Everton zhbllokoi i pari rezultatin në minutën 15-të, por Peruja barazon me anë të një 11-metërshi. Në sekondat e fundit të pjesës së parë Zhezuz rikthen në avantazh Brazilin.

Në pjesën e dytë protagonist i ndeshjes u kthye arbitri kilian Roberto Vargas Tobar, i cili në mënyrë të pashpjegueshme nxori me të kuqe sulmuesin Gabriel Zhezuz në minutën e 70-të. Disavantazhi numerik nuk ndikoi në rezultatin përfundimtar, madje Brazili thelloi diferencën në minutat e fundit me anë të Riçarlison.

Finalja e “Copa America”
Brazil 3 – 1 Peru
Shënues: Everton 15′ , Zhezuz 45+1′, Riçarlison 90′ (pen) / Guerrero 44′

90′ – Riçarlison shënon golin e tretë për Brazilin.

70′ Kartoni i kuq i Gabriel Zhezuz

45+1′ Gabriel Zhezuz rikthen Brazilin në avantazh!

44′ – Guerrero barazon për Perunë.

“S’ka asgjë për të shqetësuar, e kemi parë dhe herë të tjera këtë gjë. Gjithmonë them të vërtetë pasi kjo më bën të ndihen më i qetë. Mendoj se kjo ndodhi për shkak të atyre qe thashë, ndoshta ky ishte çmimi që duhet të paguaja. Gjithçka mund të mbyllej aty me vetëm një karton të verdhë”.

PËRSE NUK SHKUAT TË MERRNIT MEDALJEN?

“Ndikuan nga pak të gjitha. Nuk kemi përse të jemi pjesë e këtij korrupsioni, e kësaj mungese respekti për të gjithë turneun. Jemi për më shumë se kaq. Korrupsioni, arbitrat dhe të gjitha këto nuk i lënë njerëzit të marrin pjesë në futboll, në spektaklin e këtij sporti, kështu e rrënojmë nga pak”.

AKUZAT NDAJ BRAZILIT –  “Nuk kam asnjë guxim, e gjitha kjo po bëhet për Brazilin. Shpresoj që VAR dhe arbitrat të mos ndikojnë në finale në mënyrë që Peruja të ketë një shans për të konkurruar. Kanë një ekip të mirë, por e shoh të vështirë”.

MEDEL – “Medel i tillë është gjithmonë, bën çdo gjë deri në limite, ka bërë shpesh sherre. Gjithsesi siç e thashë me një të verdhë gjithçka mund të mbyllej aty”.

“Pleshti” nuk e ka përjetuar aspak mirë vendimin e gjyqtarit. Në shenjë proteste 32-vjeçari nuk ka qenë me pjesën tjetër të skuadrës në momentin e dorëzimit të medaljeve të bronzta.

Vendimet e trupës së gjyqatarëve në “Copa America” kanë ndikuar jo pak në eliminimin e Argjentinës në gjysmëfinale ndaj Brazilit, ku vetë Mesi akuzoi publikisht gjyqtarin kryesor të atij takimi.

Pesë minuta më pas, Aranguiz i Kilit kishte mundësinë të kalonte skuadrën e tij në avantazh. Pak metra me portën, por topi i gjuajtur prej tij shkoi jashtë. 20 minuta lojë u deshën që të vinte goli i parë, me Flores që shfrytëzoi një kros të devijuar më parë me kokë dhe me të majtën e tij e dërgoi topin në rrjetë.

Më pas munguan rastet, por jo goli. Arias gaboi në një dalje dhe e la portën e boshatisur, ndërkohë që Jotun shënoi për të dytën herë. Pjesa e parë nuk pati më gola. Kili u përpoq të hapte ndeshjen, por rastet më të mira për shënim i pati Peruja.

Në shtesë erdhi edhe goli i Guerreros, që vulosi gjithçka. Në fund pati edhe një penallti për Kilin dhe Vargas tentoi të shënonte me “lugë”, por Galeze arriti ta ndalte dhe aty përfundoi takimi. Peruja në finale, kundër Brazilit.

