Copa Libertadores

VIDEO | Ndërhyrje makabër, “Libertadores” njeh vetëm luftë

Sport Ekspres — Wed, 31 Jul 2019 13:23:13 +0000

Mbrëmjen e djeshme janë luajtur disa prej takimeve të fazës së 1/16-ve të “Copa Libertadores”. Skuadra më të mira të Amerikës së Jugut përplasën brirët në duele, ku si çdo vit nuk munguan momentet e tensionit.

Një ndër ndeshjet më të tensionuara ishte ajo midis Palmerias dhe argjentinasve të Godoi Kruz. Sikur të mos mjaftonte rivaliteti Brazil – Argjentinë, takimi i parë kishte përfunduar 0 – 0 dhe kualifikimi ishte i hapur për të dyja skuadrat.

Në fund kampionët e Brazilit ia dolën të çanin mbrojtjen e argjentinasve, duke shënuar 4 gola gjatë pjesës së dytë. Eliminimi i sigurt nuk u përjetua mirë nga mesfushori Agustin Mazur, i cili kreu një ndërhyrje që do ishte e denjë edhe për kafazet e “UFC” dhe jo për një fushë futbollit. Natyrisht, arbitri bëri detyrën dhe kartoni i kuq nuk u kursye.

VIDEO | Çmenduri nga “Copa Libertadores”, realizohet pritja e vitit

Sport Ekspres — Thu, 11 Apr 2019 09:21:51 +0000

Pas mesnate janë luajtur ndeshjet e Copa Libertadores, e cila njësoj si UEFA Champions League zhvillohet në mesjavë. Tashmë kompeticioni është në fazën e grupeve dhe në ndeshjen midis Palmeiras dhe kolumbianëve të Zhunior ka ndodhur një episod i pabesueshëm.

Në minutën e 80-të, brazilianët kanë dalë në një kundërsulm të shpejtë, me Gustavon dhe Vivian që ishin të vetëm me portierin kundërshtar. Gustavo pasoi për shokun e skuadrës dhe ky i fundit u ndal në mënyrë të pabesueshme nga portieri Viera.

Një çmenduri e vërtetë se si mundi të ndalte atë top. Gjithsesi, pavarësisht paraqitjes së mirë të portierit, Zhunior u mposht me shifrat 3-0 nga Palmeiras.

VIDEO | Shënjestra e Milanit shkëlqen në Libertadores, shijoni golin fantastik

Sport Ekspres — Thu, 07 Mar 2019 20:29:51 +0000

Sulmuesi anësori i Gremios, Everton Soares, nuk ndalon së mahnituri në Amerikën e Jugut. Ditën e djeshme 22-vjeccari ka shënuar një gol fantastik në transfertën e “Copa Libertadores” kundër skuadrës argjentinase Rosario Central.

Driblim, zgjuarsi dhe finalizim, të gjitha këto aftësi Everton i tregon më së miri në këtë gol.

Paraqitjet e mira të brazilianit gjatë vitit të fundit kanë bërë që ai të fitojë vëmendjen e trajnerit të “Seleçaos”, Tite, i cili e ka thërritur në dy grumbullimet e fundit të pesë herë kampionëve të botës. Natyrisht, interesi nga Europa nuk ka se si të mungojë për Everton. Më së shumti ëshë përfolur për një interesim të Milanit dhe disa klubeve nga kampionati anglez.

VIDEO | Kur ngatërron futbollin me “Kung-Fu”-në, lojtari i Sao Paolos gjakos kundërshtarin

Sport Ekspres — Thu, 14 Feb 2019 21:09:27 +0000

“Gjiganti” brazilian Sao Paolo është eliminuar nga faza e kualifikuese e Kupës Libertadores nga ekipi modest argjentinas Tajeres De Kordoba. Sao Paolo kishte humbur në vajtje me rezultatin 2 – 0, por shpresat për një përmbysje në ndeshjen e kthimit ishin të mëdha.

Pala braziliane ishte dominuese gjatë të gjithë takimit, por goli nuk po vinte. Me kalimi e minutave u rritej dhe presioni. Eliminimi nga një kundërshtar i një niveli të tillë do të ishte një turpërim për një ndër klubet më të mëdhenj në Brazil, që në gjirin vet ka lojtarë që kanë spikatur dhe në Europë si Bruno Peres dhe Hernanes.

