Keni fituar gjithçka në karrierën tuaj. A ndiheni i kënaqur me këto që keni arritur?

Vendosa të bëja një ndryshim vitin e kaluar. Lashë Realin pasi doja një motivim më shumë për karrierën time pas gjithë atyre që fitova në Madrid. Ishte një ndryshim i detyrueshëm, pasi besoja dhe besoj se kisha shumë më shumë për t’i thënë fansave, klubit tim të ri. Tani ndihem i motivuar dhe më pëlqen situata ku ndodhem. Natyrisht titujt janë gjëja që mua më shijon më shumë. Në sezonin e kaluar, falë zotit fitova tre të tillë: Kampionatin, Kupën me Juventusin dhe Ligën e Kombeve me Portugalinë. Kështu që mund të them se ishte një vit super.

A mund të jetë ky viti i Juventusit?

Çdo vit është viti i Juventusit, Realit, Barcelonës, por në një kompeticion si Champions League ka vetëm një fitues. Mund të marr shembullin e Barcelonës. Sa para kanë shpenzuar në pesë vitet e fundit duke blerë lojtarë të njohur dhe nuk e kanë fituar dot Champions-in. Nuk funksionin kështu. Juve është përforcuar tejmase. Jemi një ekip që mund të luftojmë denjësisht për trofeun. Megjithatë, ka shumë faktorë që hyjnë në mes. Shorti, grupet, forma e lojtarëve, dëmtimet dhe fati. Por gjithmonë kam thënë që s’duhet të fiksohemi pas Champions-it.  Juventusi do ta fitojë Championsin. Nëse jo këtë vit, të shpresojmë që vitin tjetër ose dy vite nga tani. Këtë e them duke marrë mënyrën se  si punohet dhe si planifikohet për të ardhmen.

Dëgjojmë që Sarri do t’iu caktojë një rol me liri të plotë në fushë. Ç’mund të na thoni për këtë?

“Shikoni, kjo s’mund të ndodhë pasi është kundër konceptit të skuadrës. Unë kam detyrat e mia: Mbuloj hapësira, ushtroj presion dhe shumë të tjera. S’mund të qëndroj vetëm në sulm dhe të bëj çfarë të dua. Vetëm duke duke qenë njësh me skuadrën mund të fitojmë gjëra të rëndësishme”.

Keni thënë që do luani deri në moshën 40-vjeçare. Do ta mbani këtë premtim?

“S’jam i shqetësuar për këtë gjë. Gjithçka do të varet nga si do ndihem në vitet në vazhdim. Është çështje motivimi, pasi në aspektin fizik, nuk kam pasur kurrë probleme. E trajtoj veten mirë, prandaj mendoj se do të jetë diçka psikologjike. Shpresoj të mos kem probleme derisa të mbush 40 vjeç, por edhe sikur të ndodhë, s’ka asnjë problem. Jeta e tillë është, çdo fillim e ka një fund”.

Po flitet për shumë për një kalim te Nejmar te Barcelona?

“Nuk e di ç’do të ndodhë. Është një lojtar i madh me të cilin kam raporte shumë të mira. Flitet për shumë për të, sikur e kërkon Reali, Barcelona dhe Juventusi, por unë mendoj se këto janë thjesht fjlë mediatike. Është  e kuptueshme pasi emri i Nejmar shet shumë. Unë mendoj se ai do qëndroj në Paris. S’po kalon një moment të mirë, por nëse nuk dëmtohet më jam i sigurt që do t’i rikthehet gëzimi. Dëshiroj që të luajë sa më shumë, pasi ka kaluar kohë të këqija”.

Cilët mendoni se do të jenë favoritët për Champions-in e vitit të ardhshëm ?

“Shoh të njëjtat skuadra, pavarësisht merkatos që bëjnë. Real, Barcelona, Atletiko, Juve, Bajern dhe Liverpul.  Ka dhe disa të tjerë, por këto shikoj kryesoret. Barcelona dhe Real kanë më shumë para nga të gjithë, Siti gjithashtu mund të jetë pjesë e favoritëve, por në futboll nuk fitojnë gjithmonë favoritët”.

Thuhet se ju keni luajtur një rol shumë të rëndësishëm në transferimin e De Ligt?

“Jo, nuk e besoj. Më vjen mirë që ma bëtë këtë pyetje. Në finalen e “Nations League”, bëmë një bisedë, që është diçka normale që e bëjnë të gjithë futbollistët. Ajo duhet të qëndronte mes nesh në fushë, por ai është 19 vjeç dhe e tha thjesht si një shaka. Gjithsesi, unë kurrë s’kam dhe s’do influencoj trajnerin ose drejtuesit për merkaton. Megjithatë, e vërteta është që jam shumë i gëzuar që ai është pjesë e jona tani”.

A imagjinoni dot jetesën në Madrid në të ardhmen ?

Sigurisht që po. E kam thënë dhe më parë, që është një qytet që na pëlqen të gjithëve, nuk e përjashtoj si mundësi. Tani për tani jam i fokusuar në Itali dhe të Juventusi ndihemi shumë mirë, por nuk i dihet kurrë. Në këtë qytet kemi përjetuar momente shumë të mira dhe sigurisht që mund të vij këtu për të jetuar në të ardhmen. Të shohim. Tani duhet të mendojmë për të shijuar të tashmen”.

https://twitter.com/Footy_Headlines/status/1151107086237032448

Shkak për këtë është bërë një marrëveshje që drejtuesit e Juventusit kanë firmosur me kompaninë japoneze “KONAMI”, e cila tani ka ekskluzivitetin e përdorimit të emrit në video-lojën e saj “PES 2020”.

