Megjithatë, deklaratat e Leo Mesit kanë trazuar ambientin e Brazilit. Kapiteni i Argjentinës dhe Barcelonës “shpërtheu” kundër gjykimit dhe theksoi ndihmën e madhe që po i jepej Brazilit në këtë kompeticion.

Pas Tites dhe Tiago Silvës, ka qenë radha e Markinjos për t’i kthyer përgjigje “pleshtit”. Mbrojtësi i PSG-së ka folur qartë dhe pastër, duke i bërë thirrje Mesit të pranojë verdiktin e fushës.

“Është acaruese që një lojtar si Mesi ankohet për padrejtësi. Barcelona dhe Argjentina kanë patur shpesh episode në favor të tyre, por Leo nuk ka folur kurrë për korrupsion. Ai humbi dhe duhet ta pranojë, ashtu siç bëmë ne kur na mposhti Belgjika në Botëror. Ta bën humbja këtë gjë, i vihet faji arbitrit për të hequr përgjegjësitë”, përfundon Markinjos.

Pas trajnerit Tite ka qenë radha e Tiago Silvës për t’iu përgjigjur kapitenit argjentinas. Mbrojtësi i PSG-së i kujton Mesit humbjen 6-1 të ekipit të tij në Barcelonë, çka solli eliminimin e turpshëm të kampionëve të Francës nga Champions Liga.

Arbitri lehtësoi përmbysjen e çmendur të Mesit me shokë, por Tiago Silva thekson se kurrë nuk u deklarua për favorizim të ekipit katalanas.

“Ndonjëherë në humbje, përpiqemi të merremi me të tjerët. Nuk mendoj se Mesi foli në atë mënyrë nga padija, por ne jemi të trishtuar nga ajo çfarë dëgjuam. Në ndeshjen që PSG humbi 6-1 me Barcelonën, Mesi bëri edhe rolin e arbitrit dhe ishte diçka qesharake.

Ne nuk deklaruam se arbitri ishte me Barcelonën. Mendoj se çdokush duhet të tregojë respekt. Brazili nuk i ka rastësisht 5 Botërorë, asnjë prej tyre nuk është vjedhur. Gjithçka është fituar në fushën e blertë“, përfundon mbrojtësi 34-vjeçar.

Festë e madhe në vendin e “sambës”, ndërsa trajneri Tite ka dashur të replikojë diçka me Leo Mesin. Ylli argjentinas nuk i kurseu kritikat kundrejt arbitrave dhe akuzoi Brazilin për mbështetje.

Tite nuk bie dakord dhe e shpjegon në këtë mënyrë mendimin e tij, pavarësisht se nuk jep asnjë koment për dy penalltitë që iu mohuan Argjentinës në duelin gjysmëfinal.

“Mesi është një jashtëtokësor i vështirë për t’u markuar, por duhet të tregojë më shumë respekt në këto situata. Ai duhet ta pranojë humbjen dhe të ruajë qetësinë. Nuk duhej ndëshkuar me të kuqe kundër Kilit, jam dakord me të, por nëse flasim për ndeshjen kundër nesh, Leo ka pësuar vetëm 3 faulla.

I katërti pastaj, ai i Kasemiros, nuk ishte por e dhanë gjithsesi. Aty lindi edhe goditja me kokë e Agueros, që përfundoi në traversë. Brazili im ka luajtur në mënyrë korrekte kundër Argjentinës dhe kjo është e padiskutueshme”, përfundoi trajneri i kombëtares braziliane.

Arbitri paraguajan ishte aq katastrofik në vendimet e tij, saqë edhe mediat braziliane e kanë sulmuar ashpër, duke dalë hapur pro Mesit dhe duke evidentuar disa fakte që vërtetojnë se Conmebol kishte zgjedhur arbitrin e gabuar për atë ndeshje plot tension.

Vetëm 35 vjeç, Mario Díaz de Vivar është arbitri më i ri dhe me më pak eksperiencë në Copa America. Vetëm 4 ndeshje ndërkombëtare për kombëtaret, me gjithë ndeshjen e së shtunës, tregon qartë çfarë vlerësimi skandaloz i ka bërë Conmebol finales së vogël.

Historia e Mario Díaz de Vivar është e mbushur me episode polemike dhe vendime skandaloze.

Kartoni i kuq për Dedé – Në Copa Libertadores 2018 Boka Zhuniors përballej me Kruzeiro, për çerekfinalet e kompeticionit. Mario Díaz de Vivar ishte arbitër në VAR dhe ishte ai që i dha kryesorit Eber Aquino që të nxirrte me karton të kuq mbrojtësin brazilian Dedé, për shkak se goditi me kokë portierin Andrada, me Boca Juniors që fitoi 2-0.

Më pas, Conmebol e anuloi pezullimin e Dedé, por Mario Díaz de Vivar e bëri gafën e pakthyeshme gjatë ndeshjes.

