Trajneri Kovaç njoftoi ditën e sotme se gjithçka është sheshuar, ndërsa nuk dha detaje mbi arsyet e nisjes së debatit që degjeneroi në grushte midis dy sulmuesve.

Ditën e sotme revista franceze “L’Equipe” ka zbuluar se si filloi përplasje e futbollistëve. Marrëdhënia midis Levandovskit dhe Koman kishte qenë e tensionuar prej disa javësh për shkak se polaku nuk shërbehej shumë nga francezi, i cili preferonte shpesh të driblonte e të godiste portën në vend që t’i pasonte pykës së bavarezëve.

Inati i mbledhur prej disa javësh kulminoi ditën e djeshme, teksa Levandovski filloi ta kritikonte hapur në stërvitje. Koman iu kthye dhe pas ngritjeve të zërit pasuan grushtet.

Dje, në sfidën ndaj Hertës së Berlinit, Koman u fut në minutën e 58-të të një sfide që rezultoi me e ndërlikuar nga sa pritej, por vetëm 9 minuta më vonë u dëmtua. Francezi ra në tokë pa e prekur askush dhe po mbante kofshën e majtë, shenjë se ka pësuar ndonjë tërheqje muskulore.

22-vjeçari është operuar dy herë në karrierë dhe këtë sezon mungoi për disa muaj, aq sa i dëshpëruar deklaroi se nëse operohet sërish, do ta lërë futbollin.

Të hënën do të kryhen kontrollet e detajuara për të parë shkallën e dëmtimit, por te Bajerni tashmë nuk dinë ç’të bëjnë, sepse sulmuesi po dëmtohet thuajse çdo ndeshje, edhe kur duket në formë perfekte.

Megjithatë, mbrëmja u mbyll keq për 22-vjeçarin, i cili në minutën e fundit të ndeshjes pësoi një dëmtim në gju dhe nuk i luajti minutat e shtesës. Gjithsesi, talenti i Bajernit doli nga fusha duke ecur vetë.

Anësori ofensiv i kombëtares franceze duket i mallkuar, sepse vitin e shkuar kreu dy operacione në gju dhe është dëmtuar sërish në të njëjtin vend.

“Do të kryhen kontrolle mjekësore, atëherë do të dimë diçka më shumë, por nuk duket mirë”, tha i zhgënjyer pas ndeshjes trajneri Niko Kovaç. Para pak kohësh Koman deklaroi bujshëm se nëse do i duhej të operohej sërish, do ta linte futbollin.

Ndërhyrjet e vazhdueshme kirurgjikale dhe rutina e mërzitshme e riaftësimit ka bërë që sulmuesi të vërë në dyshim të ardhmen e karrierës së tij, edhe pese është vetëm 22-vjeç. Në një intervistë për emisionin e famshëm francez, “telefoot”, Koman dha deklaratën befasuese.

“Nuk do të pranoj të futem përsëri në dhomën e operimit. Vjen një moment kur duhet të thuash boll. Ndoshta, këmba ime nuk mund ta përballojë intensitetin e këtij sporti. Nëse ndodh përsëri do t’i jap fund dhe do vazhdoj jetën time larg stadiumeve dhe kamerave”, u shpreh sulmuesi francez.

Pasuesi i Riberisë? – “Jo është e pamundur. Nuk mund të ketë të dytë si Riberi, por ai mbetet një shembull për mua. Dua të jem Kingsli Koman dhe jo pasuesi i Frenk Riberi. Do të ishte një ëndërr e bërë realitet nëse do të bëhem një ditë aq i rëndësishëm për Bajernin sa Riberi dhe Roben. Dua që të plotësoj pritshmëritë që klubi ka për mua.  Ata të dy janë ikona

Titulli? – “Asgjë nuk ka mbaruar. Do të bëjmë gjithçka në pjesën e dytë të sezonit. Nëse mundim Dortmundin në Allianz Arena diferenca shkon në gjashtë pikë. I kemi të gjitha mundësitë për të qenë kampion”.

BOTËRORI I HUMBUR – “Nuk u mërzita. Jam ende i ri dhe luaj në një klub si Bajerni. Kam që tani fituar tituj të shumtë. Isha i dëmtuar, e tillë është jeta. Duhet të vazhdoj përpara dhe të jem mirënjohës. Mund të fitojmë akoma tituj me Francës, më mbetet të punoj fort  e të shpresoj që unë të jem atje.