Megjithatë, një lajm i mirë është se emrat dhe paraqitja fizike e lojtarëve nuk do të preket, pra në video-lojë do të mungojë vetëm emri dhe stema e klubit.

OFFICIAL: Juventus will be known as Piemonte Calcio in FIFA 20 after signing a deal with PES ?

How the tables have turned… pic.twitter.com/lVkW1Wmuqq

— FourFourTwo (@FourFourTwo) July 16, 2019

Për të plotësuar 100 finalizime Mbapesë iu deshën 180 ndeshje. Idhujt e tij Kristiano Ronaldo dhe Lionel Mesi e kanë arritur këtë shifër golash në moshën 22-vjeçare, ndërsa i vetmi futbollit që i afrohet Mbapesë në këtë rekord është sulmuesi brazilian Ronaldo, i cili gjithashtu ka kapur shifrën e 100 golave në moshën 20-vjeçare.

CR7 zhbllokoi takimin në minutën e 25-të me anë të një goditje dënimi. Në fillim të pjesës së dytë Zvicra mori kontrollin e lojës dhe barazoi me anë të një penalltie të akorduar me anë të sistemit VAR.

Kur mendohej se ndeshja do shkonte në shtesë, Ronaldo bën atë që di të bëjë më mirë duke shënuar dy gola në tre minuta. Në finale Portugalia do të ndeshet me fituesen e ndeshjen midis Anglisë dhe Holandës.

PORTUGALIA 3 – 1 ZVICRA
Shënues: Ronaldo 25′, 88′, 90′ / Rodrigez 57′

CR7 bëri që festa të niste në stadiumin e Portos, duke u treguar i saktë në një goditje dënimi në minutën e 25-të ,duke lënë të shtangur në vend portierin Jan Somer.

Risia më e fundit e koleksionit të CR7 është një produkt i markës angleze “McLaren”. Me anë të një postimi në “Instagram”, Ronaldo i ka prezantuar të gjithë botës supermakinën e re “McLaren Senna”.

Portugezi është një ndër personat e parë në planet që merr në përdorim këtë automjet emri i të cilit përkujton pilotin brazilian të Formula Uno, Airton Sena.

https://www.instagram.com/p/Bx2IXW2oxtg/?utm_source=ig_web_copy_link

“McLaren Senna” është një automjet i ndërtuar për pistat e garave, por në të njëjtën kohë plotëson dokumentacionin për përdorim të përditshëm. Kompania angleze garanton blerësit se automjeti mund të kapë 100 kilometra në orë në vetëm 2.8 sekonda, ndërsa për të shkuar në 300 kilometra në orë, makinës i duhen 18.8 sekonda. Shpejtësia maksimale e reklamuar është 335 kilometra në orë.

SITUATA ME INSINJEN – “Di vetëm që ai është një lojtari i Napolit dhe një napolitan. Insinje e ka treguar gjithmonë se ka një lidhje të fortë me këtë fanellë, por unë nuk mund ta detyroj të qëndrojë. Ka kërkuar të largohet katër ose gjashtë vite më parë, pasi më tha se nuk ndihej i respektuar nga tifozët”.

KRISTIANO RONALDO –  “Ronaldo është një lojtari i veçantë, pasi ka zëvendësuar trajnerin te Juventusi. Më thoni çka bërë Alegri këtë sezon. Ai është njeriu që motivon skuadrën. E kam parë njëherë të luajë me Portugalinë dhe po qëndronte në stol atë ndeshje. Bërtiste më shumë se trajneri në mënyrë që të motivonte lojtarët. Nuk mund ta merrja në Napoli. Prindërit më kanë mësuar që të mos shpenzoj më shumë se ç’i kam mundësitë”.

Më tej De Luarentis foli mbi idenë e futjes së një formati play-off në Serie A: “Për mendimin tim është një propozim i gabuar. Duhet një qasje tjetër dhe serioze për këtë çështje”.

Dolores Aveiro ka postuar një foto të birit të saj me një mbishkrim në gjuhën spanjolle që krejtësisht i trilluar dhe qesharak.

“Kristiano është lojtari që ka shpëtuar Juventusin nga rënia dhe i rikthyer ata te fitimi i kampionatit pas 20 vitesh pritje. E pabesueshme. E pabesueshme”, lexohet në mbishkrim, ndërsa mamaja e futbollistit shkruan më poshtë: Krenaria ime, biri im.

Futbollisti i Juventusit flet mbi suksesin e tij, presionin e madh që e shoqëron gjatë çdo ndeshje dhe mundësinë e një të ardhme në rolin e trajnerit.

Njerëzit presin shumë nga ju, si e përballoni këtë presion?
“Ka njerëz që presin shumë nga unë dhe të tjerë që dëshirojnë pafundësisht që unë të humbas një penallti ose të mos bëj mirë në një ndeshje vendimtare, gjithsesi kjo është pjesë e jetës dhe mua nuk më mbetet gjë tjetër përveç se të jem i përgatitur. Nuk e mohoj që ndonjëherë më bezdis kjo gjë. Është e vështirë. Presioni vjen dhe nga shokët e familja. Kjo më motivon natyrisht, por ka ndonjë moment që them: Ju lutem lërmëni të qetë”.

Ju pëlqen më futbolli?
E shikoj futbollin si një mision. Futem në fushë që të fitoj dhe të përmirësohem. Dikur futesha në fushë duke menduar vetëm për driblimet që mund të bëja. Kjo nuk ndodh më. Njerëzit janë gjithmonë duke më paragjykuar. Thonë për shembull: Është 33, 34, 35 vjeç, ka mbaruar. Kjo më bën që t’i provoj të kundërtën”.