Penalltia skandaloze – Mario Díaz de Vivar ka drejtuar 211 ndeshje në karrierë dhe ka një mesatare të frikshme kartonësh të kuq, me një të tillë në 3 ndeshje. Në vitin 2018, në ndeshjen Independiente de Campo Grande – Sol de America, Díaz de Vivar nuk dha një penallti skandaloze për skuadrën vendase.

Sergio Aguero zhbllokoi ndeshjen shumë shpejt. Sulmuesi i Mançester Sitit mori një asist nga Leo Mesi. Ylli i Barcelonës tregohet dinak, nis shpejt një goditje dënimi, zë të papërgatitur mbrojtjen kiliane dhe nxjerr sulmuesin para porte. Kun Aguero shmang portierin kilian dhe kalon kombëtaren në avantazh në minutën e 12-të.

Argjentina nuk u ndal dhe gjeti sërish golin dhjetë minuta më vonë. Paulo Dibala mori një asist të bukur nga Di Celso, shmangu me anë të një veprimi fantastik një mbrojtës kilian dhe dërgoi topin sipër portierit Arias.

Pjesa e parë u mbyll me tension. Geri Medel, i njohur për stilin e ashpër dhe karakterin luftarak, u shty me Leo Mesin. Ky i fundit nuk reagoi, por arbitri paraguaian i ndëshkoi të dy me të kuqe.

Ishte minuta e 37-të e ndeshjes, ndërsa ky ishte kartoni i dytë i kuq në karrierë për yllin argjentinas. Mesi kishte provuar për herë të parë shijen e daljes me të kuqe në një miqësore kundër Hungarisë, e zhvilluar në vitin 2005.

Kampionët në fuqi të Kilit reaguan në pjesën e dytë. Teknologjia VAR akordoi penallti dhe Arturo Vidal nuk gaboi nga pika e bardhë. Argjentina rezistoi, e ruajti avantazhin dhe arriti të fitonte medaljen e bronztë në Kupën e Amerikës.

Pengu i madh i Kilit mbetet gjysmëfinalja e humbur përballë Perusë, çka i hoqi mundësinë djemve të kolumbianit Rueda të ishin përballë Brazilit në finalen e madhe.

Argjentina-Kili 2-1
(Aguero 12’, Dibala 22’ / Vidal (pen) 59’)

Megjithatë, djemtë e drejtuar nga kolumbiani Rueda kanë gjetur golin, duke rihapur takimin. Arutor Vidal ka shndërruar në gol një penallti të fituar nga teknologjia VAR, pas ndërhyrjes së parregullt të Xhovani Di Celso.

Mesfushori i Barcelonës tregohet i saktë përpara Franko Armani dhe rezultati i finales së vendit të tretë shkon 2-1 për Argjentinën.

Të dy ekipet kanë shkuar në dhomat e zhveshjes me nga një lojtar më pak. Arbitri kryesor ka ndëshkuar me të kuqe Leo Mesin dhe Geri Medel. Ish-interisti e ka ngacmuar gjatë gjithë lojës dhe shtyrjet kundrejt kapitenit lojtarit të Barçës nuk kishin ndalim.

Në minutën e 37-të, arbitri paraguaian De Vivar i ka befasuar të gjithë. Ndërkohë që Medel shtyn Mesin, ky i fundit nuk bën asnjë reagim. Rezultati? Karton i kuq për të dhe të dy ekipet humbasin kapitenët e tyre.

Ky është kartoni i dytë i kuq në karrierë për yllin argjentinas. Mesi kishte provuar për herë të parë shijen e daljes me të kuqe në një miqësore kundër Hungarisë, e zhvilluar në vitin 2005.

Finalja për vendin e tretë po zhvillohet në këto momente dhe Argjentina sapo ka kaluar në avantazh. Sergio Aguero ka shfrytëzuar një asist të Leo Mesit dhe ka gjetur rrugën e rrjetës.

Ylli i Barcelonës tregohet dinak, nis shpejt një goditje dënimi, zë të papërgatitur mbrojtjen kiliane dhe nxjerr sulmuesin e Sitit para porte. Kun Aguero shmang portierin kilian dhe kalon kombëtaren “albiceleste” në avantazh në minutën e 12-të.

Dhejtë minuta më vonë erdhi edhe dyfishimi. Lo Celso dhuroi një asist shumë të bukur për Paulo Dibala. Fantazisti juventin kryen një driblim dehës, niset drejt portës dhe kalon topin sipër portierit Arias. Kili është kthyer në macen e zezë të Argjentinës, duke e mposhtur në dy finalet e fundit, por Mesi me shokë po ia dalin të hakmerren deri në këto momente.

Pavarësisht se 21-vjeçari i Milanit qëndroi në stol gjatë fitores 2-0 kundër Argjentinës, triumf që kualifikoi Brazilin në finalen e madhe të Kupës së Amerikës, Ziko nuk i kursen elozhet për të.

“Paketa është një fenomen i vogël dhe ka arritur ta menaxhojë shumë mirë krahasimin që i bëjnë njerëzit me Kaka. Ka gjithçka për t’u bërë një futbollist i madh. Nuk është një trekuartist, por një numër 8. Mund të shënojë shumë gola me inkursionet e tij, mos të harrojmë që ka edhe një goditje të mirë me kokë”, përfundon Ziko.

