Ante Rebiç është ndër të preferuarit, por jo vetëm. Ideja e fundit quhet Edinson Kavani. 32-vjeçarit i përfundon kontrata me PSG-në verën e ardhshme, ndërsa përfiton 12 milionë euro në sezon.

Ideja e rikthimit në Serie A, aty ku ka shkëlqyer me Palermon dhe Napolin, e tundon. Corriere dello Sport raporton se Interi ka ngarkuar tre agjentë që të nisin negociatat, në fillim me sulmuesin e pastaj me klubin francez.

Uruguaianin e pret një kontratë 3-vjeçare me 9 milionë euro rrogë sezonale. Fakti që në Milano do të bashkohet me Diego Godin dhe Matia Vesinon është një plus i madh. Raportet e “El Matador” me dyshen zikaltër, sidomos me mbrojtësin, janë perfekte.

Diçka e tillë u pa edhe në miqësoren mes Interi dhe PSG-së. Kavani dhe Godin biseduan, bënë shaka dhe qeshën pafund me njëri-tjetrin. Ku i dihet, Godin mund ta ketë ftuar Kavanin që të bashkohet me të në Milanon zikaltër. Urdhri i kapiteni nuk vihet në dyshim…

Yann's the man! ?

Welcome, #Karamoh ????

??https://t.co/wr1hs3nLoR#NextchApter #ForzaParma pic.twitter.com/S99ki63O4m

— Parma Calcio 1913 (@ParmaCalcio_en) July 17, 2019

Karamoh u aktivizua në 17 ndeshej të Serie A me Interin, ku shënoi një gol. Sezonin e kaluar 21-vjeçari qëndroi në huazim te francezët e Bordosë.  Sulmuesi u ble dy vite më parë nga Kaen për 6 milionë euro, por konkurrenca e madhe në një ekip si Interi nuk i dha mundësinë të merrte minutat e nevojshme.

Duke qenë se çmimi i lartpërmendur është i papërballueshëm për financat e Interit, drejtori Marota ka filluar të mendojë për alternativa të tjera. Sipas “Corriere Dello Sport”, fokusi i klubit zikaltër tashmë është te kolumbiani Duvan Zapata.

Sulmuesi i Atalantës mbylli sezonin më të mirë të karrierës së tij, ku në 37 ndeshje shënoi 23 gola. Kontrata e Zapatës me klubin bergamask mbaron në fund të sezonit të ardhshëm, një fakt ky që i bën më të lehta negociatat për kartonin e lojtarit.

https://www.youtube.com/watch?v=ZUmP4fptSuo

Në minutën 25-të futbollisti shtatshkurtër kreu një goditje fantastike me të djathtën që nuk i la asnjë mundësi portierit kundërshtar.

First #Inter 2019/20 Line-Up

Handanovic (c)
D'Ambrosio
de Vrij
Skriniar
Candreva
Sensi
Brozovic
Gagliardini
Perisic
Esposito
Longo#LuganoInter

— Alessandro Rimi (@Ale_Rimi) July 14, 2019

ZGJEDHJA  – “Të zgjidhja Interin ishte e thjeshtë. Në fillim fola me Marotën, më pas me presidentin me të cilin ndaj ambicien për të kthyer Interin si më parë. Fakti që Marota është ka rolin e drejtorit ishte një diçka që më shtyu, ai më njeh mirë të mirat dhe të metat e mija”.

DIFERENCA ME JUVENTUSIN – “Jam në një ndër klubet më të mëdha të botës. Nuk duhet të vendosim limite pa filluar akoma kampionati. Nuk dua të përdor alibi.  E dimë të gjithë që në vitet është krijuar një hendek ndaj Juventusit, por edhe Napolit. Për ta zvogëluar këtë hendek duhet të punojmë më mirë se të tjerët duke dhënë gjithçka. Në fund do të shohim se çfarë do të ndodhë”.

SKUADRA DHE KAMPIONATI – “Kam gjetur një skuadër me një bazë të shëndoshë besoj se do bëjmë mirë. Jam ndër ata njerëz që besoj se mund të fitoj edhe nëse më jepet 1% shans. Në tetë vitet e fundit ka qenë një skuadër në krye që ka bërë një kampionat tërësisht të vetin. Në sezonin tim të parë te Juventusi e mora skuadrën pas dy sezoneve në vend të shtatë dhe dolëm të parët, pavarësisht se kundër kishim një Milan shumë të fuqishëm. Te Çelsi mbërrita pasi skuadra ishte renditur në vend të 11-të dhe fituam kampionatin. Me Italinë munda Spanjën që atëherë ishte kampione bote. Asgjë s’është e pamundur, por duhet punuar në fushë, merkato dhe në mentalitet. Tifozëve u premtoj se tentojmë gjithçka”.

