Sipas medies së njohur turke “fanatik”, Cikalleshi dhe mbrojtësi kamerunas Dani janë dy lojtarët që janë vënë shitje nga klubi. Ky vendim i është komunikuar agjentëve të futbollistëve, të cilët po punojnë për të gjetur një destinacion të ri për lojtarët e tyre.

Akhisarspor është ekipi i katërt turk për Cikalleshin, i cili më parë ka provuar të luajë për Goztepe, Osmanlispor dhe Bashakshehir. Sulmuesi kavajas shënoi 4 gola në 18 aktivizime gjatë qëndrimit 5-mujor te skuadra turke.

“Të them të drejtën, më lumturon më shumë fitorja se goli, pasi ishim në situatë delikate pas humbjes me Islandës. Sot jam dyfish i lumtur, për fitoren dhe për golin. Ndihem shumë mirë dhe shpresoj të vazhdojmë kështu. E kam thënë dhe pas ndeshjes me Islandën, kemi punuar shumë mirë me trajnerin e ri. Me ardhjen e tij, kanë ndryshuar mekanizmat e lojës. Sot ia dolëm të shënonim, ishte e rëndësishme, pasi Moldavia u mbyll mbrapa.

Jam shumë i lumtur për golin, por edhe për rikthimin e Roshit, që kishte një vit pa luajtur. Sinqerisht, ndihem shumë mirë pasi në radhë të parë fituam, pastaj edhe që shënova. Është e vërtetë, unë jam gjithmonë me këmbë në tokë, nuk është se me një gol kam arritur diçka madhore, absolutisht që jo. Unë besoj në punë të palodhshme dhe gjithmonë kam punuar.

Jam munduar gjithmonë të ndihmoj ekipin dhe bëj gjithmonë atë që me kërkohet. Sigurisht që duhet të shënoj më shumë, por ajo që është më e rëndësishme është që ekipi të arrijë rezultatet. Sot prandaj jam shumë i lumtur, pasi ekipi arriti te fitorja. Doja me gjithë zemër që ne 4 sulmuesit të gjenim golin. Ndihemi shumë mirë, kemi ndihmuar njëri-tjetrin.

Dedikimi i golit? Sigurisht që pas shënimin të golit, pata një festim që ishte për Kornelian, gruan time, por dhe për familjen time. Ia dedikoj dhe të gjithë tifozëve. Ne ndihemi mirë, e ndjejmë mbështetjen tuaj si media”, përfundoi Cikalleshi.

RIKTHIMI – “Shiko, sot më ka mërzitur rezultati, pasi me lojën që zhvilluam, mund të arrinim diçka më të mirë. Për mua, që të rikthehem në kombëtare dhe të jap kontributin tim, është nder. Me sistemin e ri, me partner në sulm (Balajn), bëjmë shumë mirë. Më vjen keq që nuk shënuam as unë as Balaj. Jemi të mërzitur nga rezultati”.

LOJA – “I kisha si detyrë rikthimet në mbrojtje, pasi kundështari i përdor shumë mirë rivëniet anësore. Ia dola në pjesën e parë, por harxhuam shumë energji. I patëm rastet për të shënuar, kishte dhe një episod për penalltinë që pretenduam. Në pjesën e dytë, nuk kishim shumë forca për të dalë në sulm. Pjesën e parë, kishim erën në favor, por nuk e shfrytëzuam. Në pjesën e dytë, ishte më vështirë. Edhe goli që pësuam, na uli disi vetëbesimin, moralin. Gjithsesi, nuk dorëzohemi, vazhdojmë. Me trajnerin e ri dhe me skemën që përdorëm, treguam që dimë të luajmë. Nuk është më ajo Shqipëria që vetëm mbrohet. Nuk e pranoj dot këtë rezultat.

MOLDAVIA – “Me Moldavinë, do të jetë ndeshje ndryshe, pasi kundërshtarët nuk janë të njëjtë. Islanda ishte shumë e fortë fizikisht. Luftuam me ta për çdo top, nuk pësuam nga goditjet standarte. Me Moldavinë, duhet të arrijmë me doemos fitoren, por nuk duhet të flasim këtu, por të bëjmë një ndeshje shumë të mirë në fushën e lojës”, përfundoi sulmuesi kavajas.

“Ne kemi detyra që i kemi punuar gjithë javën dhe duhet të jemi rigorozë. Një goditje në fund të pjesës së p arë mund ta gjuanim ose Bekimi, por donte ta godiste Lenjani. Nëse shënonim gjërat do ishin ndryshe. Jam i mendimit, që edhe pse bëmë një pjesë të parë të mirë, më vjen keq për rezultatin”, shtoi Cikalleshi per Supersport.

“Gjatë vitit të kaluar kam qenë i dëmtuar gjatë disa grumbullimeve të kombëtares, ndërsa në raste të tjera mbeta jashtë prej vendimeve të ish-trajnerit. Gjithsesi, këto mbeten gjëra të së shkuarës, tani jam

“Ndihet ndryshimi. Shikohet në lirshmërinë e stafit dhe të lojtarëve. Ndihemi mirë me trajnerin. Kemi krijuar një raport të mirë në fillim. Ka më pozitivitet dhe harmoni midis nesh. Mendoj se po vazhduam këtu jemi në rrugën e duhur”.

“Gjatë stërvitje që kemi bërë deri tani kemi praktikuar skemën 3 – 5 – 2. Kjo skemë na bën mirë ne sulmuesve. Shpresoj që kur ta praktikojmë këtë skemë në ndeshje të rezultojë pozitive”.

“Kam një kontratë 3-vjeçare me Akhisarin, por tani jam në grumbullim me kombëtaren dhe duhet të fokusohem vetëm te kjo gjë”, përfundoi Cikalleshi.

Rënia në divizionin e dytë ka sjellë një mori problemesh për drejtuesit e ekipit turk, që tani i duhet të reduktojnë ndjeshëm numrin e lojtarëve të huaj.  Në ndryshim nga Supeliga turke, liga e parë ka një limit për lojtarët e tuaj: Jo më shumë se gjashtë lojtarë të regjistruar për skuadër.

Akhisarspor ka 14 lojtarë të huaj, pra minimumi tetë prej tyre duhet të largohen. Kontrata e Cikalleshit zgjat edhe për dy sezone, por paga e lartë e sulmuesit dhe interesi nga ekipe të tjera mund të shtyjnë drejtuesit që ta lëshojnë 28-vjeçarin.