COPA AMERICA – GJYSMËFINALE
Kili-Peru 0-3
Shënues:  Flores 21’, Jotun 38’, Guerrero 90’

Without a doubt, like here; when Alves should've been sent off with a second yellow and Argentina should've been given a pen, but instead it wasn't reviewed and was let go which led to a brasil goal. Why supply VAR when its gonna be ignored in times when its needed? pic.twitter.com/DeT7TJC4Et

— alvin (@AlvinoTweets) July 3, 2019

Gjyqtari Rodi Zambrano refuzoi të përdorte VAR-in, pavarësisht protestave. Gjithsesi nuk është vetëm ai rast për të cilin albicelestët pretendojnë. Është edhe një penallti tjetër për një ndërhyrje të Otamendit nga Artur.

Pamjet tregojnë qartë goditjen me bërryl që i jep kundërshtarit mesfushori i Barcelonës, por as në atë rast nuk u akordua penallti. Arbitri e kishte ndarë mendjen të mos përdorte VAR dhe në njëfarë mënyre ka vendosur fatet e Brazil-Argjentinë. Dy penallti të padhëna janë shumë.

https://twitter.com/JuanDisciascio_/status/1146240699878256640

“Jemi të zemëruar, pasi kemi bërë një ndeshje të madhe dhe nuk duhet të përfundonte kështu. Ata nuk ishin superiorë ndaj nesh. Shënuan golin e parë, kurse goli i dytë erdhi pas një penalltie të padhënë për Agueron”, u shpreh Mesi për mediat.

Më tej ai shtoi: “Arbitrat morën vendime pa fund me VAR për budallallëqe, por as që e kontrolluan VAR-in, kjo është e pabesueshme. Kjo ndodhi në të gjithë ndeshjen, me sa duket janë lodhur se ndaluri lojën. Në çdo kontakt ata vendosnin në favorin e tyre dhe ky lloj arbitrimi absurd na nxori nga loja.

Nuk ka justifikime për ne, por duhet riparë kjo gjë, duhet analizuar dhe shpresoj që CONMEBOL të bëjë diçka rreth saj, edhe pse nuk shpresoj, sepse është gjithçka e organizuar”, tha Mesi mes të tjerash, duke përçuar një mesazh tek organizatorët. Në Copa America ka pasur shumë polemika, teksa në ndeshje të caktuara VAR-i është përdorur edhe pa kriter, kurse në gjysmëfinalen Brazil-Argjentinë, arbitri ekuadorian refuzoi të rishikonte rastin e penalltisë së Agueros.

Ndeshja nisi me një “predhë” të Paredes pas dhjetë minutash lojë, por gjuajtja e argjentinasit shkoi pak mbi traun e portës. Përgjigja e Brazilit ishte e menjëhershme dhe pas disa kombinimeve të bukura, Firmino i dha një top në zonë Gabriel Zhezus dhe ky i fundit e dërgoi në rrjerë.

Festë dhe Brazili e pa veten në avantazh pas 19 minutash lojë. Argjentina u mundua të reagonte dhe u ndal nga traversa. Mesi krosoi nga një goditje dënimi dhe Aguero me kokë gjuajti mirë dhe topi u ndal në shtyllën transversale. Pjesa e parë nuk solli gol tjetër.

Në të dytën De Paul dhe Kutinjo provuan kuadratin, por nuk ishin të saktë. Në të 56’ Lionel Mesi iu afrua golit, pot gjuajtja e tij u ndal nga shtylla pingule. Rreth 15 minuta më pas erdhi edhe goli i dytë për Brazilin.

Kundërsulmi i tyre ishte efikas, me Gabriel Zhezus që dhuroi spektakël dhe Firmino brenda zonës nuk mund të gabonte. Skaloni pretendon për penallti, pasi më parë Aguero ishte rrëzuar në zonë. Praktikisht ndeshja u mbyll aty dhe Brazili siguroi finalen, me Argjentinën që doli me kokën ulur nga fusha.

COPA AMERICA – Gjysmëfinalet
Brazil-Argjentinë 2-0
Shënues: Zhezus 19’, Firmino 71’

Luis Suarez ishte i pari që goditi dhe i vetmi që gaboi. 29-vjeçari Pedro Galese e priti goditjen e sulmuesit të Barcelonës, ndërkohë që të gjithë nëntë goditjet e tjera përfunduan në rrjetë.