Për t’i vën shkelmin gjithçkaje mendoi mesfushori Everton Kardozo, i cili në minutën e 80-të vuri takën në fytyrë e kundërshtarit duke i shkaktuar një të çarë. Arbitri i takimit nuk hezitoi ti tregonte kartonin e kuq dhe me rezultatin 0 – 0 e me dhjetë minuta lojë, kualifikimi u bë një mision i pamundur për ekipin brazilian.

¡#TALLERESDEAMÉRICA!
???? pic.twitter.com/Yn9lHsySOw

— Club Atlético Talleres (@CATalleresdecba) February 14, 2019

VIDEO | River Plejt nënshtron Bokën, merr fronin amerikano-jugor në Madrid

Sport Ekspres — Sun, 09 Dec 2018 22:00:31 +0000

Ndeshje e çmendur dhe e paharrueshme është zhvilluar sot në Madrid mes River Plejtit dhe Boka Zhuniors. Superklasikja e Libertadores nuk solli një fitues në kohën e rregullt, me ekipet që barazuan 1-1, ndërkohë që barazimi 2-2 i vajtjes nuk ndryshonte asgjë, sepse në Libertadores nuk vlejnë golat në transfertë, në rast barazie pas 2 ndeshjesh.

Ishte një ndeshje fantastike, me skuadrat që prodhuan emocione të mëdha deri në vëshëllimën e fundit. Triumfoi Riveri në shifrat 3-1, me dy nga golat që i shënoi në shtesën e dytë të lojës.

Copa Libertadores final…
Score tied at 1-1…
2 minutes into extra-time…

You're on a yellow card…

Don't go into a challenge like this! ?

Boca Juniors down to 10 men.#CopaLibertadores pic.twitter.com/LsInWUlth7

— Football on TNT Sports (@footballontnt) December 9, 2018

Edhe pse me 10 lojtarë gjatë gjithë shtesave, nuk u dorëzua për asnjë moment Boka, e cila në sekondat e fundit goditi shtyllën, por në aksionin pasardhës pësoi dhe golin e tretë. E gjithë lavdia shkon për skuadrën e Riverit, që nënshtron rivalët e përjetshëm.

Benedeto në fund të pjesës së parë shënoi për Bokan dhe u duk se heroi i Bokas deri në finale do të ishte sërish vendimtar.

Benedetto opens the scoring with unreal composure. What. A. Pass. From Nandez! pic.twitter.com/1kXC7cb7I8

— Escojar (@Escojar) December 9, 2018

Gjithsesi, në pjesën e dytë River e shtoi presionin dhe Lukas Prato barazoi në minutën e 68-të, duke finalizuar një aksion fantastik.

https://twitter.com/Justyooooooou/status/1071871240506363905?s=19

Në shtesë një tjetër aksion spektakolar dhe Kuintero shënoi në minutën e 109-të golin vendimtar, para se në minutën e 121-të, me portën bosh, Martinez të mbyllte gjithçka.

The flick pass to start it off. The run and then the check to make the space. Then the shot. Juan Fernando Quintero. pic.twitter.com/G5Up2uM3P3

— World Football Index (@WorldFootballi) December 9, 2018

https://twitter.com/ncarmelg/status/1071888915987091457?s=19

Festë në stadium e në fushë për River, festë edhe në Buenos Aires e gjithë Argjentinën për tifozët e “Milionerëve”, që kanë fshirë njollën e rënies në divizionin e dytë dhe tashmë janë mbretërit e qytetit, e shtetit, e kontinentit.

Ronaldo injoron ftesën e Perez, Mesi ende në dilemë

Sport Ekspres — Thu, 06 Dec 2018 19:14:39 +0000

Plani i Florentino Perez për të bashkuar Kristiano Ronaldon dhe Lionel Mesin në tribunën “vip” të “Santiago Benabeut” ka dështuar. Presidenti i Real Madrid dëshironte të shikonte përballjen midis River Plejt dhe Boka Zhuniors në praninë e dy yjeve të futbollit Botëror, por ylli portugez e ka refuzuar këtë ofertë.

Sipas “AS”, Ronaldo e ka justifikuar këtë vendim me faktin se ai ka pak kohë që ka ikur nga Real Madrid dhe dëshira e tij për t’u larguar nga Real Madrid erdhi si një lajm i papritur për shumë vetë në klubin madrilen.

