Zyrtare | Sampdoria huazon Vrionin, mbetet në Serie B

Sport Ekspres — Fri, 19 Jul 2019 12:51:39 +0000

Xhakomo Vrioni mbetet në Serie B. Sulmuesi në pronësi të Sampdorias është huazuar për nje sezon te skuadra e Çitadelës. Ditën e sotme 20-vjeçare ka kryer vizitat mjekësore dhe është prezantuar te klubi nga provinca e Venetos.

Vitin e kaluar Vrioni ishte pjesë e Venecias, ku u aktivizua në 24 ndeshje më së shumti nga stoli i rezervave. Te Çitadela të riut shqiptar do t’i jepet një shans i dytë për të provuar veten në Serie B.

Sulmuesit e kombëtares sonë nuk po kalojnë një moment pozitiv dhe një formë e mirë me Çitadelën mund ta “katapultonte” atë në kombëtaren e drejtuar nga Edi Reja.

? Giacomo #Vrioni è granata!???
Raggiunto l'accordo con la @sampdoria per l'arrivo dell'attaccante classe 98, la scorsa stagione in forza al Venezia. Ieri le visite mediche e già agli ordini di #Venturato!
Benvenuto Giacomo!?
? La news ? https://t.co/9ylmV45sgR #ForzaCitta pic.twitter.com/WuXxhKc5tc

— A.S. Cittadella (@ascittadella73) July 19, 2019

Në kërkim të historisë, klubi pa stadium drejt ngjitjes në Serie A

Sport Ekspres — Fri, 31 May 2019 10:05:07 +0000

Një natë më parë është zhvilluar finalja e fazës “Play-off” në Serie B, nga ku do të përcaktohet edhe ekipi i fundit që do të plotësojë 20-shen e Serie A për sezonin e ardhshëm. Pas ngjitjes së Breshias dhe Leçes, një mes Citadelës dhe Veronës pritet të kalojë në elitën e futbollit italian.

Takimi i parë final është mbyllur me fitoren e pastër të vendasve të Citadelës, të cilët triumfuan me shifrat 2-0 dhe janë vetëm një hap larg historisë. Për herë të parë në historinë 46-vjeçare të klubit, Citadela ka mundësinë të ngjitet në Serie A.
E bukura në gjithë këtë histori qëndron në faktin se klubi i presidentit Anxhelo Gabrieli, nuk ka stadium për të luajtur në Serie A. Po, e lexuat mirë! Në vitin 2019, në futbollin italian ndodhin probleme të tilla.

Kjo për arsyen se stadiumi i Citadelës, “Stadio Pier Cesare Tombolato” nuk është i licensuar nga federata italiane për të pritur ndeshjet e Serie A. Një problem ky, i lënë pas dore edhe nga klubi, pasi zor se mund të mendohej ngjitja historike në elitë.
Tashmë, janë vetëm 90 minuta larg mrekullisë dhe drejtuesit e klubit kanë nisur të mendojnë zgjidhjen e këtij problemi. Zgjidhja më e mirë dhe më e thjeshtë është që të luajnë në stadiumin e Padovës, që ndodhet shumë pranë stadiumit të tyre.

Gjithsesi, më parë duhet të luajnë finalen e kthimit, ku vlen për t’u përmendur që një fitore 2-0 e Veronës nuk e çon ndeshjen në shtesë, por kualifikon veronezët, të cilët janë renditur më mirë se Citadela në kampionat.