Dukej se ekipi i Cikalleshit do të bënte surprizën e madhe, por Gallatasaraj u zgjua në 10 minutat e fundit dhe shënoi tre herë. Fillimisht, Gumus do të shënonte me penallti në minutën e 80’, ndërsa golat nga Feguli (88’) dhe Diagne (90+4’) vulosin dhe rezultatin e kësaj finaleje. Gallatasaj fiton kështu Kupën e Turqisë, por Akhisarspori i Cikalleshit ishte shumë pranë.

Kupa e Turqisë, finale

Akhisarspor – Gallatasaraj 1-3
Manu 56’ / Gumus 80’, Feguli 88’, Diagne 90+4’

Bomberi shënoi në minutën e 36’, duke i siguruar kualifikimin në finalen e Kupës skuadrës së tij, pasi dhe ndeshja e parë është fituar 0-1 nga Arkhisarspor në transfertë. Kjo rrjetë e Cikalleshit është shumë e rëndësishme për skuadrën e tij, pasi finalja e Kupës së Turqisë është një arritje e madhe.

Akhisarspor 1-0 Ümraniyespor

36′ Sokol Çikalleshi pic.twitter.com/XtVV5mGjuF

— Fotomaç TV (@Fotomac_TV) April 24, 2019

Sokol Cikalleshi është rikthyer të luajë titullar, por Akhisarpor është mposhtur në shtëpi 1-2 nga Antaljaspor. Miqtë realizuan dy herë që në pjesën e parë, ndërkohë që sulmuesi kavajas ishte protagonist me një asit në minutën e 58-të. Goli i Barbosës hapi ndeshjen, por rezultati nuk ndryshoi deri në fund.

Pushkash Akademi ka mposhtur 1-0 Mezokovesd Zsori, ndeshje në të cilën sulmuesi Liridon Latifi qëndroi 90 minuta në stol. Ndryshe situata për mbrojtësin Herdi Prenga, që po luan rregullit me skuadrën e Riga në Letoni. Kryesuesit e RFS e kanë mposhtur skuadrën e mirditorit me rezultatin 3-1.

Ish-mesfushori i Kukësit luajti 90 minuta në barazimin kundër Atyrau, duke bërë një ndeshje shumë të mirë. Edhe mesfushori tjetër shqiptar, Ledian Memushaj luajti 90 minuta për ekipin e Peskaras në Serie B. Mesfushori kuqezi nuk arriti të kontribuojë për skuadrën e tij, e cila u mposht 2-1 nga Askoli.

Ndërsa shqiptari tjetër, Cikalleshi ka marrë një fitore të vyer  sa i takon mbijeteses në transfertë kundër ish-ekipit, Goztepe. Edhe pse luajti vetëm 5 minuta për skuadrën e Akhirsarspor, Cikalleshi ka qenë një nga lojtarët më të rëndësishëm për ekipin turk që kur u transferua në janar.

TURQIA – “Unë po e nis nga kombëtarja turke dhe po them që besoj që do të luajnë me tri sulmues përpara, Jilmaz kryesor. Këto janë komntuar në Turqi. Emre do të luajë para mbrojtjes dhe mendoj se 3.4 lojtarë që janë shumë të rëndësishëm janë Emer, Tosun, Jilmaz dhe Çalhanoglu. Mendoj se janë dy sulmues që e kërkojnë shumë hapësirën dhe me vertikalizimet që Emre i bën shumë mirë, kjo do të jetë loja e Turqisë”.

FORMACIONI I SHQIPËRISË – “Sa i përket formacionet tonë, nuk mund të komentoj shumë, se më duket i paqartë. Unë mendoj që është 4-5-1 me atë që mendoj unë. Paksa Uzuni më i avancuar në mbështetje të Balajt kur ne sulmojmë”, tha Cikalleshi.

“Mediet na kanë marrë shumë seriozisht, duke na dhënë vlera maksimale, por turqit janë të bindur se do të arrijnë të fitojnë sot dhe për këtë kam bërë shumë debate për shumë miq të mi që janë pranë futbollit”.

“Sigurisht në këto momente nuk është Turqia e Botërorit të 2002-shit ose Europianit të 2008-ës. Po të ishte akoma Luçesku do të ishte diçka e mirë për ne, por me ardhjen e Gynesh situata ka ndryshuar. Është një emër i madh që bërë shumë për futbollin turk dhe jam i sigurt se ai do të dijë t’i çojë atje ku duhet ata”.

I pyetur nëse kishte dhënë ndonjë informacion stafit të kombëtares në lidhje me lojtarët e kampionatit turk, Cikalleshi u përgjigj: “Të them të drejtën me trajnerin nuk kam folur, por kam biseduar me disa nga lojtarët dhe u kam dhënë disa informacione mbi lojtarët që kam pasur kolegë kur isha pjesë e Bashakshehirit. Shpresoj që t’u kem ardhur në ndihmë”.

Sulmuesi, i cili luan prej vitesh në Turqi ishte ftuar në lidhje direkte me emisionin “Zona Gol” në “Supersport”, ku foli për kundërshtarin tonë të ardhshëm.

DËMTIMI – “Jam në fazën e rikuperimit. Para dy javësh pësova një tërheqje muskulore që më ka lënë një muaj jashtë. Fatkeqësisht ndodhi në një moment të keq për mua, si në aspektin personal, por edhe në atë të klubit e kombëtares. Futbolli i ka këto dhe duhet t’i presim me qetësi. Mendoj se do rikthehem me ekipin nga fundi i marsit”.

LISTA E TURQISË – “Duke qenë se kam qenë pjesë e Bashakshehir, në listën e trajnerit Shenol Gynesh janë katër, pesë miq të mirë të mitë. Në listë ka dhe një rikthim të bujshëm si Emre. I çova një mesazh për ta uruar për rikthimin në kombëtare pas disa vites, por natyrisht më pas i thash që në ndeshjen ndaj Shqipërisë nuk i uroj sukses. Është një ndeshje shumë e rëndësishme për ne. Shpresoj që të bëjmë një fillim të mirë”.

