Nga grumbullimi me Kombëtaren, 27-vjeçari ka dhënë një intervistë, ku ka prekur edhe të shkuarën e tij në Itali. Kutinjo ka qenë pjesë e Interit për 5 vite, ku shumicën e kohës ka qenë në huazime, fillimisht te Vasko De Gama e më pas tek Espanjoli.

Braziliani u shpreh se në Itali ka mësuar jashtëzakonisht shumë, por gjithashtu deklaron se ka pasur disa momente të këqija. Kutinjo tregon se ishte shumë i ri dhe duhet të përshtatej me një kulturë komplet tjetër nga ajo që ishte mësuar.

“Ndodhi gjithçka shumë shpejt. Pata momente të mira dhe të këqija dhe gjithmonë jam munduar të bëj më të mirën time atje. Isha shumë i ri dhe gjithçka ishte e re për mua. Duhet të përshtatesha me një kulturë krejtësisht tjetër, por më duhet ta pranoj që në Itali kam mësuar shumë.”

Kur na ndajnë vetëm pak ditë nga filimi i turneut “Copa America”, mbrojtësi Tiago Silva ka folur për rëndësinë që Kutinjo ka për pesë herë kampionët e Botës.

“Loja në grup vjen gjithmonë e para. Kutinjo ka kaluar një sezon të vështirë te Barcelona. Tifozët presin shumë prej tij dhe në jo pak raste e kanë vërshëllyer, por këtu në kombëtare e Brazilit është ndryshe. Kutinjo është më shembull për ne, sidomos kur mungon Nejmar”.

“Në dy ndeshjet miqësore që bëmë Kutinjo ka qenë lojtari më i mirë. Në sulm ka bërë mirë me gola dhe asiste, por na ka ndihmuar dhe ne fazën mbrojtëse. Po shikoj që ka gjetur sërish lumturinë në fushë”.

“Kemi shumë nevojë për të, sidomos tani që s’do ta kemi Nejmarin për turneun e ardhshëm”, tha Silva.

“Cadena Ser” raporton se PSG dhe Juventus janë skuadrat më të avantazhuar për firmën e brazilianit, ndërsa Çelsi do të ishte gjithashtu një opsion i mundshëm, nëse dënimi i merkatos së tyre hiqet.

Mançester Junajtid gjithashtu shihet si një destinacion i mundshëm për mesfushorin, por “Djajtë e Kuq” nuk e shohin të arsyeshme të shpenzojnë 100 milionë euro për një fantazist, pasi mbrojtja mbetet objektivi i tyre primar.

Mesfushori nuk ka arritur gati për asnjë moment të jetë protagonist me fanellën blagurana dhe me sa duket është lodhur nga kjo situatë. Të njëjtin mendim duket se ndajnë edhe drejtuesit e Barcelonës, të cilët po shqyrtojnë ofertat.

? La voluntad de incorporarlo es real
? El club francés prepara una estrategia para juntarle con su amigo Neymarhttps://t.co/pKGUwxFxeG

— AS (@diarioas) May 30, 2019

Sipas raportimeve të fundit të “AS” destinacioni më i mundshëm për Kutinjon është PSG. Madje, këta të fundit kanë bërë ofertën e tyre, e cila konsiston në huazim me të drejtë blerje, ku do të marrin përsipër të paguajnë pagën e lojtarit për sezonin e ardhshëm dhe në fund do të kenë mundësinë të ushtrojnë të drejtën e blerjes.

Emrat e parë kanë nisur të përmenden dhe ai që ka bërë më shumë bujë ka qenë padyshim emri i Filipe Kutinjos. Sipas asaj që raporton “Telefoot”, drejtuesit londinezë po mendojnë seriozisht ta rikthejnë në Premier Ligë brazilianin.

Mesfushori nuk ka qenë brenda pritshmërive këtë sezon te Barça dhe një largim i mundshëm i tij është përfolur. Me paratë që do të sigurojë nga shitja e Hazard, Çelsi mund të bëjë një ofertë të majme në drejtim të katalanasve, të cilët edhe mund të binden.

Kujtojmë, Çelsi rrezikon të mbetet pa merkato, por me shumë gjasa kjo do të ndodhë në janarin dhe verën e vitit 2020, pasi për merkaton e ardhshme, blutë do të kenë të drejtë të transferojnë lojtarë, pasi çështja e tyre ka shkuar në CAS dhe vendimi i FIFA-s, për momentin është i ngrirë.

Lidhur me këto spekulime, ka reguar vetë mesfushori, i cili ka sqaruar gjithçka në mediat spanjolle. “Jam i lumtur. Doja të luaja në Spanjë dhe po luaj në klubin më të mirë në Spanjë. E gjithë vëmendja ime është te Barcelona. Një rikthim në Angli nuk është aspak në planet e mia”, përfundoi braziliani.