Disa mendojnë se jeni kthyer një lloj roboti?
“Nuk mendoj se njerëzit më shikojnë ashtu, por ka shumë që mendojnë se unë jam një njeri që kurrë nuk ka probleme. Si një njeri që nuk trishtohet kurrë dhe s’ka asnjë shqetësim. Këta njerëz kujtojnë se po të kesh para nuk ke asnjë problem. E kuptoj që këta njerëz nuk mendoj njësoj si unë. Botëkuptimi i tyre është shumë i vogël. Disa prej tyre mezi presin që unë të bëj keq. Jam mësuar me këtë situatë në moshë shumë të re. Në 10 vitet e fundit gjithmonë kam pasur më shumë presion se çdokush tjetër. Fitova Topin e Artë në moshën 23-vjeçare, ndërsa më pas u bëra lojtari më i shtrenjtë në planet kur më bleu Reali”.

Cila është gjëja e parë që bën kur shkon në një klub të ri ?
Thjesht tregohem vetvetja, asgjë më shumë. Disiplina ime mbetet e njëjtë. Një atlet i zgjuar di çdo detaj që mund ta bëj atë më të mirë. Te Juventusi u përshtata në mënyrë perfekte. Ata e panë që unë nuk jam ndër ata që kam vetëm fjalë. Të folurit është diçka krejt tjetër nga të bërit. S’i kam fituar kot 5 Topa të Artë dhe 5 Champions”.

Raporti me Spanjën?
Populli spanjoll më ka trajtuar mirë. Investoj këtu dhe kam dëshirë të hap vende punë për ta, pavarësisht se jam pasur probleme të shumta me institucionet tatimore. Jam larguar me kokën lartë, e di se njerëzit më duan. Ata e dinë sa shumë unë i kam dhënë Realit, sigurisht edhe unë kam marrë shumë mbrapsht. Kur lëviz rrugëve më thonë: Hej, Kristiano hajde në shtëpi, këtu do të jetë gjithmoën shtëpia jote”, më pëlqen kur e dëgjoj këtë.

Përse keni kaq shumë fansa anembanë botës?
“Çdo gjë që kam e kam fituar falë aftësive të mia. Jam njeriu me numrin më të lartë ndjekësve në Instragram pasi shumë persona identifikohen me mua. Mendoj se motivohen nga unë”.

Keni bërë shumë shokë në futboll?
“Mund të them se po, por shiko ka diçka. Jetojmë në një botë të ndërlikuar. Nëse do pyesje një modele a ke shumë shoqe në modele, mund të hamendësosh se po, por në të vërtetë nuk është se ato darkojnë me njëra-tjetrën në shtëpi me modele të tjera”.

Në asnjë intervistë nuk jeni pyetur mbi mundësinë e një të ardhme si trajner ?
“Nuk e përjashtoj si mundësi”.

A e ke menduar që ta lësh futbollin në Barcelonë? Atje ka edhe plazh…
“ (qesh) Barcelona nuk është për mua. Kam shkuar disa herë atje dhe le të themi që njeziët nuk e përqejnë dhe aq shumë Kristianon. Gjithsesi po të marrësh parasysh rivalitetin është normale”.

Një goditje e fortë tokazi nuk i la asnjë shans portierit Samir Handanoviç, i cili ngeli i shtangur në vend. Ky ishte goli i 600-të i Ronaldos në rang klubesh.

Cristiano Ronaldo has just scored his 600th career club goal ?

?? Real Madrid (450)
??????? Man Utd (118)
?? Juventus (27)
?? Sporting CP (5) pic.twitter.com/kjXN1oGEay

— SPORTbible (@sportbible) April 27, 2019

Djali më i madh i futbollistit portugez udhëhoqi drejt trofeut skuadrën e 9-vjeçarëve të Juventusit në një turne të zhvilluar në vendlindjen e babait te tij, në ishullin e Madeirës.

Në finale bardhezinjtë mundën me penallti bashkëmoshatarët e Atletiko Madrid. I biri i Kristiano Ronaldos ishte golashënuesi më i mirë i turneut me 9 gola, një arritje kjo që gëzoi shumë gjyshen e tij Dolores Aveiro që shpërndau në “Instagram” një foto të suksesit të skuadrës së nipit të tij.

https://www.instagram.com/p/BweUQitDJd-/?utm_source=ig_web_copy_link

Një prapaskenë mbi gjendjen emocionale të 34-vjeçarit e ka zbuluar mamaja e tij Dolores Aveiro për mediet portugeze gjatë një interviste: “Ishte i mërzitur, më tha: Mama, unë nuk mund të bëj mrekulli. Ai donte të shkonte sërish në finale, por në Champions i mungoi pak fati, ndërsa në kampionat gjërat po shkojnë mirë. Do ta provojë sërish. Jeta vazhdon”.

Kjo është hera e parë në nëntë vite që Kristiano nuk arrin në fazën e gjysmëfinaleve të Champions-it. Duhet të kthehemi pas në vitin 2010, kur Lioni eliminoi Real Madridin e Pelegrinit për të gjetur një Champions pa Ronaldon në gjysmëfinale.

Sipas ish-kapitenit të kombëtares shqiptare transferimi i Ronaldos te Juventusi nuk mund të quhet dështim, pasi portugezi ka shënuar shumë në Itali dhe ka treguar se di të bëjë diferencën në momente të rëndësishme siç ishte ndeshja ndaj Atletikos.

“Nuk mund ta quajmë dështim transferimin e Ronaldos te Juventusi. Ka shënuar shumë gola në Itali, ndërsa ka qenë vendimtar në ndeshje të rëndësishme si ajo ndaj Atletikos dhe ndeshja e parë me Ajaksin në Amsterdam. Ajo që duhet të merremi është gjendja e Juventusit në këto gjysmëfinale. Ana psikologjike e ekipit nuk ishte e duhura”.