“Dy vitet e fundit kombëtarja turke ka pasur shumë ulje e ngritje. Ndoshta ndodh edhe prej faktit se janë në një periudhë tranzicioni. Megjithëse trajneri Gynesh ka rikthyer disi gardën e vjetër. Mendoj se situata mund të jetë në favorin tonë, pasi në listën e Turqisë nuk është lojtari i tij më i mirë, sulmuesi i Romës Xhengiz Ynder”.

SULMUESIT NË KOMBËTARE – “Normalisht më vjen mirë për Armando Sadikun. Kaloi një dëmtim të gjatë, për ne futbollistët dëmtimi është gjëja më e padëshiruar, sikur nga priten krahët. Sigurisht që do të doja të isha pjesë e listës, por dëmtimi ma bëri të pamundur. Jam i sigurt që djemtë e tjerë në sulm do të bëjnë të pamundurën për të marrë një rezultat pozitiv”.

Futbollisti kavajas pritej të rikthehej në kombëtaren shqiptare në grumbullimin e muajit mars, pasi te Akhisarispori kishte filluar të aktivizohet rregullisht në formacionin titullar që prej transferimit të tij në merkaton e muajit të janarit.

Në mungesë të Cikalleshit, trajneri i kombëtares sonë Kristian Panuçi do të duhet të hedhë sytë te alternativa të tjera për të kompletuar repartin e sulmit për sfidat ndaj Turqisë dhe Andorrës.

Akhisarspor pati triumfuar 3-1 në ndeshjen e parë, por dhe në takimin e sotëm, arriti të fitojë 1-2, duke arritur gjysmëfinalet e Kupës. Cikalleshi luajti 67 minuta dhe ndihmoi skuadrën e tij të arrijë të triumfi. Me skuadrën e Kasimpasa, luan shqiptari tjetër, Loret Sadiku, i cili u eliminua nga Cikalleshi.

Kupa e Turqisë, faza e çerekfinaleve

Kasimpas – Akhisarspor  1-2
Kolita 37’ / Barbosa 18’, Serzhinjo 84’

Ndërsa Qose ka bërë një ndeshje të shkëlqyer për skuadrën sllovake të Ruzemberok. Mesfushori 23-vjeçar shënoi golin e dytë për skuadrën e tij, në minutën e 37’ të takimit. Qose gjendet i lirë në shtyllën e dytë dhe ndëshkon portierin kundërshtar nga një distancë e afërt. Ky është goli i gjashtë këtë sezon në kampionat për shqiptarin, që është një nga lojtarët më në formë dhe më të rëndësishëm për Ruzemberokun.

Tani, pas tre vitesh, Cikalleshi është kthyer në Akhisar dhe misioni i tij është i thjeshtë: të shënojë sa më shumë dhe të bëhet një “lokomotivë”, sepse bëhet fjalë për mbijetesën e klubit në Superligë. Nuk do të jetë e lehtë, kampionati turk ka një rivalitet gjithnjë e më të madh nga sezoni në sezon dhe për momentin Akhisari është në fundin e tabelës.

Megjithatë, Cikalleshi e di çfarë presin prej tij dhe duket si Anteu i mitologjisë greke: Akhisari është toka e tij dhe sapo u kthye aty nisi të shënojë, fillimisht Beshiktashit (gol që iu hoq sepse Beshiktash e fitoi ndeshjen 3-0 në tavolinë) dhe më pas 2 golat e sotëm në kupë, pa harruar asistin që prodhoi penalltinë për golin e tretë.

#ZiraatTürkiyeKupas? ?#Akhisarspor 1-0 #Kas?mpa?a
?? Gol: Sokol Cikalleshi pic.twitter.com/d1aIzYI8R7

— a2 (@a2turkiye) February 7, 2019

Një hap drejt gjysmëfinaleve të Kupës, por sytë janë nga kampionati, ndaj Cikalleshi mundohet të tregohet i përulur dhe nuk i kushton shumë rëndësi faktit që është kthyer që tani një lider në sulmin e Akhisarit. Për “Sport Ekspres” sulmuesi 28-vjeçar deklaroi pas ndeshjes: “Jam vërtet i kënaqur për ndeshjen që luajtëm, erdhën edhe dy gola që më duheshin shumë. Ishin dy gola të rëndësishëm për mua, por sidomos për ekipin, sepse të dy kishim shumë nevojë për këtë fitore. Urojmë që të vazhdojmë kështu, sepse kemi qenë në vështirësi kohët e fundit dhe renditja në kampionat peshon shumë në mendjen te gjithë lojtarëve“.

Për Cikalleshin koha për të siguruar pikët e mbijetesës është mëse e mjaftueshme: “Jemi në shkurt, renditja është shumë e ngjeshur dhe dy ndeshjet e radhës ndaj Sivasporit dhe Ankaragyçysë janë mjaft delikate. Nëse marrim të paktën 4 pikë në këto dy sfida, gjithçka do të ndryshojë për mirë“.

Ndërkaq, për Cikalleshin situata ka ndryshuar tashmë, pas muajve të vështirë te Goztepe: “Nuk pata fat, shumë gjëra nuk ecën siç shpresoja, për shkak se problemet fizike më penguan të kapja formën ideale. Gjithsesi, tashmë jam kthyer në një ndër klubet ku jam ndjerë më mirë në karrierë dhe jam shumë i qetë, nuk e mendoj të shkuarën”.

#ZiraatTürkiyeKupas? ?#Akhisarspor 2-0 #Kas?mpa?a
?? Gol: Sokol Cikalleshi pic.twitter.com/souIhqZ7AL

— a2 (@a2turkiye) February 7, 2019

Në minutën e 41’, bomberi realizon një gol shumë të bukur me kokë, duke i vjedhur kohën mbrojtjes kundërshtare dhe duke i dhënë avantazhin skuadrës së tij.

Me fillimin e pjesës së dytë, sulmuesi kuqezi gjeti sërish rrjetën, duke shënuar një tjetër gol të bukur, teksa me një parabël mposhti portierin kundërshtar. Me këto dy gola, Cikalleshi ka tashmë tre gola në pesë ndeshje për skuadrën e tij të re, një statistikë shumë e kënaqshme për 28-vjeçarin.