Edison Flores shënoi penalltinë deçizive, duke dërguar shokët dhe tifozët e tij në festë dhe Suarez në lot. 32-vjeçari e përjetoi shumë keq këtë situatë dhe ishte pothuajse e pamundur për ta qetësuar.

Ky është futbolli, para një muaji e gjysmë ai qeshte përpara fytyrës së Endi Robertson, skocezit të Liverpulit, pas golit të tretë të Mesit në fitoren e parë në ndeshjen gjysmëfinale të Champions Ligës.

Më pas ndodhi përmbysja e madhe e djemve të Klopit në Anfield, Barça humbi edhe finalen e Kupës së Mbretit, ndërsa tani vjen eliminimi prej Kupës së Amerikës.

Luis Suarez crying after missing a pen to send Uruguay out of Copa America….. Remember when he laughed at Andy Robertson. You love to see it! pic.twitter.com/juvET7vXlL

— Stanley House ??6?? (@StanleyHouseLFC) June 29, 2019

This is exactly what I was thinking about last night. He pays for this epic disrespectful behavior. pic.twitter.com/c7vjABbJDq

— Alexandros Morellas (@A_Morellas) June 30, 2019

Koha e rregullt, u mbyll me rezultatin 0-0, edhe pse të dyja skuadrat kishin mundësi të shënonin. Uruguai u “dënua” dy herë nga VAR-i, pasi në dy raste djemtë e Tabarezit shënuan, por goli u anulua për pozicion të parregullt.

Pasi koha shtesë u mbyll e barabartë pa gola, skuadrat iu drejtuan penalltive. Suarez goditi i pari dhe gaboi, penallti që do të vendoste dhe fatet e kualifikimit. Të gjithë të tjerët u treguan të saktë para porte dhe Peruja fitoi 5-4 nga pika e bardhë.

Kupa e Amerikës, çerekfinale

Uruguai – Peru  0-0 (5-4)

EDISON FLORES SCORES THE WINNING PENALTY!!!!#Peru beat #Uruguay 5-4 on penalties! They were outplayed during regulation, but now they advance to #CopaAmerica semifinals!#URUPER #ArribaPeru ?????? pic.twitter.com/XWdoxCkfL0

— Joga Bonito (@Jasoninho10) June 29, 2019

Kualifikimi i Argjentinës na sjell një përballje speciale në gjysmëfinale, pasi “albicelestët” do të kenë kundër Brazilin. Të zotët  e shtëpisë vijnë shumë herë më të avantazhuar ndaj argjentinasve, por kur  ke Leo Mesin në fushë, asgjë s’është e pamundur.

“Copa America”, faza e çerekfinale
Argjentina 2 – 0 Venezuela
Shënues: Martinez 10’, Lo Selso 74’

Kupa e Amerikës, çerekfinale

Venezuela – Argjentina 0-1
Lautaro 10’

Everton, Kutinjo dhe Gabriel Zhezus patën mundësi të mira shënimi, por nuk ia dolën dot. Portieri Alison ishte në lartësinë e duhur në momente të caktuara, ndërkohë që nuk mund të mos kishte ndërhyrje të VAR në këtë përballje.

Në minutën e 55-të u akordua fillimisht një penallti për Brazilin, por më pas arbitri i ndeshjes iu drejtua monitorit dhe ktheu pas vendimin e tij, duke dhënë faull jashtë zone. Balbuena i Paraguajit e pësoi, duke u ndëshkuar me karton të kuq.

Disa momente ndalje të lojës dhe në fund shtesa ishte shtatë minuta, por nuk solli ndryshim të rezultatit. Penalltitë ishin ato që vendosën dhe Gustavo Gomez ishte ai që e dërgoi topin jashtë. Uillian, Markinjos dhe Kutinjo shënuan, për t’i lënë radhën Firminos.

