Correa

Atletiko s’bën lëshime, 10 milionë euro ndajnë Milanin nga Korrea

Sport Ekspres — Wed, 31 Jul 2019 09:09:10 +0000

Sulmuesi argjentinas Angel Korrea është rikthyer në objektivin numër 1 të merkatos së Milanit. Drejtuesit e klubit italian po negociojnë prej disa javësh me Atletikon, por palët s’po bien ende në një ujdi.

Sipas “Gazzeta dello Sport”, Atletiko nuk pranon të negociojë çmimin prej 50 milionë eurosh që ka vënë për kartonin e 24-vjeçarit. Ndërkohë, oferta e fundit e Milanit ka qenë 40 milionë euro.

Mbetet për t’u parë se cila do të jetë lëvizja e ardhshme e “djallit”. Situata e vështirë financiare dhe raporti jo i mirë me UEFA-n nuk e lejojnë më ekipin italian të bëjnë shpenzime të pamenduara në merkato.

Një tjetër faktor që po ndikon në vonimin e këtij transferimi është prishja e negociatave për shitjen e Andre Silvës të Monako. Drejtuesit e Milanit ishin shumë pranë përfitimit të 30 milionë eurove për shitjen e portugezit, por në momentit e fundit Monako ndryshoi qëndrim.

Kutrone “kurbani” i parë, Milani bën gati blerjen rekord

Sport Ekspres — Fri, 19 Jul 2019 07:34:10 +0000

Skuadra e Milanit nuk ka qenë shumë aktive në merkato. Megjithatë, periudha e transferimeve s’do të mbyllet pa një blerje “big” te skuadra nga Milani. Sipas “Sky Sports”, përfaqësuesit e klubit po negociojnë blerjen e argjentinasit të Atletiko Madrid, Angel Korrea.

Kartoni i sulmuesit shtatshkurtër vlerësohet në shumën e 55 milionë eurove nga drejtuesit e klubit spanjoll. Nëse transferimi mbyllet me kushtet e vendosura nga madrilenët, Korrea do të jetë blerja rekord e historisë së Milanit.

Për të mundësuar një transferimin të përmasave të tilla, Milanit i duhet të sakrifikojë një nga yjet e sulmit. Bëhet fjalë për të riun italian Patrik Kutrone. 21-vjeçari kërkohet me ngulm nga anglezët e Ulvërhempton. Një tjetër opsion është ai i shitjes së portugezit Andre Silva. Portugezi është në bisedime me Monakon dhe në ditët në vazhdim palët mund të gjejnë akordin përfundimtar.

Lacio “blindohet”, dy goditje në një ditë

Sport Ekspres — Tue, 31 Jul 2018 11:27:21 +0000

Ashtu si ishte paralajmëruar pej ditësh, Lacio ka kompletuar tashmë blerjen e dy futbollistëve mjaft cilësorë, mesfushorit Milan Badelj dhe sulmuesit Hoakin Korrea.

Kroati u paraqit në Romë dje pasdite, ndërsa argjentinasi zbarkoi në kryeqytet pas mesnate. Sot të dy po kryejnë kontrollet mjekësore dhe më pas do të vijnë firmat e prezantimi.

Milan Badelj kërkonte ekip, pas përfundimit të kontratës te Fiorentina, ku ishte lojtar kyç. 29-vjeçari kishte shumë oferta dhe shkëlqeu edhe në Kupën e Botës, ndërsa e ndiqte prej muajsh Milani, por kuqezinjtë kanë ndryshuar strategji dhe nuk duan lojtarë që nuk u rritet më vlera në treg, ndaj Lacio ka përfituar, duke gjetur pasuesin e Lukas Leivas, nëse veterani nuk do të preferohet në formacion sezonin e ardhshëm.

Ndërkaq, Hoakin Korrea është një anësor ofensiv nga Argjentina, 24 vjeç, me eksperiencë të konsiderueshme që tani. Futbollisti i Seviljes kalon te Lacio për 19 milionë euro, ndërkohë që 5 milionë euro të tjera Lacio do t’ia japë Sampdorias, që kishte një përqindje të kartonit. Korrea ishte titullar te Sevilja (31 ndeshje, 2 gola e 3 asiste sezonin e fundit) dhe tashmë bëhet pasardhësi i Felipe Andersonit te Lacio, detyrë shumë e vështirë, ashtu si gara për një vend në formacion me Luis Alberton, i cili sezonin e fundit ishte fantastik.