Kupa e Turqisë

Akhirsaspor – Kasimpasa  3-1
Cikalleshi 41’ 52′, Hosue 73′ / Hajradinovic 90+4′

Akhisarspor 1-0 Kas?mpa?a
41′ Cikalleshi pic.twitter.com/thDadWLhn5

— A Spor (@asporcomtr) February 7, 2019

#ZiraatTürkiyeKupas? ?#Akhisarspor 2-0 #Kas?mpa?a
?? Gol: Sokol Cikalleshi pic.twitter.com/souIhqZ7AL

— a2 (@a2turkiye) February 7, 2019

Zhvendosemi në Zvicër ku përballjen e vëllezërve Ajeti, doli i fituar sulmuesi i Bazelit, Albian Ajeti, ndërsa mbrojtësi kuqezi Arlind Ajeti la Grasshopersin me 10 lojtarë në minutën e 26-të, pas ndëshkimit me dy kartonë të verdhë.

Sulmuesit shqiptarë Xhakomo Vrioni dhe Sokol Cikalleshi kanë dalë kokulur nga fusha e lojës. Venecia e Vrionit është mundur me rezultatin 3 – 0 në transfertën ndaj Beneventos, ku 20-vjeçari luajti 23 minuta. Me të njëjtin rezultat është mundur dhe Akhisarspori i Sokol Cikalleshit nga Bashakshehiri kryesues. Sulmuesi kavajas luajti për 90 minuta në këtë takim.

Edhe pse takimi nisi mirë për Akhisarspor, me Kokaliç që gjeti rrugën e rrjetës, boshnjaku prishi gjithçka vetëm 7 minuta më vonë, duke u ndëshkuar me karton të kuq dhe duke e lënë ekipin e tij me 10 lojtarë pwr mw shumw se 70 minuta . Nuk ishte e vështirë më pas për ekipin vendas që gjeti rrugën e rrjetës plot 3 herë. Muriqi shënoi emrin në listën e shënuesve duke i dhënë epërsinë ekipit të Rizesporit në minutën e 72-të.

Një humbje që djeg shumë për skuadrën e Cikalleshit, pasi me 17 pikë e sheh veten në vendin e fundit në kampionatin turk. Ndonëse ka ende shumë ndeshje për t’u luajtur, ekipi i Akhisarspor është në pozita shumë të vështira. Nga stoli e ndoqi këtë takim portieri i Kosovës Samir Ujkani.

https://twitter.com/goalradar/status/1089494822988206080

“Dhashë maksimumin  tim sa u futa në fushën e lojës. Jam shumë i lumtur që shënova, por më vjen shumë keq që ekipi humbi. Në të shkuarën pata një eksperiencë shumë të mirë në gjashtë muaj që kam luajtur për  Akhisarsporin. Kjo ishte dhe arsyeja përse presidenti i klubit vendosi të sakrifikonte për të më sjellë mua këtu”.

“Dua që t’ua shpërblej drejtuesve besimin e dhënë duke shënuar sa më shumë. Një ndër arsyet që vendosa të vija këtu ishte për të pasur më shumë minuta. Shpresoj që me paraqitjet me Akhisarsporin të më ndihmojnë edhe për kombëtaren”, tha Cikalleshi.

Bomberi u aktivizua në minutën e 46’ përballë gjigantit Beshiktash dhe bëri një ndeshje shumë të mirë. Fillimisht, 28-vjeçari gjeti rrjetën që në momentin kur u fut në lojë , por iu anulua për pozicion të parregullt.

Megjithatë, sulmuesi nuk u dorëzua dhe arriti të gjejë rrjetën sërish. Kësaj radhe, goli ishte i rregullt dhe në minutën e 81’, Cikalleshi shënoi golin e vetëm për skuadrën e Akhisarspor.

Turqi, Super Lig

Akhisarspor – Beshiktash  1-3
Cikalleshi 81’ / Tokoz 23’, Gonul 48’, Larin 76’

81′ – Goli i Cikalleshit

63′ – Goli i anuluar

Edhe pse po flitet shumë në media për një largim të 28-vjeçarit, situata është më e komplikuar, pasi sulmuesi kuqezi ka ndërruar dy ekipe gjatë këtij sezoni dhe nuk i lejohet të luajë për ndonjë skuadër tjetër.

I vetmi opsion është që Cikalleshi të rikthehet te Osmanliaspor, skuadër nga e cila u transferua te Goztepe në verë. Rregullat e FIFA-s nuk e lejojnë një futbollist të luajë për tri skuadra gjatë një sezoni dhe me shumë gjasa, Cikalleshi nuk lëviz nga skuadra aktuale.

Kjo dhe për shkak se skuadra turke është e mbingarkuar në repartin e sulmit dhe flitej edhe për një largim të mundshëm të Cikalleshit. Megjithatë, ndeshjet në Kupë kanë mjaftuar që drejtuesit dhe trajneri të binden dhe ta mbajnë në skuadër Cikalleshin, duke “sakrifikuar” një lojtar tjetër të njohur.

Cikalleshi ishte në balotazh me ish-sulmuesin e Portos, Nabil Zhilas dhe njëri nga dy do të largoheshin me patjetër në janar. Drejtuesit e Goztepes kanë zgjedhur që Zhilas të largohet, duke preferuar Cikalleshin për ta mbajtur në skuadër dhe në gjysmën e dytë të sezonit, sulmuesi kuqezi mund të aktivizohet më shumë.

“Në këtë fazë përgatitore, po bëj më të mirën. Tani jemi më mirë si skuadër dhe do të bëjmë maksimumin. Thonë që sulmuesit gjykohen nga golat dhe unë pranoj çdo kritikë. Në Kupë, kam bërë mirë, pasi kam bërë dy gola.

Më kanë penalizuar dëmtimet, por tani do të rikthehem më i fortë. Për momentin, nuk do të largohem nga Turqia, pasi jam ambientuar shumë mirë këtu. Kam pothuajse 4 vite këtu dhe shpresoj të vazhdoj gjatë këtu. Kam dhe dy vite kontratë dhe ndihem shumë mirë. Uroj që të bëj ndeshje të mira në vazhdim dhe të qëndroj këtu.

Rikthimi në Superiore- Shumë herët për ta menduar, pasi kam ende 2 vite kontratë këtu. Kam edhe 2 vite të tjera pas këtij viti dhe jam i fokusuar të bëj mirë këtu. Jam 28-vjeç dhe objektivi im është të bëj maksimumin këtu.