“Mandzhukiç ishte një mungesë shumë e rëndësishme, Kielini gjithashtu. Nuk po them se Kielini do të ndryshonte lojën, por do t’i jepte një zë në mbrojtje që do të dinte si t’i mblidhte lojtarët. Gjithsesi, mendoj se Juventusi në një ditë të mirë do të luante shumë ndryshe nga sot”.

“Unë në Serie A kam mbërritur në vitin 2012. Pak vite më parë Juventusi ishte një klub që mezi kapte Champions-in. Në tetë vite janë kthyer në super klub kjo është merita e presidentit Anjelit dhe sot ai mban përgjegjësitë. Morën Ronaldon për të shkuar në katërshen e klubeve botërore. Në futboll ka dhe hapa fals, por jam i bindur se një ditë do t’ia dalin”.

Në 28 ndeshje “pleshti” ka gjetur 32 herë rrugën e rrjetës, duke qenë lojtari kyç në çdo ndeshje të katalanasve. Kjo ecuri e mirë ka bërë argjentinasi të thyejë një tjetër rekord të Kristiano Ronaldos.

Portugezi ka shënuar 19 gola në Itali, një shifër që do ishte e kënaqshme për çdo sulmues, por  jo për standardet që “CR7” na ka mësuar të shohim në dekadën e fundit. 34 vitet e luzitanit po bëjnë të vetëm, mjafton të themi se në dy sezonet e fundit ai nuk e ka kaluar shifrën e 30 golave.

415 – Messi is now the top goal-scorer ever in the Top 5 European leagues (415), ahead of @Cristiano (414). Legend. pic.twitter.com/JGxyP3Am61

— OptaJose (@OptaJose) April 3, 2019

Me golin që Mesi shënoi ndaj Vijarealit ai kaloi rekordin e Ronaldos përsa i përket golave të shënuar në pesë kampionatet elitare (Itali, Angli, Spanjë, Gjermani, Francë), duke shënuar regjistruar shifrën 415 finalizime. Për të kaluar rekordin e përgjishëm të Ronaldos, Mesit i duhen dhe tri gola të tjera, pasi portugezi ka shënuar në total 417 gola, po të marrim parasysh dhe tri golat e tij në sezonin 2002/2003.

“Nuk patëm shumë raste për shënim. Ata na sulmuan me shumë vetë duke na detyruar të qëndrojmë në mbrojtje. E gjetën golin e parë shumë shpejt dhe kjo i vuri në një pozitë të mirë për pjesën e mbetur të ndeshjes. Ishin më të mirët nga ana taktike dhe në topat e dytë dhe prandaj fituan ndeshjen”.

“Më duhet ta uroj rivalin, pasi sulmuan shumë mirë. Sigurisht edhe ne gabuam, por se ku ia them vetëm lojtarëve të mi. Gjithsesi e përsëris nuk u eliminuam se bëmë një lojë të keqe, por se kundërshtari ishte shumë më mirë se ne”.

RONALDO – “Është një ndër lojtarët më të mirë në botë. Është mëse normal që të shfaqet në ndeshje të tilla. Festimi? Me siguri ka për festimin tim dhe donte të tregonte dhe ai karakterin e tij”.

Ronaldo doing ‘The Simeone’…pic.twitter.com/EAdcCThtEq

— Football Mumble (@football_mumble) March 12, 2019

MESAZH PËR FANSAT – “U them mbështetësve të Atletikos që të na vazhdojnë të na ndjekin akoma më të shumtë në kampionat”, përfundoi Simeone.

Statistikat e Ronaldos  ndaj Atletikos janë të frikshme. “CR7” është lojtari që u ka shënuar më shumë gola skuadrës madrilene plot 21 të tillë dhe shumica kanë ardhur në ndeshje me rëndësi të veçantë.

Eliminimi i sotëm në Champions e çon në katër numrin e rasteve ku portugezi ka çuar në shtëpi me fytyrën ngrysur ekipin e Simeones në këtë kompeticion pasi në të shkuarën ka triumfuar me Realin në finalet e 2014-ës dhe 2016-ës dhe çerekfinalet e vitit 2015-të.

Ndërkohë një rekord tjetër shtangës i Ronaldos është dhe fakti që ai ka shënuar më shumë gola në Champions se sa i gjithë klubi i Atletikos në historinë e tij më shumë se 100-vjeçare. 124 ndaj 118.

?????????????????????????????? To you @Simeone https://t.co/NvWlUSlpmo

— Cristiano Ronaldo News (@CRonaldoNews) March 12, 2019

Në takimin e parë, Simeone festoi njërin prej golave të skuadrës së tij me një mënyrë aspak të hijshme. Natën e sotme portugezi ia ktheu me të njëjtën monedhë duke imituar me ironi festimin e “El Cholo”-s.

https://twitter.com/JuanStats/status/1103662333253939201

Heroi i ndeshjes ishte padyshim Kristiano Ronaldo, që realizoi tripletën e golave që çon Juventusin në fazën çerekfinale të UEFA Champions League. Edhe pse ka ikur nga Spanja, portugezi vazhdon të mbetet një makth për skuadrën e Atletiko Madrid, sidomos në Champions ku i ka mundur dy herë në finale me Real Madrid.

Gjithsesi meritat i takojnë dhe pjesës tjetër të skuadrës e trajnerit Alegri, pasi rreziku i Atletikos u neutralizua krejtësisht përgjatë të gjithë 90-minutëshit.

Juventus 3 – 0 Atletiko Madrid
Shënues: Ronaldo 27’, 48’, 86’ (pen)

Rezultati i përgjithshëm tani është i barabartë, por te Juve duhet të bëjnë kujdes, pasi një gol i Atletikos mund të “shkrumbojë” gjithçka.