VËNIA NË SHITJE E IKARDIT DHE NAINGOLAN – “ Morëm kohë së bashku me klubin për vendosur. Unë do të jem gjithmonë në i vendosur përkrah vendimeve të klubit. Jemi të bashkuar”.

Sensi ka qenë një ndër lojtarët më të përfolur në Itali gjatë muajve të fundit. Mesfushori shtatshkurtër ishte një ndër objektivat kryesorë të Milanit që e kërkoi me ngulm edhe një vit më parë, por drejtuesit e “djallit” nuk arritën të gjenin akordin me Sasuolon.

Futbollisti 23-vjeçar do të jetë një përforcim madhor për mesfushën e Interit. Finalizimi i kësaj është një lajm i keq për ata tifozë zikaltër që donin të shihnin me fanellën zikaltër Nikolo Barelën e Kaljarit. Mesa duket 22-vjeçari nga Sardenja do të zgjedhë një destiancion tjetër.

Siç raportohet nga mediat italiane, Konte ka studiuar me kujdes të gjithë lojtarët e akademisë dhe ka vendosur të mos përfshijë asnjë futbollist me ekipin A, madje i ka kërkuar klubit t’i shesin në mënyrë që të rrisë sa më shumë buxhetin për të sjellë në San Siro lojtarë të afirmuar.

Tre futbollistë të akademisë ka nxjerrë Interi në shitje. I pari, është Davide Morola, i cili duket shumë pranë firmës me Bolonjën. Plot 2 milionë euro dhe 20% të vlerës së tij në rast se shitet sërish në të ardhmen do të përfitojë Interi.

Ndërsa dy futbollistët e tjerë, janë Burgio dhe Vergani, të cilët do të nënshkruajnë me Atalantën. Klubi bergamesk do t’i paguajë Interit 5 milionë euro për dy futbollistët e talentuar.

Pintus tashmë ka një marrëveshje paraprake për t’u bashkuar me Interin. Ndonëse trajneri nuk ka qenë kurrë pjesë e stafit të Kontes, ka qenë pjesëtar i stafit të Juventusit kur Konte ishte futbollist.

56-vjeçari Pintus ka qenë me Real Madridin që nga viti 2016 dhe kontrata e tij do të skadonte verën e ardhshme. Duke lënë Real Madridin dhe Juventusin mënjanë, ai gjithashtu ka punuar te Çelsi, Marsejë dhe Palermo.

Juventusi, Milani, Roma apo dhe Interi janë ekipet që mund të kenë trajner të ri. Pikërisht këta të fundit kanë qenë në kontakte të vazhdueshme me Antonio Konten dhe një rikthim i tij në Serie A, duket çdo ditë e më pranë.

Sipas lajmeve të fundit që raportohen nga mediat më të mëdha në Itali, trajneri është shumë pranë nënshkrimit me Interin dhe zyrtarizimi është vetëm çështje ditësh. Sipas gjasave java e ardhshme do të jetë vendimtare, me Konten që do të prezantohet si trajneri i ri i zikaltërve.

Është Antonio Konte emri i përzgjedhur për stolin dhe ish-trajneri i kombëtares italiane ka arritur marrëveshjen me drejtuesit zikaltër, raporton gazetari i Sky Sport, Xhanluka Di Marcio.

Mungon firma, sepse nuk lejohet ende, por marrëveshja është arritur dhe do të zyrtarizohet sapo të përfundojë kampionati.

Bëhet fjalë për një kontratë 4-vjeçare, ndërsa vendimtar ka qenë Bepe Marota, i cili e ka bindur ish-trajnerin e Juventusit që të bëhet pjesë e një projekti ambicioz për të rrëzuar Juven nga froni.

Natyrisht, është një ndryshim me pasoja, sepse largimi i Spaletit dhe stafit të tij kushton rreth 30 milionë euro, ashtu si do të kushtojë edhe Konte.

