cozenca

Rinovimi dhe kombëtarja, Dermaku: E komplikuar, pres telefonatën e Rejës

Sport Ekspres — Tue, 23 Apr 2019 07:00:01 +0000

Kastriot Dermaku ishte heroi i Kozencës në takimin e djeshëm ndaj Specias ku shënoi golin e vetëm të takimit. Në intervistën me transmetuesin “DAZN”, mbrojtësi shqiptar foli mbi bisedimet për rinovimin, por edhe shpresat për një rikthim në kombëtaren shqiptare.

KOMBËTARJA – “E dija që do ta kisha të vështirë të vazhdoja, pasi qendërmbrojtës të tjerë u rikthyer. Pres një telefonatë, nëse do të më vijë do jem shumë i gëzuar”.

RINOVIMI – “Kemi biseduar gjatë javës për këtë gjë. Situata është disi e komplikuar. Kam pasur kontakte nga klube të tjera, por asgjë konkrete. Kontrata ime është drejt përfundimit, do të pres dhe pak”.

MBIJETESA – “Nuk e di çfarë kanë bërë të tjerët, por di që objektivi jonë ishte të kalonim 40 pikët dhe ia arritëm tri ndeshje para fundit. Goli ishte i rëndësishëm, hera e parë që shënoj në Serie B dhe kjo më gëzon”.

Standings provided by Sofascore LiveScore

VIDEO | Dermaku i jep tri pikë Kozencës, Ndoj e Memolla përballen si “spektatorë”

Sport Ekspres — Mon, 22 Apr 2019 21:33:27 +0000

Kastriot Dermaku shënoi golin e parë në Serie B në takimin e sotëm, ku skuadra e tij Kozenca u përball me Specian. Goli i qendërmbrojtësit shqiptar rezultoi vendimtar për t’i dhënë tri pikët ekipit nga jugu i Italisë. Kur kanë mbetur edhe tri ndeshje për t’u luajtur, Kozenca qëndron në kuotën e 42 pikëve, 9 pikë larg zonës “play-out”.

Në takimin midis Breshias dhe Salernitanës fituan vendasit me rezultatin 3 – 0. Si rrallëherë Emanuele Ndoj qëndroi në stol gjatë të gjithë ndeshjes, në të njëjtën situatë u gjend dhe Hysen Memolla, i cili nuk ka mundur të gjejë minuta të shumta te Salernitana që prej transferimit në muajin janar.

Pëlqehet nga dy klube, Dermaku drejt Serie A

Sport Ekspres — Thu, 18 Apr 2019 09:39:18 +0000

Kastriot Dermaku po zhvillon një sezon shumë të mirë me Kozencën në Serie B. Paraqitjet e qendërmbrojtësit të kombëtares kuqezi janë vënë re nga klube të Serie A. Bolonja dhe Torino interesohen për shërbimet e tij, por të parët janë në avantazh.

Kontrata e Dermakut me Kozencën përfundon në verë dhe ai do të dalë lojtar i lirë në fund të sezonit. Sipas lajmeve që vijnë nga vendi fqinj, Bolonja është bindur për cilësitë e tij dhe do t’i ofrojë së shpejti një kontratë të rëndësishme.

27-vjeçari numëron 30 ndeshje të zhvilluara këtë sezon me Kozencën, ndërsa me kombëtaren kuqezi është aktivizuar në dy ndeshje.

Dermaku nuk vlen për Panuçin, por e duan në Serinë A

Sport Ekspres — Tue, 19 Mar 2019 16:12:03 +0000

Kastriot Dermaku ishte një ndër emrat që mungoi në listën e kombëtares për ndeshjet e radhës ndaj Turqisë dhe Andorrës. Lënia jashtë e mbrojtësit ishte e habitshme, pasi forma që po kalon me Kozencën në Serie B është e admirueshme.

Madje, së fundmi mediat italiane i kanë thurur elozhe të shumta shtatlartit, duke e lidhur edhe me një transferim të mundshëm në Serie A, ku ekipe si Bolonja, Spal dhe Torino, duket se po i ndjekin me interes paraqitjet e Dermakut.

27-vjeçari ka qenë një ndër lojtarët më të rëndësishëm të ekipit të tij, teksa është aktiziuar në 26 takime nga 28 të mundshme në kampionat, duke e ndihmuar Kozencën të renditet e 11-a në renditjen e Serie B.

“Shpërthimi” i Dermakut, drejtori i Kozencës sqaron të ardhmen e mbrojtësit

Sport Ekspres — Fri, 08 Feb 2019 19:06:17 +0000

Mbrojtësi shqiptar Kastriot Dermaku ka qenë një ndër lojtarët më të mirë të skuadrës së Kozencës gjatë këtij sezoni të Serie B. Drejtuesit e skuadrës të porsangjitur në divizionin e dytë të futbollit italian janë “hedhur në sulm” për të rinovuar kontratën e futbollistit shtatlartë.

Gjatë një dalje për shtyp të pak ditëve më parë, drejtori sportiv i Kozencës, Stefano Kozenca ka shpjeguar se palët janë në negociata për të rinovuar kontratën, që mbaron në fund të këtij sezoni. “Jam ulur me të dhe i kam treguar qëndrimin tonë. Ai ka ambicie që të luajë në Serie A dhe po shikon opsionet që i ofrohen. Po të ishte vetëm për ne, do të rinovim kontratën që ditën e sotme, por kontratën janë një çështje dypalëshe”, tha drejtori sportiv.

Suksesi i Dermakut në Serie B është për t’u admiruar, pasi 27-vjeçarit i është dashur të vuajë shumë për të arritur deri këtu. Futbollisti shqiptar e ka filluar gjithçka nga 0, pasi ka luajtur për shumë vite në Serie D dhe debutimi në Serie B erdhi vetëm pak muaj më parë.