Për të motivuar skuadrën dhe tifozët mendon ylli i ekipi Kristiano Ronaldo, i cili në një intervistë për “Juventus TV” flet për takimin e ditës së nesërme.

“Besojmë gjithmonë, mendojmë pozitivisht. Përmbysja është e mundur. Por do të na duhet ndihma juaj për ta bërë stadiumin të bukur, ne do të bëjmë më të mirën e mundshme në fushë”.

“Do të jetë një natë e madhe, një natë Champions-i. Po mendojmë vetëm për Atletikon, ata janë një skuadër e fortë që mbron mirë, janë gjithmonë me këmbë në tokë dhe kanë një stil loje shumë luftarak. Futbolli i tillë është. Askush nuk e priste që ne të mundeshim në ndeshjen e parë, por gjithçka do të ndodhë. Tani na duhet t’u japim një kundërpërgjigje para publikut tonë”.

“Po zhvillojmë një sezon të shkëlqyer, sidomos në kampionat. Dy objektivat tona janë “Scudetto” dhe Champions League. Sekretet e mija? Unë kam shumë. I dedikohem i futbollit, ndërkohë dhe gjej kohë për t’u zbavitur kudo ku kam luajtur. Ëshë një kënaqësi e madhe për mua që të shënoj gola e të ndihmoj skuadrën time”, përfundoi Ronaldo”.

? @Cristiano is ready. And you? #GETREADY TO COMEBACK!
L'intervista completa su @JuventusTv ? https://t.co/yySGPPplz0#JuveAtleti #UCL pic.twitter.com/Z8K2m5RGje

— JuventusFC (@juventusfc) March 10, 2019

Sipas tifozëve juventinë, trajneri italian bën një lojë mbrojtëse dhe kjo gjë sipas tyre është e pakuptueshme, ku në sulm ka emra si Dibala dhe Ronaldo. Edhe vetë ylli portugez replikoi me Alegrin gjatë ndeshjes.

Kjo pasi Ronaldo po shtynte përpara duke bërë presing, ndërsa pjesa tjetër e skuadrës qëndronte në mbrojtje. Ronaldo i bën një gjes me duar Alegrit, ku i kërkon këtij të fundit të shtyjë ekipin përpara. Në rrjetet sociale, komentet kanë qenë të shumta dhe disa tifozë, kritikojnë ashpër Alegrin.

“Mister!” pic.twitter.com/ce6oahWEEB

— Davide Rovati (@friedgorgo) March 3, 2019

Sipas medieve italiane klubi oferta maksimale e klubit ka qenë 7.5 milionë euro në sezon, pagë kjo që do ta rendiste atë të dytin në renditjen e lojtarëve më të paguar në kampionatin italian, pas Kristiano Ronaldos.

“Eurosport” ka bërë një renditje të lojtarëve më të paguar të në Serie dhe me pagën aktuale, Ikardi renditet në vendin e pestë. Fakt tjetër interesant i kësaj liste është  në shtatë vendet e para Juventuesi ka një supremaci të frikshme me gjashtë lojtarë.

Lojtari  |  Paga vjetore (pas taksimit)

1.Kristiano Ronaldo – 31 milionë €
2.Paolo Dibala – 7 milionë €
3.Miralem Pjaniç – 6.5 milionë €
4.Xhanluixhi Donaruma – 6 milionë €
5.Duglas Kosta – 6 milionë €
6.Leonardo Bonuçi – 5.5 milionë €
7.Emre Çan – 5 milionë €
8.Lorenco Insinje – 4.6 milionë €
9.Mauro Ikardi – 4.5 milionë €

Ibrahimoviç foli për “DAZN”, ku u shpreh: “Nuk kam thënë që transferimi i Ronaldos te Juventusi është i gabuar. Fjalët e mia janë keqkuptuar. Thjesht kam dashur të thoja që ardhja e Ronaldos te skuadra që ka fituar titullin shtatë vite radhazi nuk është një sfidë.

Nuk është sfidë të shkosh te një nga ekipet më të mira në botë. Ndoshta ka dashur të thotë diçka tjetër në vend të sfidës. Për mua, një sfidë është të shkosh te një skuadër dhe të jesh lider, ta çosh përpara.

Gjithsesi, nuk mund të them që ky transferim është shumë i rëndësishëm për futbollin italian, pasi për mua, Serie A është shtëpia e dytë”,- u shpreh Ibrahimoviç.

Hoteli i ri i bosit portugez mendohet që t’i hapë dyert në fillim të 2020-s. Ky hotel do të ketë 174 dhoma, dy restorante, një qendër biznesi dhe një Spa. Sikurse kuptohet, kemi të bëjmë me një hotel të standarteve më të larta. Ndërtesa do të mbajë emrin “Pestana CR7”.

Çdokush që dëshiron të kalojë një natë në këtë hotel duhet të shpenzojë 200 euro. Tashmë, pas paraqitjeve të shkëlqyera me topin në këmbë, ylli portugez, duket se kërkon suksesin dhe në botën e biznesit.

“Më duhet të përgëzoj ekipin për mënyrën se si luajtën, mbi të gjitha mbrojtjen, që nuk pësoi gol. Rrezikuam në fillim, por pas çerek orëshit të parë e morëm veten. E kishim përgatitur ndeshjen ndryshe, por na u desh të ndryshonim”.

Dibala? – “Ai së bashku me Bonuçin kanë luajtur më shumë ndeshje nga të gjithë. Sot luajti mirë. Ndonjëherë mund të ulesh dhe në stol thjesht për të bërë një ndryshim. Bentakur duhet të përmirësohet. Mesfushorët duhet të bëjnë 5-6 gola secili”.

