Një tjetër emër ka dalë së fundi në skenë. Klaudio Ranier është i interesuar për t’u ulur në stolin e “qymyrxhinjve”. 67-vjeçari mbylli në fund të sezonit raportin me Romën dhe në Premier Ligë rikthehet gjithmonë me kënaqësi.

Ranieri shkroi një ndër historitë më të bukura të futbollit në sezonin 2015-2016, duke fituar titullin kampion me Leister Sitin. Italiani ka drejtuar edhe Çelsin dhe Fulhemi, ndërsa Nukasëlli mund të bëhet ekipi i katërt anglez që drejton.

Claudio Ranieri is interested in replacing Rafael Benitez as #NUFC manager, according to Sky sources.

— Sky Sports News (@SkySportsNews) June 25, 2019

Pikërisht ky i fundit ka folur ditën e sotme përpara mediave, ku ka diskutuar gjatë mbi çështjen “De Rosi”. Sipas numrit një të stolit të Romës, vendimi nuk u mor nga ai, me Ranierin që shtoi se nëse do ishte në dorën e tij, do ta mbante ende mesfushorin në ekip.
“Kur tifozët më kërkuan shpjegime për vendimin e marrë, i sigurova që nuk ishte vendim i imi. Nuk kam folur ende me të dhe nuk e di nëse do të luajë ndaj Sasuolos. E shoh mirë dhe të motivuar, edhe pse me siguri do të jetë i thyer nga brenda. Ndoshta edhe gjumë nuk ka fjetur këto netë.
Është normale për dikë si ai, që është një flamur këtu. Drejtuesit dhe klubi mund të ndryshojë, njësoj si lojtarët. Është ligj i futbollit. Ndoshta Daniele bëri më të mirën për Romën, duke mos thënë asgjë tjetër. Të jesh kapiten dhe të dashurohesh nga tifozët, të bën të kesh një sjellje tjetër. Nëse unë do kisha qëndruar? Si një teknik futbolli do të thoja që më bënte punë si lojtar dhe do ta doja në ekip.
E njoh një lojtar, një burrë dhe një kapiten. Ka shumë mënyra për të qenë lider në futboll, De Rosi është lideri ideal për një trajner. Gjithmonë mendon për ekipin dhe jo për egon personale, gjë që çdo trajner e kërkon te lojtarët e tij. Shpresoj që të jetë një festë e madhe ndeshja ndaj Parmës që t’i jepet lamtumira më e bukur e mundshme.”

Oferta iu bë Klaudio Ranierit, i cili pranoi pa kushte. Ai është një romak puro dhe Romën e ka në zemër. 67-vjeçari ka folur përpara ndeshjes kundër Juventusit, që zhvillohet të dielën në darkë.

Ranieri zbulon të ardhmen e tij, analizon sfidën që duhet fituar me çdo mënyrë, nuk rresht kurrë së përsërituri pasionin e madh që ndjen për ekipin që drejton dhe e mbyll me një këshillë për drejtuesit e klubit.

“Kundër Juventusit fitohet me vendosmëri dhe përqendrim. E dimë që kemi humbur një mundësi të mirë në Xhenova dhe tifozëve duhet t’u tregojmë reagimin tonë. Kemi edhe tre ndeshje për të mbërritur në Champions dhe nuk duhet të kemi pengje. Nuk duhet të tërhiqemi tani, por të japim maksimumin që prej ndeshjes me bardhezinjtë.

E ardhmja ime? Erdha këtu sepse Roma më thirri. Jam një tifoz dhe erdha me dëshirën më të madhe. Fundi i sezonit sjell edhe fundin e punës time këtu. Juventusi është një pikë referimi. Roma ka nevojë jetike për të patur stadiumin e vet. Më pas mund të nisë rivaliteti me Juven, por pa stadium do e ketë shumë të vështirë”, përfundon Klaudio Ranieri.

Pikërisht kjo ka qenë edhe arsyeja e krisjes së argjentinasit me ish-trajnerin e tij. Pastore ishte kthyer në një zëvendësues të Zaniolos apo Pelegrinit dhe kjo situatë e shqetësonte. Në një moment kur Di Françesko e kishte thirrur të futej në lojë në pjesën e dytë, 29-vjeçari e ofendoi trajnerin. Situatë kjo që e minimizoi në maksimum minutazhin e fantazistit në fushë për aq kohë sa trajneri 49 vjeçar ishte në stolin e Romës.