Mbetet parë t’u parë se cili do të jetë vendimi i Lionel Mesit. “Pleshti” ndonëse, argjentinas nuk është tifoz i asnjë prej skuadrave finaliste të Kupës Libertadores. Ekipi i zemrës i sulmuesit të Barcelonës është skuadra e qytetit të tij të fëmijërisë Newell Old Boys.

Maradona dhe Alvesh “shfryjnë” ndaj Libertadores: Turpi më i madh!

Sport Ekspres — Fri, 30 Nov 2018 17:13:35 +0000

Takimi i dytë i finalen se kupës Libertadores me shumë gjasa do të luhet në “Santiago Bernabeu”. Mediet në Argjentinë kanë zbuluar vendimin e “CONMEBOL” dhe nga momenti në moment pritet që ky vendim të marrë formë zyrtare. Por, ky vendim nuk ka kaluar pa polemika të shumta. Diego Armando Maradona ka qenë ndër të shumtët persona që janë shprehur kundër këtij vendimi.

“Nuk e kuptoj me çfarë logjike e kanë marrë vendimin për të luajtur finalen në Madrid. Çfarë dreqin duhet të bëjë një tifoz nëse fëmijët e tij kërkojnë ta shikojnë këtë ndeshje. Kosto e biletave të avionit është e papërballueshme, të mos flasim më për gjërat e tjera. Për atë zot, të merren disa masa sigurie dhe le të luhet ndeshja në Velez në një nga qytetet e shumta të Argjentinës”, tha legjenda e argjentinase.

Futbollisti brazilian Dani Alvesh ka qenë një ndër figurat e shumta të sportit që kanë kundërshtuar vendimin e “CONMEBOL” për të luajtur takimin e finales në Madrid. Me anë të një postimi në rrjetet sociale, Alvesh shprehu qartazi pikëpamjet e tij mbi këtë çështje.

“Për mua, zhvillimi i Boka – River jashtë Amerikës së Jugut, është turpi më i madh që kam parë dhe do të shoh ndonjëherë si një futbollist. Për të mirën e futbollit shpresoj që kjo ndeshje të mos luhet në Madrid, në respekt të të gjithë atyre tifozëve që nuk kanë të bëjnë fare me atë incident që i ndodhi autobusit të Bokës”, shkroi Alvesh.

Libertadores: Nga zjarri në Buenos Aires, te milionat e sheikëve?

Sport Ekspres — Wed, 28 Nov 2018 19:53:58 +0000

Prej ditësh është në qendër të mendjes katrahura e Kupës Libertadores, me finalen e kthimit River-Boka që nuk u luajt për shkak të trazirave në Buenos Aires dhe sulmit ndaj autobusit të Bokas.

Ndodhi ajo që shumë njerëz e prisnin, sepse një derbi kaq i frikshëm në finalen e historisë nuk mund të kalonte pa probleme.

Tani dilema e madhe është ku do të luhet Superclasico, sepse në Argjentinë nuk bëhet fjalë, nuk ka polici të marrë përsipër duelin më të egër të të gjitha kohërave.

Lajmet e fundit flasin për një ide të çmendur: finalja të luhet në Katar!

Po bëhet serioze alternativa Doha, aty ku ne vitin 2016 u luajt edhe Superkupa e Italisë mes Milanit e Juventusit.

Khalifa International Stadium, Stadium super modern me 40 mije vende, mund të organizojë finalen në 8 ose 9 dhjetor, zgjedhje perfekte edhe për motin, edhe për televizionet.

Qatar Airways është sponsor i Conmebol dhe prej sezonit të ardhshëm do jetë sponsori kryesor i Kupës Libertadores, që do të thotë se gjithë klubet që do marrin pjesë në kompeticion et e Conmebol do të udhëtojnë me Qatar Airways. Kjo e fundit ofron mbulimin e kostove të transportit për River e Boka për në Katar.

Për të bindur dy ekipet, Katari ofron shifra absurde: 10 herë më shumë se cmimi normal për fituesin, 4 herë më shumë se shpërblimi i Conmebol për finalisti humbës!

