Bornemuthi e zyrtarizoi huazimin e mbrojtësit të djathtë të premten dhe Klajn debutoi sot në Kupën FA, kundër Brajtonit, ndërsa te Liverpuli mbetet vetëm Aleksandër-Arnold si mbrojtës i djathtë, por Klop është i bindur se ka alternativa tek të rinjtë.

“Klajn më pyeti nëse ishte i lirë të largohej. U mendova dhe pastaj i thashë ‘Po, mundesh, sepse kemi opsione të tjera dhe të rinj që po rriten”, tha Klop para sfidës së Kupës FA kundër Ulvs, në program të hënën.

“Probably not…”

Liverpool boss Jurgen Klopp admits the Reds are unlikely to add signings this month despite losing two squad players to Bournemouth.

More: https://t.co/Xw383ACuh0 pic.twitter.com/Fpbum3WS4x

— Sky Sports Premier League (@SkySportsPL) January 5, 2019

“Mund ta mbash një lojtar, por nuk është e lehtë ta mbash me sasinë e duhur të vetëbesimit. Kur erdha unë, Klajn luante thuajse çdo ndeshje, ishte i rëndësishëm dhe në formë, por më pas u dëmtua në shpinë dhe iu desh pak kohë sa të merrte veten. Aty ndodhi ndryshimi, Gomez ishte në formë fizike dhe Trent doli në pah”.

Liverpuli shiti edhe sulmuesin Dominik Solanke për 19 milionë sterlina plus bonuse te Bornemuthi, por Klop nuk ka nevojë për blerje: “Ndoshta jo, nuk do të blejmë në janar. Solanke duhej të largohej, ka nevojë që të luajë rregullisht, edhe pse është stërvitur shumë mirë. Ne duam të blejmë lojtarë të rinj dhe duam t’i mbajmë të rinjtë tanë, por nuk duam t’ua bllokojmë rritjen, nëse shohim që diçka mund të jetë për të mirën e tyre”.

Një dëmtim në shpinë në korrik të 2017-ës bëri që 27-vjeçari të qëndronte për më shumë se 10 muaj në infermierinë e të kuqve dhe që prej rikthimit ai nuk ka qenë më ai i dikurshmi. Gjithsesi kjo nuk ka stepur disa klube të Premier Ligës, që besojnë akoma te aftësitë e tij.

Sipas medies së njohur britanike “The Sun”, për Klajn janë të interesuara ekipet e Fulhemit, Lester Sitit dhe Kardif Sitit. Këta të fundit përfliten si skuadra më pranë marrëveshjes me lojtarin. Duhet theksuar se bëhet fjalë vetëm një huazim 6-mujor, pasi Klop beson se Klajn është në gjendje për të bërë kthesën, por për këtë do i duhen shumë minuta nëpër këmbë, diçka që te Liverpuli nuk ia plotësojnë dot.