Ky i fundit gaboi dhe Rojaz shfrytëzoi rastin për të barazuar në 3-3. Gjithsesi Derlis Gonzales e dërgoi topin jashtë më pas dhe Gabriel Zhezus realizoi golin që i dha kualifikimin Brazilit në gjysmëfinale. Sonte përcaktohet edhe rivali i tyre, që do të dalë pas përballjes Argjentinë-Venezuelë, që nis prej orës 21:00.

As Lionel Mesi dhe as Serxhio Aguero nuk kanë arritur të përzgjidhen. Portën e mbron gardiani i Venezuelës Farinez, ndërsa përpara tij qëndron dyshja e Uruguajit në qendër, Zhimenes-Godin. Nga krahët janë brazilianët Filipe Luis e Dani Alvesh.

Mesi i fushës përbëhet nga dyshja e Kilit në qendër, Aranguiz-Pulgar, ndërsa në krah luajnë Maçis i Venezuelës dhe Hames Rodrigez. Sulmi është pronë e Kavanit dhe Everton, i cili ka mahnitur deri tani me Brazilin.

Japonia shkoi në kuotën e dy pikëve, ndërsa Ekuadori mori pikën parë. Festa në fund të takimit ishte për Paraguajn që në mënyrë të çmendur arrin të kalojë në çerekfinale.

Themi në mënyrë të çmendur, pasi ka kaluar me vetëm dy pikë të grumbulluara. Tashmë Paraguaj do të ndeshet me Brazilin. Për sa i përket sfidës së Ekuadorit dhe Japonisë golat u shënuan në pjesën e parë, fillimisht nga Nakaxhima dhe më pas nga Mena.

Ndeshja tjetër e këtij grupi midis Kolumbisë dhe Paraguait u mbyll me fitoren 1 – 0 të kolumbianëve. Paraguait tani i duhet të shpresojë në një barazim midis Japonisë dhe Ekuadorit për të kaluar më tej si skuadra e dytë më e mirë ndër vendet e treta.

Argjentina 2 – 0 Katar
Shënues: Lautaro Martinez 4’, Aguero 82’

Kolumbia 1 – 0 Paraguai
Shënues: Kuejar 32’

Ndeshja filloi më mirë për peruanët të cilën befasuan duke rrezikuar në dy raste portën e Alison. Megjithatë, goli i Kasemiros në minutën e 12 ndryshoi gjithçka. Pak minuta më vonë Firmino shënon golin e dytë për Brazilin, ndërsa spektaklin e vërtetë e jep Everton, i cili çon në 3 – 0 shifrat me një “predhë” nga distanca.

Pjesa e dytë nis me festë për brazilianët. Kapiteni Dani Alvesh gjen golin pas një depërtimi në zonën e Perusë. Pas disa minutash qetësi Uilliam i ardhur nga stoli shënon golin e pestë për tijtë. Zhezuz mund të çonte shifrat në 6 – 0 në minutat shtesë, por sulmuesi i Sitit u tregua i pasaktë nga pika e bardhë.

Brazil 5 – 0 Peru
Shënues: Kasemiro 12’, Firmino 19’, Everton 32’, Alvesh 53’, Uillian 80’

Kualifikimi nga faza e grupeve është komplikuar tepër për Argjentinën dhe kritikat kundrejt Mesit nuk kanë munguar. Përveç kritikave, ka pasur dhe nga ata që kanë ironizuar me paraqitjen e Mesit.

Klubi anglez, Njukasëll, ka shfrytëzuar Twitter-in për të ngacmuar yllin e Barcelonës. Krahas një fotoje, ku është në dyluftim Mesi dhe lojtari i tyre, Miguel Almiron, klubi legjendar anglez shkroi: “Një gjeni i futbollit dhe Lionel Mesi.”

Edhe pse në nuancat e shakasë, reagimet kanë qenë nga më të shumtat, madje “cicërima” e klubit anglez u bë virale në rrjet, me mediat nga më të ndryshmet që e raportuan si lajm. Ndoshta do të ketë dhe një reagim nga vetë Mesi.

