Në fillim të merkatos, ky transferim dukej thuajse i kryer, me Sane që ishte gati të rikthehej në Gjermani. Por Mançester Siti kërkon 100 milionë euro, para që Bajerni preferon t’i shpenzojë te francezi Dembele.

Sot, Leroi Sane ka dalë në stërvitje me “Qytetarët”, por duket qartë se nuk preferon të qëndrojë në Angli. Me merkaton që çdo ditë po i afrohet fundit, e ardhmja e mëngjarashit mbetet ende e paqartë…

Ky transferim është bërë i mundur nga Monçi, pasi ish-drejtori i Romës mësohet të ketë qenë çelësi për këtë lëvizje. Në Turqi, Fernando aktivizohej prej dy sezonesh, fitoi kampionatin dy herë dhe shënoi katër gola.

Ndërsa në Premier League, Fernando ishte pjesë e Mançester Sitit për katër sezone (2014-2018). 31-vjeçari do të vazhdojë aventurën e tij në La Liga dhe do të jetë një armë e shtuar për Seviljën.

Futbollisti 22-vjeçar ka një klauzolë largimi prej 70 milionë eurosh, shumë kjo që mund të aktivizohet nga Bajerni i Mynihut ose Mançester Siti, të dyja ekipet tani po përpiqen të gjejnë akordin financiar me lojtarin.

Megjithatë, sipas “MARCA” gjatë ditëve të fundit interesi për mesfushorin është shtuar me PSG-në dhe Mançester Junajtid që janë futur në garë për lojtarin. Te Atletiko tani u duhet të mendojnë për të gjetur pasuesin e 22-vjeçarit.

https://www.youtube.com/watch?v=juYswp18Nxo

Së fundmi për këtë çështje ka folur dhe shefi i klubit të Bajernit, Karl-Hainc Rumenige. Drejtuesi i klubit bavarez u shpreh para medieve se bisedimet për lojtarin kanë filluar dhe bëri një kthim pas në kohë, ku shpjegoi pse Bajerni u step ta blinte talentin gjerman nga Shalke vite më parë.

“Do përpiqemi ta mbyllim këtë transferim. Nuk mund t’iu premtoj se do ia dalim. Sane ka qenë një lojtar që na ka pëlqyer gjithmonë, e kishim në plane ta blinim që kur ishte te Shalke vite më parë”.

“Atëherë situata ishte ndryshe nga sot. Nuk mund t’i garantonim minuta të mjaftueshme, pasi tri vite më parë Riberi dhe Roben ishin ende në maksimumin e tyre”, tha Rumenige.

Sipas “The Telegraph”, trajneri i Mançester Sitit, Pep Guardiola, ka udhëzuar drejtuesit e klubit për të sjellë në Mançester mbrojtësin e Leister Sitit, Ben Çilluell.

Futbollisti 22-vjeçar është kthyer prej dy sezonesh në një lojtar kyç te Leister Siti, ndërsa së fundmi ka besuar besimin e trajnerit të Anglisë, Gareth Sauthgejt, duke mposhtur konkurrencën e Luk Shou dhe Deni Rouz.

Mirëpo, rezultati i takimit dhe rrjedhimisht fati i titullit të Premier Ligës, mund të kishte qenë krejt të ndryshe në rast se s’do të kishte ndodhur një shpërdorim nga sulmuesi i Leisterit, Iheanaço.

https://twitter.com/soccerapy/status/1125505662841126912

Minuta e 88-të e ndeshjes, mesfushori anglez Çuduri jep një pas fantastik për Iheanaçon, i cili i vetëm përballë portierit Ederson çon topin jashtë. Fakti që nigeriani është ish-lojtari i Sitit ka bërë që në Angli shumë të tifozë të shfryjnë në rrjetet sociale duke e akuzuar atë për tolerim ndaj ish-skuadrës së tij.

Tekniku katalanas nuk i kurseu batutat, ndërkohë që lëshoi dhe një “thumbin” për skuadrën e Jyrgen Klop, duke thënë se Liverpuli e ka pasur shumë më të lehtë se ata kampionatin për shkak të mungesës së presionit.

Si u ndjetë në momentin e golit të Kompani?
“Natyrisht u gëzova kur shënuam golin, por e dija që loja ishte e akoma e hapur. Leisteri u tërhoq mbrapa dhe nuk është e lehtë të kalosh mbrojtjen e tyre. Portieri, Shmajkëll, është lojtari i jashtëzakonshëm e lexon shumë mirë lojën e kundërshtarëve. Nuk e patëm të lehtë t’i sulmonim gjatë pjesës së parë. Na duhet dhe një fitore që të shpallemi kampion”.