Kombëtarja– Ndodhem të një nga ekipet më të mira në Turqi dhe jam shumë i lumtur për këtë. Jam i sigurt që do të filloj të shënoj dhe shpejt do të jem edhe pjesë e kombëtares. Me Panuçin kam marrëdhënie shumë të mirë. E kam kuptuar edhe kur nuk më ka thërritur. Sa i takon grumbullimit për kualifikueset e Evropianit, e kam në dorë unë. Do të isha i lumtur të isha pjesë e kombëtares në këtë aventurë, por fillimisht do të jap maksimumin me klubin.

Jam mërzitur herë pas herë për mungesën e ftesë, por kombëtarja nuk është pronë e askujt. Duhet merituar ajo fanellë. Më vinte keq kur vuante ekipin dhe doja të isha aty për të ndihmuar, por këtë gjë e kam unë në dorë dhe në të ardhmen, do të bëj më të mirën për tu rikthyer”,- u shpreh Cikalleshi.

U përfol shumë për një largim te sulmuesit kuqezi dhe një afrimi të bomberit gjerman Mario Gomesh, por klubi ka vendosur që t’i japë një tjetër mundësi Cikalleshit.

Sulmuesi shtatlartë shihet si një lojtar i rëndësishëm nga drejtuesit e Goztepes, që kanë refuzuar ofertat e ardhur për shërbimet e bomberit shqiptar.

Duke parë që sulmuesit e tjerë të skuadrës, Samed Ali dhe Jan Gufran, të cilët nuk kanë qenë në formën e tyre më të mirë, drejtori teknik i klubit, Kemal Ozdes ka vendosur që të mbajë Cikalleshin në skuadër.

Në pjesën e dytë të sezonit, pritet të ketë më shumë mundësi në formacion për sulmuesin 28-vjeçar, i cili gjatë pjesës së parë nuk është aktivizuar shumë me skuadrën turke.

Duhet të përmendim se Cikalleshi nuk mund të luajë me asnjë skuadër tjetër veç Osmanlisporit dhe Gëztepes. 28-vjeçari ka kaluar një periudhë dëmtimi çka e ka detyruar që të mungojë për një kohë të gjatë. Gjatë këtij sezoni sulmuesi kuqezi luajti në 9 ndeshje mes kampionatit dhe Kupës, duke shënuar dhe 2 gola.

Një situatë jo të mirë po kalon edhe Mërgim Mavraj në Greqi, me Arisin që po sheh mundësinë për të ndërpresë bashkëpunimin me kapitenin kuqezi. Paraqitjet e qendërmbrojtësit nuk kanë qenë ajo që në Greqi kanë pritur, ndaj me shumë gjasa Mavraj duhet të kërkojë një destinacion të ri.

Në ndeshje zyrtare Cikallehsi nuk shënonte në mesin e muajit prill, afro 6 muaj e gjysmë. Gëztepe arriti që të fitonte 4-0 dhe Cikalleshi luajti për 90 minuta. Pozitive diçka e tillë, pasi Kombëtarja e Shqipërisë ka vuajtur shumë në sulm dhe rikthimi i tij mund t’i krijojë komoditetin Panuçit për të pasur një alternativë më shumë në repartin e avancuar.

https://www.facebook.com/GozGozTv/videos/318497242065295/

Sokol Cikalleshi nuk ka qenë i grumbulluar në fitoren 3-2 të Gëztepes ndaj Koniasporit. Klubi nga Izmiri ka konfirmuar se mungesa e sulmuesit vjen si pasojë e dëmtimit të pësuar në stërvitjen e një javë më parë.

https://twitter.com/goalradar/status/1046437380054536192

Për momentin nuk bëhet e ditur se çfarë dëmtimi ka pësuar Cikalleshi, por grumbullimet e kombëtareve janë më pak se dy javë larg dhe 28-vjeçari, do ta ketë të vështirë të rikthehet në përfaqësuesen shqiptare për ndeshjen e kthimit ndaj Izraelit.

I gjendur para kësaj situate, Panuçi do jetë i detyruar t’ia besojë sërish Balajt dhe Gurit rolin e sulmuesit në kombëtaren tonë. Mungesa e “bomberit” kavajas mund të sjellë që tekniku italian të hedhë një sy nga ekipi i shpresave, ku Durmishaj dhe Vrioni presin në çdo moment ftesën e tij.

Gjatë të gjashtë takimeve zyrtare kombëtarja jonë ka shënuar katër gola, dy ndaj Lihteshtejn një ndaj Maqedonisë dhe së fundmi një ndaj Izraelit. Ajo që bie në sy se asnjë nga katër golat nuk ka ardhur nga sulmuesit qendror ose siç njihen ndryshe “pykat”.

Kjo “fikje e motorëve” të sulmuesve nuk mund t’i përvishet vetëm Panuçit, pasi Balaj, Cikalleshi dhe Sadiku kanë pësuar një regres gjatë këtij viti, një situatë kjo, krejt e ndryshme nga ajo në të cilën ndodhej Xhani De Biazi tri vite më parë, ku të tre sulmuesit po spikasnin edhe në rang klubesh.

Shkodrani Balaj ka më shumë se një vit e gjysmë pa shënuar gol. Sadiku ka pasur një eksperiencë për t’u harruar në Spanjë dhe tani ka një rrugë të gjatë përpara vetes për t’u rikuperuar nga dëmtimi në gju. Cikalleshi e filloi mbarë tek Osmalispori, por forma e tij dhe e gjithë skuadrës pësoi rënie gjatë fundit të sezonit, ku klubi ra nga kategoria. Transferimi te Gëztepe është  një hap në drejtimin e duhur, por kavajasi s’do ta ketë aspak të lehtë të sigurojë një vend titullari.

Afrimi më i ri i kombëtares, Sindrit Guri, akoma se ka gjetur golin e parë kuqezi, ndërsa për herë të fundit ka shënuar një muaj më parë ndaj Anderlektit. Në katër takimet e fundit, Guri nuk ka arritur të gjejë rrugën e rrjetës dhe pozitat e tij si titullar mund të lëkunden.

Nga Turqi në Bjellorusi, Elis Bakaj po ashtu nuk ka arritur që të shënojë këtë fundjavë me ekipin e tij, Shahktar Soligorsk. Skuadra e tij ka marrë një barazim pa gola ndaj Dinamo Minsk. Kryeqytetasi ishte në fushën e blertë për 87 minuta.

