cillesen

Nisin spastrimet, i larguari i parë nga Barça zgjedh Valencian!

Sport Ekspres — Tue, 25 Jun 2019 10:40:50 +0000

Barcelona nis me spastrimet dhe largimi i parë po kryen vizitat mjekësore dhe do të nënshkruajë me Valencian.

Bëhet fjalë për Xhasper Silesen. Portieri ka zgjedhur të qëndrojë në La Liga, por sezonin e ardhshëm do të mbrojë ngjyrat e Valencias. Kështu, gardiani holandez lë “Camp Noun” pas tri vitesh.

Cillesen en Valencia para firmar por el @valenciacf Está pasando el reconocimiento médico. pic.twitter.com/bwUYsxqs5m

— Héctor Gómez ? (@Generaldepie_) 25 juin 2019

Objektivi i përbashkët, Barcelona “lë thatë” PSG-në

Sport Ekspres — Sun, 23 Jun 2019 16:08:49 +0000

Jo vetëm Nejmar mes Barcelonës dhe PSG-së. Kampionët e Spanjës kërkojnë një portier për stolin dhe të njëjtën gjë duan edhe francezët, të cilët kërkojnë zëvendësuesin e Xhixhi Bufon.

Objektivi i përbashkët quhet Neto, braziliani i Valencias. 29-vjeçari vjen nga një sezon shumë i mirë dhe garën për të e ka fituar Barcelona. Dy klubet spanjolle do të shkëmbejnë portierët Neto dhe Cilesen, të cilët vlerësohen nga 30 milionë euro.

Akordi është arritur dhe Neto do të kryejë vizitat mjekësore orët e ardhshme. Ai pritet të firmosë një kontratë 4-vjeçare me Barcelonën, që fiton në këtë mënyrë garën me PSG.

Ndryshime të mëdha te Barcelona, pesë lojtarë me valixhe në duar!

Sport Ekspres — Tue, 28 May 2019 11:26:48 +0000

Fundi i këtij sezoni ishte një makth i vërtetë për Barcelonën, që ishte pretendent për të fituar tripletën, të paktën deri para gjysmëfinales së kthimit ndaj Liverpul. Nga aty nisi të shkatërrohej gjithçka dhe pas eleminimit nga Champions, erdhi dhe humbja në finalen e Kupës së Mbretit.

Sezoni është mbyllur dhe në Katalonjë kanë nisur të mendojnë për merkaton, ku zhvillimet janë të shumta, sidomos në dalje. Plot pesë lojtarë janë me valixhe në duar. E nisim nga porta, ku Xhasper Silesen nuk kërkon të jetë më portier rezervë dhe ka vendosur të largohet.

?? OPERACIÓN SALIDA. Cesiones ?
Denis Suárez cerca del Valencia
André Gomes tiene West Ham y Arsenal detrás se calcula unos 30M
Sergi Palencia propuestas de clubes franceses
Cucurella recompraran por 4 y saldrá traspasado tiene ofertas#mercato

— Gerard Romero (@gerardromero) May 27, 2019

Barça nuk kërkon të privohet nga shërbimet e portierit lehtë dhe kërkon të paktën 25 milionë euro. Për të vijuar me dyshen Denis Suarez-Andre Gomesh, të cilët u aktivizuan në Premier Leguaue këtë sezon me Arsenalin dhe Evertonin.

Denis Suarez

Suarez kërkohet nga Valencia dhe sipas gjasave marrëveshja do të mbyllet. Pak më e ndërlikuar duket çështja për Andre Gomes, i cili kërkohet nga Uest Hemi dhe Arsenali, por Barça kërkon të paktën 30 milionë euro.
Nëse për tre emrat e sipërpërmendur largimi është diçka që pranohet nga të dyja palët, për dyshen Rakitiç-Umtiti gjithçka është ndryshe. Drejtuesit katalanas duan t’i shesin dy lojtarët, pasi mesfusha është mbipopulluar, sidomos pas ardhjes së Frenki De Jong.
Nga ana tjetër, në mbrojtje Lengle dhe Pike janë konsoliduar shumë si dyshe dhe Umtiti nuk ka vend në formacion. Blaugranat nuk e kanë luksin të mbajnë në stol një kampion bote si Umtiti, për vetë pagën që merr në Katalonjë francezi.

Gjithashtu, vlen për t’u përmendur që nga shitja e mbrojtësit, Barcelona përfiton një shumë të majme, që llogaritet të jetë së paku 70 milionë euro.