Krespo kthehet në atdhe, trajner në Primera

Sport Ekspres — Sat, 15 Dec 2018 10:13:09 +0000

Hernán Krespo do të nisë karrierën si trajner në futbollin argjentinas dhe klubi që e ka zgjedhur është Banfield.

Ish-sulmuesi legjendar i Riverit, Parmës e disa klubeve të tjera në Europë drejtoi për pak kohë Modena-n në sezonin 2015/16 dhe tashmë hedh një hap të rëndësishëm, sepse Banfild është klub i stabilizuar në Primera dhe synon të marrë pjesë në kupat e Amerikës së Jugut.

“Krespo na paraqiti projektin e tij futbollistik, gjetëm marrëveshjen dhe javën e ardhshme do të vijë në Buenos Aires. Do të firmosim kontratë 1.5-vjeçare para Krishtlindjeve dhe do të prezantohet para familjes banfilenje”, njoftoi Oscar Tucker, zëvendëspresident i Banfild.

Si futbollist Krespo ka luajtur 64 ndeshje e ka shënuar 35 gola me kombëtaren, ndërsa ka fituar Libertadores me River Plejt në vitin 1996, përveçse ka fituar titullin në Angli e Itali, si dhe Kupën UEFA me Parmën në vitin 1999.

El Vicepresidente Oscar Tucker confirma el acuerdo con el nuevo entrenador de #Banfield, Hernán Crespo. También analizó el momento del Club dentro del contexto económico del país pic.twitter.com/MQ75lpx4JL

— Club A. Banfield (@CAB_oficial) December 14, 2018

Ringritja e Parmës, kthehet legjendari Krespo

Sport Ekspres — Sat, 29 Jul 2017 09:50:32 +0000

Një ikonë e futbollit italian në vitet ’90, një shembull se si provinca mund të prodhojë klube të mëdhenj, Parma prej disa vitesh vuan në kategoritë e ulta, si pasojë e falimentimit.

Tani më në fund Parma është kthyer në futbollin e madh, sepse ka siguruar kthimin në Serinë B italiane.

Një ndër lëvizjet e para të klubit të famshëm këtë verë është emërimi në postin e zëvendëspresidentit të Hernan Krespos.

Argjentinasi legjendar është një mit në Parma dhe prania e tij në grupin drejtues të Parmës është një sinjal i qartë se synohet kthimi te lavdia e dikurshme dhe forcimi i lidhjeve me tifozët, që në fakt as në Serinë D nuk e braktisën ekipin.