventusit.

Nuk mund të rrezikonte dhe ishte zgjedhja më e mirë. CR7 ka folur për mediat vendase dhe ka garantuar që do të kthehet shpejt. “Nuk jam i shqetësuar, e njoh shumë mirë trupin tim. Di që do të kthehem për një ose dy javë”, është shprehur Ronaldo sipas Abola.pt.

Nisur nga kjo që sulmuesi ka deklaruar, ai pritet të jetë i gatshëm për ndeshjen e parë çerekfinale te Champions League. Sfida kundër Ajaksit është programuar të zhvillohet më 4 prill dhe trajneri Masimiljano Alegri normalisht që pret ta ketë në dispozicion “yllin” portugez.

Look away now, Juventus fans ?

Cristiano Ronaldo subbed off with a muscular injury during Portugal vs Serbia ?pic.twitter.com/RCUwlAMocs

— GiveMeSport Football (@GMS__Football) March 25, 2019