Dibala njeriu ideal përkrah Ronaldos? – “Paulo luan gjithmonë të njëjtin rol. Ronaldo është më ndryshe, kërkon më shumë fizik afër. Dibala dhe Ronaldo mund të luajnë bashkë. Në rast se përqendrohesh te statistikat, Ronaldo dhe Benzema luajtën bashkë për 10 vite në Madrid. Statistikat nuk tregojnë asgjë”, përfundoi Alegri.

Kreun e mban Leo Mesi, i cili paguhet nga Barcelona me një shumë rekord prej 8.3 milionë eurosh në muaj, që bashkë me taksimin i kushton rreth klubit katalanas rreth 140 milionë euro në vit.

Ndjekësi i dytë është Kristiano Ronaldo. Portugezi paguhet pothuajse sa gjysma e Mesit nga Juventusi me 4.7 milionë euro në muaj, ndërsa fatura vjetore për klubin e Juventusit mbas taksave është 70 milionë euro.

Vendi i tretë i “podiumit” mbahet nga Grizman, i cili përfiton 3.3 milionë euro në muaj, ndërsa Nejmar renditet i katërti me 3.06 milionë euro.  Pesëshja e parë mbyllet me Luis Suarez që merr 2.9 milionë euro në muaj.

Gareth Bejl renditet i gjashti me 2.5 milionë euro në muaj. Pas uellsianit është Filipe Kutinjo me 2.3 milionë euro. Në vendin e  parë kemi përfaqësuesin e parë nga kampionati anglez: Aleksis Sançez. Kiliani paguhet 2.28 milionë euro në muaj nga Mançester Junajtid.

Vendi i nëntë i takon lojtarit më të ri të listës. 20-vjeçari Kilian Mbape paguhet 1.73 milionë euro në muaj, ndërsa i vendi i dhjetë dhe i fundit mbahet nga fantazisti gjerman Mesut Ozil, kontrata e të cilit me Arsenalin i garanton 1.6 milionë euro në muaj.

Kristina është shumë aktive në rrjetin social “instagram”, ku në llogarinë e saj ka në shumë se 2 milionë ndjekës. Sigurisht kjo vëmendje kaq e madhe është arritur falë formave të saj fantastike, që nuk ngurron t’i ndajë  me  gjithë botën me anë të fotove nga më provokueset.

Protagonistët e takimit të sotëm ishin Kristiano Ronaldo dhe Zhervinjo. Pesë herë fituesi i Topit të Artë pati rol në çdo gol të Juventusit, teksa shënoi dy herë dhe dha asistin  e golit të Ruganit.

Në minutën e 62-të, CR7 çoi shifra në 3 – 0 dhe normalisht u duk si një ndër goleadat që jemi mësuar të shohim shpesh nga Juventusi, por futbolli nuk ndal së befasuari. Parma shënon pas vetëm dy minutash me Barilan, ndërsa ish-lojtari i Romës Zhervinjo befason me dopietën e tij me golat e shënuar në minutën e 74-të dhe 93-të.

Për të dhënë një opinionin të paanshëm ka menduar Zhoze Murinjo. Ish-trajneri i Mançester Junajtid, foli për dy yjet e futbollit botëror në emisionin e “Bein Sports”, ku punon prej disa muajsh si analist.

“Mendoj se është e padrejtë për të dy që të thuash se njëri është më i mirë se tjetri. Mendoj se ata janë të ndryshëm. E vetmja gjë që mund të them për këtë temë është se kur kam pasur Ronaldon në ekip, ai ka kaluar një moment shumë të mirë, ndërsa kur më duhej të luaja kundër Mesit më është dashur të punoj e të mendoj shumë për të përgatitur skuadrën”.

“Ajo që admiroj tek ata është konsistenca e vazhdueshme që tregojnë, pavarësisht viteve. Mund të ndodhë që fitosh njëherë, por ata nuk dinë të ndalojnë së fituari. Në futboll mund të paraqitesh si një urugan e më pas të zhdukesh për çështje muajsh”.

“Ata dy djem janë në majë të futbollit prej 10 vitesh, dhe kjo do të vazhdojë të qëndrojë kshtu derisa në ata të vendosin t’u lënë stafetën brezave të rij”, përfundoi Murinjo.

Bëhet fjalë për një foto “selfie”, që CR7 e ka shkrepur në bordin e një avioni. Gjithçka do të ishte krejt normale, por në situatën e ditëve të sotme, ku vëmendja kryesore e botës së futbollit i është kushtuar zhdukjes së avionit që mbante në bord sulmuesin argjentinas Emiliano Sala.

??? pic.twitter.com/zC80kfMES8

— Cristiano Ronaldo (@Cristiano) January 22, 2019

Fotoja e portugezit ka sjellë reagime dhe nga figura të sportit, një ndër to Geri Lineker. Ish-futbollisti anglez iu përgjigj pesë herë fituesit të Topit të Artë në rrjetin social “Tëitter”, duke i shkruar: “Nuk është dita për këtë postim,  me të vërtetë nuk është”.

Not the day for this tweet. It really isn’t. https://t.co/61y6cgEzm0

— Gary Lineker (@GaryLineker) January 22, 2019

Më pas anglezi shpjegoi se është i bindur se Ronaldo nuk ka qenë në dijeni të lajmit kur është postuar foto, por të paktën dikush i afërt duhet ta kishte informuar.

Francezi nuk iu shmang pyetjes, duke u përgjigjur në një mënyrë “diplomatik”: “Ndihem mirë këtu, por të ardhmes nuk i dihet kurrë. Më pëlqen se si po shkojnë gjërat te PSG-ja. Kam një kontratë me këtë klub deri në vitin 2022 dhe nuk është ky momenti për të menduar gjëra të tjera”, tha Mbape.