Në kampin e Juventusit lajmi për largimin e Alegrit ka marrë dhenë, me klubin bardhezi që nuk ka bërë asnjë përgënjeshtrim, shenjë e qartë, që diçka po ndodh. Megjithatë, lajmi tjetër se Antonio Konte është pranë rikthimit në Torino duket se nuk ka baza të forta.

Së fundmi, “Sky Sport” raporton se Konte po bisedon me Interin, ku ka një lidhje të fortë me administratorin e deleguar Bepe Marota. Oferta e zikaltërve duket bindëse, sidomos projekti i grupit Suning, me Konten që duket se po bindet gjithnjë e më shumë.

Aktualisht, Interi duket më afër trajnerit, por nuk përjashtohet edhe ndonjë skenar tjetër. Pavel Nedved e kërkon me ngulm rikthimin e tij, por presidenti Anjeli nuk duket dhe fort dakord, kjo edhe për shkak të largimit me polemika në vitin 2014. Në atë kohë Konte deklaronte: “Nuk mund të pretendosh të hash me 10 euro në një restorant ku duhen të paktën 100 euro.”

Lidhur me një rikthim të mundshëm të Kontes te Juventusi, ka folur dhe trajneri aktual i bardhezinjve, Masimiliano Alegri. Numri një i stolit të “Zonjës së vjetër” ka reaguar me tone të ashpra ndaj gazetarëve, duke thënë se kanë pesë vite me të njëjtat diskutime dhe në fund gjithmonë janë gabim.

“Do të rikthehet Konte? Gazetarët mund të shkruajnë çfarë të duan. Gjithmonë është e njëjta gjë dhe i njëjti diksutim. Ata thonë se do të largohem çdo vit, por kam qenë këtu për plot pesë vite. Kemi dhe një muaj kohë për të përgatitur sezonin e ardhshëm.”

Trajneri aktual Masimiliano Alegri u shpreh në përfundim të takimit të së martës se nuk ka ndërmend të largohet nga kampionët e Italisë, qëndrim ky që ishte i njëjtë me atë të presidentit Andrea Anjeli.

Gjithsesi, situata pritet të qartësohet gjatë muajve në vazhdim. Konte fillimisht duhet të mbyllë njëherë e mirë gjyqin me klubin e Çelsit, ku kërkon të dëmshpërblehet për shkarkimin nga skuadra londineze me 23 milionë euro. Ky proces gjyqësor zgjat prej thuajse 1 viti.

Në fillim të vitit 2014 Antonio Konte ia bëri të qartë presidentit të Juventuesit Andrea Anjeli se ai do të dorëhiqej në fund të sezonit, duke mos e respektuar kontratën e tij që përfundonte deri në vitin 2015.

I gjendur në këtë lloj situate Alegri së bashku me drejtuesit e lartë të Juventusit Fabio Paratiçi dhe Xhuzepe Marota u takuan me agjentin e trajnerit serb që asokohe drejtonte Sampdorian. Mes palëve u arrit një marrëveshje për një kontratë dy vjeçare me një opsion për një sezon të tretë.

Gjithçka dukej e kryer, derisa pak javë më vonë Konte ndryshoi mendje dhe gjithçka u shkrumbua. Për ta bërë situatën akoma më të trishtë për Mihajloviç, Konte bëri përsëri një kthesë 180 gradë duke u dorëhequr në fund të sezonit, pasi mori drejtimin e kombëtares së Italisë, ndërsa drejtuesit e Juves zgjodhën Alegrin, i cili vazhdon  e sot e kësaj ditë të jetë “timonieri” i kampionëve të Italisë.

KRIZA E INTERIT – “Gjithçka filloi me barazimin ndaj Sasuolos, më pas erdhi dhe eliminimi nga Kupa e Italisë. Është një moment “jo”, por çdo vit i ka momente të tilla. Trajneri duhet të tregohet trim për të zgjidhur këto gjëra. Dje isha tifoz me Bolonjën, sepse është në një pozitë shumë të keqe në renditje. Interi është akoma i treti, por të tjerët po i afrohen”.

ZGJIDHJA – “Duhet shumë punë. Lojtarët duhet të lexojnë sa më pak gazeta dhe të dëgjojnë sa më pak lajme. Spaleti ka eksperiencë të madhe, do t’ia dalë. Kemi dhe Europa League përpara, jemi vetëm në shkurt, s’duhet ta hedhim gjithçka në erë. Momenta të tilla ndodhin, por një trajner i mirë di si të dalë nga kjo situatë”.