A football genius and Lionel Messi. #NUFC #CopaAmerica pic.twitter.com/ne28dZqRQX

— Newcastle United FC (@NUFC) June 20, 2019

Mijoshi ishte ai që ndëshkoi Uruguajin. Kur kishin kaluar 25 minuta lojë ai realizoi një gol mjaft të bukur, por vetëm pak minuta më pas u akordua një penallti. Një takë e ngritur ndaj Kavani, me ndihmën e VAR, u konsiderua e gabuar dhe për arbitrin kishim të bënim me 11-metërsh.

VAR with another absolute shocker. Uruguay awarded a penalty against Japan for this. Edinson Cavani appears to inadvertently kick the defender. Football really is in a bit of a mess with this. @CopaAmerica #URUJAP #Uruguay #Japan #CopaAmerica2019 pic.twitter.com/eDkIHEn3EV

— 365liveball (@365liveball) June 21, 2019

Luis Suarez nga pika e bardhë nuk gaboi dhe ndeshja u barazua në 1-1. Më pas ishte radha e Kavanit për të drithëruar Japoninë, teksa goditi fort nga jashtë zone dhe vetëm traversa e ndali. Gjithsesi në pjesën e parë nuk pati më gol dhe lojtarët iu drejtuan dhomave të zhveshjes.

Dhjetë minuta pasi nisi e dyta, ishte Kavani ai që kishte mundësinë më të mirë për të shënuar. Sulmuesi tentoi një parabolë përballë portierit, por pa sukses. Mijoshi në të 59’ shfrytëzoi një top të lënë në zonë nga Muslera dhe pranë portës nuk mund të gabonte. Japonia sërish në epërsi.

Barazimi nuk do të vononte, me Himenez që shfrytëzoi një kros nga këndi dhe me kokë e dërgoi topin në rrjetë. Uruguai u hodh në sulm për të shënuar edhe golin e tretë dhe të fitores, madje rastet i pari, por nuk ia doli dot. Kështu dy skuadrat ndanë nga një pikë dhe mendojnë për ndeshjet e fundit në grup.

COPA AMERICA – GRUPI C
Uruguaj-Japoni 2-2
Shënues: Suarez 32’ (pen.), Himenez 66’ / Mijoshi 25’, 59’

Katari qëndroi me forca të shumta në mbrojtje, por pavarësisht kësaj kolumbianët patën disa raste shënimi. Të ftuarit në Copa America mund të surprizonin në minutën e 90-të, pasi iu afruan golit të barazimit. Me fitoren e marrë, Kolumbia bën tutje.

Argjentina nuk po di të fitojë. Pas humbjes në ndeshjen e parë me Kolumbinë, këtë herë barazoi 1-1 me Paraguajin dhe renditet në vendin e fundit në grup. Lionel Mesi u mundua të bënte diçka, por kundërshtari ishte i vendosur mirë në fushë dhe me një kundërsulm arriti të kalonte i pari në avantazh me Sançez.

Në fundin e pjesës së parë portieri Armani mund të ndëshkohej me karton të kuq, por arbitri i ndeshjes e “fali”. Protesta të shumta nga lojtarët e Paraguajit. Mesi me shokë e nisën vrullshëm pjesën e dytë, teksa fituan një penallti. Gjithçka u vendos nga VAR dhe Mesi nuk fali.

Pak minuta më pas Otamendi gaboi me një ndërhyrje në zonë dhe shkaktoi penallti. Armani bëhet “hero”, duke ndalur Gonzales. Argjentina u mundua shumë të realizonte golin e fitores, por tensioni i pengoi ata të ishin të qetë para portës. Kështu, gjithçka u mbyll me rezultatin 1-1 dhe “Albicelestët” duhet të fitojnë me çdo kusht përballjen e radhës me Katarin.

COPA AMERICA – GRUPI B

Kolumbi-Katar 1-0
Shënues: Zapata 86’

Argjentinë-Paraguaj 1-1
Shënues: Mesi 57’ (pen.) / Sançez 37’

E diel, më 23 qershor, ora 21:00
Kolumbi-Paraguaj
Katar-Argjentinë

Për t’u zhbllokuar ndeshja janë dashur 40 minuta lojë dhe pas një harkimi nga këndi ka qenë Erik Pulgar ai që me një goditje me kokë e ka dërguar topin drejt e në rrjetë. Pjesa e parë u mbyll m rezultatin 1-0, kurse në të dytën Kili shënoi shumë shpejt edhe golin e qetësisë.