Ekziston një problem: Qatar Airways sponsorizon Boka Zhuniors, klub të cilit i paguan 6,7 milionë dollarë në vit deri në 2023. Përveç kësaj, si mund të bëjnë 13 mijë kilometra tifozët argjentinas deri në Katar? “Ikim në hënë, më mirë”, tha i nervozuar presidenti i Riverit, D’Onofrio.

Conmebol duhet të gjejë edhe një marrëveshje me Emiratet e Bashkuara Arabe, sepse nëse Boka fiton Libertadores dhe shkon në Botërorin e Klubeve, tifozët argjentinas nuk futen dot në Emirate duke veshur fanellë të Bokas me logo Katari, për të mos rrezikuar gjobë ose burg. Politikë, si zakonisht..

“CONMEBOL” merr masa ekstreme, çon finalen e Libertadores jashtë Argjentinës

Sport Ekspres — Tue, 27 Nov 2018 16:44:09 +0000

Institucioni qeverisës i futbollit në Amerikën e Jugut, “COMEBOL”, ka njoftuar se takimi i dytë i kupës Libertadores midis River Plejt dhe Boka Xhuniors do të luhet më datë 8 ose 9 dhjetor në një stadium jashtë territorit të shtetit të Argjentinës.

Njoftimi erdhi pak minuta pas përfundimit të takimit të dy presidenteve të klubeve përkatëse në zyrat e “CONMEBOL” në Paraguai. Sipas raportimeve të fundit nga mediet argjentinase, shteti ku do të zhvillohet takimi do të jetë pikërisht Paraguai, në kryeqytetin Asunsjon.

Me siguri ky vendim do të ketë lënë të pakënaqura të dyja palët, pasi Riveri humbet avantazhin e të luajturit në stadiumin “Monumental”, ndërsa Boka humbet opsionin e të fituarit të trofeut në tavolinë.

Nota entregada por el Presidente de la CONMEBOL a los presidentes de los clubes River Plate y Boca Juniors en la reunión del martes 27 en la sede la de CONMEBOL, en Paraguay. pic.twitter.com/qNBYTRZXx6

— CONMEBOL.com (@CONMEBOL) November 27, 2018

Tjetër rrezik për finalen e Libertadores, kësaj radhe nga “Donald Tramp &Co.”

Sport Ekspres — Sun, 25 Nov 2018 18:40:04 +0000

“CONMEBOL” vendosi të anulonte finalen e kupës Libertadores si pasojë e gjendjes së rënduar të futbollistëve të Boka Zhuniors, të cilët u sulmuan më sende të forta gjatë udhëtimit të autobusit të tyre drejt stadiumit “Monumental”.

Në një njoftim të institucioni qeverisës të futbollit amerikano-jugor u tha se të martën do të kryhet një takim midis drejtuesve të dy skuadrave finaliste, ku do të përcaktohet data e re e zhvillimi të finales. Por, këto shtyrje të njëpasnjëshme kanë sjellë një problem të papritur.

Bëhet fjalë për samitin e G20, që do të zhvillohet në Buenos Aires në ditët e para të muajit dhjetor. Liderë botërorë si Donald Tramp, Emanuel Makron, Xi Jingping etj. do të zhvillojnë takime midis tyre në kryeqytetin argjentinas. Sigurisht, që këto vizita do të shoqërohen me kushte sigurie ekstreme dhe zhvillimi i finales do të bëhet i pamundur.

ZYRTARE | Kaosi vazhdon, Boka – River nuk luhet ditën e sotme

Sport Ekspres — Sun, 25 Nov 2018 17:35:44 +0000

Takimi i dytë i finales së “Copa Libertadores” midis River Plejt dhe Boka Zhuniors nuk do të luhet ditën e sotme. Lajmi është konfirmuar nga presidenti i “CONMEBOL”, Alehandro Domingez, I cili në pranoi se lojtarët e Boka Zhuniros nuk janë në gjendje për të luajtur e kësisoj takimi nuk mund të luhet.

Ndeshja e programuar të luhej ditën e djeshme u shty për shkak të sulmit që iu bë autobusit të Boka Zhuniors pak metra larg stadiumit të Momuntal. Përveç plagëve të marra nga thyeja e xhamave, lojtarët e Bokës iu desh të përballeshin dhe me efektet çorientuese të gazit lotsjellës.

El Presidente y el Consejo de la CONMEBOL decidieron en la mañana de este domingo la postergación del partido de vuelta de la final de CONMEBOL Libertadores 2018 con el objetivo de la preservar la igualdad deportiva.

