Më i prekuri në këtë debat është padyshim Keilor Navas. Portieri i Kosta Rikës humbi vendin e titullarin në fillim të sezonit, pas ardhjes nga Çelsi të Kortuas. Navas ka arritur të kontribojë për madrilenët në katër Champions të fituara brenda pesë viteve duke mos shfaqur asnjë dobësi.
Gjithsesi, nuk ishin të këtij mendimi madrilenët duke dashur një emër të madh në mes të katërkëndëshit.

I pyetur nga mediat e huaja, Navas deklaron se do të ishte i gatshëm të largohej nga Madridi vetëm nëse Zidan do ja kërkonte një gjë të tillë. Ai shton se nëse nuk ndodh diçka e tillë do të respektojë kontratën deri në fund.

“Nëse trajneri më kërkon të largohem, unë do ta bëj. Kam një kontratë me Real Madrid. Kam dhënë gjithmonë më të mirën për këtë klub. Do të shohim se çfarë do të ndodhë. Fillimisht duhet të fokusohemi tek tetë ndeshjet e mbetura për të mbajtur lart nderin e ekipit.”, përfundon deklaratën Navas, që shton edhe më shumë dyshimet për mundësinë e largimit nga mbretërit në fuqi të Europës.

Solari e ka bërë të qartë që vlerëson belgun Tibo Kurtua më shumë se “gardianin” nga Kosta Rika, i cili është detyruar të shohë dy takimet e fundit nga stoli i rezervave. Në një intervistë me emisionin e njohur sportiv “El Chiringuito”, Navas foli në lidhje me këtë situatë të re që po përjeton.

“Fitova tre Champions radhazi, por tani nuk po luaj fare”, tha Navas në intervistë, por 31-vjeçari është mësuar me sfida të tilla, në vitin e parë te Reali iu desh të luftonte për një vend në formacion me legjendën Iker Kasijas, tani radhën e ka Kurtua.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.

Tifozët e Çelsit e kanë quajtur mashtrues, duke i kujtuar deklaratat e tij plot dashuri për klubin londinez, ndërsa tifozët e Atletikos nuk ia kanë falur tradhtinë e dyfishtë.

Sikur të mos mjaftonte që portieri firmosi për armikun, pas disa sezonesh tek Atletiko, ku sillej si ultras dhe këndonte këngë anti-Real, tani Kurtua shkon deri aty sa prezantohet duke puthur stemën e Realit, duke thënë se shkoi në klubin e ëndrrave.

Kjo ka bërë që Kurtua të kthehet në futbollist të urryer nga pjesa “colchonero” e Madridit dhe dje para Atletiko-Inter disa tifozë vandalizuan pllakatën e vendosur në Wanda Metropolitano në nder të Kurtuasë, për shkak se ka luajtur mbi 100 ndeshje me Atletikon.

Dje Kurtua postoi në Facebook një letër lamtumire ku falënderonte klubin që i dha besim dhe e bëri futbollist të madh, duke i lënë kohë të rritej dhe duke e huazuar tek Atletiko për eksperiencë, por kjo letër u fshi pas rreth një ore.

Arsyeja ishte se tifozët e Çelsit e mbytën faqen e portierit belg me ofendime pa fund, aq sa Kurtua u detyrua të fshinte gjithçka.

Ndërkaq, në Twitter Kurtua postoi një mesazh “Hala Madrid”, që sërish u prit shumë keq, sepse po ky portier këndonte këngë anti-Real kur luante për Atletikon dhe vjet deklaronte: “Nuk e shoh veten te Reali, sepse te Çelsi jam rritur dhe jam bërë ky që jam”.

Një koment i një tifozi përmblidhte gjithë tërbimin e tifozerisë se Çelsit: “Hala your mother”.

Futbollisti 26-vjeçar ka dëshirë t’i bashkohet skuadrës sës Real Madrid, por klubi i Çelsi e ka bllokuar duke refuzuar një ofertë në rangun e 30 milionë eurove, një vendim ky që ka qenë tepër i vështirë, pasi kontrata e Kurtuas me londinezët mbaron në fund të sezonit tjetër dhe me shumë gjasa belgu do të largohet me kosto 0 në verën e vitit 2019.

Ky vendim i drejtuesve të Çelsit ka xhindosur portierin shtatlartë, dhe teksa kanë mbetur më pak se 72 orë nga mbyllja e merkatos në Angli, Realit i duhet të veprojë shpejt. Në rast se mes palëve gjendet gjuha e përbashkët, pasuesi i Kurtuas në stolin e Çelsit mund të jetë gardiani danez i Leister Sitit, Kasper Shmajkëll.