Edoardo Vargas, pas një aksioni model të skuadrës së tij, nuk fali me një goditje brenda zonës së rreptësisë. Topi u devijua pak dhe shkoi në rrjetë. Në fund të takimit erdhën edhe dy gola të tjerë, fillimisht ishte Aleksis Sançez që realizoi me një goditje me kokë, ndërsa Vargas me një parabolë mposhti për të katërtën herë portierin e Japonisë, Osako.

Për Vargas ky ishte goli i 38-të me Kilin, çka e bën atë shënuesin e dytë më të mirë në historinë e kombëtares së vendit të tij. Ai ka parakaluar Marcelo Salas, autor i 37 golave. Më mirë ka bërë vetëm Aleksis Sançez, i cili numëron 42 gola me Kilin.

COPA AMERICA – GRUPI C
Kili-Japoni 4-0
Shënues: Pulgar 41’, Vargas 54’, 83’, Sançez 82’

Uruguai i dha drejtim ndeshjes dhe pasi kishin kaluar pak më shumë se gjysmë ore lojë erdhi edhe goli i dytë. Një realizim mjaft i bukur nga Edinson Kavani, i cili pa më parë shokët e tij të luanin “pingpong” në zonë dhe më pas shënoi.

Dhjetë minuta më pas, sërish nga një goditjeje këndi, erdhi edhe goli i tretë. Këtë herë ishte Luis Suarez i Barcelonës që nuk fali me një goditje brenda zonës. Uruguai shkoi në dhomat e zhveshjes me avantazhin e tre golave dhe praktikisht çështja e fitores ishte e mbyllur. Ekuadori nga minuta e 24-t luante me një lojtar më pak.

Në të dytën ritmi u ul pak dhe goli i katërt u shënua nga vetë lojtarët e Ekuadorit, me futbollistin Arturo Mina i cili pa veten t’i ngecte në këmbë një top që nuk mund t’i jepte drejtim tjetër veçse në portën e tij. 4-0 dhe Uruguai merr tre pikët e para.

Në minutën e 16’, sulmuesit e Katarit kishin mundësinë më të mirë për të shënuar, por me portën e boshatisur, dy sulmues nuk arritën të shtyjnë topin drejt rrjetës.

Clinical finishing from Qatar pic.twitter.com/t8nNlXr5vQ

— Amin???? (@YNWMeIly) June 16, 2019

Pjesa  e parë foli e gjitha për Kolumbinë. Djemtë e drejtuar nga Karlos Keiroz dominuan në mënyrë të frikshme pjesën e parë, por zotërim i topit nuk u pasua me raste për shënim.

Në fillim të pjesës së dytë Argjentina u duk se u zgjua me Paredes dhe Mesin që i afrohen golit, por në momentin më të mirë të argjentinasve, kolumbianët shënojnë me anë të Roxher Martinez.

Në minutën e 81-të Keiroz heq nga fusha Falkaon për t’i dhënë pak minuta Duvan Zapatës. Sulmuesit të Atalantës i mjaftojnë vetëm 5 minuta për të vënë emrin në listën e shënuesve dhe për të konfirmuar momentin e mirë. Triumf dhe tre pikë për Kolumbinë, kurse Argjentina duhet të reagojë ndeshjen e ardhshme.

Argjentinë 0 – 2 Kolumbi
Shënues:  Martinez 71’, Zapata 86’

https://youtu.be/_JRSDpj4ygY

Një pjesë e çuditshme e këtij turneu është pjesëmarrja e kombëtareve të Japonisë dhe Katarit. Në pamje të parë mund të duket një çmenduri, por kombëtaret nga kontinentet e tjera nuk janë diçka e re për këtë turne, ku në edicionet e shkuara kanë marrë pjesë Meksika, SHBA dhe Kosta Rika. Arsyeja për pjesëmarrjen e këtyre kombëtareve lidhet me të ardhurat e shtuara nga të drejtat televizive, e thënë ndryshe: paraja blen gjithçka në futboll!