Kur Kompani u çoi topin përpara, ishit i mendimit që ta gjuante?
“Jo jo. Në mendjen time s’duhet ta gjuante, por ai u tregua i zgjuar që nuk ndoqi mendimet e mija. Goli i pabesueshëm”.

Rëndësia e Vinsent Kompanisë?
“Ky klub ka lojtarë shumë të rëndësishëm. Ky klub ka krijuar histori me tituj. Këto trofe kanë ardhur si pasojë e lojtarëve që i kanë dhënë formë këtij klubi. Xho Hart, Pablo Zabaleta dhe Vinsent Kompani është një prej tyre. Fatkeqësisht dëmtohet shpesh, por kur është në formë është një mbrojtës i kompletuar, ka një personalitet lideri. E falënderojmë për golin, ishte shumë i rëndësishëm”.

“Na mbetet të shkojmë e të fitojmë kundër Brajtonit. Janë një ekip shumë i fortë, tani janë dhe më të lirshëm pasi kanë siguruar qëndrimin në Premier League. Barazuan në trasnfertë ndaj Arsenalit, ndërsa na hapën punë në në gjysmëfinalen e “FA Cup”. Gjithsesi e kemi në duart tona. Dikur ishim 7 pikë mbrapa, fituam 13 ndeshje radhazi dhe ja ku jemi”.

PRESIONI – “Në ndeshjet e fundit kemi fituar me vetëm një gol, por kemi kontrolluar krejtësisht lojën, nuk u kemi lënë skuadrave kundërshtare qoftë edhe një godijte këndi ose një gjuajtje në portë. Në tre muajt e fundit kemi qenë skuadra më e mirë. Nëse nuk fitonim një ndeshje, titulli do të na ikte, ndërsa Liverpuli luan pa presion, pasi ata e dinë që nuk e kanë në dorën e tyre, ata e kanë pasur të lehtë në ndeshjet e tyre, ndërsa ne jo. E meritojmë të ndodhemi këtu ku jemi”.

Kompani nuk shënonte nga jashtë zonës së rreptësisë prej pesë vitesh. A besoni se ishte shkruar ?

“Jo, jo aspak. Sa mbaroi pjesa e parë i thashë Kompanisë, shko përpara dhe gjuaj (qesh). Futbolli është një lojë e paparashikueshme, ka dhe gola të tillë”.

Pjesa e parë rezultoi një 45-minutësh i çmendur, ku Siti iu mohua disa herë goli për meritë të portierit Shmajkëll, ndërkohë që Leister shfaqte rrezikshmërinë hera herës me kundërsulmet.

Në të dytën, Siti vazhdoi dominimin, duke tentuar të çante mbrojtjen e ekipit të Brendan Roxhers, por në mënyrë përrallore goli që zhbllokoi takimin erdhi nga kapiteni Vinsent Kompani.

Vendasit u kanë hapur jo pak punë “dhelprave”, por skuadra e Brendan Roxhers ka arritur të rezistojë në fraksioni e parë të lojës. Rasti më i mirë ishte ai i Serxho Agueros, i cili pa t’i ndalej një top në vijën fatale nga një pritje e shkëlqyer e portierit danez Kasper Shmajkëll.

“Ky është kampionati më  i fortë ku unë kam punuar, kjo për shkak të kualitetit të rivalëve tanë. Vitin e kaluar grumbulluar 100 pikë, por këtë sezon është diçka më e veçantë. Ky Liverpuli po bën diferencën. Pashë ndeshjen në “Camp Nou”, dhe më pëlqeu shumë si luajtën, natyrisht meritat i shkojnë Barcelonës që i mundën 3 – 0. Kanë humbur vetëm një ndeshje në Premier League”.