Sindrit Guri në Belgjikë e nisi si titullar me Ostenden e tij, por nuk mundi që ta gjente rrugën e rrjetës gjatë 58 minutave që ishte në fushën e blertë. Edhe Azdren Llullaku ishte në fushë një ditë më parë me Astrën e tij për 90 minuta në fitoren në transfertë ndaj Dinamos së Bukureshtit. Llulaku është ndëshkuar në këtë sfidë me karton të verdhë.

Momentalisht nuk ka informacion për shumën e paguar për kartonin e sulmuesit të kombëtares. Kalimi te Gëztepe mund të konsiderohet si një hap i rëndësishëm për 28-vjeçarin nga Kavaja, pasi kemi të bëjmë me një skuadër me financa të shëndosha që vitin e kaluar u rendit e gjashta në tabelën përfundimtare të Superligës turke.

Göztepe, Sokol Cikalleshi transferini bitirdi! https://t.co/qhiOBvGE3l pic.twitter.com/4axsvug9iA

— Ajansspor (@ajansspor) August 28, 2018

Cikalleshi e nisi nga minuta e parë dhe zëvendësua në minutën 66’. Sulmuesi 28-vjeçar dëshiron të rikthehet në Superligën turke dhe interes për të ka pasur nga disa ekipe të ndryshme, por akoma nuk ka asgjë konkrete.

Me humbje e ka nisur dhe sulmuesi tjetër shqiptar, Vedat Muriqi. Futbollisti, i cili luan për kombëtaren e Kosovës e nisi si titullar ndeshjen për Rizesporin ndaj Kasimpashas, ku dhe asistoi në golin hapës të takimit. Megjithëse skuadra e Muriqit dyfishoi rezultatin, Kasimpasha kreu një pjesë të dytë të jashtëzakonshme duke përmbysur ndeshjen me rezultatin 2-3.

“Është kënaqësi që jam pjesë e Kombëtares. Çdo grumbullim për mua është si hera e parë. Me trajnerin ndihem shumë mirë, po punojmë me stërvitje taktike që do na ndihmojë për ndeshjen me Kosovën. Çdo gjë po shkon shumë mirë dhe uroj të vazhdojmë kështu.

“Jo vetëm unë, por gjithë lojtarët mundohemi të japim më të mirën në stërvitje, ndërsa trajneri zgjedh çdo ndeshje formacionin më të mirë. Ka pasur ndryshime në ndeshjet e fundit, të gjithë ne sulmuesit jemi të gatshëm për çdo situatë apo zgjedhje të trajnerit.

“E ardhmja? Merkatoja nuk është hapur ende, ndaj është paksa herët. Osmanlispori tra nga Superliga turke, ndaj e ardhmja është paksa mister. Menaxheri im po merret me shqyrtimin e ofertave. Do të jetë një verë e lodhshme, sepse merkatoja është e tillë. Ka shumë mundësi që të luaj sërish në Superligë, por do zhvillohet një bashkëbisedim i mirë me klubin, sepse duhet gjetur një mënyrë që të kënaqen të gjitha palët. Për të mirën e klubit, ndoshta do të duhet të largohem, por të shohim kur të hapet merkatoja. Kam ende dy vite kontratë me Osmanlisporin, jam profesionist dhe nuk jam nga ata lojtarë që braktisin anijen, unë largohem i fundit, por natyrisht do të jetë vetëm për interesin e përbashkët, nëse largohem. Besoj se do të gjendet marrëveshja që unë të jem pjesë e Superligës turke.

“Është shumë mirë që kampionati shqiptar transferon lojtarë në kampionate të rëndësishme të Europës. Rruga e Gurit është pak a shumë si e imja, moshë e njëjtë, të dy jemi larguar nga Kukësi drejt Europës. Guri e Abazaj janë talente, ashtu si Manaj, që do të vlejnë shumë për të ardhmen. Janë lojtarë me shumë potencial dhe jam i sigurt se do të bëjnë më të mirën.

“Miqësoret? Janë të dyja të rëndësishme. Miqësorja me Kosovën është mjaft interesante, sepse është vëllazërore, por kur të futemi në fushë do të japim më të mirën. Do të jetë një ndeshje e luftuar, me atmosferë shumë të bukur, ku do të kërkojmë fitoren. Me Ukrainën jemi ndeshur para Europianit dhe na mundën, është një favor për ne që jemi përballur një herë dhe këtë radhë do të mundohemi t’i bëjmë më mirë gjërat. Do të jetë një test i mirë për ne dhe trajnerin”.

Nuk është derbi me i egër i qytetit, por rëndësia e sfidës ishte e shumëfishtë, për shkak se të dyja skuadrat janë në vendet e fundit dhe luftojnë për mbijetesë.

Në fund triumfoi Osmanlispori me rezultatin 3-0, një fitore e madhe, që vlen sa një sezon, sepse skuadra e Cikalleshit ka dalë nga zona e ftohtë dhe mbijetesa është afruar ndjeshëm.

Mesfushori Regatin ishte heroi i takimit, me dy gola në minutat 26 e 74, ndërsa Cikalleshi nuk e gjeti golin, por bëri një punë të shkëlqyer në sulm, duke krijuar hapësira e duke vënë në siklet mbrojtjen vendase, derisa u zëvendësua në fund, kur ndeshja ishte vendosur.

Goli i sotem ne ndeshjen kunder Trabzonspor? #osmanlispor #trabzonspor #match #great #comeback #all #together #we #are #stronger

A post shared by Sokol Cikalleshi (@sokolcikalleshi) on Apr 16, 2018 at 1:06pm PDT

Trabzonspori luan për Europën, është superior, por sfida përfundoi në barazim 3-3, me Cikalleshin që ishte protagonist. Trabzonspori shkoi në avantazh 2-0 në pushim, kryesonte 3-1 në minutën e 56-të, por në minutën e 73-të Cikalleshi shënoi golin që rihapi takimin, para se Çagiran të shënonte golin e barazimit në minutën e 83-të.

Një pikë e çmuar për Osmanlisporin, që mbetet i parafundit, por gjithçka është e hapur dhe mbijetesa është një mision i arritshëm, sidomos nëse Cikalleshi luan dhe shënon, si bri ndaj Trabzonsporit, ku gjeti golin e gjashtë në kampionat, të tetin sezonal me ekipin nga Ankaraja.