Favoriti kryesor i turneut është Brazili. “Të zotët e shtëpisë” kanë ekipin më të fortë në letër, pavarësisht mungesës së yllit Nejmar dhe shumë vetë besojnë se ky është viti që “Seleçao” do të rikthejë trofeun e “Copa America” në Brazil pas 12 vitesh. Argjentina, Uruguai dhe Kolumbia janë rivalët kryesorë të skuadrës së drejtuear nga Tite . Takim i parë i këtij turneu do të jetë midis Brazilit dhe Bolivisë. Ndeshja zhvillohet në orën 2 të mëngjesit të së shtunës (në zonën kohore të Shqipërisë)

GLOBO:

The expected XI for Brazil’s opening match of the Copa América, which will take place tonight. pic.twitter.com/Zpbr4nuNmM

— Brasil Football ?? (@BrasilEdition) June 14, 2019

Në Argjentinë, temperaturat janë shumë të ulëta në periudhën kur do të organizohet Copa America, ndërsa në Kolumbi, është shumë ndryshe, me temperature mbi 30 gradë. Edhe distanca mes dy shteteve, është shumë e madhe, plot 7500 km.

Për më tepër, është hedhur dhe ideja që finalja do të luhet me dy ndeshje, një në Argjentinë, e një në Kolumbi, brenda një jave. Futbollistët finalistë do të luajnë brenda 7 ditësh nga temperatura me minus, në +30 gradë. Për më tepër, do të udhëtojnë dhe 7500 km, kushte që rrezikojnë jo pak shëndetin e tyre.

Polemikat në rrjet janë të shumta, duke filluar që nga mediat, e deri te tifozët e kombëtareve pjesëmarrëse. Gjithë ky “bum” mediatik, pritet të ndikojë në organizimin e Copa America 2020, por deri më tani, këto janë kushtet në tavolinë.

Më shumë nga të gjithë këtë e vuan Leo Mesi. Prej më shumë se një dekade “pleshti” akuzohet nga bashkëkombësit për lojë me dy standarde. Në një intervistë të dhënë së fundmi, Serxho Aguero foli në lidhje me këtë presion që shoqëron Mesin prej vitesh.

“Dua më shumë të fitoj një trofe për Mesin se sa për veten. E them për këtë pasi ai po e vuan këtë prej shumë kohësh. Shpresoj që një ditë të ndodhë. Ai e ëndërron këtë, ashtu si të gjithë ne tek Argjentina”.

“Sulmuesi Uillian i Çelsit është thirrur nga ekipi kombëtar i Brazilit dhe do të luajë në Copa America 2019,” konfirmoi Federata Braziliane e Futbollit. “Ai është thirrur për të zëvendësuar Nejmar, i cili u largua nga skuadra pas miqësorës kundër Katarit”.

Uillian bëri debutimin e tij për Brazilin në nëntor 2011 dhe ka bërë 65 paraqitje për “Selecao”, duke shënuar tetë gola.

Ai gjithashtu përfaqësoi kombëtaren e tij në dy Kupat e Botës, në 2014 dhe në Rusi 2018, dhe me tërheqjen e Nejmar, ai është lojtari i tretë më me shumë ndeshje në skuadrën e Tites, pas kapitenit Dani Alves (107) dhe Tiago Silvës (78). Brazili fillon ndeshjet e Copa America në Grupin A të premten, më 14 qershor kundër Bolivisë.

Hetimet po vijojnë për sa i përket çështjes së përdhunimit, ndërsa nga Kombëtarja Tite ka dhënë shenja të dyshimta në lidhje me pjesëmarrjen e Nejmar në Kupën e Amerikës.

??¡¡ÚLTIMA HORA!! Novelletto, vicepresidente de la Federación brasileña, cree que NEYMAR NO DISPUTARÁ la COPA AMÉRICA: “No está en CONDICIONES psicológicas”. pic.twitter.com/DMQaOsX4bV

— El Chiringuito TV (@elchiringuitotv) June 5, 2019

Dyshimeve të Tites, i shtohet edhe deklrata e zëvednës presidentit të Federatës braziliane të futbollit. Ky i fundit ka deklaruar për mediat vendase që Nejmar nuk është në gjendjen e duhur psikologjike për të qenë në Kupën e Amerikës.