“Në karrierën time kam luajtur përballë skuadrave jashtëzakonisht të forta, por veçoj vetëm dy. Një është ndër to Barcelona e Luis Enrikes, që kishte në sulm Mesin, Saurezin dhe Nejmarin, ndërsa ekipi i dytë është ky Liverpuli i tanishëm. Ata kanë gjithçka, janë të fortë nga ana fizike, vrapojnë fushë, ndërsa janë përmirësuar shumë në mbrojtje në krahasim me vitin e kaluar. Ishim 7 pikë mbrapa në një moment, shumë vetë menduan se mbaroi”, pëfundoi Guardiola.

https://www.youtube.com/watch?v=D3HTnyQAN38

Aguero nisi serinë e golave me një penallti, ndërsa më pas shënoi golin e dopietës. Sane i shënoi skuadrës së tij duke e çuar në 3 – 0 rezultatin e pjesës së parë, ndërsa në fraksioni e dytë të ndeshjes shënuan, Stërling, Bernardo Silva, Foden dhe Gabriel Zhezuz.

Mançester Siti 7 – 0  Shalke
Shënues: Aguero 35’ (pen), 38’, Sane 43’, Stërling 56’, B.Silva 71’, Foden 78’, Zhesus 84’

Në një intervistë të dhënë së fundi për medien spanjolle “MARCA”, Benitez komentoi garën për titull dhe bëri një krahasim të Liverpulit të tij dhe skuadrës së tanishem të Jyrgen Klop.

A ka fuqi Liverpuli për të marrë titullin kampion?

“Liverpuli i ka fuqitë, por pyetja më e drejtë në këtë moment është: A kanë ata më shumë fuqi se Siti ose Totenhemi, këta të fundit janë ende në garë, me lojtarë si Ali dhe Kejn nuk mund t’i nënvlerësosh. Do të na duhet të shohim çdo të ndodhë në ndeshjet vendimtare. Do të jetë një garë shumë e bukur për t’u parë. Nuk mendoj se do të ndikojë fakti që ata nuk e fitojnë titullin prej shumë kohësh. Kanë lojtarë dhe një trajner me shumë potencial, duhet të kenë vetëbesim”.

A shikon ndonjë ngjashmëri midis këtij Liverpuli dhe skuadrës së 2009-ës që gati fitoi titullin?

“Ndoshta kur ishim pa dëmtime, skuadra dukej si Liverpuli i tanishëm. Por në 6 vite shpenzuam 250 milionnë euro, ndërsa në vitin e fundit vetëm 17 milionë euro. Po të krahasojmë këtë Liverpul, duhet të kujtojmë se në tri vite ata kanë shënuar 400 milionë euro. Kjo është një diferencë e madhe në terma ekonomikë. Ne duhet të konkurronim duke shitur lojtarë, çka e bën gjithçka më të vështirë. Kur kthej kokën pas jam i lumtur me ato që arrita me atë buxhet”, përfundoi Benitez.

“Qytetarët” kalojnë presionin te Liverpuli, që të dielën pret Bornmuthin në  “Anfield”. Në përfundim të takimit, trajneri Pep Guardiola u shpreh se e gjithë vëmendja e ekipi të tij është për ndeshjen në fundjavë ndaj Çelsit.

“Situata ka ndryshuar shumë këtë sezon. Vitin e kaluar kishim një avantazh shumë të madh me skuadrat e tjera, fitonim shumë më lehtë. Tani kjo ka ndryshuar. Të paktën ky është mendimi im, nuk e di a mendojnë kundërshtarët të njëjtën gjë. Kemi dhe shumë ndeshje përpara, por ajo në fundjavë ndaj Çelsit do të jetë masive për ne”, tha Guardiola në përfundim të takimit“, tha Guardiola në përfundim të takimit.

Mançester Siti 2 – 0 Everton
Shënues: Laport 45+2′, Zhezuz 96′

Mançester Siti ka arkëtuar 150 milionë euro nga shitjet e lojtarëve të dalë nga akademia e tyre, madje 60 milionë euro janë përfituar nga lojtarë që nuk kanë bërë qoftë dhe një paraqitje për ekipin e parë. Në Fotogalerinë e mëposhtme ka vend edhe për një lojtar me origjinë shqiptare.

[Best_Wordpress_Gallery id=”190″ gal_title=”City talents”]

Liverpuli mund të zhbllokonte i pari sfidën, por pak ndihmesë nga fati dhe një spastrim në vijë fatale nga Xhon Stons bën që Sita ta mbante rrjetën e paprekur. Përsëritja e “VAR” tregoi se topi ishte vetëm një milimetër pa kaluar vijë fatale.

Në minutën e 40-të, Aguero i dha avantazhin Sitit dhe vazhdon ecurinë fenomanale ndaj Liverpulit, të cilëve i ka shënuar në çdo ndeshje të Premier League, që është zhvilluar në fortesën e Sitit, “Etihad Stadium”.