KONTE – “Në kundvështrimin tim hija e Kontes është tek Interi. Ai ka bërë shumë mirë te Juve dhe Çelsi. Mendoj se ai është trajneri i duhur për zikaltrit. Nuk po them se duhet të vijë. Mbetem i mendimit se Spaleti duhet të qëndroj gjatë, pasi ka bërë mirë, por për situatën e tanishme Konte do të ishte i duhuri për Interin”.

DONARUMA APO HANDANOVIÇ – “Zgjedh Donarumën, pasi është më i ri dhe ka bërë shumë mirë, por dhe Handanoviç është shumë i fortë. Edhe dje bëri shumë mirë. Te rasti i golit nuk më pëlqeu shumë, por kreu 2-3 pritje të jashtëzakonshme”.

KONTRATA E IKARDIT – “Kur Ikardi nuk shënon, tifozët nxitojnë të vënë gishtin te çështja e kontratës. Megjithatë ai ka treguar vit pas viti se është i aftë të shënojë 15-20 gola, dhe disa prej tyre në momente ku skuadra vuan. Sigurisht situata e kontratës nuk është diçka pozitive, sidomos për tifozët që dallohet se nuk po e përjetojnë mirë këtë situatë”.

TRANSFERTA MË E VËSHTIRË – “Mendoj se negociatat më të vështira kanë qenë ato të Karlos Tevezit. Ai është një lojtar të cilin ne e kontaktuam në verën e 2011-ës, kur nuk po kalonim një sezon të mirë. Nuk u kualifikuam në Champions League dhe kjo gjë i largon disa nga lojtarët me emër, por ai ishte ndryshe, na tha në fund: Do vij te ju, me ose pa Champions! Më pas patëm probleme financiare, por ai mbeti në mendjen time dhe pas dy vitesh e sollëm në Torino.

KRAHASIMI KONTE, ALEGRI – “Konte ishte një trajner që punonte në bazë të një sistemi dhe mua më duhej të gjeja lojtarë të cilët i përshtateshin sistemit të tij. Alegri është një trajner më fleksibël. Ai ka ka disa sisteme loje dhe gjen zgjidhje të shpejta në varësi të situatave. Pra, me atë kemi nën vëzhgim një gamë më të zgjeruar lojtarësh”.

Sipas burimeve të së përditshmes italiane “La Stampa”, numri një i klubit roman ëndërron të sjellë Antonio Konten në krye të skuadrës së tij romane. Firma me ish-trajnerin e Juventusit dhe Çelsit do të jetë tejet e vështirë, prandaj në tavolinë janë dhe dy opsione të tjera.

Bëhet fjalë për ish-trajnerin e Fiorentinës Paulo Soza dhe Vinçenco Montelën, ky i fundit e ka drejtuar Romën për një periudhë të shkurtër në vitin 2011. Në ndryshim nga Konte, i cili është në një proces gjyqësor ende të pazgjidhur me klubin e Çelsit, diçka kjo që e pengoi të negocionte me Real Madridin, pas shkarkimit të Lopeteguit.

Sipas burimeve të medies angleze “Sky Sports”, avokatët e Kontes po bëhen gati për ta çuar cështjen e shkarkimi të tij në gjykatën e arbitrazhit sportiv (CAS) në Lozanë të Zvicrës, ku do të kërkojnë që klienti i tyre të shpërblehet me tetë milionë Euro për shkak se është shkarkuar në mënyrë të padrejtë.

Klubi i Çelsit po përdor disa “kurthe” ligjore për t’ia vonuar këtë kompensim ish-trajnerit, duke i bërë të ditur atij se gjatë dy viteve të tij te Çelsi ai ka shkelur disa rregulla të kontratës së tij si: Sjellja e gabuar me lojtarët (përjashtimi i Diego Kostës), vonesa në daljet për shtyp, mosprania në eventet e sponsorve të klubit dhe më qesharakja nga të gjitha, parkimi i gabuar i makinës në ambientet e kompleksit stërvitor.

Sipas Sportmediaset, përgjegjësi për merkaton e Milanit, Leonardo ka kontaktuar me Antonio Konten. Mesa duket tekniku italian i ka shprehur gatishmërinë për të ardhur në Milano, gjithmonë pasi të përfundojë detajet e fundit të mbylljes së bashkëpunimit me Çelsin.