— CONMEBOL.com (@CONMEBOL) November 25, 2018

Në njoftimin e bërë nga “CONMBEBOL” është lajmëruar se presidentët e të dy klubeve do të takohen mëngjesin e ditës së martë për të vendosur datën e zhvillimit të ndeshjes.

Boka del kundër “CONMEBOL”: S’jemi në gjendje të luajmë

Sport Ekspres — Sun, 25 Nov 2018 16:28:46 +0000

Vazhdon kaosi në Buenos Aires. Së fundmi klubi i Boka Zhuniors ka dalë më një komunikatë, ku ka kërkuar shtyrjen e ndeshjes për një datë më të vonshme. Arsyetimi është i thjeshtë, lojtarët ende nuk e kanë marrë veten nga sulmi i dhunshëm që iu bë autobusit të skuadrës gjatë momentit të udhëtimit drejt stadiumit “Monumental”.

Ndeshja është programuar të luhet në orën lokale 17:00 (ora shqiptare: 21:00) dhe situata është ende shumë e paqartë. Ndërkohë, River Plejt ka lajmëruar se dyer e stadiumit janë hapur dhe tifozët janë të lutur të futen në stadium sa më shpejt për të shmangur radhët e gjata.

Comunicado de prensa | El Club Atlético Boca Juniors realizó este domingo una presentación formal ante la Conmebol para solicitar que la final de la Copa Libertadores se juegue en condiciones de igualdad, tal como se firmó ayer en el Estadio Monumental. ? https://t.co/Ym4UTeFlxy pic.twitter.com/s2KGK86zPi

— Boca Juniors (@BocaJrsOficial) November 25, 2018

Sipas medieve argjentinase, në minutat në vazhdim “CONMEBOL”, do të dalë me një njoftim, që do të sqarojë të gjithë situatën e krijuar.

Problemet s’kanë fund, shtyhet për të dytën herë orari i finales

Sport Ekspres — Sat, 24 Nov 2018 20:58:50 +0000

Takimi i dytë i finales së Kupës Libertadores midis River Plejt dhe Boka Xhuniors pritej të ishte një reklamë për futbollin në vendin amerikano-jugor, por ka rezultuar krejt e kundërta. Tifozët e River Plejt kanë sulmuar autobusin e Boka Xhuniors, duke dëmtuar disa prej lojtarëve.

Videot e lojtarëve të Bokës duke qarë në dhomat e zhveshjes kanë bërë xhiron e botës. Të gjendur para kësaj situata ekstreme, institucioni më i lartë i futbollit në Amerikën e Jugut, “CONMEBOL”, vendosi që ta shtyjë takimin për një orë. (ora 18:00 lokale, ora 22:00 shqiptare ).

A efectos de cumplir con el cronograma de la final, el partido empezará a las 19:15 horas.

— CONMEBOL.com (@CONMEBOL) November 24, 2018

Por në një njoftim të dytë është bërë e ditur se ndeshja do të shtyhet për në orën lokale 19:15 (23:15 me orën shqiptare).

Vogëlushi vë në shitje lodrat për “Superclassico”-n, historia ka një fund të lumtur

Sport Ekspres — Mon, 19 Nov 2018 19:18:50 +0000

Tensioni në “Buenos Aires” vazhdon të rritet me kalimin e orëve. Të shtunën në stadiumin e River Plejt “Monumental” do të zhvillohet takimi përmbyllës i finales së Kupës Libertadores, që këtë vit, si asnjëherë më parë ka vendosur përballë dy klubet mitike Boka Xhuniors dhe River Plejt.

Gjatë ditëve të fundit në Argjentinë janë raportuar histori nga më të çuditshmet si: Shokë që djegin shtëpitë e njëri-tjerit për shkak të debateve mbi këtë ndeshje, një ndërsa një tifoz fatkeq u qëllua me armë teksa kalonte me një bluzë të River Plejt në rrugët e Buenos Aires. Por, ka dhe histori si ato të Renzoz së vogël, foto e të cilët ka mallëngjyer me miliona njerëz.

Renzo është vetëm 6-vjeç por pasioni i tij për River Plejtin nuk njeh kufij. Djaloshi i vogël jeton në një qytet 1500 kilometra larg Buenos Aires dhe vjen nga një familje e varfër. Me pafajësinë e 6-vjeçari Renzo vendosi të dilte rrugës e të shiste lodrat e tij të pakta.