Liverpuli barazoi në minutën 64-të. Një krosim perfekt i Arnold gjeti mëngjarashin Robertson, i cili shërbeu për Firminon, që iu desh vetëm të shtynte topin, pak metra larg portës së Sitit.  Pas gjashtë minutash, Siti rigjeti përsëri avantazhin me anë të Sanes, i cili mposhti Alison me një të majtë perfekte.

Në mungesë të  argjentinasit, Guardiola do t’i besojë të riut Gabriel Zhezuz, i cili nuk e ka filluar mbarë këtë sezon, pasi në 11 ndeshje ka shënuar vetëm një gol, por pjesa tjetër e skuadrës po e kompenson më së miri këtë gjë.

Për momentin “qytetarët” mbajnë kreun e kampionatit anglez me 38 pikë, dy më shumë se Liverpuli dhe shtatë më shumë se Çelsi i vendit të tretë. Por, në aspektin e golevarazhit, djemtë e Pep Guardiolës janë “vite dritë” larg konkurrencës, pasi kanë shënuar 43 gola në 14 ndeshje, 16 më shumë se skuadra e Jyrgen Klop.

Mançester Siti mori një barazim të vuajtur ndaj Lionit. Ekipi vendas doli dy herë në avantazh, por golat e Laporte dhe Agueros prishën festën e skuadrës së drejtuar nga Bruno Zhenesio. Në takimin tjetër të Grupit F. Shaktar Donetsk mundi me rezultatin 3 – 2 Hofenhajmin. Falë kësaj fitoreje, ukrainasit mund të sigurojnë biletën për më tej nëse mundën në ndeshjen ardhshme vizitorët e Lionit.

Bëhet fjalë për një pastrim menisku, që do ta mbajë të paktën dy muaj larg fushave të blerta. Mbrojtësi i krahut të majtë ka pësuar shpesh dëmtime në gju, ku në të shkuarën ka këputur dy herë ligamentet e kryqëzuar.

Në mungesë të francezit, trajneri i kampionëve të Anglisë, Pep Guardiola nuk ka zgjidhje tjetër veçse t’i besojë  sërish anglezit Fabien Delf, i cili luajti gjatë shumicës së sezonit të kaluar në këtë pozicion.

Numri 1 i FIFA-s është akuzuar se ka favorizuar Sitin dhe PSG-në duke mos i dënuar, por dhe për investimet e tepruara, apo dhe një kontaktuar me Tramp, ku ika kërkuar që të organizojë Kupën e Botës. Vetë Infantino ka reaguar duke i hedhur poshtë të gjitha akuzat duke justifikuar gjthccka me ndryshimet e mëdha që kanë ndodhur në organin më të lartë sportiv në botë.

KUPA E BOTËS 2026 – “Votimi bëhet në formë demokratike dhe bëhet publik në të gjithë botën. Rregullat janë përcaktuar që në fillim. “Unë nuk kam biseduar ndonjëherë me Trampin, në mënyrë që t’i kërkoja atij ta organizonte Kupën e Botës të vitit 2026 në Amerikë dhe jo në Marok. Në asnjë paragraf që është thënë nuk ka diçka të paligjshme, apo ndonjë shkelje të rregullores. FIFA ka ndryshuar totalisht në krahasim me të shkuarën”.

PSG DHE SITI – “Unë jam presidenti i FIFA-s aktualisht, kam qenë sekretari i përgjithshëm ekzekutiv i UEFA-s më parë. Qëllimi im ka qenë të ndihmoja klubet, të mos i shkatërroja ata. Vendimi përfundimtar ka qenë gjithnjë i paneleve të gjykimit dhe jo i imi.  Nuk besoj se kam ndonjë mënyrë për të ndryshuar kartat në tavolinë të gjithsecilit. Siti dhe PSG janë gjobitur me nga 20 milionë euro. Milani që u përjashtua e rimorri vendin e tij në Europë falë CAS-it. Është përjashtuar dhe një skuadër tjetër ruse. Nëse flasin për favorizime është diçka e gabuar. Pse përjashtohen skuadrat e vogla? Nuk kanë paguar borxhet e tyre, që është diçka shumë serioze”.

