Colorado Rapids

Gashi me ekip të ri, por milionat nga Amerika i shtyjnë rikthimin

Sport Ekspres — Sun, 14 Jul 2019 15:35:42 +0000

E ardhmja e Shkëlzen Gashit është në Zvicër. Ish-sulmuesi i kombëtares shqiptare është prej gati 6 muajsh pa ekip pasi ndërpreu bashkëpunimin me amerikanët e Colorado Rapids. Mediet zvicerane përflisnin për një rikthim të shqiptarit te klubi i Grasshopers, por së fundmi një tjetër burim e largon 30-vjeçarin nga qyteti i Zyrihut.

Sipas “Aargauer Zeitung”, Gashi do të vijojë futbollin profesionist me skuadrën e Araut, klub ky që militon në “Challenge League”, divizionin e dytë për nga rëndësia. Ky do të jetë një rikthim për mëngjarashin, i cili ka qenë pjesë e këtij klubi gjatë periudhës 2010-2012.

Megjithatë, transferimi ka një detaj shumë të veçantë. Gashit i duhet të presë deri në janar për t’u regjistruar me skuadrën e re. Shkak për këtë është fakti se futbollisti vazhdon të paguhet nga klubi amerikan. Paga vjetore e Gashit është 1.4 milionë euro në sezon.

Largimi i Gashit nga Colorado Rapids ishte njëanshëm dhe për këtë arsye futbollistit i lind e drejta të paguhet deri në fund të kontratës që mbaron në dhjetor të këtij viti.

FOTO | Kampionati amerikan nis me gola dhe… rekord acari!

Sport Ekspres — Mon, 04 Mar 2019 15:06:40 +0000

Fundjavën që lamë pas nisi sezoni i ri i kampionatit amerikan të futbollit, MLS. Një ndër ndeshjet më të veçanta ishte ajo mes Kolorado Repdis dhe Portland Timbers, e cila përveçse spektaklit që dhuroi në fushë, ishte e veçantë, pasi u shndërrua në ndeshjen më të ftohtë të luajtur ndonjëherë në MLS.

Në kohën që u luajt ndeshje, termometri regjistronte temperaturën -7 gradë celcius. Sfida u luajt e gjitha nën reshjet e borës, ku spektakli nga të dyja ekipet nuk mungoi. Plot gjashtë gola të shënuar, karton i kuq si dhe penallti e humbur.

Në fund të takimit, të dy skuadrat ndanë nga një pikë, me vendasit, të cilët barazuan në minutën e 94-të shifrat në 3-3 edhe pse luajtën që nga minuta e 27-të me dhjetë lojtarë.

VIDEO | Gashi i papërmbajtshëm, dopietë për sulmuesin kuqezi

Sport Ekspres — Sat, 16 Feb 2019 20:14:58 +0000

Shkëlzen Gashi ka shkëlqyer në miqësoren e Colorado Rapids kundër Las Vegas. Ekipi i sulmuesit mëngjarash ka fituar me rezultatin 3 – 0 në një të takim ku dy prej golave erdhën nga këmbët e Gashit.

Gashi goal 2??#Rapids96 | #LVvCOL pic.twitter.com/PiymLfvZJL

— Colorado Rapids (@ColoradoRapids) February 16, 2019

Kampionati amerikan i futbollit, “MLS”, fillon në muajin mars dhe periudha e shkurtit i gjen të gjitha ekipet pjesëmarrëse në fazë parapërgatitore.

Shkëlzen Gashi i mungon kombëtares shqiptare që prej ndeshjes kundër Maqedonisë më 6 shtator të 2016-ës. Gjasat që 30-vjeçari të rikthehet pjesë e kombëtares kuqezi janë shumë të pakta.

Zyrtare: Kolorado Rapids zbulon të ardhmen e Gashit

Sport Ekspres — Thu, 29 Nov 2018 09:55:51 +0000

Kolorado Rapids po mendon për sezonin e ri futbollistik dhe bërja e një bilanci në këto momente është gjëja e duhur. Klubi amerikan që garon në MLS ka publikuar listën e futbollistëve që do të vijojnë të mbeten në ekip.

Janë plot 18 lojtarë që vijojnë kontratat e tyre, mes tyre edhe sulmuesi Shkëlzen Gashi. Sulmuesi shqiptar do të nisë sezonin e katërt në Shtetet e Bashkuara të Amerikës. Nisja e Gashit ishte e mirë me Koloradon, pasi arriti të shënojë 10 gola në kampionatin debutues.

Dy sezonet e fundit nuk kanë qenë të mira, por jo pa arsye. Sulmuesi ka pësuar disa dëmtime që e kanë lënë shpesh jashtë fushave të blerta dhe nuk është se ka luajtur shumë. Kjo ka bërë që edhe golat të jenë të paktë, nga dy për sezon.

LISTA E LOJTARËVE TË KOLORADOS
Portierë (2): Tim Howard, Zac MacMath
Mbrojtës (7): Kortne Ford, Marlon Hairston, Axel Sjöberg, Tommy Smith, Sam Vines, Danny Wilson, Deklan Wynne
Mesfushorë (7): Kellyn Acosta, Cole Bassett, Nana Boateng, Johan Blomberg, Sam Nicholson, Jack Price, Dillon Serna
Sulmues (2): SHKËLZEN GASHI, Niki Jackson

Paaftësi e sulmuesve, apo aftësi e mbrojtësve?! Gashi “shijon” skenën

Sport Ekspres — Sun, 14 Oct 2018 07:20:08 +0000

Kolorado Rapids fitoi mbrëmë kundër Minesota Junajtid me rezultatin e pastër 0-2 dhe mori tre pikë me mjaft vlera. Në fushë nga minuta e parë ishte edhe sulmuesi shqiptar Shkëlzen Gashi. Ai nuk mundi të shënojë dot, por gjithsesi doli i gëzuar nga fusha.

Por një episod i veçantë mund të veçohet nga ky takim. Portieri Mat Lampson dhe mbrojtësit e Minesotës në një moment arritën të shpëtojnë portën e tyre nga breshëria e gjuajtjeve të lojtarëve të Kolorados.

Gashi ishte gjithashtu në zonë, por në asnjë moment topi nuk shkoi në drejtimin të tij. Ishte nga ato raste që goli nuk donte të hynte. Aftësi e mbrojtësve dhe portierit të Minesotës, apo paaftësi e futbollistëve të Kolorados? Dilemë e madhe…

https://www.facebook.com/MLS/videos/2082219688758443/