Kujtojmë, Kutinjo luan që prej janarit të vitit të shkuar në “Camp Nou”, periudhë kur u ble nga ekipi blaugrana për plot 150 milionë euro, që shkuan në arkat e Liverpulit.

Kohët e fundit, braziliani është kritikuar jo pak dhe largimi i tij nga Katalonja duket gjithnjë e më pranë. Nga raportimet e fundit, në garë për mesfushorin janë tre ekipe, të cilat shihen edhe si destinacione të mundshme të Kutinjos.

Bëhet fjalë për Mançester Junajtid, Çelsin edhe PSG-në. Ka qenë vetë agjenti i Kutinjos, i cili ka pranuar kontaktet me të tre klubet, ku Junajtid shihet si më favoriti sipas mediave. Çelsi, sipas vendimit të UEFA-s do ta ketë merkaton të bllokuar në hyrje, por agjenti i brazilianit tha se ka patur kontakte.

Ndërkohë, një kalim në Paris, nuk do të përjashtohej, me brazilianin që mund ta preferonte diçka të tillë, pasi në Francë do të gjente edhe shokun e tij në kombëtare, Nejmar Zhunior. Gjithsesi, duhet të presim muajt e ardhshëm për të mësuar të ardhmen e 26-vjeçarit.

Mediet angleze bëjnë të ditur se sulmuesi do përfitojë 270 mijë paundë në javë, pra 14 milionë paundë në sezon ose 15.8 milionë euro, por kjo shifër mbas taksimit  shkon në 10 milionë euro, që mbetet një pagë me e lartë nga ajo që “El Pipita” përfitonte te Milan (9 milionë euro në sezon).

Ndërkaq, te klubi londinez janë fokusuar te një tjetër çështje. Ylli i ekipit Eden Hazard nuk ka ndërmend të rinovojë kontratën që i skadon në qershor të 2020-ës dhe drejtuesit e Çelsit po përgatiten për të gjetur një zëvendësues të denjë për belgun.

Sipas “Daily Express”, pëfaqësuesit e Çelsit kanë filluar bisedimet për kartonin e Filipe Kutinjos. Braziliani nuk ka përligjur besimin e drejtuesve të skuadrës katalanase dhe një rikthim i tij në Angli është mëse i realizueshëm nëse vjen oferta e duhur. Momentalisht përflitet se Barcelona është e gatshme të shesë lojtarin, por për këtë do të duhen 140 milioën euro, pra e njëjta shumë që klubi “Blaugrana” pagoi  në janar të vitit të kaluar për të blerë kartonin e fantazistit nga Liverpuli.

Po e nisim nga më i shtrenjti. Çmimi që u ble nga Liverpuli do ju duket absurd, pasi u shit për 19-fishin e kësaj shume disa vite më vonë. Filipe Kutinjo u transferua nga Interi në Liverpul, për shumën e 8.5 milionë sterlinave. Vazhdimin e karrierës në “Anfield” për brazilianin, besoj të gjithë e njohin tashmë.
Pas Kutinjos, vjen një mbrojtës, i cili përsëri është transferuar te Liverpuli. Andi Robertson ka mahnitur me paraqitjet e tij në krahun e majtë të mbrojtjes, duke e bërë çmimin që u pagua për të, të papërfillshëm tashmë. 8 milionë sterlina u shpenzuan për të, për ta shkëputur nga Hall Siti.
Podiumin e “më të shtrenjtëve” e plotëson Idrisa Gueje. Senegalezi spikati me Aston Vilën, ku u ble nga Everton për shumën e 7.1 milionë sterlinave. Tashmë, mesfushori kushton të paktën 4-fishin e asaj shume.

Sezar Azpilikueta u ble në vitin 2012 nga Çelsi, i cili derdhi në arkat e Marsejës 6.5 milionë sterlina. Gati shtatë vite më vonë, spanjolli është një shtyllat e bluve, madje dhe me shiritin e kapitenit në krah disa herë.
Ngolo Kante u ble nga ekipi i Leister Sitit për 5.6 milionë sterlina nga ekipi i Kaenit. Vijimin e historisë e dini…Fitimi i Premier Ligës me Leisterin, futbollisti i vitit 2017 në Francë, si dhe transferim te Çelsi për 36 milionë euro. Jo keq, për një lojtar që u ble për vetëm 5.6 milionë sterlina.
Totenhemi mori një talent në vitin 2015, për të cilin pagoi 5 milionë sterlina. Brenda pak kohësh Dele Ali, është kthyer në një nga pikat kyçe të “gjelave” të Londrës dhe kombëtares angleze.