BOTËRORI I KLUBEVE – “Kjo gjë bëhet për të evituar ato turne që organizohen në verë, në Amerikë apo dhe kudo tjetër. Do të merret mendim i shumicës, si në çdo vendim tjetër që merret nga ne, që është demokratike”.

BOTËRORI ME 48 SKUADRA – “Kampionati me 48 skuadra do të jetë vetëm nga viti 2026, por nëse do të jetë e mundur do ta bëjmë edhe në Katar”.

INVESTIMET E FIFA-s – “Ne kemi katërfishuar të ardhurat për federatat. Të gjitha pagat janë në auditim. Ju duhet të pyesni se ku kanë qenë më parë këto të ardhura. Pse nuk hetohet për këtë”.

VAR – “Duhet të pyesim veten se si ishim aq budallenj këto 10 vite që nuk e përdorëm dhe filluam kaq vonë ta aplikonim”.

NDESHJET E KAMPIONATIT JASHTË VENDIT – “FIFA e ka hedhur poshtë propozimin e spanjollëve që disa ndeshje të luhen jashtë Spanje. Nuk besojmë se do ishin të gatshëm të prisnin ndeshje të Premier League-s po themi. Është tjetër gjë Superkupa, pasi është një trofe pa shumë rëndësi, ndërsa është punë tjetër nëse flasim për kampionat”.

Anglia është vendi nga ku kanë ardhur ofertat më të shtrenjta për të. Dy ekipet e qytetit të Mançesterit, Siti e Junajtid kanë bërë çmos për të blerë kartonin e sllovakut, duke dërguar çeqe me vlerë deri në 75 milionë Euro në zyrat e klubit zikaltër, por çdo gjë e ka një çmim.

Sipas “fcinterneës.it”, presidenti i Interit, Stiven Zhang është i gatshëm ta shesë 23-vjeçarin, por për këtë do të duhet një ofertë që i kalon 90 milionë Euro, një shumë kjo që do të vendoste një rekord të ri përsa i përket mbrojtësave, duke thyer rekordin aktual që mbahet nga Liverpuli që shpenzoi 86 milionë Euro për të blerë kartonin e Virxhin Van Dajk nga Sauthemptoni  në janarin e këtij viti.

Ndeshja u bllokua shumë shpejt. Në minutën e 10-të një kros i Lukas Vazkes shfytëzohet mjaft mirë nga Benzema, i cili rikthehet te shënojë pas thuajse dy muajsh. Në pjesën e dytë, spanjollët shënojnë golit e dytë me një aksion spektakolar që finalizohet nga mbrojtësi Marselo. Çekët shfrytëzojnë një pakujdesi të Realit dhe ngushtojnë diferencën me Hrorovksin në minutën e 86-të, por asgjë më shumë.

Roma ka fituar lehtësisht 3-0 ndaj CSKA-së së Moskës në një ndeshje ku vëmendjen më të madhe e morën trazirat jashtë stadiumit para fillimi të takimit. Dopieta e  Xhekos dhe goli Ynder kanë mjaftuar për t’i dhënë një tripikësh shumë të vlefshëm skuadrës romane.

Pep Guardiola priste një takim të vështirë në Ukrainë, por fusha tregoi krejt të kundërtën. Siti fitoi lehtësisht 0 – 3, në një 90-minutësh ku vendosën golat e David Silvës, Laport dhe Bernardo Silvës. Në ndeshjen tjetër të këtij grupi, Hofenhajmi dhe Lioni dolën nga stadiumi me nga një pikë, pas një barazimi emocionues me shifra 3-3.

Ajaksi qëndron në pikë të barabarta me Bajernin. Holandezët mundën 1-0 Benfikën falë golit të mbrojtësit maroken Mazraui, goditja e të cilët shtangu portugezët që iu afruan shumë barazimit.

? RESULTS ?

? Back with a bang!

? Performance of the night? pic.twitter.com/KI4SL6ukxM

— UEFA Champions League (@ChampionsLeague) October 23, 2018

“Siti do ta fitojë sërish kampionatin këtë vit. Junajtid do dalë në vend të dytë, ndërsa Çelsi në të tretin e Totenhmemi në katërtin”, tha braziliani gjatë intervistës së shkurtër me gazetën angleze.

Çudia më e madhe e deklaratës së Nejmar është se Liverpuli sipas tij nuk do të renditet as në katërshe, por kjo mund të jetë bërë me dashje nga ai për të acaruar ekipin e Klop, me të cilin do të bardhet në fazën e grupeve të Champions-it.