Festë “samba”, por edhe protesta pafund nga kombëtarja “albiceleste” që pretendon për dy penallti të padhëna kundrejt Agueros dhe Otamendit.

Riçarlison ndihet i lumtur për fitoren. Sulmuesi i Evertonit e ndoqi klasiken e famshme nga stoli dhe as që ia ndjen për komentet e rivalëve të urryer të Argjentinës.

“Ata po ankohen për gjykimin, por le të flasin sa të duan. Në finale është Brazili, ndërsa Argjentina të ankohet për pjesën e mbetur të jetës”, thekson 22-vjeçari duke mos e kursyer ironinë.

Without a doubt, like here; when Alves should’ve been sent off with a second yellow and Argentina should’ve been given a pen, but instead it wasn’t reviewed and was let go which led to a brasil goal. Why supply VAR when its gonna be ignored in times when its needed? pic.twitter.com/DeT7TJC4Et

— Alvino Bambino (@ClassicPlayzYT) July 3, 2019

Segundo penal no cobrado a #Argentina. Codazo de Arthur a Otamendi. Detestable @CONMEBOL pic.twitter.com/vBKuy1v4L9

— JD? (@JuanDisciascio_) July 3, 2019

Shumë lojtarë e kanë pranuar se karriera e tyre ka ndryshuar pas një gabimi nga pika e bardhë. Është e rëndë ta përballosh fajin dhe barrën e rëndë, ndërkohë që askush nuk e harron dhe nuk ta fal kurrë gabimin.

Por, ka edhe më keq. Dikush çmendet dhe pretendon të marrë jetën. Ka ndodhur më parë, shpresojmë të mos përsëritet më. Kolumbia nuk ia doli të kualifikohej në gjysmëfinalen e Kupës së Amerikës për faj të një penalltie të humbur.

“Fatkeqi” ishte Uilliam Tesilo, mbrojtësi i Club Leon në kampionatin meksikan. 29-vjeçari gaboi nga pika e bardhë, ndërsa lojtarët e Kilit u treguan të saktë dhe u kualifikuan në gjysmëfinale.

Kërcënimet nuk kanë munguar kundrejt Tesilos dhe familja e tij është në panik. Sharja, ofendime dhe presion me marrje jete. Në Kolumbi ka ndodhur edhe më parë. Mbrojtësi Eskobar ishte i pafat në autogolin e shënuar në Botërorin e vitit 1994 në ndeshjen kundër SHBA.

Kolumbia u eliminua dhe lojtari, për të cilin interesohej Milani, u vra pas disa ditësh në vendlindje. Një ngjarje që i tronditi të gjithë dhe familjarët e Tesilos kërkojnë ndihmë.

“Na mbetet vetëm që të lutemi. Duhet ta kuptojmë se bëhet fjalë vetëm për futboll. Mund të fitosh, por edhe mund të humbasësh”, shprehet mes frikës dhe pasigurisë babai i mbrojtësit për “Marca”.

Ndeshja përfundoi në barazim pa gola, ndërsa fati i penalltive ju buzëqeshi peruanëve. Nëtë gola të shënuar dhe vetëm një gabim, ai i sulmuesit të Barcelonës. 32-vjeçari shpërtheu në lot pas eliminimit të dhimbshëm të djemve të Oskar Tabarez, të cilët ishin ndër pretendentët kryesorë për fitimin e trofeut të madh.

“Dëshiroja të godisja lart dhe fort, por ndodhi vetëm e dyta. Pavarësisht eliminimit tonë, mund të them që ky rezultat nuk ishte aspak i drejtë”, thekson Suarez, i cili goditi fort, por gjuajtja e tij ishte pothuajse tokazi dhe portieri i Perusë kreu një pritje të bukur.

?? LUIS SUÁREZ: “En el penalti le quise pegar arriba pero fuerte. A pesar de haber perdido, este resultado es injusto” pic.twitter.com/ZrppEP3IzV

— El Chiringuito TV (@elchiringuitotv) June 30, 2019

Ndërsa pak minuta më parë, u mbyll dhe takimi mes Venezuelës dhe Perusë, me të dyja skuadrat që ndanë nga një pikë pas barazimit 0-0. Gjithçka mes dy skuadrave ishte e barabartë, që nga qarkullimi i topit 50%-50%, deri te gjuajtjet në kuadrat, nga pesë për secilën skuadër. Megjithatë, goli mungoi.

Në fundin e takimit, pati dhe tension në fushën e lojës. Futbollisti i Venezuelës, Mago, u ndëshkua me karton të kuq, duke u pezulluar për takimin pasardhës. Pas raundit të parë, Brazili është në krye të grupit A, me 3 pikë, ndërsa vendi i dytë dhe i tretë është për Venezuelën e Perunë, me nga një pikë, ndërsa Bolivia renditet e fundit me 0 pikë dhe -3 golavarazh.

Copa America

Venezuela – Peru   0-0