Viti i ri ka nisur ndryshe për Sokol Cikalleshin, është bërë baba në fund të vitit të shkuar dhe tashmë e ka kuptuar se një gol nuk mjafton më për të përshëndetur familjen e tij. Shënoi dy gola ndaj Beshiktashit në kupë pak javë më parë, shënoi dy të tjerë dje në Gëztepe, në një barazim të çmendur 3-3, ndaj një rivali që luan për Europën. “Golat janë për engjëjt e mi, bashkëshorten dhe vajzën time”, rrëfen njeriu i ndeshjes, i cili pas njërit prej golave vrapoi drejt një prej kamerave në anë të fushës dhe vizatoi një zemër në avullin e xhamit të kamerës. 27-vjeçari është një rast i veçantë, një nga ata sulmues që çdo trajner e preferon, mbi të gjitha për faktin se është gjithnjë gati, edhe nëse e nis nga stoli. Nuk ankohet kurrë, shënon gjithnjë. 13 gola në sezonin 2015/2016 te Bashakshehiri, 10 gola vjet mes Bashakshehirit e Akisarsporit, 6 gola këtë sezon, në rreth 840 minuta futboll. Aspak keq, një gol në rreth 140 minuta dhe imagjinoni sa e vështirë është të jesh gati mendërisht e të ambientohesh menjëherë, duke nderuar ekip kaq shpesh e duke u alternuar kaq shumë mes formacionit e stolit, sidomos në periudhën kur ishte në Stamboll. Këtë sezon e ka penalizuar jo pak një dëmtim i pësuar në vjeshtë dhe klubi në janar ka blerë edhe sulmuesit Batdall. “Pikërisht ai?”, do ketë menduar Cikalleshi, pasi bëhet fjalë për sulmuesin me të cilin luante te Bashakshehir dhe që shpesh nisej sulmues i vetëm në formacion, pasi trajneri preferonte skemë me 1 sulmues, ashtu si bëri dje 50-vjeçari Ërfan Buz. Nëse Osmanlispori mundej, Buz largohej nga puna, por e shpëtoi pikërisht sulmuesi shqiptar, ai që ka mesataren më të lartë të golit në skuadër. Për “Sport Ekspres”, Sokoli ka folur për sezonin e Osmanlisporit, momentin e tij në Ankara dhe të ardhmen…

– Sokol, dy gola në janar Beshiktashit, dy gola edhe Gëztepes. Viti ka nisur me dygolësha…

– Jam i lumtur, mbi të gjitha për faktin se golat në Gëztepe na dhanë një pikë të çmuar, për renditjen dhe moralin. Jemi në një moment të vështirë, siç tregon edhe renditja, ndaj na duhen urgjentisht pikë dhe ky barazim na vlen shumë.

– Ke fituar një 11-metërsh në shtesë dhe ke marrë përsipër shumë, një penallti në minutën e 95-të.

– Nuk është e lehtë, natyrisht, sepse ka shumë tension e përgjegjësi, por unë jam mësuar dhe në përgjithësi një futbollist duhet të ketë guxim në situata të tilla. Isha i bindur se do të shënoja, ndihesha në formë dhe u futa në pjesën e dytë, ndaj kisha shumë energji dhe nuk doja që ndeshja të mbaronte aty.

Dy gola ne barazimin e sotem ndaj Goztepe #Osmanlispor #team #important #point #continue #together ??

A post shared by Sokol Cikalleshi (@sokolcikalleshi) on Feb 10, 2018 at 12:00pm PST

– E nise nga stoli, e vështirë për t’u përtypur?

– Jo, nuk më rëndon shumë moralisht kjo gjë, përndryshe nuk do të shënoja dy gola. Duhet të jem gjithnjë gati, asnjë klub nuk të mban në ekip me detyrimin për të të hedhur në fushë titullar çdo ndeshje. Unë pata një problem fizik para pak muajsh, që më la jashtë edhe në kombëtare, dhe ishte një hap pas për mua, sepse sapo kisha nisur sezonin, po luaja e po shënoja. Tani po kthehem në maksimumin tim.

– Trajneri me siguri ka qenë më i lumturi për golat e tu.

– Besoj se po, ka qenë edhe ai shumë nën presion, ashtu si ne. Na duhej patjetër një reagim, pasi jemi në zonën e ftohtë dhe nuk po arrijmë të shkulemi që aty. Është një kampionat shumë i vështirë, të gjitha skuadrat kanë lojtarë cilësorë e buxhete të rëndësishëm, ndaj nuk është e lehtë, çdo javë është si një finale. Për klubin do të ishte një katastrofë zbritja nga kategoria, ndaj kemi për detyrë të sigurojmë mbijetesën dhe shpresojmë që javën e ardhshme të kthehemi te fitorja, që do të na lejonte të luanim edhe më të qetë, sepse në një farë mënyre nuk po dalim as në lojën tonë si ekip, për shkak të këtij tensioni nga renditja e dobët.

– E mendon të ardhmen tënde, të paktën personalisht po shkëlqen.

– Shiko, unë jam në sezonin e parë te Osmanlispori dhe nuk ka kuptim të mendoj që në shkurt për të ardhmen. Jam i përqendruar totalisht te sezoni aktual dhe dua të mbijetojmë, pasi ndihem mirë në Ankara dhe dua të qëndroj gjatë te ky klub, që ka besuar shumë tek unë në verë. Vetëm rënia nga kategoria do të ndryshonte shumë gjëra, por për momentin nuk dua ta çoj ndërmend, pasi kam besim se do të mbijetojmë.

– Më i miri në fushë, por ka ardhur Batdall, pikërisht sulmuesi që kishe në ekip te Bashakshehiri dhe ishte zakonisht titullari edhe atje…

– E vërtetë, duket sikur na lidh një fije e padukshme, më është bërë “makth” (qesh). Bëj shaka, ai është sulmues i zoti, sa më shumë të jemi, aq më mirë, sepse sezoni është i gjatë dhe trajneri ka nevojë për alternativa. Rëndësi ka që gjithsecili, edhe ai që luan pak minuta, të përmirësojë diçka në ekip gjatë ndeshjes. Kush e meriton, luan, trajneri e di më mirë këtë gjë.