“Shes lodra, për të shkuar në Monumental”, shkruhej në tavolinën e vogël që mbante lodrat e Renzos. Foto e vogëlushit të vogël u bë lajm në mbarë vendin dhe më gjerë. Biletat për në “Monumental” kanë mbaruar me kohë, por veprimi Renzos nuk ishte i kotë, pasi për të mendoi një “fanclub” i River Plejtit me bazë në Malaga të Spanjës. Spanjollët morën përsipër koston e biletës dhe transportit drejt Buenos Aires për ndeshjen që River Plejt do të luajë ndaj Gimnasias më datë 29 nëntor . Së shpejti Renzo do të shkelë për herë të parë stadiumin që e ka parë me qindra herë nga ekranet e televizorëve.

Shtyrja e pashmangshme, Superclasico mund të luhet në një datë tjetër

Sport Ekspres — Sun, 11 Nov 2018 11:27:28 +0000

Superclasico e shumëpritur nga thuajse i gjithë globi, nuk u luajt si pasojë e reshjeve të shumta në Buenos Aires, që e bënë të pamundur të luhej futboll në “Bombonera”. CONMEBOL vendosi që të luhet ditën e sotme, në orën 20:00 me orën tonë dhe 16:00 me atë argjentinase.

Gjithsesi, siç njoftohet së fundmi, duket se supersfida do të shtyhet përsëri dhe këtë herë nuk bëhët fjalë për një ditë. CONMEBOL mund të japë vendimin që finalja e parë të luhet me datën 17 nëntor, pra të shtunën e ardhshme. Akoma asgjë nuk është zyrtarizuar, por me shumë mundësi zgjidhja mbetet të jetë kjo. Me sa duket, duhet ende të presim për të shijuar finalen e Superclasicos.

FOTO | “La Bambonera” dorëzohet para nënës natyrë, ja kushtet skandaloze të tapetit

Sport Ekspres — Sat, 10 Nov 2018 19:55:26 +0000

Reshjet e shumta që mbërthyen Buenos Airesin gjatë ditës së sotme, bënë që takimi i parë i finales së Kupës Libertadores midis Boka Xhuniors dhe River Plejt të shtyhet për ditën e nesërme. Fotot e tapetit të stadiumit të Bokës “La Bambonera” nuk lënë vend për debat.

Brenda gjashtë orësh tapeti që do të priste takimin e parë të finales është kthyer në një moçal. Madje në Argjentinë kanë frikë se nëse reshjet vazhdojnë edhe gjatë ditës së nesërme, një shtyrje e dytë do të jetë e pashmangshme.

Rrebeshi i shiut shtyn “superclassico”-n, vjen njoftimi zyrtar

Sport Ekspres — Sat, 10 Nov 2018 18:48:19 +0000

Rrebeshi i shirave që kishte mbërthyer gjatë ditëve të sotme Buenos Airesin ka detyruar drejtuesit e “CONMEBOL”, që të anulojnë takimin e parë të finales së “Copa Libertadores”. Boka Xhuniors – River Plejt ishte programuar të luhej sot në orën 21:00 (me orën shqiptaren), por gjendja e rënduar e tapetit në stadiumin “La Bambonera” ka shuar çdo mundësi për zhvillimin e ndeshjes në ditën e sotme.

Në postimin e bërë nga “CONMEBOL”, bëhet e ditur se takimi do të zhvillohet ditën e nesërme në orën lokale 16:00, pra në orën 20:00 me orën shqiptare. Sigurisht nuk përjashtohet mundësia që ndeshja të shtyhen për herë të dytë nëse kushtet e këqija atmosferike nuk ndalen.

Por motivos de fuerza mayor el partido queda suspendido para mañana, domingo 11 de noviembre a las 16:00 h.

— CONMEBOL.com (@CONMEBOL) November 10, 2018

VIDEO / Kushte të tmerrshme para finales, a mund të luhet kështu?

Sport Ekspres — Sat, 10 Nov 2018 16:40:54 +0000

Sot në orën 21:00 do të nisë takimi i parë i finales së kupës Libertadores midis Boka Xhuniors dhe River Plejt në stadiumin e Bokës, “La Bambonera”. Por, kushtet e rënda atmosferike që kanë mbërthyer kryeqytetin e Argjentinës rrezikojnë ta çojnë takimit drejt anulimit.