Përsëri është Totenhemi në listë. Kiran Tripier është një ndër mbrojtësit anësorë më të mirë në qarkullim tashmë. Anglezi u ble nga “gjelat” për vetëm 3.5 milionë sterlina nga ekipi i Bërnlejt.
Xhon Stons njihet si një ndër mbrojtësit më të shtrenjtë të historisë në Angli, teksa u ble për plot 56 milionë euro nga ekipi i Mançester Sitit. Por nuk është ky transferimi që futet në listë, por kalimi i mbrojtësit nga Barnslej në drejtim të Evertonit për vetëm 3 milionë sterlina. Fitimi i Evertonit…”vetëm 18-fishi” i çmimit që e bleu…
Xhoshua King është një ndër sulmuesit më të spikatur të Premier Ligës këtë sezon, ku me fanellën e Bornmuth ka bërë mjaft mirë. Norvegjezi ka qenë dikur pjesë e Junajtid, ndërsa më pas ka luajtur me Blekbërn Rovers, ku u pikas nga Bornmuth, të cilët e blenë për 1 milion sterlina. Tashmë, Junajtid kërkon ta rikthejë dhe oferta e parë është përgatitur të paktën 25 milionë sterlina.
E mbyll listën Xhejms Milner. “Plakushi” u pa si i padobishëm nga Mançester Siti dhe u largua, duke e lënë si lojtar të lirë. Gjithsesi, Liverpuli besoi tek ai dhe frytet Milner i ka dhënë, duke qenë një ndër mesfushorët më të mirë në Premier Ligë sezonet e fundit.

Bëhet fjalë për Filipe Kutinjon, i cili ka pësuar një dëmtim në gju. Sipas klubit katalanas, sot është bërë e ditur shkalla e dëmtimit, gjithashtu dhe faza e rikuperimit. Braziliani do të qëndorjë jashtë fushave të blerta për 2-3 javë.

Braziliani do të humbasë kështu, sfidën ndaj Real Betis këtë fundjavë, por do të përpiqet që të jetë gati për duelin ndaj Atletikos së Madridit në datën 24 nëntor. Kombëtarja braziliane gjithashtu do të duhet të bëjë pa shërbimet e 26-vjeçarit, në miqësoret që do të luajë javën e ardhshme.

Welcome to your new home, @Phil_Coutinho!
?? #CoutinhoDay pic.twitter.com/fylm4JGdsW

— FC Barcelona (@FCBarcelona) January 8, 2018

“Dua të falënderoj presidentin dhe gjithë ata që e bënë të mundur këtë transferim. Jam shumë i lumtur që jam këtu, e kam thënë edhe më parë që ishte ëndrra ime dhe më në fund e realizova. Shpresoj që të respektoj gjithë pritshmëritë rreth meje”, deklaroi Kutinjo pas firmës që e lidh deri në vitin 2023 me Barcelonën.

I kënaqur edhe presidenti Josep Maria Bartomeu: “Nuk ishte e lehtë, dëshira e tij dhe durimi i tij ishin vendimtare. Gjithë stafi ynë e donte dhe e konsideronte të nevojshëm për projektin, kishte edhe klube të tjerë të interesuar, por ia dolëm pas një tratative të nisur që në verë. Është një nga yjet botërore, do të qëndrojë gjatë me ne”.

Mesfushori 25-vjeçar do të debutojë pas 3 javësh, sepse ka pësuar një dëmtim para disa ditësh.

Mesfushori i talentuar do të mungojë për të paktën 20 ditë, pasi kontrollet mjekësore kanë evidentuar një dëmtim në kofshën e djathtë, pësuar në Angli. Edhe një ndeshjen e fundit si lojtar i Liverpulit Kutinjo nuk luajti, por u mendua se ishte thjesht manovër për të bërë presion për të shkuar te Barcelona, ashtu si qëndrimi në Angli, kur Liverpuli u nis për në Dubai për pak ditë stërvitje në temperatura komode.

[INJURY NEWS] @Phil_Coutinho has a thigh injury in his right leg. More details ? https://t.co/of1in1jKrw #CoutinhoDay pic.twitter.com/jn7sWYXUcJ

— FC Barcelona (@FCBarcelona) January 8, 2018

Nga Anglia vijnë lajme se braziliani ka kërkuar sërish largimin, pas dështimit të bisedimeve verën e shkuar, ndërsa Barcelona është gati të japë 120 milionë euro, plus 40 milionë në bonuse lehtësisht të arritshme nga Kutinjo.