Diçka e tillë do të ishte padyshim tronditëse për Nejmar, me brazilianin që është një ndër lojtarët më të rëndësishëm të Kombëtares së tij, që këtë edicion të Kupës së Amerikës e organizon në shtëpi.

Protagonisti i gjysmëfinales së Champions-it, Lukas Moura, është lënë jashtë grumbullimit. Tite ka vendosur të mbajë grupin e njëjtë në repartin e sulmit duke mbledhur lojtarët që kanë qenë pjesë e kombëtares në dy grumbullimet e fundit:  Neres, Everton, Firmino, Gabriel Zhesus, Nejmar, Riçarlison.

Surpriza nuk ka as në mesfushë, ku grupi qëndron i pandryshuar. Ashtu si në grumbullimet e mëparshme. Të pesë lojtarët e këtij reparti luajnë në ligat e para evropiane: Alan, Artur, Kasemiro, Fernandinjo, Paketa, Kutinjo.

Në mbrojtje rikthehet Dani Alvesh, ndërsa vend ka dhe për Tiago Silvën, që siç duket do të riaftësohet në kohë pas operimit në gju. Jashtë ka mbetur mëngjarashi Marselo, zgjedhjet e Tites për këtë rol janë Aleks Sandro dhe Filipe Luis. “Copa America” do të filloj gjatë muajit të ardhshëm dhe Brazili është favoriti për ta fituar turneun, kjo jo vetëm për shkak të kualitetit, por edhe për faktin se eventi organizohet në vendin e sambës.

Portierë: Alison, Kasio, Ederson

Mbrojtës: Aleks Sandro, Daniel Alvesh, Eder Militao, Fagner, Filipe Luis, Markuinjos, Miranda, Tiago Silva

Mesfushorë: Alan, Artur, Kasemiro, Fernandinjo, Paketa, Kutinjo

Sulmues: Neres, Everton, Firmino, Gabriel Zhesus, Nejmar, Riçarlison

Çuditërisht lajmi është bërë i ditur nga gruaja e lojtarit, e cila postoi disa foto në “Instagram”, ku 34-vjeçari shfaqej me paterica dhe i fashuar në pjesën e gjurit.

Ky dëmtim nuk mund të kishte ardhur në një moment më të keq për Silvën, i cili pritej të ishte pjesë e listës së Brazilit për trofeun “Copa America”. Trajneri i “Seleçaos”, Tite,  do të shpallë listën e të grumbulluarve më datë 17 maj, ndërsa turneu fillon më datë 15 qershor.

Me shumë gjasa ky ishte shansi i fundit që Silva të ishte pjesë e kombëtares së Brazilit. Mosha e lojtarit të PSG-së ka filluar të bëjë të vetën dhe ndoshta ka ardhur momenti që t’i hapet rruga brezit të ri.

Ditën e sotme, janë përcaktuar gjithashtu stadiumet se ku do të zhvillohen ndeshjet. Sfida hapëse, që do të luhet me 14 qershor do të zhvillohet në stadiumin e Sao Paolos, “Estadio Morumbi”. Finalja e madhe më pas, që do të luhet me 7 korrik, do të zhvillohet në kryeqytetin e Rios, në mitikun “Maracana”.

Kampionia në fuqi është kombëtarja e Kilit, e cila ka triumfuar në dy edicionet e fundit të Kupës së Amerikës. Në vitin 2015 dhe në vitin 2016, ku u luajt dhe edicioni special “Copa America Centenario”.

???@CONMEBOL y Comité Organizador Local definen calendario de la #CopaAmérica Brasil 2019.

? https://t.co/TJf2fqnZ49 pic.twitter.com/IxAop57ycP

— CONMEBOL Copa América? (@CopaAmerica) December 18, 2018

Skuadra nga Shtetet e Bashkuara, Kanadaja, Peruja, Brazili etj. Morën pjesë në këtë edicionin e parë të këtij turneu që pritet të bëhet i përvitshëm. Ndeshjet u zhvilluan në format 5 kundër 5 në fushë me parket.