Ndeshja e radhës zhvillohet nesër në darkë. Djemtë e Ranierit do të udhëtojnë drejt Xhenovës për t’u ndeshur me Sampdorian vendase. Një sfidë e vështirë dhe Klaudio Ranieri ka respekt për kolegun Xhampaolo dhe mënyrën se si i bën të luajnë dhe luftojnë skuadrat.

Trajneri i Romës pret një konfirmim nga ekipi i tij, flet për talentin Zaniolo dhe e mbyll me sulmuesin Xheko.

MOMENTI – “E di që pika me Fioren nuk vlen shumë, por fizikisht jemi mirë dhe po përmirësohemi në aspektin psikologjik. Le të nisemi nga pjesa e dytë e ndeshjes së fundit. Kemi fituar besim dhe nesër dua ta konfirmoj këtë fakt. E vlerësoj shumë Xhampaolon. Duhet të jemi të kujdesshëm dhe të kthjellët kundër Sampdorias, pasi skuadrat e tij të mbysin me presing.”

ZANIOLO – “Ai e ka përsëritur shumë herë që dëshiron të qëndrojë këtu. Ka një kontratë deri në vitin 2023, ai nuk dëshiron të largohet dhe Roma nuk ka ndërmend ta shesë. Xheko? Mua më pëlqen mënyra se si luan Edini. Të gjithë sulmuesve u qëllon një periudhë ku nuk arrijnë të shënojnë shumë gola. Në portë do të luajë Mirante, edhe pse kam konsideratë për Olsen. De Rosi donte të luante me Fiorentinën, ndërsa nesër mund të na japë një dorë të madhe.”

Pas ndeshjes, trajneri Ranieri ka folur për mediat. Italiani është shfaqur thuajse i dorëzuar, teksa është treguar edhe i sinqertë në përgjigjet e dhëna për sa i përket gjendjes aktuale të Romës.

NDESHJA – “Të them të drejtën po bëjmë gjithçka që mundemi. Pësuam golin e parë në tentativën e parë të kundërshtarit. Arritëm të barazonim, por ende nuk jam i sigurt se si. Pas fillmit të pjesës së dytë, pësuam përsëri. Është shumë e vështirë ta ndihmosh ekipin. Të tjerët vrapojnë më shumë , luajnë më fort dhe ne po bëjmë gjithçka që mundemi.”

MOMENTI – “Po mundohem që t’i rikthej sa më të fortë, por nuk është e lehtë. Zaniolo ishte në një formë të shkëlqyer, por pati probleme me stomakun të premten dhe nuk ishte në kondicionin e duhur për të startuar sot. Napoli ta vë shumë në vështirësi.”

LOJTARËT – “Kur e sheh nga jasht i krijon disa ide. Më pas, nga brenda ëshët shumë herë më ndryshe, por do mundohem të rregulloj aq sa të mundem. Ekipi ka kualitet, por kur vuan shumë humbje nuk mund të rikthehesh si me magji. Kemi lojtarë si De Rosi, Manolas, Kolaro apo Xheko, të cilët nuk janë në 100% e tyre. Fatkeqësisht kjo është situata.”

RIKTHIMI – “A pendohem që u riktheva te Roma? Kurrë! Nuk pendohem kurrë nesë shkoj te Roma kur ka nevoje.”

Trajneri i famshëm është ndalur te çështja e Patrik Shik. Ranieri pranon se çeku dhe Xheko mund të luajnë së bashku dhe ka besim të plotë te cilësitë e Shik. Ai dëshiron vetëm zhbllokimin e 23-vjeçarit.

“Shik dhe Xheko duhet të luajnë bashkë për mendimin tim. Patrikun e pashë të hynte në fushë me zemërim dhe dëshirë në Portugali kundër Portos. Ai është i fortë, ka cilësi të jashtëzakonshme, ka teknikë dhe shpejtësi. Nëse do të zhbllokohet dhe është afër kësaj, tifozët do të dashurohen me këtë djalosh”, thekson Klaudio Ranieri.