Liverpuli kërkon ta mbajë deri në verë, për të mbyllur sezonin me skuadrën aktuale, pasi në këtë moment nuk gjendet një zëvendës, por Kutinjo dhe Barcelona duan të mbyllin gjithçka që tani.

Nëse realizohet, transferimi i Kutinjos do të shënojë një rekord të ri për Barcelonën, ndërsa do të bëhet transferimi i tretë më i shtrenjtë në histori, pas Nejmarit dhe Mbapesë te PSG-ja verën e shkuar.

E pamundur, Liverpuli ka refuzuar prerë, duke përsëritur se nuk ka ndërmend ta shesë yllin e vet.

Barça është nën presion të jashtëzakonshëm nga tifozët dhe mediat, pas largimit të Nejmarit dhe dështimit në Superkupën e Spanjës, ndaj me shumë mundësi do të rritin ofertën, me shpresën se deri në 31 gusht Liverpuli do të dorëzohet, duke parë edhe dëshirën e vetë brazilianit për të shkuar në Spanjë.

Klop – “Asgjë nuk ka ndryshuar, si nga ana jonë, ashtu edhe nga ana tjetër, Kutinjo nuk është në dispozicionin tonë për momentin, ai është problemi i vetëm që mund të trajtojmë. Ai nuk mundet të luajë për probleme fizike dhe natyrisht është një goditje e rëndë për ne. Ka disa ditë kështu, ndaj kemi pasur kohë ta përgatitim ndeshen kundër Hofenhajmit pa atë, ashtu si edhe pa Lalanën dhe Starixh”.

Lista anti-Honfehajm

Aleksandër-Arnold, Moreno, Lovren, Milner, Uijnaldum, Henderson, Xhan, Mane, Salah, Firmino, Kent, Solanke, Origi, Gomez, Klavan, Flanagan, Robertson, Matip, Grujiç, Minjole, Karius, Uord.

Braziliani nuk flet prej javësh dhe ka pritur që dy klubet të mbyllnin vetë marrëveshjen, por Liverpuli ka refuzuar një ofertë prej 100 milionë eurosh dhe këmbëngul se nuk do të pranojë asnjë ofertë, edhe me arsyetimin logjik se nuk ka më kohë që të gjejë pasuesin e fantazistit të ver.

Megjithatë, Barça ka nga ana e saj dëshirën e lojtarit dhe kjo është arma që po përdor për të vënë Liverpulin me shpatulla pas murit. Duhet kujtuar se edhe Luis Suarez konsiderohej i pashitshëm, por sërish shkoi te Barcelona, që deri në fund të gushtit është e bindur se do të marrë Kutinjon dhe Dembelenë e Dortmundit.

Refuzim i prerë, Liverpuli nuk ka pranuar dhe i ka bërë ftesë Barcelonës të heqë dorë, sepse asnjë çmim nuk do të merret parasysh. Edhe vetë Kutinjo nuk ka ndërmend të nisë konflikte me Liverpulin, ndaj ka lënë gjithçka në dorë të klubit.

Ndërkaq, trajneri Jyrgen Klop shpjegon edhe arsyen e refuzimit: “Ne nuk jemi një klub që shet. Në futbollin aktual nuk ka lojtarë të paprekshëm, por ne duam të ndërtojmë skuadër fituese, ndaj nuk ka kuptim të shesim lojtarë. Edhe koha është e gabuara, në gusht nuk bëhen dot lëvizje të tilla, pasi nuk ka alternativa në treg”.

Duhet një lojtar klasi, por edhe i ri, tipare që i plotësojnë disa emra: Dibala, Filipe Kutinjo, Mbape e Dembele.

Në Spanjë raportojnë se Mesi do Dibalan, por Juve nuk e lëshon pa 120 milionë euro.

Kutinjo deklarohet i pashitshëm nga Liverpuli, që nuk e lëshon as për 100 milionë, çmim i vendosur edhe nga Dortmundi për Dembelenë.

Mbapé? Çmenduri, francezi vlen mbi 150 milionë euro.

Treg absurd, falë sheikëve e rusëve, por jo vetëm atyre, sepse rekordet në merkato shpesh i vendos Reali, apo klubet angleze.

Nga Anglia vjen lajmi se mbrëmë Barça ka paraqitur ofertë zyrtare: 80 milionë euro!

Ofertë e shkëlqyer, por ka një problem: Kutinjo nuk është në shitje.

Trajneri Jyrgen Klop është pyetur për ofertën e djeshme dhe qetësisht ka thënë: “Filipe nuk është në shitje. Ne nuk jemi klub që shesim yjet. Nuk është vendim i marré sot, kështu ka qenë gjithmonë dhe Barcelona e di mirë“.