– Me siguri për golat e tu është informuar edhe trajneri Kristian Panuçi.

– Besoj se po, ai i ndjek të gjithë lojtarët që mund të jenë pjesë e kombëtares. Nëse bëj më të mirën me Osmanlisporin, me siguri do ta bind të jem edhe unë pjesë e kombëtares sonë. Jam gjithnjë gati dhe respektoj çdo vendim të trajnerit, kjo nuk është e nevojshme të thuhet.

– Pas golit në shtesë vizatove një zemër te kamera.

– Ishte një dedikim për dy engjëjt e mi, bashkëshorten dhe vajzën e sapolindur. Janë dy, shënova dy gola, isha i detyruar (qesh).

Intervistoi: Blerim Jahaj

“Mendoj se është një grup mjaft i ekuilibruar. Me Izraelin në ndeshjen e fundit u paraqitëm shumë mirë, duke fituar pastër, edhe pse në vajtje u mundëm. Jam optimist, mendoj se mund të kualifikohemi, edhe pse nuk është e lehtë,në një grup me 3 ekipe.

“Shanset për të shkuar në Europian? Duhet ta marrim sa më seriozisht këtë kompeticion, për ta tentuar që në Nations League sigurimin e një vendi në Europian 2020. Nuk do të jetë e lehtë, por nëse fitojmë grupin tonë, më pas mund të tentojmë të fitojmë ndeshjet finale dhe nëse vazhdojmë të luajmë si grup, mund t’ia dalim”.

Gjithsesi, për sulmuesin e kombëtares sonë ishin dy gola të veçantë, sepse viti ka nisur mbarë dhe duket se më në fund janë harruar problemet fizike të pjesës së parë të sezonit.

“Shënova dy gola që në ndeshjen e parë, nuk ka më mirë se kaq. Uroj të jetë një fillim i mbarë për mua dhe me shënimin e golave të ndihmoj ekipin të arrijë rezultate. Për shkak të dëmtimit dy mujor në pjesën e parë të sezonit u bë një kohë e gjatë që nuk kisha shënuar. Me këto dy gola e ndihmova ekipin të merrte një rezultat shumë të mirë përballë një ekipi shumë të madh si Beshiktashi”, shprehet sulmuesi, i kontaktuar nga Supersporti.

Për Cikalleshin tashmë e ardhmja është pozitive dhe shpresa e tij është që Osmanlispori të ngjitet sa më shpejt në mesin e qetë: “Ky është një ekip që lufton gjithmonë për kupat e Europës. Por, në këtë sezon starti i sezonit ishte jo i mirë dhe ndryshoi trajneri. Tashmë gjërat kanë ndryshuar për mirë, po ngjitemi hap pas hapi në renditje dhe shpresojmë që të jemi sa më lart në klasifikim”.

Kombëtarja është një temë që sulmuesi nuk mund ta anashkalojë: “Kombëtarja në vitet e fundit ka ecur me hapa galopantë. Urojmë të vazhdojmë kështu dhe të bëjmë më të mirën. Duhet ti bëjmë hapat një nga një, duke nisur nga miqësorja me Norvegjinë. Hap pas hapi do të shohim ku do të arrijmë, ne jemi të gatshëm për të bërë më të mirën për Shqipërinë. Nations League? Çdo gjë e re është emocionuese. Uroj të përfaqësohemi sa më mirë në këtë kompeticion. Arritëm njëherë të shkonim në Francë. Potenciali dihet se cili është, shpresojmë të kemi një grup të favorshëm. Nuk duhet t’i neglizhojmë kundërshtarët, të kemi fatin me vete dhe urojmë të shkojmë në Euro 2020”.

Nuk mjaftoi, sepse në vajtje Beshiktashi kishte fituar 4-1, por në aspektin personal Cikalleshi mund të ketë mëse i kënaqur, sepse po e bën shkëlqyeshëm detyrën.

Kampionët në fuqi të Turqisë shënuan të parët, në minutën e 83-të, në një ndeshje që pati emocione në fund.

Në minutën e 86-të Cikalleshi barazoi, ndërsa dy minuta më vonë shënoi sërish, këtë radhë nga pika e bardhë.

Vit i ri, Cikalleshi titullar dhe e nis me dy gola, ogur i mirë për të ardhmen.

E megjithatë, ka nga ata që habiten pse Cikalleshi vazhdon të luajë në Turqi, edhe pse realisht kampionati turk është i pasur dhe mjaft cilësor. Igli Tare, për shembull, duke folur për Supersport, i ka mëshuar idesë që Cikalleshi duhej të transferohej në një kampionat më cilësor se Turqia, ndoshta duke harruar që pak klube janë të gatshme të paguajnë për kartonin e sulmuesit kuqezi, por edhe për pagën e tij aspak të ulët. Edhe vetë Tare nuk është se ka bërë ndonjë përçapje për ta marrë Cikalleshin te Lacio, meqë mendoka se Cikalleshi ësht gati për kampionate të mëdhenj.

“Për ne shqiptarët Italia ka qenë pikë referimi, sidomos në lidhje me futbollin. Ka qenë ëndrra e fëmijërisë sime të luaja në Serinë A dhe realizova ëndrrën time kur shënova në një ndeshje kundër Milanit. Më bënte përshtypja dashuria dhe respekti i shqiptarëve që jetonin në Itali, të cilët krenoheshin që një shqiptar luante në Serinë A. Në atë Seria A kishte cilësi të jashtëzakonshme, ishte mjaft e vështirë të bëheshe pjesë, ndërsa tani Europa ka ndryshuar dhe tani shumë shqiptarë po shkojnë në futbollin italian.

“Shqipëria aktuale? Është tepër e thjeshtë për të thënë që Hysaj është lojtari më i rëndësishëm, por ka lojtarë që kanë cilësinë për të luajtur në skuadra më të mëdha se ato që luajnë.

“Ndonjëherë duhen ndërlidhur gjërat, duhet edhe pak fat, edhe momenti i duhur. Cikalleshi, për shembull, më pëlqen. Është një futbollist i fuqishëm që e njeh portën shumë mirë. Nuk e njoh personalisht dhe e kam kuptuar kurrë se si Cikalleshi, me ato cilësi që ka, vazhdon luan ende në kampionate të dorës së dytë”, tha Igli Tare.