Kujtojmë se Konte ka drejtuar më parë dhe kampionët në fuqi të Italisë, Juventusin, në vitet e rikthimit të lavdishëm të bardhezinjve në krye të futbollit italian dhe jo vetëm për 3 sezone. Gjithsesi ardhja e teknikut Konte nuk është ende e sigurt pasi nuk përjashtohet edhe mundësi për një rinovim të Gatuzos deri në 2020.

Vendimi i trajnerit të Çelsit Antonio Konte për të larguar me çdo kusht nga ekipi sulmuesin spanjoll Diego Kosta ka vënë në rrezik lidhjen e tij mjaft të ngushtë me lojtarët. Diego Kosta është një personazh shumë i dashur në dhomat e zhveshjes së Çelsit dhe pavarësisht se ndodhet në Brazil, ai vijon të mbajë kontakte të rregullta me shokët e tij më të ngushtë në ekip, Uillian, David Luiz dhe Çesk Fabregas. zhvillimet me Diego Kostën kanë çelur një tjetër front përplasje për trajnerin Konte, që duket se ka nisur të humbasë dhe mbështetjen e disa peshave të rënda në ekip. Shumë lojtarë të tjerë të Çelsit e shohin veten të rrezikuar dhe i frikësohen një fundi në ekip sikurse dhe spanjolli. Ndaj siç raportojnë mediat britanike, shumë prej lojtarëve të Çeslit kanë nisur të pozicionohen në konfliktin ehapur Antonio Konte-Diego Kosta. Nuk është e vështirë të kuptohet se në cilin krah janë pozicionuar lojtarët e Çelsit, të cilët kanë shtuar dhe më shumë presionin mbi teknikun italian të kampionëve të Anglisë.
Çelsi urdhëron kthimin e lojtarit – Pozitat e Antonio Kontes në klub janë lëkundur dhe më shumë, teksa të martën klubi ka urdhëruar sulmuesin rebel Diego kosta të lërë Brazilin dhe të kthehet në Londër. Sipas “Daily Mail”, drejtues të klubit kanë kontaktuar me sulmuesin dhe i kanë kërkuar të kthehet në Londër, të rinisë stërvitjen, të kapë formën optimale dhe të përgatitet për një vend titullari. Kjo kërkesë e katërfishtë e Çelsit është shenja e parë se londinezët kanë vendosur të bëjnë paqe me sulmuesin, i cili ka dëmtuar jo pak imazhin e kampionëve të Anglisë në një intervistë të dhënë për britaniken “Daily Mail”, ku nënvizonte se tek Çelsi po e trajtojnë si një kriminel.
Deklarata e sulmuesit – Në një intervistë të dhënë për “Daily Mail” të hënën në mbrëmje, Diego Kosta ka deklaruar se po e detyrojnë të largohet nga Çelsi, teksa ka sulmuar trajnerin Antonio Konte. Ai e ka cilësuar italianin një trajner të shkëlqyer, por që i mungon karizma dhe mirësjellja.

Për të ka disa alternativa. Së pari, të rikthejë paqen me Diego Kostën, ndonëse ky duket varianti i fundit në tavolinën e bisedimeve. Vështirë se trajneri italian do të bëjë prapakthehu, aq më shumë me gjithçka ka ndodhur këto javë në shtypin britanik pas publikimit të sms-së nga Diego Kosta, ku njoftonte dëbimin nga Çelsi prej trajnerit Konte. Sipas medieve britanike, mësohet se Çelsi është vënë në lëvizje me urgjencë dhe ka kthyer menjëherë kokën nga Alvaro Morata. Spanjolli është një tjetër nga dëshirat e mëdha të trajnerit Konte. Italiani do të ishte i gatshëm t’i ofronte një vend titullari. Tashmë lëvizja i takon Çelsit. Për më shumë kampionët e Anglisë e kanë të qartë se çfarë duhet të bëjnë për të bindur Realin të lërë të lirë lojtarin e vet. Në Madrid janë të qartë, nuk do të lejojnë largimin e Moratës për më pak se 80 milionë euro.

Edhe Beloti në listë – Sakaq, në listën e Kontes është dhe sulmuesi i Torinos dhe i kombëtares italiane, Andrea Beloti. Pas zhurmës së madhe në fillimin e merkato, kuotat e italianit kanë rënë ndjeshëm. Por me zhvillimet e fundit nuk përjashtohet mundësia që Çelsi të marrë sërish në konsideratë afrimin e italianit.