Claudio Pizarro

Tërhiqet një “makineri golash”, sezonin e fundit e luan me Verder Bremen

Sport Ekspres — Fri, 19 Jul 2019 17:22:18 +0000

Për Klaudio Pizarron mjafton me kaq. Pas më shumë se dy dekadash në maksimumin e futbollit, 41-vjeçari ka njoftuar se sezoni ardhshëm do të jetë i fundit në karrierën e tij brenda fushës së blertë.

Klaudio Pizarro

Peruani është një sulmues mjaft i njohur në arenën evropiane. Ai është aktivizuar më së shumti me Verder Bbremen, që i dha edhe mundësinë të debutojë në Evropë. Ka kaluar kohë të mira te Bajern dhe gjithashtu është aktivizuar me ekipe si Çelsi dhe Këln.

Pizarro është autor i 230 golave në 558 ndeshje në rang klubesh. Është aktiviuar rregullisht me kombëtaren peruane, ku në 85 ndeshje e ka dërguar topin 20 herë në rrjetë. “Ky do të jetë viti im i fundit. Kam biseduar me të gjithë, jam mirë, por kaq mjafton. Sezonin tim të fundit do e luaj me Verder Bremen dhe shpresoj që të kapim Evropën”, u shpreh sulmuesi.

Pizarro sfidon vitet, 40-vjeçari firmos kontratën e re

Sport Ekspres — Sun, 19 May 2019 14:41:54 +0000

Sulmuesi peruan Klaudio Pizarro kishte deklaruar në fillim të sezonit se ky do të ishte sezoni i tij i fundit në Bundesligë gjermane, por për habinë e të gjithëve 40-vjeçari nuk do ta mbajë këtë premtim. Sado e pabesueshme të duket, “bomberi” 40-vjeçar do të vazhdojë të mbetet pjesë e Bundesligës.

Ka qenë vetë klubi i Verder Bremen që ka njoftuar nënshkrimin e një marrëveshje rinovimi për sezonin e ardhshëm. Gjatë kampionatit që sapo lamë pas, Pizarro gjeti katër herë rrugën e rrjetës në 673 minuta aktivizim.

Peruani mbërriti në verën e vitit 1999, pikërisht te skuadra e Verder Bremen. Përjashto një sezon zhgënjyes te Çelsi, çdo vit tjetër të karrierës së tij në Europë, Pizarro e ka kaluar në Gjermani, ku në dy dekada ka vendosur disa rekorde.

Word. ??#Werder | @pizarrinha pic.twitter.com/kN3cw2ULXl

— SV Werder Bremen (@werderbremen) May 18, 2019

VIDEO: Mbreti Levandovski vendos rekord dhe rimerr fronin

Sport Ekspres — Sat, 09 Mar 2019 16:06:48 +0000

Robert Levandovski shënoi golin e tij të 196 në Bundesligë në takimin e sotëm ndaj Volfsburgut. Shifër kjo që i jep zyrtarisht vendin e parë në listën e golashënuesve të huaj në kampionatin gjerman.

Ky rekord mbahej prej vitesh nga ish-kolegu i polakut Klaudio Pizarro. Një tjetër fakt interesat i këtij rekordi është se polakut i janë dashur 281 ndeshje për të kaluar 40-vjeccarin e Verder Bremenit, i cili ka 185 ndeshje më shumë se bomberi i bavarezëve.

Në renditjen e përgjithshme të golashënuesve të Bundesligës, Levandovski renditet i pesti, ku para tij ndodhen emra të mëdhenj si Burgsmyler, Hajnkes, Fisher dhe legjenda Gerd Myler.

196 – Robert #Lewandowski has now scored 196 #Bundesliga goals, more than any other foreign player in Bundesliga history (Claudio Pizarro is on 195). Historical. #FCBWOB pic.twitter.com/EnhPvthhrg

— OptaFranz (@OptaFranz) March 9, 2019

VIDEO | Verderi i falet “plakushit” Pizarro, gol historik për futbollin gjerman

Sport Ekspres — Sat, 16 Feb 2019 19:58:49 +0000

Klaudio Pizarro shmangu humbjen e Verder Bremenit në transfertën kundër Hertës së Berlinit që u mbyll me rezultatin 1 – 1. Peruani shënoi golin që barazoi shifrat në minutën e fundit të kohës shtesë me anë të një goditje dënimi.

Pika e marrë ndaj kryeqytetasve që sigurisht vlen shumë për objektivin e Verderit për të kapur të marrë një biletë për “Europa League”, por Pizarro ka një arsye më shumë për të festuar se të tjerët, pasi tanimë ka vendosur një rekord të ri në futbollin gjerman.

Peruani është tani lojtari më i vjetër që ka shënuar në Bundesligën gjermanë në moshën 40 vjeç e 136 ditë. Një arritje mjaft e veçantë për Pizarron që ka njoftuar se do të dorëhiqet në fund të këtij sezoni nga futbolli i luajtur, plot 23 vite pas hodhi hapat e parë në futboll në vendlindje.

Mosha është vetëm një numër… Klaudio Pizarro nuk ka ndërmend të ndalet

Sport Ekspres — Sun, 04 Nov 2018 20:09:25 +0000

Klaudio Pizarro është një nga sulmuesit që besoj të gjithë duhet ta njohin, ose të paktën një herë duhet ta kenë dëgjuar. Muajin e kaluar, konkretisht në 3 tetor, festoi 40-vjetorin e tij dhe për një sulmues 40 vite mbi super janë jashtëzakonisht shumë.

Për shumicën më saktë, sepse për Pizarron mosha me sa duket është vetëm një numër. Vitin e shkuar aktivizohej te Këlni dhe rënia e tyre nga kategoria, i bëri të gjithë të mendonin se Pizarro e mbylli me futbollin. Futbollisti peruan i befasoi të gjithë, ku në verë firmosi për rikthimin e tij te Verder Bremen. Pjesës dërrmuese të tifozëve iu duk diçka e pakuptimtë nga ana e klubit gjerman.

Gjithsesi, për të gjithë skeptikët duket se fusha e ka dhënë përgjigjen. Tre ndeshjet e fundit, thuajse 150 minuta në total dhe bilanci është 3 gola të shënuar. Mesatarja e peruanit është për t’u admiruar, shënon çdo 50 minuta, të paktën tre ndeshjet e fundit. Klaudio Pizarro, që dikur ka veshur dhe fanellën e Bajernit të Mynihut dhe Çelsit, vijon të mos ndalet.