Duhet përmendur se Mbape në të shkuarën ka qenë shumë pranë firmës me Real Madrid. Kur sulmuesi ishte 14 vjeç ai kreu një provë të Real Madrid, të cilën e kaloi me sukses, por ndërhyrja e Monakos në momentet e fundit bëri mamaja e djaloshit ta dërgonte.

Futbollistët janë ndër frekuentuesit më të rregullit të Dubait. Me mijëra po shfrytëzojnë pushimin e kampionateve përkatëse dhde po shishojnë disa dita relaksi larg stërvitjes dhe fushave të blerta. Ndër to është dhe Kristiano Ronaldo, i cili së bashku me partneren e tij argjentinase, Zhorzhina Rodrigez, ka tërhequr vëmendje e shumë medieve botërore.

https://www.instagram.com/p/BsC7i83A7P8/?utm_source=ig_web_copy_linkhttps://www.instagram.com/p/BsDf4EGgmwz/?utm_source=ig_web_copy_link

https://www.instagram.com/p/BsDf4EGgmwz/?utm_source=ig_web_copy_link

Sipas të dhënave të sajtit të njohur të statistikave “whoscored”, argjentinasi është në krye të listës përsa i përket golave të shënuar dhe asisteve. Dominanca e Mesit vazhdon dhe në aspektin e më shumë “pasave vendimtare” dhe golave nga goditjet e dënimit. Driblimet janë gjithashtu një aspekt i lojës ku Mesi “mbretëron” i qetë. Por, ka një aspekt ku renditet i dytë.

Bëhet fjalë për numrin e gjuajtjeve gjatë një ndeshje, ku listën e kryeson Kristiano Ronaldo. Megjithatë, kjo statistikë tregon se portugezi nuk është aq efikas sa Mesi, i cili edhe pse e godet më pak portën e kundërshtarit, shënon më shumë se sulmuesi i Juventusit.

Në një intervistë për revistën kroate “SN”, mesfushori i Real Madrid u shpreh se veprimi i Mesit dhe Ronaldos nuk ka qenë i aspak i hijshëm. Në të njëjtën intervistë 33-vjeçari shpjegon se përse e meriton ai çmimin.

Çfarë mund të thoni për mungesën e Mesit dhe Kristiano Ronaldos në ceremoninë e Topit të Artë dhe për kritikat e shumta që erdhën nga rrethi i tyre i ngushtë e fansat e tyre pasi ju u shpallët fitues?

Nuk mund ta di se përse dikush nuk erdhi, kjo është zgjedhja e tyre. Sidoqoftë si pas meje nuk ka shumë logjik të mos marrësh pjesë në ceremoninë e Topit të Artë. Mesa duket kanë pasur qejf të vijnë vetëm kur e dinin se do të fitonin çmimin. Nje sjellje e tillë është e padrejtë ndaj lojtarëve, fansave, futbollit dhe votuesve që ia kanë dhënë çmimin për 10 vite rresht. Por, në fund të fundit çcdokush mund të veprojë si të dojë.

Ndoshta atyre nuk u ka pëlqyer fakti që ti i dhe fund dominimit që ata i bënë këtij çmimi ?

Shiko, gjithçka është shumë e thjeshtë për mua. Mesi dhe Ronaldo janë dy fenomenë që kanë dominuar futbollin këto dhjetë vitet e fundit. Ata janë një nivel mbi të gjithë të tjerët përsa i përket aftësive. Por, ky është një çmim sezonal. Shumica e trajenerëvem lojtarëve aktivë dhe jo-aktivë, gazetarëve dhe fansave votuan për mua dhe jo vetëm në këtë çmim. A ka qenë të gjithë gabim? Nëse çmimet do të jepen vetëm sipas kriterit të aftësive, atëherë le t’i mbyllim votimet dhe t’ua japim çdo vit Ronaldos dhe Mesit.

Fill pas tyre erdhi dhe reagimi i Maksimiliano Alegrit, i cili mbajti të njëjtin qëndrimin dhe e këshilloi portugezin ta përdorte këtë si një stimul për të ardhmen. I treti në radhë ishte klubi i Sportingut të Lisbonës, që sigurisht mbajti krahun e futbollistit të dalë nga akademia e tyre, duke postuar në  “Twitter” një video me mbishkrimin: “Ronaldo, më i madhi të gjithëve kohërave”.

'@Cristiano , the Greatest Of All Time. pic.twitter.com/Iu5nxvxYcU

— Sporting CP (@SportingCP) December 3, 2018

Listës së reagimeve “Pro-Ronaldo”, i është shtuar dhe një deklaratë e agjentit të lojtarit, Zhorzh Mendezh, i cili tha se lojtari i tij ka qenë më i miri kudo ku ka shkuar, qoftë në Angli, Spanjë ose së fundmi në Itali e rrjedhimisht është lojtari më i madh i të gjitha kohërave.

Sipas “AS”, Ronaldo e ka justifikuar këtë vendim me faktin se ai ka pak kohë që ka ikur nga Real Madrid dhe dëshira e tij për t’u larguar nga Real Madrid erdhi si një lajm i papritur për shumë vetë në klubin madrilen.

Mbetet parë t’u parë se cili do të jetë vendimi i Lionel Mesit. “Pleshti” ndonëse, argjentinas nuk është tifoz i asnjë prej skuadrave finaliste të Kupës Libertadores. Ekipi i zemrës i sulmuesit të Barcelonës është skuadra e qytetit të tij të fëmijërisë Newell Old Boys.