Pak momente më parë, Roma ka zyrtarizuar shkarkimin e trajnerit Eusebio Di Françesko dhe nga mediat italiane raportohet se zëvendësuesi i tij, duket se është gati. Bëhet fjalë pikërisht për Klaudio Ranierin, i cili së fundmi drejtoi Fulhemin në Premier Ligë.

L’#ASRoma comunica che da oggi Eusebio Di Francesco non è più il responsabile tecnico del Club.

La Società ringrazia l’allenatore per il lavoro svolto sulla panchina giallorossa e gli augura il meglio per il futuro. https://t.co/WX5DQNd0Sw pic.twitter.com/L5iXqw8Cv9

— AS Roma (@OfficialASRoma) March 7, 2019

Ky do të ishte një rikthim për trajnerin italian në krye të Romës, teksa kujtojmë, Ranieri e ka drejtuar ekipin verdhekuq nga viti 2009 deri në vitin 2011, ku në një nga sezonet i shkoi shumë pranë titullit kampion.

Ky ka qenë një sezon i vështirë për Romën. Oshilacione në paraqitje dhe rezultate, ndërsa po i tillë ka qenë dhe për trajnerin. Di Françesko ka qenë gjithmonë në qendër të kritikave dhe mjaftonte një rezultat negative që të giithë të flisnin për shkarkimin e tij.

Siç raporton “Sky Sport 24”, Roma ka vendosur t’i besojë stolin Klaudio Ranierit. Italiani i famshëm mbylli përpara pak ditësh aventurën aspak positive me Fulhemin dhe do të ishte gati të rikthehej tek ekipi me të cilin bën tifozllëk dhe që e drejtoi gjatë viteve 2009-2011.

Roberto Donadoni është një tjetër emër, i cili shihet si pasuesi i Di Françeskos, ndërsa Paulo Souza është shumë afër nënshkrimit të një kontrate 3-vjeçare me francezët e Bordosë.

  GOLI ME DORË I ÇIÇARITOS

Fulhemi e filloi siç duhet ndeshjen me një gol të Rajan Babel që në minutën e tretë, por të zotët e shtëpisë do të barazonin me anë të meksikanit Çiçarito. Sulmuesi i Uest Hem shtyu topin me dorë drejt portës së kundërshtarëve. Fatkeqësisht për Fulhemin sistemi VAR nuk përdoret ende në Angli.

Pa u mbyllur pjesa e parë Uest Hemi përmbysi rezultatin me anë të Diop, ndërsa Antonio shënoi golin që vulosi fitoren e vendasve gjatë kohës shtesë. Humbja e tretë radhazi për Fulhemin dhe me siguri pozitat e Ranierit janë lëkundur jo pak pas këtij 90 minutëshi.

Uest Hem 3 – 1 Fulhem

Presidenti i anglezëve humbi jetën tragjikisht fundjavën e kaluar, pasi helikopteri i tij u rrëzua dhe shpërtheu. Lidhur me këtë ngjarje ka qenë pikërisht ish-trajneri i Leister, Klaudio Ranieri, i cili ditën e sotme është parë duke bërë homazhe për vdekjen e presidentit. Tekniku italian dhe presidenti i Leister kanë pasur një marrëdhënie mjaft të ngushtë, sidomos pas titullit të fituar në Premier Ligë.

Claudio Ranieri returns to the King Power Stadium to pay his respects to his friend Vichai #lcfc pic.twitter.com/oWogCMIrgq

— Mr Geoff Peters (@mrgeoffpeters) November 1, 2018

Gjithsesi, sipas raportimeve të fundit të mediave në Meksikë, Ranieri mund të jetë trajneri i ri i kombëtares meksikane. Federata meksikane thuhet se tashmë e ka bërë ofertën në drejtimin të teknikut italian dhe tani pritet përgjigja e 67-vjeçarit.

Ish-trajneri i Interit, Romës, Juventusit apo dhe Çelsit mund të marrë drejtimin e një kombëtareje për herë të dytë në karrierën e tij, teksa eksperienca e parë ishte e tëra për t’u harruar, ku nën drejtimin e Greqisë, arriti ndoshta pikën më të ulët të futbollit grek prej shumë kohësh.