Reshjet e shumta të cilat i kalojnë me intensitet 40 milimetra në orë e kanë kthyer fushën e stadiumit të Boka Xhuniors në një moçal të vërtet. Një video e publikuar së fundmi nga mediet argjentinase tregojnë se tapeti i fushës ku do të zhvillohet finalja e sotme, është shumë larg gjendjes optimale që kërkohet për t’u luajtur një ndeshje normale.

VIDEO | Finalja historike, stuhi e fortë në Argjentinë

Sport Ekspres — Sat, 10 Nov 2018 12:20:03 +0000

Sot në mbrëmje do të luhet një ndeshje e madhe për botën e sportit. Në finalen e Kupës Libertadores do të përballet Boka Zhunjors dhe River Plejt. Sytë dhe veshët e gjithë botës do të jenë në Bombonera.
E vetmja gjë që mund ta zbehë pak bukurinë e kësaj ndeshje mund të jenë kushtet atmosferike, pasi sot prej pak orësh shiu nuk po pushon dhe është një stuhi e vërtetë.

Rrugët pranë stadiumit janë përmbytur, megjithatë nuk pritet që të ketë ndonjë problem para ndeshjes, pasi shumë persona janë angazhuar për mbarëvajtjen e kësaj sfide. Kujtojmë që për këtë ndeshje ka një interes jashtëzakonisht të madh, aq sa president i Bokës, ka ndryshuar foton e whatsapit, duke vendosur një njoftim: “Nuk kam asnjë biletë”.

Pritshmëritë për këtë takim janë të mëdha, pasi është një nga derbit më të mëdha në botë. Për çështje sigurie në këtë ndeshje do të jetë vetëm tifozeria vendase, duke qenë se finalja e këtij kompeticionin luhet me 2 takime.

Faltan menos de 10 horas para la primera de la final de la Copa Libertadores y así diluvia en las afueras de La Bombonera. ¡Impresionante! pic.twitter.com/NGOitrOt6T

— SportsCenter (@SC_ESPN) November 10, 2018

VIDEO / River Plejt shtang Gremion në Brazil, tani të gjithë sytë te Boka

Sport Ekspres — Wed, 31 Oct 2018 08:06:07 +0000

River Plejti është skuadra e parë që pret një biletë për në finalen e “Copa Libertadores”. Skuadra nga Buenos Aires befasoi duke mundur Gremion në transfertë me rezultatin 2-1, ndërkohë që kishin gabuar në ndeshjen e parë, ku u mundën në Argjentinë me rezultatin 1-0.

Vendasit gjetën të parët avantazhin në minutën e parë me anë të Leo Gomesh, me gjuajtje perfekte nga distanca. Megjithatë, River dominoi gjatë gjithë ndeshjes dhe kolumbiani Rafael Santos Borre barazoi shifrat në minutën e 81-të.

5 minuta më vonë kaos total: penallti për River, VAR, ndërprerje e gjatë dhe karton i kuq për mbrojtësin Bressan, i cili tentoi të sulmonte arbitrin. Mes protestave e tensionit, në minutën e pestë të kohës shtesë erdhi goli i përmbysjes nga Piti Martinez.

Gjyqtari i takimit lejoi 14 minuta shtesë, por skuadra braziliane nuk ia doli për të barazuar rezultatin. Pas ndeshjes u desh ndërhyrja e policisë për të larguar arbitrat nga stadiumi, pasi tensioni ishte i jashtëzakonshëm.

Finalja e “Copa Libertadores” zhvillohet me dy takime dhe kundërshtari më i mundshëm për Riverin janë rivalët e përjetshëm të Boka Xhuniors, të cilët kanë fituar 2-0 takimin e parë ndaj Palmeiras. Në 58 edicionet e mëparshme të “Copa Libertadores”, nuk ka ndodhur asnjëherë që River dhe Boka të vihen përballë në ndeshjet finale, ndoshta ky është viti i duhur. Real Madrid-Barcelona nuk ka ndodhur kurrë në finalen e Champions League, por një River-Boca është më emocionuese.

https://www.youtube.com/watch?v=58V23ARqNwU