Stoiçkov luante me Barcelonën dhe arriti të dërgojë Bullgarinë në gjysmëfinalet e Botërorit të zhvilluar në SHBA. Dështonte përballë Baxhos dhe Maldinit për të kaluar në finalen e madhe dhe dilte me kokën ulur përballë Maldinit në një tjetër finale të madhe, finalen e Ligës së Kampioneve (Milan-Barcelona 4-0). Megjithatë, ai ia doli të shpallej më i miri dhe t’i dhuronte emocione e krenari Bullgarisë së tij.

Sonte është nata e Luka Modriç. Në ndryshim nga Stoiçkov, ai është i “ftohtë”, i thjeshtë dhe modest, përveçse i super talentuar. 33-vjeçari kroat i Realit të Madridit ka arritur të thyejë “duopolin” Mesi-Kristiano Ronaldo. Dyshja e famshme kishte ndarë midis tyre 10 trofetë e fundit, ndërsa mesfushori arriti t’i jepte fund diçkaje të tillë.

Lajmi është zbuluar përpara zhvillimit të ceremonisë së ndarjes së çmimit. Një foto e renditjes përfundimtare ka filluar të qarkullojë në rrjetet sociale gjatë orëve të fundit, duke i dhënë fund përpara kohe dilemave të fituesit të “Topit të Artë” 2018.

Modriç është një nga futbollistët më të mirë në botë dhe e meriton pa dyshim këtë vlerësim. Unik në rolin e tij, cilësi dhe inteligjencë futbollistike të një niveli të lartë dhe shumë sakrifica për ekipin dhe shokët e skuadrës mes përulësisë dhe kilometrave pafund të përshkruara.

Talenti i tij është natyral, por puna për të mbërritur deri këtu nuk ka qenë e lehtë. Profesionalizëm dhe perfeksionim i stilit të lojës në mënyrën më të thjeshtë të mundshme, me pak fjalë një futbollist “bio”. Gjithmonë njësoj, çdo ndeshje e më mirë. Kroati vjen nga një sezon i pabesueshëm! Champions-i i tretë rresht i fituar me Realin e Madridit dhe nënkampion bote me Kroacinë.

Të paharrueshme ndeshjet epike të ekipit kroat në Rusi, udhëhequr nga Daliç në pankinë dhe Luka në fushë. Lideri i heshtur ka fituar të gjithë çmimet individuale këtë vit, duke u shpallur lojtari më i mirë i Botërorit 2018, fitues i çmimeve të FIFA-s dhe UEFA-s për lojtarin më të mirë të vitit dhe tashmë fitimi i “Topit të Artë”.

Një lojtar, të cilin thjesht e adhuron dhe askush nuk guxon të thotë të kundërtën, pavarësisht ekipit me të cilin luan. Sonte është 3 dhjetori 2018, është nata e Luka Modriç dhe ai e meriton absolutisht…

A po merr fund Mesit dhe Ronaldos ?

“Askush nuk po luan më mirë se ata në këtë moment dhe s’mund të themi se është fundi i epokës së tyre, sepse do epoka e tyre do të marrë fund kur dikush tjetër të luajë më mirë se ata. Por, unë nuk mendoj se njëri prej tyre do ta fitojë “Topin e Artë” këtë vit, sepse ishte viti i Botërorit dhe ai turne kalon në plan të parë”.

Gazetari i kujton talentit të PSG-së se Mesi dhe Ronaldo u eliminuan në fazën e 1/16-ve të Botërorit, por 19-vjeçari i del përsëri në mbrojtje duke thënë: “Nëse merr parasysh formën e tyre individuale, ata janë të pakrahasueshëm më të tjerët. Mesi ishte golashënuesi më i mirë në Europë, Ronaldo ishte golashënuesi i Champions-it”

Topi i Artë ?

“Shpresoj ta fitoj unë Topin e Artë. Arritëm diçka të madhe, nuk do ishte e padrejtë, pasi kjo është një fjalë shumë e fortë, por do të ishte turp nëse një francez nuk e fiton atë çmim. Ne bëmë histori dhe do të ishte bukur nëse shpërblehemi për këtë

A do të jetë “KM” një markë e suksesshme  si “CR7” sot?

“Nuk e di pasi “CR7” është diçka shumë e madhe. Ai ka ndërtuar markën e tij dhe tani njihet ndërkombëtarisht. Unë s’jam akoma në ato nivele, po ndryshoj pak e nga pak”.

Cili është trofeu i radhës që dëshiron të fitosh?

“Të gjitha Botërorët që do të marr pjesë. Unë luaj për të fituar. Nëse do të marr pjesë në katër Botërorë,  dua t’i fitoj të katërt. Dua t’i arrij gjërat hap mbas hapi, një e fitova. Tani duhet të përgatitem për të fituar edhe në nivel klubesh”.

Vëmendja e madhe e medieve ?

“Nuk mund të kontrolloj çdo gjë që flitet e shkruhet për mua. Më duhet të menaxhoj me kujdes gjithçka në jetën time jo vetëm kur luaj. Nuk është e lehtë, por po mësoj. Kam njerëz pran meje, që po më ndihmojnë t’i kaloj këto situata”.

Tri tifozë të ndryshëm tentuan të futeshin në fushë gjatë dhe pas përfundimi të ndeshjesh. Arsyeja ishte për të takuar ish-lojtarin e Mançester Junajtid, Kristiano Ronaldon, i cili mban statusin e një heroi në “Old Trafford”.

Për të parandaluar përsëritjen e kësaj ngjarje, një zyrtar i klubit anglez tha se do të vihen rregulla më të forta ndaj kompanive që trajnojnë punonjësit e sigurisë në “Old Trafford”.

https://twitter.com/R1Finesse/status/1054812942582145024